30 сакавіка 1890 памёр Іасафат Агрызка - беларускі выдавец, журналіст, грамадска-палітычны дзеяч

Скончыў юрыдычны факультэт Пецярбургскага ўніверсітэта. У Санкт-Пецярбургу заснаваў друкарню (1859-63). Перавыдаў старажытныя законы ВКЛ і Польшчы «Volumina Legum» («Збор законаў». Сябраваў з М. Чарнышэўскім. Падчас паўстання 1863-64 стаў галоўным прадстаўніком паўстанцкага варшаўскага ўрада (камісар Нацыянальнага ўрада) у Санкт-Пецярбургу (прызначаны ў лютым 1863). У 1864 прыгавораны да смяротнага пакарання, замененага на 20 гадоў катаргі, якую адбываў у Сібіры (Акатуй, Вілюйск, Якуцк). У 1877 вызвалены з забаронаю вяртацца на тэрыторыю Беларусі, Літвы, Польшчы.

#ГісторыяМКБ