У Навагрудку за лагатып «Мая краіна Беларусь» аштрафавалі цяжарную
Жанчына падпісалася на суполку ў 2019 годзе. Яна не закрыла доступ да старонкі. Навагрудчанка не прыйшла ў суд, але прызнала віну. 21 сакавіка ў судзе Навагрудскага раёна яе пастанавілі аштрафаваць паводле ч. 2 арт.19. КаАП «Распаўсюд, выраб, захоўванне, перавозка інфармацыйнай прадукцыі, якая змяшчае заклікі да экстрэмісцкай дзейнасці або прапагандуе такую дзейнасць».
Цяжарная заплаціць штраф у 25 базавых велічынь (1000 рублёў). Тэлефон канфіскоўваць не будуць.
Будзьце асцярожныя❗️А калі вы знаходзіцеся на тэрыторыі Беларусі, то лепш у тэлеграме мець падвойнае дно, ці ўвогуле адпісацца і сачыць за каналамі без падпіскі!
Крыніца 👌 Мая Краіна Беларусь