Фота на найлепшы камэнтар

🕯 Роўна два гады таму – 25 сакавіка 2022 года – у шпіталі ад параненняў загінуў Дзмітрый Апанасовіч з пазыўным Тэрор

Напярэдадні, 24 сакавіка ў баях пад Кіевам Зміцер атрымаў раненне не сумяшчальнае з жыццём.

Але ні што не забыта і ніхто не забыты! Яго справа жыве, і Батальён «Тэрор», што названы ў гонар героя, кожны дзень помсціць за ўсіх загінуўшых беларусаў на полі бою!

Герої не вмирають!
Жыве Беларусь!
Слава Украіне!

Дзень Волі – гэта адно з самых галоўных беларускіх святаў. Менавіта 25 сакавіка 1918 года была абвешчана незалежнасць Беларускай Народнай Рэспублікі і тым самым адноўленая наша дзяржаўнасць, але ўжо ў навейшай, сучаснай нацыянальнай форме. Больш за тое, гэта таксама была заява аб тым, што беларусы зноў маюць намер быць гаспадарамі ў сваёй краіне, дзе хочуць жыць свабодна. Таксама ўлады БНР абвясцілі нацыянальны бел-чырвона-белы сцяг і гістарычны герб Пагоня дзяржаўнымі сімваламі.

Лагічным працягам дэкларацыі аб незалежнасці ў 1918 годзе было яе паўторнае абвяшчэнне пад канец XX ст. у час распаду савецкай турмы народаў. У выніку намагання не аднаго пакалення, мы маем сваю дзяржаву. Але адзінае, што нам засталося, гэта разам з суседзямі перамагчы супольнага гістарычнага ворага - Масковію і дамагчыся свабоды ўнутры нашай краіны, у нашым агульным доме. А яшчэ памятайма словы Рыгора Барадуліна:

Дваццаць пятага сакавіка –
Наша свята,
Пароль
І прысяга!

У Дзень Волі гурт NaviBand прэзентуе маштабны кліп і новую песню «Сокал». У галоўнай ролі – удзельнік «Купалаўцаў», заслужаны артыст Беларусі Ігар Сігоў.