法庭文字直播台

#西九龍法院大樓第十庭 (區域法院)
#彭亮廷區域法院暫委法官
#1112中環 #審訊 [14/30]

上午進度

D1:吳(25)/ D3:陳(22)/ D4:李(24)
D7:陳(24)/ D8:梁(24)

D2:陳(25), D5:蔡(23), D6:林(23) 在首日審訊就控罪(1)認罪，還押中。

控罪：
(1) D1~D8暴動
同被控於2019年11月12日，在中環畢打街近德輔道中及干諾道中交界一帶，連同其他身分不詳的人參與暴動。

(2)~(9) D1~D8在非法集結中使用蒙面物品
各被控於同日，在中環畢打街近德輔道中及干諾道中交界一帶身處非法集結時，使用相當可能阻止識別身分的蒙面物品，即D1~D2, D4~D7使用一個口罩、D3, D8使用一條圍巾。

其他控罪、首日審訊和案情撮要：https://teleg.eu/youarenotalonehk_live/23543

D1法律代表： #王國豪大律師
D3法律代表： #連普禧大律師
D7法律代表： #田奇睿大律師

===================
[09:45] 開庭

繼續由D1作供(第三日）
🔹控方盤問

D1昨日講到當日三點幾返回中環，企在置地廣場LV門外行人路上一陣，睇劉小姐於15:18時發出的訊息；用Google map & City mapper 睇交通，換帽，渡步，諗點樣離開身處嘅地方，提及有外國人問路去IFC，有人遞幾支膠樽裝住嘅液，D1未開始走，聽到有槍聲，身邊人走，D1走。

P16會面紀錄中問答七，與主問時證供唔同，回應係唔夠詳細，去畢打街轉去德輔道中，突然見有好多人跑，跑咗幾步聽到有人叫唔好再跑，所以停低，與主問時證供唔同，D1解釋當時講得唔夠詳細，有人遞膠樽裝住嘅液，稍一稍，當時諗唔到任何嘢，判斷唔到係咪特別事。

主控質疑問路有咩特別？點解在回答如何離開期會講生理鹽水？D1解釋目的係協助調查，如果唔係，唔會再無律師情況下堅持落口供，跑離開同俾生理鹽水係無關聯性，當時諗到咩就講咩；再解釋拘捕時身上無生理鹽水，基本上唔需要講及，無咩重要性要講，講事實係協助調查。

主控再質疑會面紀錄中問答七：「好多人在我前方跑來，大叫跑呀」，主問時講跑回畢打街原因與會面記錄原因唔同；D1承認講得唔夠清晰詳細，落口供時好亂，會面記錄基本上係啱嘅，只係省略咗，例如：跑幾步，係包括折返、再跑，所有嘢，做會面記錄時想協助警方，係省略咗好多細節。

🎥MFI 6(5), P141(7)，主控質疑D1回頭望嘅動作係早過片中外籍人士；D1望向雪廠街，見到有人，無意識係警察，印象中外藉人士跑在前邊，下意識見其他人跑轉頭，就跟住跑到凹位附近，唔記得過咗未，但記得有人講唔好再跑。

🎥MFI 6(6), P141(9)，畫面影向凹位，D1從右下角返回凹位，除口罩，手部有動作，嘗試放口罩入褲袋，有人撞過嚟，就無留意口罩，唔記得細節，無掉口罩。當時見到記者，除口罩當時無諗到，之後驚記者影相。警方要求舉高雙手，身為幕前人，俾警察叫舉手，怕影響形象，所以調整頂帽，用手遮面。

除口罩係因為唔舒服，想作嘔，哮喘病會有頭暈作嘔，但無喘氣。

[11:05~11:30] 休庭

去到北角警署有蓋停車場，警員8634在身上搵到個人物品，無被檢取，有身份證和錶，唔記得有無放入證物袋，之後去咗隔離有枱凳嘅地方，期間無保管個人財物，保釋之後，有交還個人財物。

D1唔認得偵緝警員48989，唔記得有無俾佢搜身，只記得有8634搜身，在13號凌晨有警員叫在帳幕內換衫，用電筒照住，唔記得有無搜身，肯定個人財物袋不在帳篷內，登記搜身之後無見過個袋。

在帳幕換衫係在做會面記錄之後，8634搜身係之前，唔同意48989有搜身，唔同意在袋內檢取咗5支生理鹽水做證物。

警員8634講咗8～10次「身上乜都無，應該好快放得」，有同D1講，有同其他警員講，48989無講過。

D1媽媽想買手袋，有用WhatsApp傳訊息，2018年開始講，同年識咗Natalie ，知道佢在YSL做，睇咗約3～4次手袋，每次都有影相，9月25日曾經畀過相媽媽，有透過Natalie 買過手袋、咭片套，同意控方指買手袋係唔急，無話一定要在11月12日之前做。

當日下午三點幾撞到Abby Lo，在多倫多大學識，識咗6～7年，返咗香港都有聯絡，傾偈有介紹Natalie ，其他唔記得講咩，有就本案聯絡Abby & Ben。

控方向被告指出案情：（括弧內為被告回應）
- 參與11月12日13:00非法集會示威（唔同意）
- 參與15:00之後非法集會示威（唔同意）
- 呢兩次活動有換帽掩飾身份（唔同意）
- 當日離開Cafe live直接前往中環參與示威（唔同意）
- 15:10到中環（唔同意）
- 當日參與示威，藉住你出現和其他示威者壯大升勢（唔同意）
- 藉住逗留協助和鼓勵示威者作出破壞社會安寧，從而表達自己立場（唔同意）
- 在凹位除口罩想掩蓋自己身份，係示威活動參與者（唔同意）
- 去YSL影相係藉口，隱藏示威位置（唔同意）

[12:05] 🔸辯方覆問
當日身上有藍色衫，藍色帽，藍色毛巾，無諗住參與示威。

P8漁夫帽，係做代言人嘅產品，拍呢個廣告時贊助商送嘅。

約14:10 到孖沙茶餐廳，由落單、煮、到食完係15分鐘，因為無食早餐，肚餓，平日食漢堡包都係5分鐘。

講咗好多時間，係大概時間。

唔知道置地廣場與歷山大廈有天橋直通，行地面係因為行我識行嘅路。

P16會面紀錄，係在8634搜身後做，做咗歷時兩小時，係自願在沒有律師下做，心情係想快啲走，警察話快啲做完可以快啲走，幫佢協助調查，之前未做過，心情好似過山車咁，有啲驚，警員好人想幫佢，9頁紙中有問有答，講唔晒當日所有事情；主問時有將其他講唔晒嘅部份，盡力講比法官聽。

昨日盤問時被指當日衣著去YSL唔太適合，有補充：YSL係唔可以張揚影相，Natalie想低調，因為如果俾佢老闆見到，有機會出warning letter ，所以佢叫我等佢執完display後先影相。

昨日又被問到影響形象，2019年時係好講究自己形象，形象視乎環境，例如去到PMQ會換漁夫帽，行山look，配合PMQ環境，North Face 外套幾靚，幾好形象。

P141(8) 影到D1 與Natalie 企在行人路2分14秒；D1解釋當時在行人路望吓發生咩事聽住閒計覺得唔係重要事情，所以無提，無心迴避呢2分鐘事情。

警誡供詞與主問時證供有不同版本，警誡供詞見好多人跑，主問講聽到有槍聲，身邊有外藉人士，Pol 857 講嘅係包括呢兩位外藉人士。

[12:34] 彭官有跟進問題
11月12日 11點幾起身，出門時無打算去PMQ，無諗過去邊度，有諗過去飲咖啡，出門口時頭戴cap帽，漁夫帽在斜孭袋內，喺換衫時放入袋內，袋本身有嘢，有銀包、紙巾，無特別執，唔記得袋內有無口罩，毛巾唔係當日擺，印象中無用過。

[12:48] 傳召DW1 羅小姐
🔸辯方主問
羅小姐係D1大學同學，在11月12日下午在置地食lunch，食完一時多，遇到D1，傾咗約5分鐘，D1有介紹佢朋友，在YSL做，送佢返工，佢無傾偈。

主問完畢，下午14:30續審。

2.4K viewsedited 06:27