🩸 Ճնշման համախտանիշ

📌 Երկարատև ճնշման դեպքում, երբ վերջույթը երկար ժամանակ գտնվում է որևէ ծանր առարկայի (փլատակների, բետոնե բլոկերի) ազդեցության տակ, ժամանակի ընթացքում արյան մատակարարումն այդ հատվածում դադարում է, ինչի հետևանքով վերջույթը մնում է առանց թթվածնի։ Այս ամենի հետևանքով վերջույթը սկսում է մեռուկանալ և այդ հատվածում հավաքվում են տոքսիկ նյութեր։

Ծանր առարկան վերջույթի վրայից վերցնելուց, այդ տոքսիկ նյութերը սկսում են շրջանառվել օրգանիզմում։ Երիկամները չեն հասցնում ֆիլտրել և օրգանիզմից հանել դրանք, ուստի ծանր առարկայի ազդեցությունից դուրս գալուց րոպեներ կամ ժամեր անց տուժածը մահանում է՝ սուր երիկամային անբավարարությունից։

🔹 ԱԲՕ-ն Կրաշ սինդրոմի դեպքում։

Ծանր առարկան հեռացնելուց առաջ ճզմված մասից վերև տեղադրել ժգուտ, նշել.

✅ Տեղադրման ժամը,
✅ Ցավազրկել,
✅ Հանել փլատակներից,
✅ Առանց ժգուտը հանելու վերջույթի ծայրից մինչև ժգուտը էլաստիկ բինտով փաթաթել, ապա հետո հանել ժգուտը:

Այս գործընթացը կոչվում է տուրնիկետային վիրակապ և արվում է ճզմված մասում ավշի հոսքը դադարեցնելու համար, որպեսզի ավշի մեջ չմտնեն այդ հատվածի տոքսինները: Օգտագործվում է միայն էլաստիկ բինտ և վիրակապվում է շատ ձիգ։

Եթե ցանկանում եք լինել տեղեկացված, ապա.

📢 ՈՄԱ - Վանաձորը մեկնարկում է առաջին օգնության դասեր։

🔰 Դասերը տեղի են ունենալու օգոստոսի 15-25-ը ԱՄԵՆ ՕՐ, ՈՄԱ - Վանաձորի շենքում։
🔰 Դասերի արժեքը մեկ օրվա համար՝ 1000 դրամ։
🔰 Դասերից հետո Վանաձորում տունվերադարձը կկազմակերպի ՈՄԱ-ն։

Գրանցվել՝
https://forms.gle/6Wmit8Wtfw5xhnt68
Հարցերի դեպքում՝
077(099)-04-35-99