【專訪】少年混江湖 中年搞社運 丐幫長老鄧世禮
//鄧世禮，社民連成員，被控去年 7.1 舉行或組織一個未經批准集結，罪成被判入獄6個月。少年曾行走江湖，中年搞社運，59歲的鄧世禮在入獄前接受《獨媒》訪問，認為現階段應保留實力，不要作無謂犧牲。「人在就江湖在，政權唔係咁容易消滅到我哋。」
社民連的黨友都叫鄧世禮做「四哥」，他的眼睛不太好，瞇起雙眼，拿著煙斗，有點像武俠小說中的丐幫長老。
讀書不多，鄧世禮的少年時代一直在江湖混，食過夜粥做過放數。後來有親人被尋仇，浪子回頭去了做運輸。做了近二十年貨車司機，鄧世禮眼睛退化，跑了去學全身按摩，後來生意不好，他索性結業，2012年成為人民力量立法會選舉義工，「係囉，跟住就好似食咗鴉片咁，哈哈，覺得有責任去爭取普選」。
在2013年 7.1 遊行後，民主倒梁力量在中環遮打花園發起絕食50小時，爭取雙普選兼要求梁振英下台。「我哋麻甩佬，傾兩句佢已經知道我係好尊重佢。嗰陣時覺得佢高高在上㗎，佢可以放棄一切去做任何嘢。仰慕吓佢，捐吓錢就有。」後來，雨傘運動期間替社民連做義工，至2017年年底正式入會。
前年反送中運動期間，鄧世禮看到年輕人上街，再想到昔日年輕時，在江湖胡混的日子，「嗰種難受，我無辦法用把口同你講到」。
前年 8.31 太古廣場內，有市民看到年輕人更衣離開，便拍手鼓掌，在場的鄧世禮便不禁老淚縱橫，「其實應該係我哋去，而唔係鼓勵年輕人暴力」。
鄧世禮苦笑說，曾幻想警方國安處破門掃場，指控社民連干犯《國安法》，並搬走所有書籍及物品。「你見到賢學思政咁好難唔諗，對吧？欲加之罪。」
鄧世禮認為，社民連解散未嘗不是其中一個選項，「我講多一次，人在就江湖在，留喺度同佢頂有乜意思，人哋勢強，（社民連）解散可能係其中一步。起碼保留到啲心血，唔係我啲心血呀，係佢啲書。」
四哥自言，多年來參與遊行，一直都拒絕行頭和拉橫額，「案發」當日陳皓桓將橫額交給長毛，他再接過長毛手中的橫額。「出來行就係覺得要有人頂，作為參與抗爭嘅政黨都唔出嚟頂，講唔過去。」
對於被捕，鄧世禮形容是打了個突，「落到街上警車，我仲話個天咁光嘅」。可能自小眼睛不好，鄧世禮很早已學會調整心理接受不幸。「去面對佢，唔好怨天怨地，我起碼好過莊陳有，至少睇嘢都仲有色彩嘛。」「保留實力，唔好放棄、灰心。今日雖然好似乜都無晒，但其實唔係。負隅頑抗無乜意思，留返火種就好。」//
📌 專訪全文：《獨立媒體》
//鄧世禮，社民連成員，被控去年 7.1 舉行或組織一個未經批准集結，罪成被判入獄6個月。少年曾行走江湖，中年搞社運，59歲的鄧世禮在入獄前接受《獨媒》訪問，認為現階段應保留實力，不要作無謂犧牲。「人在就江湖在，政權唔係咁容易消滅到我哋。」
社民連的黨友都叫鄧世禮做「四哥」，他的眼睛不太好，瞇起雙眼，拿著煙斗，有點像武俠小說中的丐幫長老。
讀書不多，鄧世禮的少年時代一直在江湖混，食過夜粥做過放數。後來有親人被尋仇，浪子回頭去了做運輸。做了近二十年貨車司機，鄧世禮眼睛退化，跑了去學全身按摩，後來生意不好，他索性結業，2012年成為人民力量立法會選舉義工，「係囉，跟住就好似食咗鴉片咁，哈哈，覺得有責任去爭取普選」。
在2013年 7.1 遊行後，民主倒梁力量在中環遮打花園發起絕食50小時，爭取雙普選兼要求梁振英下台。「我哋麻甩佬，傾兩句佢已經知道我係好尊重佢。嗰陣時覺得佢高高在上㗎，佢可以放棄一切去做任何嘢。仰慕吓佢，捐吓錢就有。」後來，雨傘運動期間替社民連做義工，至2017年年底正式入會。
前年反送中運動期間，鄧世禮看到年輕人上街，再想到昔日年輕時，在江湖胡混的日子，「嗰種難受，我無辦法用把口同你講到」。
前年 8.31 太古廣場內，有市民看到年輕人更衣離開，便拍手鼓掌，在場的鄧世禮便不禁老淚縱橫，「其實應該係我哋去，而唔係鼓勵年輕人暴力」。
鄧世禮苦笑說，曾幻想警方國安處破門掃場，指控社民連干犯《國安法》，並搬走所有書籍及物品。「你見到賢學思政咁好難唔諗，對吧？欲加之罪。」
鄧世禮認為，社民連解散未嘗不是其中一個選項，「我講多一次，人在就江湖在，留喺度同佢頂有乜意思，人哋勢強，（社民連）解散可能係其中一步。起碼保留到啲心血，唔係我啲心血呀，係佢啲書。」
四哥自言，多年來參與遊行，一直都拒絕行頭和拉橫額，「案發」當日陳皓桓將橫額交給長毛，他再接過長毛手中的橫額。「出來行就係覺得要有人頂，作為參與抗爭嘅政黨都唔出嚟頂，講唔過去。」
對於被捕，鄧世禮形容是打了個突，「落到街上警車，我仲話個天咁光嘅」。可能自小眼睛不好，鄧世禮很早已學會調整心理接受不幸。「去面對佢，唔好怨天怨地，我起碼好過莊陳有，至少睇嘢都仲有色彩嘛。」「保留實力，唔好放棄、灰心。今日雖然好似乜都無晒，但其實唔係。負隅頑抗無乜意思，留返火種就好。」//
📌 專訪全文：《獨立媒體》