逃出理大案｜2被告傳證人解釋案發日行程　控方指證人不知被告晚上位置、去向

【法庭線】逃出理大案周二（14日）踏入第25日審訊。第11被告傳召其鄰居，確認案發當晚本身有飯局，及後被告表示塞車將遲到。控方質疑，鄰居只從被告妻子口中得知被告塞車，但沒直接與被告溝通，亦不知他當時身在何方、因何塞車。

第12被告選擇不作供，但傳召前同事作辯方證人。其前同事稱，案發日上、下午，二人都在行山及吃飯，而在控方盤問下，證人同意不清楚被告晚上會否再離家。案件周三（15日）續，將傳召第12被告另一名辯方證人，另預料第16被告亦會作供。

第11被告周二傳召36歲、任職公共關係的何姓女鄰居作供。何供稱，她2015年認識被告，形容被告「個人幾老實嘅，同埋幾肯幫人嘅。因為我哋鄰居好多時雪櫃或者冷氣機壞咗，佢都好主動嚟幫手修理…有時候需要幫手車吓啲小動物去診所，佢都會好願意去offer呢個幫手嘅」。

何續供稱，案發日即2019年11月18日，「嗰晚我哋一班鄰居，係約咗去另一個鄰居度食飯嘅」。飯局時間為晚上8時許，預計出席者連同其夫妻倆及被告張氏夫婦，一共有8人。何續指，飯局大概案發前一個月約好，「因為我哋嗰晚食大閘蟹，所以要預先約返個人頭，去訂返個大閘蟹嘅」。至差不多晚上8時，只差被告便人齊，便聽到被告妻子說，被告剛致電她，「話塞緊車，會遲到，就同我哋講開飯先，咁我哋就開飯囉。」飯局最後在當晚約10時半完結，何則在當晚11時半左右，經被告妻子得悉被告被捕。

審訊之後進入第12被告案情，她早前被加控同月17日至18日在理大暴動。辯方傳召其前同事、東亞銀行常姓第一副總裁。常供稱，被告與他隸屬同一部門，但不同組別。工作以外，他們會一同吃飯、行山。他形容被告，是「溫文爾雅、興趣好多、鍾意行山睇戲嘅女仔，平時都盡忠職守，知佢係因為呢個原因而被告，我係好驚訝」。

常供稱，案發日2019年11月17日，二人當日放假，約往屯門雞公嶺行山，行程由被告準備，因路線有難度，「比較保守估計係（行）5個鐘倒」。早上9時許，二人在元朗地鐵站集合後上山。至早上11時許，行畢初、中段，他發現不夠水，遂決定下山。辯方呈上常的Instagram限時動態片段，見有4條15秒行山片段，配字「同山女同行」、「烈日．路嶇」、「行到一半已經清晒2支水／＃決定係甘（咁）先」。辯方問，「決定要離開，係邊個嘅決定」。常答，「係我嘅決定嚟嘅。」

主控盤問時問，常是在黃昏送到被告歸家。常同意。主控再問，「佢無同你講過，佢當晚會唔會再出街。」常同意。主控再問，「你知唔知被告讀過理大課程。」常答，「我知佢係理大畢業嘅」。辯方沒有覆問。（全文）

#20230314新聞 #1118何文田 #1118理大