#西九龍裁判法院第八庭
#林子勤裁判官
#1201旺角
#審訊 PART 1
#管有工具作非法用途
蔡(22)
控罪：管有適合作非法用途的工具並意圖作非法用途使用
案情：
被控於2019年12月1日在旺角西洋菜南街55號外，管有一些適合作非法用途的工具，即一支扳手、一把鎅刀及一把萬用刀，意圖將其作非法用途使用。
提堂：
https://teleg.eu/s/youarenotalonehk_live/8372
審訊過程：
控方呈上開案陳詞和承認事實，被告在2019年12月1日 23:13 在旺角西洋菜南街55號外，被截停搜查，在斜孭袋和背囊內搜出以上證物，在23:30被拘捕，呈上被捕時拍攝的相片，旺角區地圖，被告冇刑事紀錄。
傳召PW1 警長3753
⚙️控方主問：
當日參與東九龍機動部隊D連第二小隊，在觀塘警署候勤，負責支援工作，21:35 接到指示旺角有人堵路、放火、破壞店舖，21:50去到旺角，22:05到彌敦道登打士街交界進行掃蕩和截查，23:13指揮官有指示，介乎亞皆老街與奶路臣街之間的一段西洋菜南街已被封鎖，要聯同第三小隊去幫手截查。
去到時見到大約有100人聚集，好嘈吵，樓上有人叫囂；控方呈上地圖， 確認為事發地點，當晚位置在友誠商業大廈外。
PW1連同其他警員將該批人士分為三組，逐個截查搜身，23:26見到一名中國藉男子(被告)，穿着藍白色恤衫，孭着紅色背囊和黑色斜咩袋，身體不停震動，懷疑佢身上有攻擊性武器，要佢行出嚟搜身，PW1叫被告放個袋落地，打開黑色袋攞啲嘢出嚟，內有士巴拿和鎅刀，打開紅色背囊，內有萬用刀、電筒、泳鏡、防毒面具、四隻手襪...，問被告點解有這些物品，佢話做地盤散工，在兩個月前放在袋內到當晚，之後搵PC24115作出拘捕、上手扣、連同證物押解到警署。
📌辯方盤問：
PW1指23:13收到指示，到場時見到100名人仕在封鎖線內，但唔知封鎖線係幾時開始，唔知班人留咗幾耐，之前無拘捕其他人，當日主要做掃蕩和清理障礙物。
唔知被告有冇戴cap帽，亦唔知有冇啤酒罐，無檢取。
律師向PW1指出：
- 被告講話佢係返裝修 》不同意
- 被告講做買賣紅酒，生意唔好 》不同意
⚙️控方覆問：
現場無見到啤酒罐，就算有都與我無關。
～～～～～～～～
裁判官裁定表面證據成立，辯方需要答辯，律師申請小休向被告攞指示，約10:18休庭。
辯方預算播放片段，但因為接線的技術問題，延遲至11:20開庭。
被告選擇上庭答辯
⚙️辯方主問：
被告現年22歲，現職為吊船工人，在2019年5月開始做買賣營養品和紅酒的傳銷工作，因為生意差，生活受影響，父親有長期病患，需要負擔醫藥費，因借錢做生意，每月要還錢畀財務公司，於是在2019年10月開始兼職做電力工人，負責安裝和拆卸燈具，賺取生活費，但後來在2020年1月7日宣布破產。
在12月1日當日，15:00約咗朋友在中環傾偈散心，大約1小時後朋友有事走先，被告行咗去中環遮打花園，有一個市集，買咗一把萬用刀和一個望遠鏡，萬用刀是在行山和裝修時都有用，望遠鏡就行山用，跟住行去中環碼頭搭船過尖沙咀，大約在16:30行到星光大道，因為生意差，去看海和思考，沿海邊行去黃埔，經過紅磡碼頭，大概8點至8點半去到黃埔食飯，食飯期間想起有朋友在今年2月14日結婚擺酒，想攞啲紅酒俾佢試，知道供應商的營業時間會去到10點，而當時已經九點半，於是搭Uber 去旺角亞皆老街供應商的counter，營養品和紅酒都係呢個供應商攞。
呈上被告是供應商的會員證和提貨單，證明在7月至10月都有攞貨，7, 8月攞得多，9, 10月只攞過一次。
當晚約22:05去到供應商的counter，見到已經落咗閘，無落車，改咗去亞皆老街近洗衣街落車，行咗去近豉油街與花園街交界的一間7–11咗買啤酒，在地圖畫出位置，到達時間在22:20-22:25之間。
辯方播出7-11的CCTV片段，在22:24:15～22:25:01時段見到被告出現，攞住一罐啤酒飲，飲到被截查期間飲完，因為附近冇垃圾桶，個罐放咗喺背囊則邊個袋（被捕時拍攝的相片見到有銀色罐）。
當時一邊行一邊飲，飲緊嗰陣情緒飄忽，諗住飲完就搭車返天水圍（在地圖畫出由7–11行到去被捕位置的路線），巴士站在亞皆老街和彌敦道交界，途經西洋菜南街，聽到有聲音，出於好奇逗留咗一陣，樓上有叫囂聲音，市民有和應，有警員嗌咪叫離開，望向嗰邊見到有舉藍旗，意識到要離開，準備行去彌敦道，但因為人太多走唔到，警方隨即拉起封鎖線，到被告被搜查時等咗約有15分鐘，被告已經唔認得PW1，PW1有問被告在旺角做咩，袋入邊嘅嘢做咩，回答買啤酒飲，想走又走唔到，無講過「地盤」或「失業」，有提及做商人和無生意，供應商在亞皆老街的地址。
辯方呈上被告的平安咭和工人註冊證，被告表示被截查時有提及但PW1無睇，在錄口供時有顯示過出嚟，辯方再呈上平安咭續期的證明。
被告逐一解釋各工具的用途：
鎅刀 - 用作鎅開紅酒箱，收貨時用
扳手 - 裝修電箱
手套 - 一對勞工手套搬運用，三對係電工手套
護目鏡 - 裝燈時防止灰塵入眼
灰口罩 - 有鼻敏感防止灰塵
防毒面具 - 簡單裝拆工作就用灰口罩，如果有油漆和電器工程一齊做，有發揮性氣體就要用豬嘴
在12月1日有帶工具在身，因為賣紅酒嘅傳銷工作差，要隨時接聽電話去做裝修工作。
📌控方盤問：
傳銷工作自五月開始，最少攞過10次貨，熟悉營業時間，為星期一至五0900-2200。
控：12月1號係星期日喎
答：知道星期日唔開，但每個月頭會有額外營業時間俾我哋攞貨追數，當日都係搏一搏。
控：你好趕喎，搭Uber咁貴
答：因為星期一有工程，在食飯時想起，賣紅酒收入都好，所以趕去
控：點解唔等星期一先攞
答：星期一有工程做，放工後供應商可能閂左，工程係裝燈拆燈，喺油尖旺一帶
控：一帶？即係邊度？
答：事隔太耐唔記得地址，因為被捕甩咗張單，未上過去，唔知做幾耐
控：你乜都唔知就上去？唔問多啲？幾多人工都要知架？你唔問清楚詳情？
答：...
控：你呢種工程需唔需要訓練
答：視乎情況
控：即係個個都做得啦，一個人都做得啦。你根本就係對我地講緊大話，你同唔同意
答：不同意
控：你根本係岩岩先作成個紅酒供應商個故事出黎，你同唔同意
答：不同意
控：辯方律師無向PW1問買啤酒，你係作故事
答：不同意
控：辯方律師無向PW1問平安咭和註冊證，你係作出嚟
答：不同意
控：辯方律師無問警長供應商地址，你同唔同意
答：我律師無問到
控：你啱啱話鎅刀用黎開箱，乜唔係人地開俾你架咩
答：因為供應商想我哋自己check貨
控：嗰晚你打算買幾多枝
答：4至5枝
控：其實呢，呢個故事根本唔存在，你同唔同意
答：不同意
控：明知事發地點咁多人，仲過去？當日有個毋忘初心的活動，知唔知
答：唔知
控：你知唔知當日成個油尖旺都好多活動，你知唔知
答：唔清楚
控：聽到叫囂聲仲行過去？見到舉藍旗又唔向反方向走
答：當時好多人，走唔到
控：睇嘢旁邊睇咪得，使乜行過去？同唔同意
答：唔同意。因為我本身有近視
控：咁你又睇到藍旗
答：字大睇到
控：你嘅視力真係咁差？咁你又做紅酒開箱
答：用手可以拎住我會睇到，好似我個位望去你度已經唔清楚
控：你根本就係走入人群中叫囂，啲工具係用，買酒嗰啲都係作出黎
答：不同意
⚙️辯方覆問：
2/12有裝修工作，當晩有冇同警方講 》有
就算當日無裝修工程，會唔會帶工具係身 》會
♦️官問：望遠鏡同萬用刀係幾時買？新定舊？
答：在市集買，但唔清楚係一手二手，我著重可用性
官問：你買樣嘢都唔知係新定舊，同用唔用到
答：我睇功能是否適合
官問：望遠鏡買黎做咩
答：行山
官問：你日頭定夜晚行山
答：日頭
控方律師要求睇證物望遠鏡，並指出證物唔係新，有一點點，買嗰時唔知新定舊就買？
被告再指出「我睇功能是否適合」
被告作供完畢。
辯方結案陳詞如下：
辯方不爭議警方行動的合法性，警方有向7-11索取閉路電視片段，係因為早知道有買啤酒這件事，辯方冇向證人提出相關問題，因為不會因個別事件而影響，被告坦白講出事情，如果係作故事，無需要講咁多細節，只有更多錯漏被對方挑剔，如果被告真係想參與，就唔會孭紅色背囊，背囊內亦冇其他衣物更換，被告冇參與，至少證明在10點幾前冇參與，亦冇被控告非法集結，被告有工具係會被懷疑，但冇意圖非法使用。
裁判官提醒辯方律師，控方現在是針對被告口供可信性，話被告係上庭作供先作啲故事出黎。
裁判官詢問控方控告被告的意圖，有冇實質指控，控方呈上一份準備好的「意圖」法例定義，並無特別要求，控方就法律原則要求法庭作出推論，被告有兩把刀：鎅刀和萬用刀，住天水圍但在旺角出現，法律上意圖的範圍闊好多，包括破壞店舖窗櫥和拆鐵欄。
辯方初步想法不同意「意圖」過闊。
🔸裁判官問辯方有冇做定research 支持這說法，律師表示未能呈上，官斥辯方律師「個個都係打意圖呢一點，點解你可以咩準備都冇？」辯方律師表示下午可以結案陳詞，給予辯方律師時間去準備。
#林子勤裁判官
#1201旺角
#審訊 PART 1
#管有工具作非法用途
蔡(22)
控罪：管有適合作非法用途的工具並意圖作非法用途使用
案情：
被控於2019年12月1日在旺角西洋菜南街55號外，管有一些適合作非法用途的工具，即一支扳手、一把鎅刀及一把萬用刀，意圖將其作非法用途使用。
提堂：
https://teleg.eu/s/youarenotalonehk_live/8372
審訊過程：
控方呈上開案陳詞和承認事實，被告在2019年12月1日 23:13 在旺角西洋菜南街55號外，被截停搜查，在斜孭袋和背囊內搜出以上證物，在23:30被拘捕，呈上被捕時拍攝的相片，旺角區地圖，被告冇刑事紀錄。
傳召PW1 警長3753
⚙️控方主問：
當日參與東九龍機動部隊D連第二小隊，在觀塘警署候勤，負責支援工作，21:35 接到指示旺角有人堵路、放火、破壞店舖，21:50去到旺角，22:05到彌敦道登打士街交界進行掃蕩和截查，23:13指揮官有指示，介乎亞皆老街與奶路臣街之間的一段西洋菜南街已被封鎖，要聯同第三小隊去幫手截查。
去到時見到大約有100人聚集，好嘈吵，樓上有人叫囂；控方呈上地圖， 確認為事發地點，當晚位置在友誠商業大廈外。
PW1連同其他警員將該批人士分為三組，逐個截查搜身，23:26見到一名中國藉男子(被告)，穿着藍白色恤衫，孭着紅色背囊和黑色斜咩袋，身體不停震動，懷疑佢身上有攻擊性武器，要佢行出嚟搜身，PW1叫被告放個袋落地，打開黑色袋攞啲嘢出嚟，內有士巴拿和鎅刀，打開紅色背囊，內有萬用刀、電筒、泳鏡、防毒面具、四隻手襪...，問被告點解有這些物品，佢話做地盤散工，在兩個月前放在袋內到當晚，之後搵PC24115作出拘捕、上手扣、連同證物押解到警署。
📌辯方盤問：
PW1指23:13收到指示，到場時見到100名人仕在封鎖線內，但唔知封鎖線係幾時開始，唔知班人留咗幾耐，之前無拘捕其他人，當日主要做掃蕩和清理障礙物。
唔知被告有冇戴cap帽，亦唔知有冇啤酒罐，無檢取。
律師向PW1指出：
- 被告講話佢係返裝修 》不同意
- 被告講做買賣紅酒，生意唔好 》不同意
⚙️控方覆問：
現場無見到啤酒罐，就算有都與我無關。
～～～～～～～～
裁判官裁定表面證據成立，辯方需要答辯，律師申請小休向被告攞指示，約10:18休庭。
辯方預算播放片段，但因為接線的技術問題，延遲至11:20開庭。
被告選擇上庭答辯
⚙️辯方主問：
被告現年22歲，現職為吊船工人，在2019年5月開始做買賣營養品和紅酒的傳銷工作，因為生意差，生活受影響，父親有長期病患，需要負擔醫藥費，因借錢做生意，每月要還錢畀財務公司，於是在2019年10月開始兼職做電力工人，負責安裝和拆卸燈具，賺取生活費，但後來在2020年1月7日宣布破產。
在12月1日當日，15:00約咗朋友在中環傾偈散心，大約1小時後朋友有事走先，被告行咗去中環遮打花園，有一個市集，買咗一把萬用刀和一個望遠鏡，萬用刀是在行山和裝修時都有用，望遠鏡就行山用，跟住行去中環碼頭搭船過尖沙咀，大約在16:30行到星光大道，因為生意差，去看海和思考，沿海邊行去黃埔，經過紅磡碼頭，大概8點至8點半去到黃埔食飯，食飯期間想起有朋友在今年2月14日結婚擺酒，想攞啲紅酒俾佢試，知道供應商的營業時間會去到10點，而當時已經九點半，於是搭Uber 去旺角亞皆老街供應商的counter，營養品和紅酒都係呢個供應商攞。
呈上被告是供應商的會員證和提貨單，證明在7月至10月都有攞貨，7, 8月攞得多，9, 10月只攞過一次。
當晚約22:05去到供應商的counter，見到已經落咗閘，無落車，改咗去亞皆老街近洗衣街落車，行咗去近豉油街與花園街交界的一間7–11咗買啤酒，在地圖畫出位置，到達時間在22:20-22:25之間。
辯方播出7-11的CCTV片段，在22:24:15～22:25:01時段見到被告出現，攞住一罐啤酒飲，飲到被截查期間飲完，因為附近冇垃圾桶，個罐放咗喺背囊則邊個袋（被捕時拍攝的相片見到有銀色罐）。
當時一邊行一邊飲，飲緊嗰陣情緒飄忽，諗住飲完就搭車返天水圍（在地圖畫出由7–11行到去被捕位置的路線），巴士站在亞皆老街和彌敦道交界，途經西洋菜南街，聽到有聲音，出於好奇逗留咗一陣，樓上有叫囂聲音，市民有和應，有警員嗌咪叫離開，望向嗰邊見到有舉藍旗，意識到要離開，準備行去彌敦道，但因為人太多走唔到，警方隨即拉起封鎖線，到被告被搜查時等咗約有15分鐘，被告已經唔認得PW1，PW1有問被告在旺角做咩，袋入邊嘅嘢做咩，回答買啤酒飲，想走又走唔到，無講過「地盤」或「失業」，有提及做商人和無生意，供應商在亞皆老街的地址。
辯方呈上被告的平安咭和工人註冊證，被告表示被截查時有提及但PW1無睇，在錄口供時有顯示過出嚟，辯方再呈上平安咭續期的證明。
被告逐一解釋各工具的用途：
鎅刀 - 用作鎅開紅酒箱，收貨時用
扳手 - 裝修電箱
手套 - 一對勞工手套搬運用，三對係電工手套
護目鏡 - 裝燈時防止灰塵入眼
灰口罩 - 有鼻敏感防止灰塵
防毒面具 - 簡單裝拆工作就用灰口罩，如果有油漆和電器工程一齊做，有發揮性氣體就要用豬嘴
在12月1日有帶工具在身，因為賣紅酒嘅傳銷工作差，要隨時接聽電話去做裝修工作。
📌控方盤問：
傳銷工作自五月開始，最少攞過10次貨，熟悉營業時間，為星期一至五0900-2200。
控：12月1號係星期日喎
答：知道星期日唔開，但每個月頭會有額外營業時間俾我哋攞貨追數，當日都係搏一搏。
控：你好趕喎，搭Uber咁貴
答：因為星期一有工程，在食飯時想起，賣紅酒收入都好，所以趕去
控：點解唔等星期一先攞
答：星期一有工程做，放工後供應商可能閂左，工程係裝燈拆燈，喺油尖旺一帶
控：一帶？即係邊度？
答：事隔太耐唔記得地址，因為被捕甩咗張單，未上過去，唔知做幾耐
控：你乜都唔知就上去？唔問多啲？幾多人工都要知架？你唔問清楚詳情？
答：...
控：你呢種工程需唔需要訓練
答：視乎情況
控：即係個個都做得啦，一個人都做得啦。你根本就係對我地講緊大話，你同唔同意
答：不同意
控：你根本係岩岩先作成個紅酒供應商個故事出黎，你同唔同意
答：不同意
控：辯方律師無向PW1問買啤酒，你係作故事
答：不同意
控：辯方律師無向PW1問平安咭和註冊證，你係作出嚟
答：不同意
控：辯方律師無問警長供應商地址，你同唔同意
答：我律師無問到
控：你啱啱話鎅刀用黎開箱，乜唔係人地開俾你架咩
答：因為供應商想我哋自己check貨
控：嗰晚你打算買幾多枝
答：4至5枝
控：其實呢，呢個故事根本唔存在，你同唔同意
答：不同意
控：明知事發地點咁多人，仲過去？當日有個毋忘初心的活動，知唔知
答：唔知
控：你知唔知當日成個油尖旺都好多活動，你知唔知
答：唔清楚
控：聽到叫囂聲仲行過去？見到舉藍旗又唔向反方向走
答：當時好多人，走唔到
控：睇嘢旁邊睇咪得，使乜行過去？同唔同意
答：唔同意。因為我本身有近視
控：咁你又睇到藍旗
答：字大睇到
控：你嘅視力真係咁差？咁你又做紅酒開箱
答：用手可以拎住我會睇到，好似我個位望去你度已經唔清楚
控：你根本就係走入人群中叫囂，啲工具係用，買酒嗰啲都係作出黎
答：不同意
⚙️辯方覆問：
2/12有裝修工作，當晩有冇同警方講 》有
就算當日無裝修工程，會唔會帶工具係身 》會
♦️官問：望遠鏡同萬用刀係幾時買？新定舊？
答：在市集買，但唔清楚係一手二手，我著重可用性
官問：你買樣嘢都唔知係新定舊，同用唔用到
答：我睇功能是否適合
官問：望遠鏡買黎做咩
答：行山
官問：你日頭定夜晚行山
答：日頭
控方律師要求睇證物望遠鏡，並指出證物唔係新，有一點點，買嗰時唔知新定舊就買？
被告再指出「我睇功能是否適合」
被告作供完畢。
辯方結案陳詞如下：
辯方不爭議警方行動的合法性，警方有向7-11索取閉路電視片段，係因為早知道有買啤酒這件事，辯方冇向證人提出相關問題，因為不會因個別事件而影響，被告坦白講出事情，如果係作故事，無需要講咁多細節，只有更多錯漏被對方挑剔，如果被告真係想參與，就唔會孭紅色背囊，背囊內亦冇其他衣物更換，被告冇參與，至少證明在10點幾前冇參與，亦冇被控告非法集結，被告有工具係會被懷疑，但冇意圖非法使用。
裁判官提醒辯方律師，控方現在是針對被告口供可信性，話被告係上庭作供先作啲故事出黎。
裁判官詢問控方控告被告的意圖，有冇實質指控，控方呈上一份準備好的「意圖」法例定義，並無特別要求，控方就法律原則要求法庭作出推論，被告有兩把刀：鎅刀和萬用刀，住天水圍但在旺角出現，法律上意圖的範圍闊好多，包括破壞店舖窗櫥和拆鐵欄。
辯方初步想法不同意「意圖」過闊。
🔸裁判官問辯方有冇做定research 支持這說法，律師表示未能呈上，官斥辯方律師「個個都係打意圖呢一點，點解你可以咩準備都冇？」辯方律師表示下午可以結案陳詞，給予辯方律師時間去準備。