#西九龍裁判法院第五庭
#劉淑嫻裁判官
#1031太子 #審訊
#管有工具作非法用途

曾(21)

控罪：管有適合作非法用途的工具並有所意圖

案情：於2019年10月31日，在旺角道與上海街交界，管有兩支鐵筆。

案件經多次提堂：
28/4, 8/6, 9/7, 20/8, 28/9

審訊：
辯方律師率先向法庭聲明，被告係智障人士，持有社會福利署發出的白咭，今日適合答辯。

控方宣讀控罪：
根據香港法例第228章 《簡易程序治罪條例》第17條，告曾XX管有適合作非法用途的工具並有所意圖，於2019年10月31日2006時，在旺角道與上海街交界，在無合理辯下管有兩支鐵筆。

承認事實：
(1) 於2019年10月31日2006時，PC21781拘捕被告，當時身穿灰色T shirt, 黑色外套，黑色長褲，黑色波鞋，孭黑色背囊
(2) PC21781搜查時搜到兩支用報紙包裹著的鐵筆
(3) 在2019年11月1日，21:11-21:25時，在被告的姨姨陪同下，由PC10354做錄影會面紀錄
(4) 旺角區地圖
(5) 警方拍攝的相簿
(6) 辯方對證物鏈和被告身份無爭議
(7) (對唔住聽唔㓛）
(8) 被告係智障人士
(9) 被告無刑事紀錄

裁判官詢問控方立場，unlawful purpose 係咩，主控指係概括涉及非法活動，包括損壞物品、束縛人身、offensive weapon & house breaking.

傳召PW1 PC21781

⚙️控方主問
2019年10月31日隸屬西九龍B連第二中隊，當日16:35當值參與踏浪者行動，穿綠色防暴裝，指揮官簡介當日適逢紀念831，估計太子有示威活動，示威者會在太子旺角區聚集，中隊在深水埗警署候命，約在晚上8點收到指揮官通知去旺角道彌敦道一帶，驅散示威者。

坐車去到旺角道近新填地街，因為塞車指揮官叫落車，步行向彌敦道推進，於是在旺角道左二線落車，向旺角方向推進，行到旺角道與上海街交界，站在黃格和班馬線前，見到一名男子，身穿黑衫黑褲黑鞋，右手揸住長條狀物體，有報紙包住，觀察咗2-3秒，覺得可疑，大叫佢停低，準確字眼唔記得，大概係「停低，咪走」，有用手指向該男子，(PW1在地圖上標示首次見到被告時雙方身處位置，隨後奔跑路線和拘捕位置)。

相遇時PW1和被告相距5-7米，被告站在黃格內，身邊無人，被告擰轉頭望左一眼，跟住跑上旺角道行人路，跑向公廁，PW1 追上去，繞過欄杆去到男廁樓梯口截停佢，用手撘住佢膊頭，被告隨即停低，將手上物品掉在右腳旁邊，無其他動作，PW1 執起物件檢查，發現係兩支藍色鐵筆，問被告喺度做咩，揸住兩支嘢做咩，佢無回答，做簡單搜身，在銀包搵到身分證和一張白卡，上面寫住弱智，期間被告有回答做髮型助理，在背囊中搵到兩條蒙面頭巾，一對黑色手袖，一隻灰色手套，一隻打火機，幾支香，三張八達通，一張係被告個人八達通，兩張係普通嘅，有麥當勞食物券，問孭住背囊做乜嘢，都係冇回答，宣佈拘捕，罪名係藏有工具可作非法用途，帶上警車，上車後將被告和證物交俾偵緝警員9300接手，PW1 補錄記事冊。

主控引導PW1如何處理智障的被告，PW1表示知道要有合適的屋企人或監護人在場，才可以錄口供，所以無對被告施行警戒，截查過程中，被告有回答部份問題，例如：做髮型助理，有阿哥，姓名和身分證，可以完整表達，PW1明白佢講咩。

📌辯方盤問：
當晚在20:06時落車，大概有10-13人，PW1 身穿綠色防暴裝，戴頭盔和黑色面罩，左手揸盾牌，右手無楂警棍，其他警員有人揸盾，有人揸長槍；推進期間，因為塞車，警員有前有後在車與車之間前進，PW1行在前頭，因而見到被告，追捕時唔知有冇警員跟住，到截停時就有2-3名警員幫手。

叫PW1睇證物外套，指出當晚被告穿著時沒有拉上拉鍊，PW1不同意，説有拉上部份拉鍊。

第一眼見到被告手持長條物件，係睇唔清楚係咩，因為有報紙包住，仲有用白色膠紙在頭尾黐實，直至拆開嚟睇。

被告當時係孭住背囊，拉鍊係拉好嘅，因為天色已經昏暗，袋中物要取出檢查，連同兩部電話，一同交咗俾PC9300。

律師呈上一對耳機，問PW1在截停被告時，與被告面對面，有冇見到被告帶該耳機，PW1唔記得唔肯定，如果有嘅會寫在記事冊。

PW1同意由落車至截停被告，附近一帶冇發生任何傷人事件，冇人被束縛，冇非法禁錮，冇任何刑事毁壞事仲發生，亦同意唔知被告由邊度行過嚟和打算去邊度。

控方無覆問，PW1作供完畢，裁判官裁定表面證據成立，被告需要答辯，辯方表示會傳召兩位證人，今日未能完成審訊，申請押後和攞指示。

案件押後至2021年1月21日14:30時，在西九龍裁判法院再訊，被告以原有條件保釋。

休庭前裁判官給與控辯雙方一份案例，內容與Cap 228 Section 62有關，並詢問控方會否改控罪，如依舊根據Section 17，請在陳詞時解釋法例。