#沙田裁判法院第七庭
#彭亮廷裁判官
#0810馬鞍山 #審訊 [2/2]
#攻擊性武器 #雷射筆
陳(31)
控罪：於公眾地方管有攻擊性武器
被控於2019年8月10日於馬鞍山鞍祿街公園管有一枝雷射筆
---
📌PW4女警25798陳曉紅(音)作供
📌主問
案發當天隸屬馬鞍山警區軍裝巡邏小隊第四隊，軍裝當值。當天受訓示到鞍誠街鞍祿街一帶進行掃蕩。8月11日0023，在鞍祿街公園附近有一女子身穿黑衫黑長褲黑鞋戴眼鏡、左手持紅色膠袋、孭藍色斜孭袋，距離約五米外。看到她外表是先前訓示需要截查的人士。想上前查問時她回頭望，之後急步向耀榮樓方向走去。我亦急步上前，叫她停低但她沒有理會。最後走至耀榮樓地下將她截停。我向她講截停原因並叫她出示身份證，此時亦有其他隊員在場。向女子查問期間，特遣隊和署理警署警長陳振球亦到達上址，並指出此女子就是其中一名涉案人士，即本案被告。
我向她搜身，首先搜查左手的紅色膠袋，裏面有一個白色膠袋，內有3M防毒面具及說明書。之後在她的斜孭袋中搜出黑色約10cm長的雷射筆，可發出綠色光線，在現場有試，檢取為證物，並向被告拘捕及警誡，罪名為管有攻擊性武器、阻差辦公和襲警，被告沒任何回應。另外亦搜出黑色泳鏡、黑色T恤、黑口罩、手機連機殼。將證物交給同事後，一起回去馬鞍山警署。到了警署我帶她見值日官和處理落口供等文件工作，之後案件交由偵緝警員接手。
🌟盤問 (括號內為PW4回答)
你說你見到被告時有嗌佢，佢有咩反應？ (佢四圍望) 當時附近冇人？(有零碎行人) 果啲人有冇傾計？ (冇留意) 當時環境平靜，冇人嗌，冇嘈雜聲音 (平靜，係) 被告係快步定慢步咁行開？ (急步走) 即係唔係跑 (係) 由你開聲叫被告到截停佢時間有幾耐 (兩至三分鐘啦相信) 當時附近只有佢一個 (係) 大概過咗幾耐陳振球先到？(緊接住嘅，冇計幾耐)
被告身上支雷射筆得一粒掣 (唔記得) 你試支雷射筆果陣撳咗一下定兩下掣？(唔記得) 淨係記得開咗 (係) 你開完之後用咩方法令到啲綠光消失？(撳掣) 幾多下？(唔記得) 支筆除咗綠色光之外仲有冇其他光？(唔記得) 向你指出支筆仲可以發出白光 (唔記得)
你幫被告搜身後回到馬鞍山警署，有冇補錄拘捕過程？(有) 內容有冇提及在現場警誡被告？(有) 有冇比被告閱讀簽名？(有) 佢有冇簽名 (冇) 有冇講點解唔簽 (冇) 向你指出其實佢有解釋唔簽係因為唔同意內容，因為你喺現場根本冇警誡被告 (不同意)
在地圖上標示你第一眼見到被告是你自己的位置，以及你截停被告的位置，呈堂為證物D1。
你話喺紅色膠袋內發現白色膠袋，內有防毒面罩及說明書，其實白色膠袋就是防毒面罩的包裝袋 (係) 你第一眼見到被告時係正面定背面？(側面) 之後你繼續跟住佢，佢就背向你 (係)
PW4作供完畢。
📌PW5 PC13477 招志偉(音)作供 (控辯內容整合)
案發當日隸屬沙田警區值日隊第三隊，8月11日0130獲指派為本案調查人員，但案件由沙田警區重案組第二隊接手，之後就再沒有參與調查。
PW5為案件寫了一份調查報告，包括案發地點、拘捕地點、拘捕警員、罪名、檢取了的9件證物等。PW5沒有使用過涉案雷射筆，拘捕同事告訴他這是一支可以發出綠光的雷射燈電筒。
PW5作供完畢，控方案情完結，沒有中段陳詞，表面證供成立。
🌟被告作供
🌟主問
被告居住馬鞍山，在深水埗一間餐飲公司工作，2019年8月10日1100-2030要上班。工作要求她穿著黑長褲和黑鞋，上衣沒有規定，但通常都會著深色衫，以免被食物弄污。當天上班前去鴨寮街買了一個防毒面罩和雷射筆，因為在網上看到8月11日深水埗區會有示威活動，那天她要上班，怕被催淚煙波及，所以買了防毒面罩。買雷射筆是因為她家有養貓，牠喜歡追逐雷射筆的光點，打算買來和牠玩。雖然家中有另一支紅色光的雷射筆，但貓似乎鍾意鮮色啲嘅，所以買了綠色光。
8月10日2040收工，因為見到locker混亂，想攞番啲嘢番屋企，最後執走了泳鏡和黑T恤塞入袋。泳鏡是因為之前打算下班去游水，但現在放工太攰，都係放假先去，屋企冇另一副泳鏡，所以帶回家。T恤是因為有時做嘢會整污糟件衫，所以有幾件後備衫，但這件擺了比較耐，所以攞番去洗。原本諗住攞埋件泳衣但塞唔入，搞到約2100先走。
之後搭巴士去沙田搵朋友，行咗一陣一齊番馬鞍山食M記。之後周圍行、吹水，去了三哥廚房搵街坊吹水食煙飲啤酒玩電話，那裏一直是街坊的聚集地。有個街坊玩玩下用紅色雷射筆射我，嗰時講起我啲貓，佢話「肥貓 (被告花名) 快啲追啲紅點啦」，我答「我屋企隻貓都唔鍾意紅點啦」，喺褲袋攞我支雷射筆出嚟話「呢支就唔同啦，綠光仲可以轉電筒添」，隨意地fing了一下。支筆按一下會發出綠光，再按一下會變成電筒，再按多下就熄。之後擺番落褲袋繼續同朋友吹水。
跟住聽到有大聲公，啲聲好拆又好lur又快，聽唔清楚佢講乜，估係警告說話，只聽到咩咩咩唔好走咁上下，由對面發出。對面只有警署、學校、住宅，估係由警署嗌過黎。過咗一陣又聽到大聲公嗌「你哋嘅行為已構成襲警，請立刻離開」咁上下。我覺得諤然，企咗喺度，附近有其他街坊用粗口鬧佢地。我只係喺度吹水啫，唔明點解比人話襲警，後來先知原來警署平台上面有人，果時唔知，因為好黑，睇唔到有人。之後繼續吹水，又聽到大聲公話「zoom近啲影清楚佢哋個樣」，有街坊叫我哋帶口罩。當時覺得我哋只係吹水，冇必要走，大聲公啲說話應該唔係同我講，我乜都冇做過點樣襲警？有個仔即刻踩單車走咗，不過我唔識佢。我都有戴口罩，因為唔想俾人影，但戴咗一陣都除番，因覺得冇必要遮樣。
睇多陣覺得唔係好對路，因為之前街坊有鬧警察，朋友話不如轉場啦。轉場前我去咗商場便利店買嘢飲，之後又去返三哥廚房同朋友一齊走，諗諗下覺得有啲攰不如都係走啦。我就同朋友講話走先，一個人行返屋企。
播放P2 (在警署天台拍攝的片段)，拍到被告一個人由新港城慢慢行去鞍祿街公園方向。
被告在地圖上標示回家的路線，呈堂為證物D2。
行到去耀榮樓前面的小公園，聽到身後有好重的靴的腳步聲，一兩秒後有人拍我左膊頭一下叫「小姐」，我擰轉面就見到有短辮女警 (PW4)，佢身後有三四個軍裝跑緊過嚟，我舉高雙手問咩事，女警問我攞身份證，又話要睇下我個袋，我答她隨便。
她打開紅色膠袋，取出白色包裝的豬嘴。我不記得她有冇拆包裝，但我由購買到她取出一刻都沒有用過。之後佢搜斜孭袋，一路摷一路問個豬嘴用嚟做乜，我解釋係因為喺深水埗番工，知道即將有示威活動，用黎防催淚煙。之後搜出泳鏡，佢話「肯定係用嚟游水啦」，我答係。跟住有個黑短袖T恤男人 (PW1)、白衫軍裝同埋兩三個軍裝一齊行過嚟。
PW4搜出黑T恤後比番身份證我，PW1行去PW4身邊唔知講咗啲乜，PW1「個電話嚟㗎，熄咗佢啦」我就熄咗個電話放入斜孭袋。PW1「你笑乜撚嘢」我話我冇笑。PW1「你去邊嚟呀」我答「收工番屋企」PW1「收工咁撚夜收㗎咩」我答「我喺長沙灣收工」PW1踏前一步「你好撚串喎」我退後一步，舉高雙手話「我已經好合作，你仲想點？」因為PW4已經畀返張身份證我，我就問佢「我走得未？」佢答「你唔好再喺條街度遊啦」跟住白色軍裝同PW4講等等先。PW1 PW4同白色軍裝幾個企埋一齊睇電話，跟住白色軍裝話「踢鳩佢多一次，踢乾淨啲」PW4再次搜斜孭袋，搜出雷射筆，PW4講「係綠色㗎喎」跟住搭住我膊頭話「跟我返差館」白色軍裝就話「佢係危險人物嚟㗎，一定要上手銬」跟住就帶我出馬路上警車。整個過程PW4都冇向我警誡過，果時唔知點解佢要帶我番差館。
到左警署，我見PW4喺張枱度係咁寫簿仔，寫完讀一次，又比我睇，叫我簽名。我冇簽名，因為我唔認同內容。簿上有寫警誡內容，我話「你都冇警誡過我」PW4答「呢本係我嘅口供，你認唔認同都要簽名」我答「你叫律師嚟我咪簽囉」
買雷射筆時不清楚型號，但不認同係危險物品，間舖頭係一堆掛曬喺度可以試，試啱就攞落嚟。屋企支紅色雷射筆都係喺深水埗買。我冇意圖用作傷人，係攞嚟同隻貓玩。
📌盤問
主控呈上地圖，確認三哥廚房在警署對面，係被告慣常去嘅地點之一，街坊來自不同屋苑，離家5至10分鐘路程。
被告不同意主控指雷射筆和防毒面罩並非當日購買。兩件都係在鴨寮街買。防毒面罩在五金鋪買，未用過未拆包裝；雷射筆在排檔買，購買時有測試過，無包裝無單。主控質疑如果壞咗點算，被告稱會靠認人和認位置攞番去換。
被告家中的紅光雷射筆比被檢取的短約2cm，隻貓追一陣就唔追。試過用電話下載類似雷射筆嘅app，隻貓對綠光較有興趣，所以去買綠色雷射筆。知道雷射筆有不同光度，但唔清楚點分級，無問檔主雷射筆的強度。知道雷射筆上有寫DANGER字眼，紅色嗰支都有，無問過檔主點解有此字眼，但同意有危險性，在近距離直接照射眼睛有危險。知道示威活動有人會帶防毒面具，但唔清楚有冇人用雷射筆，亦唔知道買嗰支雷射筆係高強度級。
當晚見過一名踩單車白衫年青人，有用雷射筆，但唔知佢照去邊，唔識佢。睇片段見到另一名紅衫人用雷射筆，唔識佢，當晚冇留意佢。
被告朋友有一支紅色雷射筆，亦叫被告攞出嚟玩，互相追逐。朋友把雷射光射到被告身上和地下，但被告冇將雷射光射向朋友，因為直接照射眼睛會有危險。被告照射到警署是漫不經心的意外，射咗大約3秒。主控指現場最少有四支雷射筆照射，被告同意。
當晚聽到對面有聲，只有一句較為清楚，大概係「對面班暴徒唔好再照，可以告你襲警」。被告和朋友選擇離開，但覺得警告不是指向她，係指向暴徒。但都有戴口罩，因為警察話影相，唔想俾佢影到。
控方指出：被告有雷射筆在身不是巧合，對用雷射筆的解釋不是真話，她是刻意照向警察傷害警員。拘捕過程中PW4有向被告宣佈拘捕和作出警誡，PW1並沒有粗言穢語，冇人提議再次搜身之後先拘捕。
被告不同意。作供完畢。
押後至2021年2月22日1430沙田裁判法院第七庭作結案陳詞，被告以現有條件繼續保釋。
#彭亮廷裁判官
#0810馬鞍山 #審訊 [2/2]
#攻擊性武器 #雷射筆
陳(31)
控罪：於公眾地方管有攻擊性武器
被控於2019年8月10日於馬鞍山鞍祿街公園管有一枝雷射筆
---
📌PW4女警25798陳曉紅(音)作供
📌主問
案發當天隸屬馬鞍山警區軍裝巡邏小隊第四隊，軍裝當值。當天受訓示到鞍誠街鞍祿街一帶進行掃蕩。8月11日0023，在鞍祿街公園附近有一女子身穿黑衫黑長褲黑鞋戴眼鏡、左手持紅色膠袋、孭藍色斜孭袋，距離約五米外。看到她外表是先前訓示需要截查的人士。想上前查問時她回頭望，之後急步向耀榮樓方向走去。我亦急步上前，叫她停低但她沒有理會。最後走至耀榮樓地下將她截停。我向她講截停原因並叫她出示身份證，此時亦有其他隊員在場。向女子查問期間，特遣隊和署理警署警長陳振球亦到達上址，並指出此女子就是其中一名涉案人士，即本案被告。
我向她搜身，首先搜查左手的紅色膠袋，裏面有一個白色膠袋，內有3M防毒面具及說明書。之後在她的斜孭袋中搜出黑色約10cm長的雷射筆，可發出綠色光線，在現場有試，檢取為證物，並向被告拘捕及警誡，罪名為管有攻擊性武器、阻差辦公和襲警，被告沒任何回應。另外亦搜出黑色泳鏡、黑色T恤、黑口罩、手機連機殼。將證物交給同事後，一起回去馬鞍山警署。到了警署我帶她見值日官和處理落口供等文件工作，之後案件交由偵緝警員接手。
🌟盤問 (括號內為PW4回答)
你說你見到被告時有嗌佢，佢有咩反應？ (佢四圍望) 當時附近冇人？(有零碎行人) 果啲人有冇傾計？ (冇留意) 當時環境平靜，冇人嗌，冇嘈雜聲音 (平靜，係) 被告係快步定慢步咁行開？ (急步走) 即係唔係跑 (係) 由你開聲叫被告到截停佢時間有幾耐 (兩至三分鐘啦相信) 當時附近只有佢一個 (係) 大概過咗幾耐陳振球先到？(緊接住嘅，冇計幾耐)
被告身上支雷射筆得一粒掣 (唔記得) 你試支雷射筆果陣撳咗一下定兩下掣？(唔記得) 淨係記得開咗 (係) 你開完之後用咩方法令到啲綠光消失？(撳掣) 幾多下？(唔記得) 支筆除咗綠色光之外仲有冇其他光？(唔記得) 向你指出支筆仲可以發出白光 (唔記得)
你幫被告搜身後回到馬鞍山警署，有冇補錄拘捕過程？(有) 內容有冇提及在現場警誡被告？(有) 有冇比被告閱讀簽名？(有) 佢有冇簽名 (冇) 有冇講點解唔簽 (冇) 向你指出其實佢有解釋唔簽係因為唔同意內容，因為你喺現場根本冇警誡被告 (不同意)
在地圖上標示你第一眼見到被告是你自己的位置，以及你截停被告的位置，呈堂為證物D1。
你話喺紅色膠袋內發現白色膠袋，內有防毒面罩及說明書，其實白色膠袋就是防毒面罩的包裝袋 (係) 你第一眼見到被告時係正面定背面？(側面) 之後你繼續跟住佢，佢就背向你 (係)
PW4作供完畢。
📌PW5 PC13477 招志偉(音)作供 (控辯內容整合)
案發當日隸屬沙田警區值日隊第三隊，8月11日0130獲指派為本案調查人員，但案件由沙田警區重案組第二隊接手，之後就再沒有參與調查。
PW5為案件寫了一份調查報告，包括案發地點、拘捕地點、拘捕警員、罪名、檢取了的9件證物等。PW5沒有使用過涉案雷射筆，拘捕同事告訴他這是一支可以發出綠光的雷射燈電筒。
PW5作供完畢，控方案情完結，沒有中段陳詞，表面證供成立。
🌟被告作供
🌟主問
被告居住馬鞍山，在深水埗一間餐飲公司工作，2019年8月10日1100-2030要上班。工作要求她穿著黑長褲和黑鞋，上衣沒有規定，但通常都會著深色衫，以免被食物弄污。當天上班前去鴨寮街買了一個防毒面罩和雷射筆，因為在網上看到8月11日深水埗區會有示威活動，那天她要上班，怕被催淚煙波及，所以買了防毒面罩。買雷射筆是因為她家有養貓，牠喜歡追逐雷射筆的光點，打算買來和牠玩。雖然家中有另一支紅色光的雷射筆，但貓似乎鍾意鮮色啲嘅，所以買了綠色光。
8月10日2040收工，因為見到locker混亂，想攞番啲嘢番屋企，最後執走了泳鏡和黑T恤塞入袋。泳鏡是因為之前打算下班去游水，但現在放工太攰，都係放假先去，屋企冇另一副泳鏡，所以帶回家。T恤是因為有時做嘢會整污糟件衫，所以有幾件後備衫，但這件擺了比較耐，所以攞番去洗。原本諗住攞埋件泳衣但塞唔入，搞到約2100先走。
之後搭巴士去沙田搵朋友，行咗一陣一齊番馬鞍山食M記。之後周圍行、吹水，去了三哥廚房搵街坊吹水食煙飲啤酒玩電話，那裏一直是街坊的聚集地。有個街坊玩玩下用紅色雷射筆射我，嗰時講起我啲貓，佢話「肥貓 (被告花名) 快啲追啲紅點啦」，我答「我屋企隻貓都唔鍾意紅點啦」，喺褲袋攞我支雷射筆出嚟話「呢支就唔同啦，綠光仲可以轉電筒添」，隨意地fing了一下。支筆按一下會發出綠光，再按一下會變成電筒，再按多下就熄。之後擺番落褲袋繼續同朋友吹水。
跟住聽到有大聲公，啲聲好拆又好lur又快，聽唔清楚佢講乜，估係警告說話，只聽到咩咩咩唔好走咁上下，由對面發出。對面只有警署、學校、住宅，估係由警署嗌過黎。過咗一陣又聽到大聲公嗌「你哋嘅行為已構成襲警，請立刻離開」咁上下。我覺得諤然，企咗喺度，附近有其他街坊用粗口鬧佢地。我只係喺度吹水啫，唔明點解比人話襲警，後來先知原來警署平台上面有人，果時唔知，因為好黑，睇唔到有人。之後繼續吹水，又聽到大聲公話「zoom近啲影清楚佢哋個樣」，有街坊叫我哋帶口罩。當時覺得我哋只係吹水，冇必要走，大聲公啲說話應該唔係同我講，我乜都冇做過點樣襲警？有個仔即刻踩單車走咗，不過我唔識佢。我都有戴口罩，因為唔想俾人影，但戴咗一陣都除番，因覺得冇必要遮樣。
睇多陣覺得唔係好對路，因為之前街坊有鬧警察，朋友話不如轉場啦。轉場前我去咗商場便利店買嘢飲，之後又去返三哥廚房同朋友一齊走，諗諗下覺得有啲攰不如都係走啦。我就同朋友講話走先，一個人行返屋企。
播放P2 (在警署天台拍攝的片段)，拍到被告一個人由新港城慢慢行去鞍祿街公園方向。
被告在地圖上標示回家的路線，呈堂為證物D2。
行到去耀榮樓前面的小公園，聽到身後有好重的靴的腳步聲，一兩秒後有人拍我左膊頭一下叫「小姐」，我擰轉面就見到有短辮女警 (PW4)，佢身後有三四個軍裝跑緊過嚟，我舉高雙手問咩事，女警問我攞身份證，又話要睇下我個袋，我答她隨便。
她打開紅色膠袋，取出白色包裝的豬嘴。我不記得她有冇拆包裝，但我由購買到她取出一刻都沒有用過。之後佢搜斜孭袋，一路摷一路問個豬嘴用嚟做乜，我解釋係因為喺深水埗番工，知道即將有示威活動，用黎防催淚煙。之後搜出泳鏡，佢話「肯定係用嚟游水啦」，我答係。跟住有個黑短袖T恤男人 (PW1)、白衫軍裝同埋兩三個軍裝一齊行過嚟。
PW4搜出黑T恤後比番身份證我，PW1行去PW4身邊唔知講咗啲乜，PW1「個電話嚟㗎，熄咗佢啦」我就熄咗個電話放入斜孭袋。PW1「你笑乜撚嘢」我話我冇笑。PW1「你去邊嚟呀」我答「收工番屋企」PW1「收工咁撚夜收㗎咩」我答「我喺長沙灣收工」PW1踏前一步「你好撚串喎」我退後一步，舉高雙手話「我已經好合作，你仲想點？」因為PW4已經畀返張身份證我，我就問佢「我走得未？」佢答「你唔好再喺條街度遊啦」跟住白色軍裝同PW4講等等先。PW1 PW4同白色軍裝幾個企埋一齊睇電話，跟住白色軍裝話「踢鳩佢多一次，踢乾淨啲」PW4再次搜斜孭袋，搜出雷射筆，PW4講「係綠色㗎喎」跟住搭住我膊頭話「跟我返差館」白色軍裝就話「佢係危險人物嚟㗎，一定要上手銬」跟住就帶我出馬路上警車。整個過程PW4都冇向我警誡過，果時唔知點解佢要帶我番差館。
到左警署，我見PW4喺張枱度係咁寫簿仔，寫完讀一次，又比我睇，叫我簽名。我冇簽名，因為我唔認同內容。簿上有寫警誡內容，我話「你都冇警誡過我」PW4答「呢本係我嘅口供，你認唔認同都要簽名」我答「你叫律師嚟我咪簽囉」
買雷射筆時不清楚型號，但不認同係危險物品，間舖頭係一堆掛曬喺度可以試，試啱就攞落嚟。屋企支紅色雷射筆都係喺深水埗買。我冇意圖用作傷人，係攞嚟同隻貓玩。
📌盤問
主控呈上地圖，確認三哥廚房在警署對面，係被告慣常去嘅地點之一，街坊來自不同屋苑，離家5至10分鐘路程。
被告不同意主控指雷射筆和防毒面罩並非當日購買。兩件都係在鴨寮街買。防毒面罩在五金鋪買，未用過未拆包裝；雷射筆在排檔買，購買時有測試過，無包裝無單。主控質疑如果壞咗點算，被告稱會靠認人和認位置攞番去換。
被告家中的紅光雷射筆比被檢取的短約2cm，隻貓追一陣就唔追。試過用電話下載類似雷射筆嘅app，隻貓對綠光較有興趣，所以去買綠色雷射筆。知道雷射筆有不同光度，但唔清楚點分級，無問檔主雷射筆的強度。知道雷射筆上有寫DANGER字眼，紅色嗰支都有，無問過檔主點解有此字眼，但同意有危險性，在近距離直接照射眼睛有危險。知道示威活動有人會帶防毒面具，但唔清楚有冇人用雷射筆，亦唔知道買嗰支雷射筆係高強度級。
當晚見過一名踩單車白衫年青人，有用雷射筆，但唔知佢照去邊，唔識佢。睇片段見到另一名紅衫人用雷射筆，唔識佢，當晚冇留意佢。
被告朋友有一支紅色雷射筆，亦叫被告攞出嚟玩，互相追逐。朋友把雷射光射到被告身上和地下，但被告冇將雷射光射向朋友，因為直接照射眼睛會有危險。被告照射到警署是漫不經心的意外，射咗大約3秒。主控指現場最少有四支雷射筆照射，被告同意。
當晚聽到對面有聲，只有一句較為清楚，大概係「對面班暴徒唔好再照，可以告你襲警」。被告和朋友選擇離開，但覺得警告不是指向她，係指向暴徒。但都有戴口罩，因為警察話影相，唔想俾佢影到。
控方指出：被告有雷射筆在身不是巧合，對用雷射筆的解釋不是真話，她是刻意照向警察傷害警員。拘捕過程中PW4有向被告宣佈拘捕和作出警誡，PW1並沒有粗言穢語，冇人提議再次搜身之後先拘捕。
被告不同意。作供完畢。
押後至2021年2月22日1430沙田裁判法院第七庭作結案陳詞，被告以現有條件繼續保釋。