#九龍城裁判法院第十三庭
#鄭念慈裁判官
#1111油麻地
#審訊 [5/4]
D1盧
D2蕭
控罪：
1) #非法集結 (D1 D2)
被控於2019年11月11日在油麻地彌敦道與登打士街範圍連同其他身分不詳的人參與非法集結
2) 管有 #攻擊性武器 (D2)
被控於2019年11月11日於彌敦道登打士街交界管有一支 #雷射筆
---
D2作供。
📌辯方主問
D2的肺病現時仍需覆診，因肺部較敏感，所以需要戴口罩。D1和D2是中學同學和朋友，2019年11月10日2145在大角咀約了朋友飲酒，其中一位是D1，兩位是教會朋友，D1亦認識。因有一位朋友將要去外國讀書，這地方是他們兩位決定的。逗留了一個多小時，約晚上十一點前就走。因為飲咗一陣覺得肚餓，又覺得繼續飲落去會醉，我同D1走先。
之後去咗上海街荷里活冰室食嘢，因為好近間酒吧，約2305到達，叫嘢食和D1吹水。期間D1畀snapchat地圖我睇，話winki都喺附近喎。李小姐同我哋都係同學。我叫D1聯絡Winki，因為我有少少鍾意佢，直接同佢聯絡有啲尷尬。Winki話join我哋食飯，我叫D1影張單畀佢睇，因為上面有地址。過左20分鐘佢都未嚟到，佢話喺銀行中心附近，我同D1講，我地去搵佢好過啦，我哋都食完。2350離開餐廳，向銀行中心方向行。沿上海街想轉入山東街去彌敦道，但到咗砵蘭街交界見到彌敦道好多人，我叫D1打電話畀Winki，佢講到一舊舊，我叫佢pass部電話畀我講啦，同佢講我哋想過嚟但好多人過唔到，不如轉去家樂坊等，Winki話好。
行去家樂坊方向期間想去洗手間，沿砵蘭街行中途經過公廁，去完就繼續去家樂坊，由登打士街轉出去彌敦道過馬路，現場冇咩特別。0020到達家樂坊見到Winki，同佢傾去邊，大家都話返屋企，一齊行返去土瓜灣，即係沿廣華醫院行去窩打老道，向培正方向行。呢個時候Winki話肚痛想去洗手間，我哋就帶返佢去啱啱砵蘭街個公廁，原路折返。彌敦道路面情況冇變。五至六分鐘後去到公廁門口，Winki防水袋我揸住，係粉紅色袋，我放咗入我背囊。
喺洗手間出面等緊期間聽到山東街嘭一聲，有好攻鼻的煙飄過來，我同D1向油麻地方向暫避，我一路行一路咳，行到歐美廣場對面的粥鋪外坐低想唞順條氣，D1喺歐美廣場7-11買左支水畀我飲，我叫D1打畀Winki通知我哋位置。D1話Winki應該仲有排，我哋繼續坐低等。期間見到5-6名防暴由彌敦道入咗登打士街，喝登打士街的途人走，我同D1亦起身走向砵蘭街方向。我哋用平常步速行，手上冇物品。
行到去夜總會對出，有人從後喝「前面嗰兩個企喺度」，擰轉頭見到有五至六個防暴，指住我哋。我哋企喺原地，警員問我攞身份證，我喺褲袋拎銀包出嚟攞身份證。PW3：咁夜喺度做乜，我答喺附近食飯，PW3：咁夜食乜撚嘢飯，我答咁我肚餓咪去食 。PW3問我做乜戴口罩，我答我之前有肺病，佢要我證明，我攞出覆診卡，交畀上有急救字樣背心的警察睇。
佢話要搜身，喺我左前褲袋攞出iphone之後比番我， 我將背囊孭喺身前畀佢搜。一開始開左背囊最大果格，有個粉紅色袋，佢問係用嚟裝tg殼？我話唔係，打開粉紅色袋，攞咗冰袖同泳鏡出嚟畀佢睇。急救字眼警員此時畀番張覆診卡講，張嘢堅嘅。跟住PW3話「有病就返屋企啦」。佢繼續搜袋，搜袋期間我問「呀sir，比個委任證我睇下」隨即幾個防暴激動圍上前， PW3話「著到咁唔係防暴係咩呀，你係咪想玩嘢」，我話我都係問下啫。 之後PW3在背囊搜出雷射筆，話「哦，咩黎架」，佢將支筆照落地，有綠光，之後話「OK，夠做喇」，然後話我非法集結同管有攻擊性武器。佢身後有個好似指揮官嘅人指住我，「你想睇委任證吖嘛，而家就畀你睇」佢有講佢職位同名但佢講得好快，我唔記得。
解釋物品用途：P11黑色背囊，原本想孭另一個出街，但畀阿媽洗咗，所以先帶呢個背囊；P12黑色外套，阿媽話驚我凍叫我帶；P13灰白間條衫，原本係著住出街，喺酒吧飲酒嗰陣除低；P14黑圍巾，本身就喺背囊，呢個背囊係露營/戶外活動用嘅，對上一次係2019年10月去貝澳露營，到最後都冇用過，冇攞出嚟；P13黑色cap帽，都係露營時嘅cap帽；P17粉紅色防水袋，係Winki畀我嘅；P33泳鏡P18冰袖喺防水袋裏面；P32手套，當日出門口時扔咗一個唔要嘅鞋櫃去垃圾站，手套係搬櫃嗰陣用嘅，冇畀返阿媽，搭巴士時拉開背囊細格放入去；P34雷射筆，我唔知道背囊有，有警察拎出嚟時先知，係上次去露營時觀星用嘅。
📌D1辯方律師提問
D2補充他聽到指揮官有對D1講「咁鍾意玩而家拉埋你」，因為D1喺身邊，但冇睇哂女警搜D1的過程，但好似好惡。D1有講過星期日同大學同學去咗行山但冇講行咩山，有話行到好攰。
📌控方盤問(節錄，刪去部份廢問題)
控：Winki D1同你住唔同區，你唔啱路。
D2：我喺嗰個區有studio，諗住送完佢返屋企之後返studio休息
控：D1送咪得囉，駛乜你送
D2：我想見多佢幾面吖嘛
控：咁D1咪做電燈膽
D2：我哋三個都好熟相信冇問題
控：你咁後生就租到個studio？
D2：我有返part time，同埋同其他朋友夾
控：租嚟做乜？
D2：同朋友玩
控：你去間酒吧冇嘢食咩，你要同朋友farewell點解唔留耐啲？
D2：得啲小食，同埋我怕坐耐啲會飲醉
控：點解行到咁遠食嘢？附近大把野食
D2：啲餐廳唔係間間有開
控：點解要改約去家樂坊？
D2：因為山東街有人群聚集過唔到，唔想惹麻煩所以兜路，約去啲少人啲嘅地方
控：唔想惹麻煩應該早啲返屋企
D2：因為想同Winki會合吖嘛
控：你見到山東街有人就唔應該再約去油麻地方向
D2：直落都冇阻塞，係橫過彌敦道先有阻塞
控：點解要行返土瓜灣？唔搭地鐵、巴士、小巴、的士？
D2：當時夜晚已經冇曬車，又見唔到的士
控：其實你當晚係參加示威，行返屋企喺逃跑路線
D2：完全唔同意
控：你去家樂坊途中見到好多人？
D2：得彌敦道有人，登打士街砵蘭街都冇人，得山東街彌敦道交界有人。
控：家樂坊冇廁所咩？潮特呢？
D2：閂咗啦
控：咁廣華醫院應該有廁所啦
D2：當時冇諗過要去醫院去廁所，第一印象就係諗到啱啱經過嗰個
控：Wicki當時裝束係點？
D2：有個好細嘅袋，另外用手揸住個粉紅色袋
控：Wicki參加左抗爭運動
D2：我唔知喎...
控：佢由旺角去土瓜灣期間都冇去廁所
D2：咁唔知喎
控：你諗住幾時畀返個粉紅色袋佢？
D2：諗住送到佢返屋企先畀返佢，費事佢要拎住咁耐
控：你喺砵蘭街公廁外面等，聽到山東街嘭一聲，應該係催淚彈啦，山東街好遠喎
D2：聽到山東街方向傳來嘭一聲，啲煙飄緊埋嚟，我好唔舒服所以走先
控：你唔通知Winki一聲就走咗去？
D2：去到歐美廣場就打畀佢。我當時氣喘狂咳，連D1都冇留意，冇能力即刻打電話。
控：防暴叫登打士街嘅人，離開你入去間粥舖咪得
D2：啱啱先食完嘢，唔諗住再消費。啲防暴指住砵蘭街方向，我咪走去砵蘭街方向。
控：指出關於Winki嘅情節係虛構
D2：唔係呀，全部都係真。
控方指出案情：
PW3冇講過咁夜食乜嘢飯呢啲對話，左前褲袋搜出手套和雷射筆、背囊內搜出泳鏡而不是在粉紅色防水袋內，粉紅色防水袋內只有冰袖。
D2：不同意
控：你問PW3睇委任證，你話警員激動，點樣激動？
D2：佢哋全部一齊逼我埋牆
控：D1(3)現場照片咁嘅情況？
D2：唔係，張相係叫我除口罩畀佢睇嘅時段
控：點解要問佢睇委任證？
D2：佢知我係邊個，我都可以知佢係邊個，佢又講曬粗口，唔知佢會做乜，我要保障自己嘅權利。
控：向你指出現場冇呢個情節
D2：不同意，一定有呢個情節。
控：但指揮官表明自己身份你唔記得？
D2：佢無啦啦話要拉我，語速好快，受驚所以一片空白
控：之前又唔驚嘅
D2：講粗口都係一啲平常事
控：冇警員講粗口
D2：一定有
控方指出案情：
你和D1在登打士街彌敦道路口集結、叫囂、用雜物堵路，見到防暴警察就急步逃走，防暴警察一直追截，左轉至砵蘭街國際夜總會外被截停，PW3在你左前褲袋搜出雷射筆，你想用雷射筆照射警員。
D2：絕對唔同意
D2作供完畢。
押後至2月24日1530同庭續審。
#鄭念慈裁判官
#1111油麻地
#審訊 [5/4]
D1盧
D2蕭
控罪：
1) #非法集結 (D1 D2)
被控於2019年11月11日在油麻地彌敦道與登打士街範圍連同其他身分不詳的人參與非法集結
2) 管有 #攻擊性武器 (D2)
被控於2019年11月11日於彌敦道登打士街交界管有一支 #雷射筆
---
D2作供。
📌辯方主問
D2的肺病現時仍需覆診，因肺部較敏感，所以需要戴口罩。D1和D2是中學同學和朋友，2019年11月10日2145在大角咀約了朋友飲酒，其中一位是D1，兩位是教會朋友，D1亦認識。因有一位朋友將要去外國讀書，這地方是他們兩位決定的。逗留了一個多小時，約晚上十一點前就走。因為飲咗一陣覺得肚餓，又覺得繼續飲落去會醉，我同D1走先。
之後去咗上海街荷里活冰室食嘢，因為好近間酒吧，約2305到達，叫嘢食和D1吹水。期間D1畀snapchat地圖我睇，話winki都喺附近喎。李小姐同我哋都係同學。我叫D1聯絡Winki，因為我有少少鍾意佢，直接同佢聯絡有啲尷尬。Winki話join我哋食飯，我叫D1影張單畀佢睇，因為上面有地址。過左20分鐘佢都未嚟到，佢話喺銀行中心附近，我同D1講，我地去搵佢好過啦，我哋都食完。2350離開餐廳，向銀行中心方向行。沿上海街想轉入山東街去彌敦道，但到咗砵蘭街交界見到彌敦道好多人，我叫D1打電話畀Winki，佢講到一舊舊，我叫佢pass部電話畀我講啦，同佢講我哋想過嚟但好多人過唔到，不如轉去家樂坊等，Winki話好。
行去家樂坊方向期間想去洗手間，沿砵蘭街行中途經過公廁，去完就繼續去家樂坊，由登打士街轉出去彌敦道過馬路，現場冇咩特別。0020到達家樂坊見到Winki，同佢傾去邊，大家都話返屋企，一齊行返去土瓜灣，即係沿廣華醫院行去窩打老道，向培正方向行。呢個時候Winki話肚痛想去洗手間，我哋就帶返佢去啱啱砵蘭街個公廁，原路折返。彌敦道路面情況冇變。五至六分鐘後去到公廁門口，Winki防水袋我揸住，係粉紅色袋，我放咗入我背囊。
喺洗手間出面等緊期間聽到山東街嘭一聲，有好攻鼻的煙飄過來，我同D1向油麻地方向暫避，我一路行一路咳，行到歐美廣場對面的粥鋪外坐低想唞順條氣，D1喺歐美廣場7-11買左支水畀我飲，我叫D1打畀Winki通知我哋位置。D1話Winki應該仲有排，我哋繼續坐低等。期間見到5-6名防暴由彌敦道入咗登打士街，喝登打士街的途人走，我同D1亦起身走向砵蘭街方向。我哋用平常步速行，手上冇物品。
行到去夜總會對出，有人從後喝「前面嗰兩個企喺度」，擰轉頭見到有五至六個防暴，指住我哋。我哋企喺原地，警員問我攞身份證，我喺褲袋拎銀包出嚟攞身份證。PW3：咁夜喺度做乜，我答喺附近食飯，PW3：咁夜食乜撚嘢飯，我答咁我肚餓咪去食 。PW3問我做乜戴口罩，我答我之前有肺病，佢要我證明，我攞出覆診卡，交畀上有急救字樣背心的警察睇。
佢話要搜身，喺我左前褲袋攞出iphone之後比番我， 我將背囊孭喺身前畀佢搜。一開始開左背囊最大果格，有個粉紅色袋，佢問係用嚟裝tg殼？我話唔係，打開粉紅色袋，攞咗冰袖同泳鏡出嚟畀佢睇。急救字眼警員此時畀番張覆診卡講，張嘢堅嘅。跟住PW3話「有病就返屋企啦」。佢繼續搜袋，搜袋期間我問「呀sir，比個委任證我睇下」隨即幾個防暴激動圍上前， PW3話「著到咁唔係防暴係咩呀，你係咪想玩嘢」，我話我都係問下啫。 之後PW3在背囊搜出雷射筆，話「哦，咩黎架」，佢將支筆照落地，有綠光，之後話「OK，夠做喇」，然後話我非法集結同管有攻擊性武器。佢身後有個好似指揮官嘅人指住我，「你想睇委任證吖嘛，而家就畀你睇」佢有講佢職位同名但佢講得好快，我唔記得。
解釋物品用途：P11黑色背囊，原本想孭另一個出街，但畀阿媽洗咗，所以先帶呢個背囊；P12黑色外套，阿媽話驚我凍叫我帶；P13灰白間條衫，原本係著住出街，喺酒吧飲酒嗰陣除低；P14黑圍巾，本身就喺背囊，呢個背囊係露營/戶外活動用嘅，對上一次係2019年10月去貝澳露營，到最後都冇用過，冇攞出嚟；P13黑色cap帽，都係露營時嘅cap帽；P17粉紅色防水袋，係Winki畀我嘅；P33泳鏡P18冰袖喺防水袋裏面；P32手套，當日出門口時扔咗一個唔要嘅鞋櫃去垃圾站，手套係搬櫃嗰陣用嘅，冇畀返阿媽，搭巴士時拉開背囊細格放入去；P34雷射筆，我唔知道背囊有，有警察拎出嚟時先知，係上次去露營時觀星用嘅。
📌D1辯方律師提問
D2補充他聽到指揮官有對D1講「咁鍾意玩而家拉埋你」，因為D1喺身邊，但冇睇哂女警搜D1的過程，但好似好惡。D1有講過星期日同大學同學去咗行山但冇講行咩山，有話行到好攰。
📌控方盤問(節錄，刪去部份廢問題)
控：Winki D1同你住唔同區，你唔啱路。
D2：我喺嗰個區有studio，諗住送完佢返屋企之後返studio休息
控：D1送咪得囉，駛乜你送
D2：我想見多佢幾面吖嘛
控：咁D1咪做電燈膽
D2：我哋三個都好熟相信冇問題
控：你咁後生就租到個studio？
D2：我有返part time，同埋同其他朋友夾
控：租嚟做乜？
D2：同朋友玩
控：你去間酒吧冇嘢食咩，你要同朋友farewell點解唔留耐啲？
D2：得啲小食，同埋我怕坐耐啲會飲醉
控：點解行到咁遠食嘢？附近大把野食
D2：啲餐廳唔係間間有開
控：點解要改約去家樂坊？
D2：因為山東街有人群聚集過唔到，唔想惹麻煩所以兜路，約去啲少人啲嘅地方
控：唔想惹麻煩應該早啲返屋企
D2：因為想同Winki會合吖嘛
控：你見到山東街有人就唔應該再約去油麻地方向
D2：直落都冇阻塞，係橫過彌敦道先有阻塞
控：點解要行返土瓜灣？唔搭地鐵、巴士、小巴、的士？
D2：當時夜晚已經冇曬車，又見唔到的士
控：其實你當晚係參加示威，行返屋企喺逃跑路線
D2：完全唔同意
控：你去家樂坊途中見到好多人？
D2：得彌敦道有人，登打士街砵蘭街都冇人，得山東街彌敦道交界有人。
控：家樂坊冇廁所咩？潮特呢？
D2：閂咗啦
控：咁廣華醫院應該有廁所啦
D2：當時冇諗過要去醫院去廁所，第一印象就係諗到啱啱經過嗰個
控：Wicki當時裝束係點？
D2：有個好細嘅袋，另外用手揸住個粉紅色袋
控：Wicki參加左抗爭運動
D2：我唔知喎...
控：佢由旺角去土瓜灣期間都冇去廁所
D2：咁唔知喎
控：你諗住幾時畀返個粉紅色袋佢？
D2：諗住送到佢返屋企先畀返佢，費事佢要拎住咁耐
控：你喺砵蘭街公廁外面等，聽到山東街嘭一聲，應該係催淚彈啦，山東街好遠喎
D2：聽到山東街方向傳來嘭一聲，啲煙飄緊埋嚟，我好唔舒服所以走先
控：你唔通知Winki一聲就走咗去？
D2：去到歐美廣場就打畀佢。我當時氣喘狂咳，連D1都冇留意，冇能力即刻打電話。
控：防暴叫登打士街嘅人，離開你入去間粥舖咪得
D2：啱啱先食完嘢，唔諗住再消費。啲防暴指住砵蘭街方向，我咪走去砵蘭街方向。
控：指出關於Winki嘅情節係虛構
D2：唔係呀，全部都係真。
控方指出案情：
PW3冇講過咁夜食乜嘢飯呢啲對話，左前褲袋搜出手套和雷射筆、背囊內搜出泳鏡而不是在粉紅色防水袋內，粉紅色防水袋內只有冰袖。
D2：不同意
控：你問PW3睇委任證，你話警員激動，點樣激動？
D2：佢哋全部一齊逼我埋牆
控：D1(3)現場照片咁嘅情況？
D2：唔係，張相係叫我除口罩畀佢睇嘅時段
控：點解要問佢睇委任證？
D2：佢知我係邊個，我都可以知佢係邊個，佢又講曬粗口，唔知佢會做乜，我要保障自己嘅權利。
控：向你指出現場冇呢個情節
D2：不同意，一定有呢個情節。
控：但指揮官表明自己身份你唔記得？
D2：佢無啦啦話要拉我，語速好快，受驚所以一片空白
控：之前又唔驚嘅
D2：講粗口都係一啲平常事
控：冇警員講粗口
D2：一定有
控方指出案情：
你和D1在登打士街彌敦道路口集結、叫囂、用雜物堵路，見到防暴警察就急步逃走，防暴警察一直追截，左轉至砵蘭街國際夜總會外被截停，PW3在你左前褲袋搜出雷射筆，你想用雷射筆照射警員。
D2：絕對唔同意
D2作供完畢。
押後至2月24日1530同庭續審。