#西九龍裁判法院第一庭
#羅德泉主任裁判官
#1225葵涌
#提堂

D1 *(16)
控罪：非法集結

據上次審前覆核，今天處理被告的匿名令法律爭議。

羅官表示已睇文件，表示少年犯條例20A同呢件案件有唔同，由於呢件案件從來冇去過少年法庭，而20A係講緊出席少年法庭嘅人。雖然都有提及其他法庭，但萬一被定罪，能唔能夠返少年法庭判刑？係需要考慮嘅問題。

辯方律師指出黃崇厚法官其中一宗案例第84段，表示任何審訊，也是根據被控日期決定少年犯條例能應用於少年被告。
英國亦有一宗案例，P.114 B段，表示除非有特別原因，才會解除少年被告的匿名令。
辯方亦引用一宗棄保潛逃嘅少年犯案例，表示呢啲先係特別原因，而唔係少年過咗生日就要公開佢個名。
同時，因主控一直考慮charge唔charge，而令到法律程序延長，導致被告過咗生日都未開始審訊，係對當事人唔公平。

羅官表示如果審審下生日，都係用嗰啲原則考慮，就算係唔係棄保潛逃，都係咁處理。

主控表示少年犯條例20A1係講緊兒童法庭處理嘅案件有兩種人身份不能發表，包括被告同證人，而20A3指出喺裁判院、區域法院、原訟法庭嘅被告同證人都應該公開。
少年法庭處理案件時，若被告喺聽取答辯當日過咗16歲，少年法庭係冇權聽取答辯。同時，該法庭亦冇權延續匿名呢個命令。
而且根據公開公義原則，公眾有權知悉公正同準確嘅報導，包括名同資料，正如警務人員唔應該禁止被報導，呢個係公開審訊嘅原則。
睇返20A3同20A1，都係講緊同一樣嘢，兒童的不能報導，但如果有一方認為要報導，係可以舉證。而20A3亦指出法庭冇酌情權。
主控表示被告到咗16歲就自然要取消匿名令，法庭冇權延續落去。

羅官表示如法庭給予准許，縱使到17、18歲，都可以延續。而20A3嘅話，落一個特別命令，如果少年長大，一到16歲就會自動終結，就不能以20A3去落呢個命令。

辯方回應因為一單審好耐嘅案，拖到佢生日，就等於要取消匿名令，係uncertain。另引用黃崇厚法官同樣講少年犯條例，除非有其他觀察，否則25條同20A，都冇話同其他條例係唔同。而且，若法律程序一開始被告唔係喺成人法庭，根據20A1，係會一直都會由少年庭處理，除非20A有其他計算方法。最後，頭先主控提及需要平衡公眾利益，請閣下平衡公眾利益同被告人利益之下進行裁決。

羅官裁決：
接納20A3內指出，頒布匿名令要有一個程序，不是必然情況；但如果匿名限制在20A2發生，即少年法庭，係唔需要申請，我接納呢個情況。
睇返20A1同20A3，都係指出保護呢類人士。因為技術上問題，有機會牽涉其他被告，但不應令應被保護的人不被保護。
根據20A3，匿名令係一直有效，除非法庭認為要撤除。即使案件一路進展後，認為匿名裁決有偏差，依然會酌情處理。因為唔希望再去處理而變得真空，所以匿名令會依然有效。但羅官強調，唔認為裁決有問題。

裁決結果：匿名令繼續生效。

💛感謝臨時直播員詳細記錄💛