#沙田裁判法院第七庭
#香淑嫻裁判官
#1103沙田 #審訊 [2/4]
#擊警 #攻擊性武器

(27/2/2021 後補資料)
16/2/2021 上午審訊 / 下午審訊
17/2/2021 上午審訊(此段) / 下午審訊
18/2/2021 上午審訊 / 下午審訊
19/2/2021 上午審訊

林(22)

控罪：
1) 襲擊警務人員
2) 在公眾地方管有攻擊性武器

案情：被指於2019年11月3日晚在沙田瀝源橋近大涌橋路襲擊警員17185，以及於同日同地攜有6個汽油彈

09:55開庭

📕PW2 警員20288 石合(音)繼續作供；負責拘捕被告。

📍辯方盤問📍
22:00前，從通訊機收到訊息，3名男子走向中央公園，第一中隊與總部成員前去掃蕩，睇吓有無可疑黑衫人士，其中有人孭背囊，中隊與總部成員共約11人， 17185 & 19513 在PW2附近，可能仲有其他人在後面，17185 在最前，與PW2之間有2-3人，人與人之間係密。

22:00時17185截停一男子，兩個都行緊，面對面行到大概約2米，17185申出右手截停，男子向17185右邊跑，跑向PW2，17185雙手攬住被告，PW2箍住左手，有同事到，4個人制服被告在地下，上手扣，過程約1分鐘。

截停前，PW2去到瀝源橋，見到橋上有3-4人迎面行來，無留意到被告，去到第3支燈柱先見到，佢前面有另一人，唔似一齊行，唔知點解截停佢，睇唔到掉袋；搜查時有睇錶，22:02係實時，22:00係估算出嚟，22:10 17185同PW2講事發經過，拘捕被告襲警、阻差辦公，原因係17185受傷，無配合截停，PW2無即時離開，等待水警打撈結果，22:53水警折返，但無交到個袋，直至返到警署，PW2和被告都無見過個袋。

PW2 知道瀝源橋上有其他人被警員截查，企在不同位置，唔知內容，唔知有無其他人掉嘢落河，唔知城門河有兩件漂浮物，22:10有望過落河，之後有其他人照射河面，但唔知係咩人，無聽過話揾到背囊；有留意17185傷勢，佢有戴眼鏡，無印象幾時跌眼鏡，唔知有無爛。

律師向PW2指出辯方案情，大致與PW1的相約，不同在於PW2同意被告在被制服期間受傷，交咗俾軍裝安排去睇醫生，PW2無跟進，唔知傷勢。

⚙️控方覆問⚙️
17185不是總部成員；被告的傷勢是制服期間做成，因為佢逃跑、争扎；被告被截停時，身邊有其他非警務人員；在瀝源橋無嘢撈上嚟。


📕傳召PW3 女警員 19513 駱凱茵(音)；負責用電筒照射河上的袋，女警表示自己有250度近視，案發時有戴con。

⚙️控方主問⚙️
PW3 描述當晚巡邏工作，22:02去到瀝源橋第4支燈柱，應17185指示，在瀝源橋上用強力電筒照向河上的黑色袋，當時見被告已被制服於地上，PW3 向17185確認河面的袋後並一直照着，她形容袋的外觀為黑色，約20x30cm，有反光物料，袋隨水流由瀝源橋5米外範圍漂向無名橋，視線沒有阻礙，約一分鐘後，有光柱從中央公園河邊照射，口頭溝通後，得知係一位葵青區的警員18211，二人的光柱一直照着黑袋，直至漂到無名橋縮細成一小點就見唔到，過程無離開視線；22:48 水警到場，指示袋在前方；22:53 水警折返瀝源橋，講「袋入面有幾支汽油彈」；辨認P5，形狀差不多，黑色長方形，相信係呢個袋。

📍辯方盤問📍
22:00 去到大涌橋路連接瀝源橋的涼亭，當時未見被告，只聽到有聲，行去第4支燈柱，見被告已經坐低，唔知咩事，22:02 同17185照射河面揾袋，大概22:30漂到去無名橋就睇唔到；睇P3地圖，PW3估計無名橋距離約300米，在見到既範圍(5-100米)，袋係有反光，唔確定個袋有無打開。

PW3話個袋「側邊有帶」，係上庭先第一次咁講，口供無寫，無紀錄無影相無拍攝，當晚見到之後，直至上庭先再見，當晚水警折返無展示個袋，無提個袋係咩色，無提種類，律師要求PW3辨認證物P5，PW3相信係呢個，大概係30x20cm，打開黑色袋冚見到不同物料，可能會反光，律師再質問黑色袋的尺寸，PW3回答打開後大概係50x20cm。

13:10休庭，14:30再訊