#沙田裁判法院第七庭
#香淑嫻裁判官
#1103沙田 #審訊 [2/4]
#擊警 #攻擊性武器

(27/2/2021 後補資料)
16/2/2021 上午審訊 / 下午審訊
17/2/2021 上午審訊 / 下午審訊(此段)
18/2/2021 上午審訊 / 下午審訊
19/2/2021 上午審訊

林(22)

控罪：
1) 襲擊警務人員
2) 在公眾地方管有攻擊性武器

案情：被指於2019年11月3日在沙田瀝源橋近大涌橋路襲擊警員17185 陳嘉銘，以及於同日同地攜有6個汽油彈

14:30 開庭

📍辯方繼續盤問PW3📍
律師問如何與河邊警員溝通，PW3表示見有光柱，就大聲嗌過去問，18211有回應，因為環境靜，大嗌溝通到；22:03 從通訊機得知，較早時可疑人仕已經被小隊在瀝源橋截停，可疑人將兩樣物件掉落城門河。

律師向PW3指出辯方案情：有其他警員揾緊另一件漂浮物，有其他人被截停在被告附近，30x20cm 呢個呎吋比P5細，當晚見到既並不是P5，PW3多數唔同意。

⚙️控方覆問⚙️
河面見到物品既大細係估算，漂浮間慢慢變細。


📕傳召PW4 警員 18211 莫X勇(音)，證人協助PW4在單車徑上觀察河面嘅袋

⚙️控方主問⚙️
11月3日隸屬新界南第二梯隊葵青小隊，軍裝當值，電筒係車嘅裝備，型號W30強力電筒，傳媒話照射示威者嗰隻，射程2公里。

22:03去到瀝源橋近中央公園，約有30幾人負責在中央公園掃蕩，到單車徑，見有兩個強力電筒射落河面，第一個光源距離水面約5米，第二個光源與河面約60米，距離5米嗰個光源近中央公園，稱為漂浮物2，另一個稱為漂浮物1。

警員20416照射近啲既漂浮物1，PW4射漂浮物2，60米遠啲嗰個，橋上有人問係咪自己人照，覆佢葵青18211照緊，佢答阿勇我係阿茵，知道佢係邊個，佢閃電筒幾吓叫「幫手射住呢個袋」，PW4與漂浮物2之間無遮檔，見到有反光，有啲遠睇唔到係咩，隔離冇其他飄浮物，飄浮物2在水面漂向獅子橋，PW4在單車徑上跟着行，22:10 20416照射嘅飄浮物1沉左，20416就一齊睇住飄浮物2，一齊行向獅子橋，大約到22:30 去到無名橋，20416上橋用電筒照寫漂浮物2，PW4繼續行單車徑，過咗橋再由PW4照射，20416話嗰個係黑色袋，22:42漂浮物距離獅子橋70米，20416上橋，佢電筒照射漂浮物2時距離大約50米，PW4隨後上橋，已經有十多名警員在場，22:49水警到獅子橋，有警員用電筒指示漂浮物2的位置，當小艇到達，佢哋用勾勾起漂浮物2，見係四方黑色袋，無勾起其他物品；PW4辯認P5，相似漂浮物2。

📍辯方盤問📍
21:56從通訊機得知在担杆莆街有三個可疑人去咗瀝源橋，就去掃蕩，22:03收到訊息三個可疑人已經在瀝源橋被截停，掉咗兩件物件落河，其中一個係袋，無講係咩袋，無講顏色，冇講另一件係咩，後來知到個袋就係漂浮物2。

觀察到漂浮物1距離條橋5米，漂浮物2距離條橋15米，距離PW4較遠，約60米，漂浮物1較近瀝源橋，一前一後，無留意幾遠，因為有人射緊，所以PW4照射漂浮物2。

22:03(有睇錶)知到係袋，無講大小，睇唔到外貌，但有反光，容易見到，但唔知點嚟；由瀝源橋去到無名橋約600米，到獅子橋約800米，20416在22:42去到獅子橋，PW4在幾分鐘後到，在橋上觀察個袋，無印象有無打開，再幾分鐘後水警到，當小艇到離橋約3米，PW4叫「大佬就係呢個」，佢哋勾起個袋，無印象講咗乜，無揾到其他嘢，唔肯定係咩袋、有無帶，之後無見過直至上庭。

律師呈上四張截圖，為臨時證物PD1(1)~(4)：
PD1(1) 見到小艇，有人揸長竹
PD1(2) 從獅子橋望河面，影到個袋
PD1(3) 獅子橋上警員
PD1(4) 警員離開獅子橋
PW4確認相片為當晚情況，除咗第二張；律師想播片，但因為技術問題未能解決，向法庭申請暫定，改為傳召下一位證人(後果係事務律師俾裁判官責備)。


📕傳召PW5 警員 20416 劉宏志(音)，協助PW4觀察漂浮物2

⚙️控方主問⚙️
22:03與隊員到達中央公園瀝源橋，得知有三名可疑人仕被截停，掉咗兩件物品落河，有人用強力電筒照落河，射向兩件漂浮物，PW5聯絡其中一名警員19860，思疑可疑人仕掉咗件風褸落河，PW5用電筒射向漂浮物，就係19860射着嗰件漂浮物1，於是PW5一路射住一路沿單車徑行向大圍，漂浮物2由18211觀察去向，佢都係在單車徑；幾分鐘後，22:11漂流物1沉咗，就同18211一齊觀察漂浮物2，22:30接近無名橋，22:33上到橋用電筒射向飄浮物2，見到一個黑色袋，附近無其他漂浮物，過咗橋底後就返去單車徑觀察，22:42漂浮物2接近獅子橋，22:45上到獅子橋，射住漂浮物2，22:49水警到達，用電筒射住漂浮物2指引水警，因為位置問題，PW5望唔到打撈一刻，水警無展示個袋，但見到在船上。

📍辯方盤問📍
PW5與18211去到瀝源橋，但無上橋，見到有光柱射向兩件漂浮物，大嗌聯絡到近PW5嘅19860，知道思疑係風褸掉咗落河，從PW5角度睇唔到形態係咩，在22:10沉咗，實際唔知係咩；改同18211一齊，上咗無名橋約半分鐘，見到係黑色袋，唔係打開嘅，之後上獅子橋，22:49見到水警，22:42到橋，都係見到個袋大約半分鐘，唔似打開，用長竹打撈，有啲角度睇唔到，後來水警攞在手，無打開，唔見有帶，但在無名橋貝到有帶，唔清楚有無揾到其他嘢。

律師向PW5指出辯方案情，證人多數同意：
當水警小艇接近時，有人「嗌架船嚟緊」，「黑色呀，呢度呀」，「打開咗，小心啲」；認同PD1(1)~(4)係當晚情況。

PW5盤問未完，17:23休庭，2月18日 09:30 再訊