#觀塘裁判法院第八庭
#屈麗雯裁判官
#1228九龍灣 #審訊[5/8]
#非法集結 #襲警
D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19) 🛑還押中
控罪：
(1)非法集結 (D1-D10)
(2)襲擊在正當執行職務的警務人員(D1,D2,D3) 🛑D2已認罪
(3)襲擊警務人員 (D4)
(4)襲擊警務人員(D5) 🛑已認罪
-------
下午審訊進度：
法庭宣佈接納D6身上物品為正式控方證物。
控方案情完結，沒有中段陳詞，表面證供成立‼️
D3選擇作供。
[簡單導讀：控辯雙方依賴三段現場片段，控方就片段共有199張截圖，一邊播放片段，一邊用片段截圖主問/盤問D3當刻發生的事。以下方括號內數字表示截圖號碼/涉及片段。]
📌辯方主問 (由 #郭憬憲大律師 代表)
案發當日約了D1和D5參加和你shop活動，因為覺得這是和平表達政治訴求的活動。夜晚六點十五分到達德福廣場，期間買了口罩、叉電線和吃晚餐。該活動沒有指定起點，沒有路線，只知道是七點三十分開始。開始時間有人叫口號，我和D1 D5戴上口罩和笠上hoodie帽加入。當日沒有特定衣著，但我和D1 D5傾過我們的共識是戴口罩，防止被起底。
我們只是行街、叫口號及唱歌，不涉及行動或暴力內容，不爭議片段影到本人。雖然唔記得叫過咩口號，但會採納影片中的內容。有些口號例如黑警死全家、死完爸爸死媽媽、全家死曬笑哈哈，不打算付諸行動，只是因為押韻，容易令人記住及了解社會活動的含義。押韻笑話在同年紀層中是常見的，亦在學校及朋友之間流行。
721唔見人831打死人10月1槍殺人雙11屠殺人：是想令更多人記得及了解口號含義。好仔唔當差，當差正仆街亦是押韻順口。食美心冇良心，食元氣冇骨氣：是想令人支持黃色經濟圈。唔記得其他口號，但都冇打算用暴力形式執行口號內容，冇同其他人以共同形式執行，冇鼓勵人以暴力執行。現場氣氛輕鬆。
[143] 我和D1 D5站在一起 [145] 我和D1 D5步行時沒有固定位置，但是會在附近。
[播放立場live]
辯：PW4和D1衝突一刻，PW4首先望向地中海的男子，再望向D1。
D3：在現場看不到這件事，第一次見到PW4他已將我的朋友(D1)撻落地。他們倒在我的正前方，我當刻的印象是有個高大男人將我的朋友撻落地，冇聽過佢話自己係警察、停手之類的字眼。
現場嘈吵加上PW4的動態，PW4可能會對D1拳打腳踢，我怕D1受到傷害，下意識用手打PW4令佢放開D1。我的左手當時仍揸住購物袋，我被制服一刻仍然不知道他是警察，直至佢上手銬我先知係便衣。我睇唔到PW4和D1之前發生的事，因為不肯定PW4的後續行為，決定要阻止他，因我認為他會繼續傷害我的朋友。
D1辯方律師補充，[145]D3和D1 D5 在Pandora附近，正在商量是否要離開德福商場。
D5辯方律師補充，[40][104][120][143]這些截圖顯示D1 D3 D5有時會分散行，這些時刻不能肯定D5的行為。D1 D3 D5只討論衣服和口罩問題，沒有討論裝備，因當天是和平理性活動，三人身上都沒有可疑物品。
📌控方盤問
(#張卓勤高級檢控官 怨婦式的盤問長達六小時，以下盡量精簡，括號內數字反映控方實際最少問左幾多個問題)
控：邊個首先發起參加和你shop？(7)
D3：喺某個大群組見到德福和你shop訊息，在有D1 D5的私人群組討論去唔去，時間太耐了，真係唔記得邊個話要參加先。
控：[26]D1 D3 D5第一次加入遊行隊伍，因為有人帶頭所以你哋中途加入。你聽到人聲就跟人行，冇留意隊頭有咩人。現場有冇人用擴音裝置/咪？(8)
D3：可能有，但現場只聽到大聲，唔係好分到有冇用咪。
控：你於審訊中應知道D9 D10一直在隊頭前方，有咪，他們在pandora外被截停。[播放nowtv live]見到有三個人帶頭，你已在遊行隊伍，講唔講到係邊個帶頭？(6)
D3：啲人衣著差唔多，講唔到係邊個。
控：[26]有人嗌黑警、警嫂3P，你有冇嗌？黑警係侮辱警察，警嫂係警員妻子的意思，3P你知唔知點解？(4)
D3：唔記得有冇嗌，黑警係指佔中時期黑社會同警察勾結，唔知道3P點解。
控：2019年6月已經有呢啲口號，你唔知道警嫂3P嘅意思，你唔問下身邊朋友或者D1 D5？如果我話警嫂3P意思係女性同兩個男人性交，是否帶侮辱性？是否侮辱女性？(9)
D3：口號只係押韻，令更多人留意政治理念及社會事件，冇問點解。口號只係講緊警嫂，不是侮辱女性。
控：即係不能侮辱女性，但可以侮辱警嫂？
D3：唔係呢個意思
辯方律師反對問題：兩人教育水平、社會地位、價值觀不同，對女性議題有唔同睇法，咁樣問對被告唔公平。
控：我社會地位都唔係好高啫
辯：起碼你有女朋友先
控：我哋唔討論呢個話題
(哄場大笑)
~休庭5分鐘~
控：黑警死全家，咒佢哋死算唔算侮辱？(2)
D3：唔同意係咒佢哋死，重點係宣揚黑警的意思
控：咁你唔嗌警黑勾結，無法無天？
D3：口號多數都係押韻就會流傳多人用，之後遊行都會講
控：有三個人帶頭用咪嗌黑警死全家，亦有把聲叫morning sir，表示遊行附近有警務人員在場，你亦意會到可能有警察。(5)
D3：可能有用咪。唔知係咪真係有警察，但可能有。
控：[播放 ??? live]左手揸住電話，右手揸住海綿狀波嘅係遊行帶頭人之一。你同意嗰個係咪頭？(5)
D3：應該係
控：你唔會好奇附近有冇警察？(2)
D3：冇，因為唔預期警察會驅散和平活動。
控：警察對過往遊行有採取行動，就你所知，警方會否驅散和平遊行？你覺得警察驅散今次遊行係唔啱？(4)
D3：警方過往只會驅散某啲大規模遊行，德福和你shop只是小規模遊行，但事實上此次有驅散。
控：有同一把聲音不停用咪大嗌，係帶頭人的聲音，男聲但尖，呢把聲係邊個被告嘅？(8)
D3：唔肯定佢有冇用咪，亦唔知係邊個被告把聲，我淨係識得D1 D5。
控：瘋狗症、周圍咬人，呢啲口號即係話警察係狗。(2)
D3： 咬人係專有名詞，即係拉人
辯：係話啲警員係患咗瘋狗症嘅人
控：瘋狗症係狗患上嘅病
辯：瘋狗症係人狗都可以患上架
控：被告你有冇呢方面嘅知識？
D3：被有瘋狗症嘅狗隻咬親嘅人都可以患上
控：有人嗌企疏啲，其實係等人冇咁容易被截獲。(3)
D3：大遊行嗰陣成日會聽到，純粹係企疏啲冇咁迫嘅意思。
明天0930同庭續審。
#屈麗雯裁判官
#1228九龍灣 #審訊[5/8]
#非法集結 #襲警
D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19) 🛑還押中
控罪：
(1)非法集結 (D1-D10)
(2)襲擊在正當執行職務的警務人員(D1,D2,D3) 🛑D2已認罪
(3)襲擊警務人員 (D4)
(4)襲擊警務人員(D5) 🛑已認罪
-------
下午審訊進度：
法庭宣佈接納D6身上物品為正式控方證物。
控方案情完結，沒有中段陳詞，表面證供成立‼️
D3選擇作供。
[簡單導讀：控辯雙方依賴三段現場片段，控方就片段共有199張截圖，一邊播放片段，一邊用片段截圖主問/盤問D3當刻發生的事。以下方括號內數字表示截圖號碼/涉及片段。]
📌辯方主問 (由 #郭憬憲大律師 代表)
案發當日約了D1和D5參加和你shop活動，因為覺得這是和平表達政治訴求的活動。夜晚六點十五分到達德福廣場，期間買了口罩、叉電線和吃晚餐。該活動沒有指定起點，沒有路線，只知道是七點三十分開始。開始時間有人叫口號，我和D1 D5戴上口罩和笠上hoodie帽加入。當日沒有特定衣著，但我和D1 D5傾過我們的共識是戴口罩，防止被起底。
我們只是行街、叫口號及唱歌，不涉及行動或暴力內容，不爭議片段影到本人。雖然唔記得叫過咩口號，但會採納影片中的內容。有些口號例如黑警死全家、死完爸爸死媽媽、全家死曬笑哈哈，不打算付諸行動，只是因為押韻，容易令人記住及了解社會活動的含義。押韻笑話在同年紀層中是常見的，亦在學校及朋友之間流行。
721唔見人831打死人10月1槍殺人雙11屠殺人：是想令更多人記得及了解口號含義。好仔唔當差，當差正仆街亦是押韻順口。食美心冇良心，食元氣冇骨氣：是想令人支持黃色經濟圈。唔記得其他口號，但都冇打算用暴力形式執行口號內容，冇同其他人以共同形式執行，冇鼓勵人以暴力執行。現場氣氛輕鬆。
[143] 我和D1 D5站在一起 [145] 我和D1 D5步行時沒有固定位置，但是會在附近。
[播放立場live]
辯：PW4和D1衝突一刻，PW4首先望向地中海的男子，再望向D1。
D3：在現場看不到這件事，第一次見到PW4他已將我的朋友(D1)撻落地。他們倒在我的正前方，我當刻的印象是有個高大男人將我的朋友撻落地，冇聽過佢話自己係警察、停手之類的字眼。
現場嘈吵加上PW4的動態，PW4可能會對D1拳打腳踢，我怕D1受到傷害，下意識用手打PW4令佢放開D1。我的左手當時仍揸住購物袋，我被制服一刻仍然不知道他是警察，直至佢上手銬我先知係便衣。我睇唔到PW4和D1之前發生的事，因為不肯定PW4的後續行為，決定要阻止他，因我認為他會繼續傷害我的朋友。
D1辯方律師補充，[145]D3和D1 D5 在Pandora附近，正在商量是否要離開德福商場。
D5辯方律師補充，[40][104][120][143]這些截圖顯示D1 D3 D5有時會分散行，這些時刻不能肯定D5的行為。D1 D3 D5只討論衣服和口罩問題，沒有討論裝備，因當天是和平理性活動，三人身上都沒有可疑物品。
📌控方盤問
(#張卓勤高級檢控官 怨婦式的盤問長達六小時，以下盡量精簡，括號內數字反映控方實際最少問左幾多個問題)
控：邊個首先發起參加和你shop？(7)
D3：喺某個大群組見到德福和你shop訊息，在有D1 D5的私人群組討論去唔去，時間太耐了，真係唔記得邊個話要參加先。
控：[26]D1 D3 D5第一次加入遊行隊伍，因為有人帶頭所以你哋中途加入。你聽到人聲就跟人行，冇留意隊頭有咩人。現場有冇人用擴音裝置/咪？(8)
D3：可能有，但現場只聽到大聲，唔係好分到有冇用咪。
控：你於審訊中應知道D9 D10一直在隊頭前方，有咪，他們在pandora外被截停。[播放nowtv live]見到有三個人帶頭，你已在遊行隊伍，講唔講到係邊個帶頭？(6)
D3：啲人衣著差唔多，講唔到係邊個。
控：[26]有人嗌黑警、警嫂3P，你有冇嗌？黑警係侮辱警察，警嫂係警員妻子的意思，3P你知唔知點解？(4)
D3：唔記得有冇嗌，黑警係指佔中時期黑社會同警察勾結，唔知道3P點解。
控：2019年6月已經有呢啲口號，你唔知道警嫂3P嘅意思，你唔問下身邊朋友或者D1 D5？如果我話警嫂3P意思係女性同兩個男人性交，是否帶侮辱性？是否侮辱女性？(9)
D3：口號只係押韻，令更多人留意政治理念及社會事件，冇問點解。口號只係講緊警嫂，不是侮辱女性。
控：即係不能侮辱女性，但可以侮辱警嫂？
D3：唔係呢個意思
辯方律師反對問題：兩人教育水平、社會地位、價值觀不同，對女性議題有唔同睇法，咁樣問對被告唔公平。
控：我社會地位都唔係好高啫
辯：起碼你有女朋友先
控：我哋唔討論呢個話題
(哄場大笑)
~休庭5分鐘~
控：黑警死全家，咒佢哋死算唔算侮辱？(2)
D3：唔同意係咒佢哋死，重點係宣揚黑警的意思
控：咁你唔嗌警黑勾結，無法無天？
D3：口號多數都係押韻就會流傳多人用，之後遊行都會講
控：有三個人帶頭用咪嗌黑警死全家，亦有把聲叫morning sir，表示遊行附近有警務人員在場，你亦意會到可能有警察。(5)
D3：可能有用咪。唔知係咪真係有警察，但可能有。
控：[播放 ??? live]左手揸住電話，右手揸住海綿狀波嘅係遊行帶頭人之一。你同意嗰個係咪頭？(5)
D3：應該係
控：你唔會好奇附近有冇警察？(2)
D3：冇，因為唔預期警察會驅散和平活動。
控：警察對過往遊行有採取行動，就你所知，警方會否驅散和平遊行？你覺得警察驅散今次遊行係唔啱？(4)
D3：警方過往只會驅散某啲大規模遊行，德福和你shop只是小規模遊行，但事實上此次有驅散。
控：有同一把聲音不停用咪大嗌，係帶頭人的聲音，男聲但尖，呢把聲係邊個被告嘅？(8)
D3：唔肯定佢有冇用咪，亦唔知係邊個被告把聲，我淨係識得D1 D5。
控：瘋狗症、周圍咬人，呢啲口號即係話警察係狗。(2)
D3： 咬人係專有名詞，即係拉人
辯：係話啲警員係患咗瘋狗症嘅人
控：瘋狗症係狗患上嘅病
辯：瘋狗症係人狗都可以患上架
控：被告你有冇呢方面嘅知識？
D3：被有瘋狗症嘅狗隻咬親嘅人都可以患上
控：有人嗌企疏啲，其實係等人冇咁容易被截獲。(3)
D3：大遊行嗰陣成日會聽到，純粹係企疏啲冇咁迫嘅意思。
明天0930同庭續審。