#觀塘裁判法院第八庭
#屈麗雯裁判官
#1228九龍灣 #審訊[6/8]
#非法集結 #襲警
D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19) 🛑還押中
控罪：
(1)非法集結 (D1-D10)
(2)襲擊在正當執行職務的警務人員(D1,D2,D3) 🛑D2已認罪
(3)襲擊警務人員 (D4)
(4)襲擊警務人員(D5) 🛑已認罪
背景：
12月28日在德福廣場有「和你 shop」活動。12月30日D1至D4 首次提堂，獲准以1000元現金保釋，並須守宵禁令及禁足德福廣場範圍，其中一人出庭時左額頭及右手背都有紗布，控方在控罪書上遮蔽涉案警員編號，但裁判官認為控罪書應該披露警員身份；6月2日D5至D10首次提堂，控方合併案件，並加控所有人一項「參與非法集結」罪。
-------
📌控方繼續盤問D3
控：香港人報仇，報仇即係有人傷害你你就傷害返嗰個人，你嗌呢個口號係想宣揚呢個意思 (6)
D3：可以和平報仇唔一定係傷害他人，例如建立黃色經濟圈
控：呢個概念係杯葛藍店，目的係想佢哋執笠，黃色經濟圈好和平咩，藍店執笠啲員工就會失業，失業係咪傷害？(9)
D3：唔會全部人都認同，仍然會有人幫襯藍店，所謂傷害只係利益傷害。
控：所以黃色經濟圈係不和平嘅。
辯：反對問題，令人失業就等於不和平根本不合邏輯。
控：你講香港人報仇唔係諗住用和平嘅方法，你想宣揚令人接收此字眼，但冇同途人講係和平報仇 (6)
D3：政治理念唔係單就字面意思解讀
控：[143-161]你話聽到口號就跟住嗌，即使你睇緊電話都可以嗌，你當時叫呢啲口號係挑撥他人 (3)
D3：有人send voice message 比我 (嘅時候就冇嗌)。唔係挑撥他人。
控：隊伍經過一風堂、丼丼屋，叫左一d 政治訴求同埋針對警察嘅口號。PW1話呢啲都係美心嘅。
D3：當時唔知道
控：[80-85]帶頭三人正中間的人，攞住咪頭。截圖中亦見到你只係喺佢哋嘅後一排，亦唔係耷低頭玩緊電話，你仍然堅持唔知佢哋有冇咪？(9)
D3：而家睇片先知，當時唔知，我同D1 D5傾緊偈。開審前睇片都只係睇當日八點鐘嘅事。
控：遊行隊伍經過元氣，你仍然維持你唔知嗰陣元氣閂咗門嘅說法？(5)
D3：有經過元氣所在的一帶，但唔記得有冇望到元氣門口，冇留意佢有冇閂門。
控：[168-176]有一個階段揸咪男仔高舉右手轉身，亦見到你望住該人轉身。你之前話你一直只係睇到佢後面，其實你有見過佢正面，點解你咁保護帶頭人士？(6)
D3：當日唔係要去睇啲人咩衣著架嘛
控：咁d咪聲係咪喺佢身上發出？
D3：唔肯定，我唔確實咪聲同正常聲除咗大聲啲有咩分別。
控：[191-197]你喺美心舖頭一帶，所以嗌「食美心冇良心，食元氣冇骨氣」。當時亦有人開始播歌，係用聖誕歌改歌詞，內容係侮辱警察。
之後又有人唱歌，講述何君堯家人墳墓被破壞，你必然聽到歌詞內容，字眼涉及已逝之人，你認同這是好事？(21)
D8辯方律師反對：你問咁多呢啲問題同案件有咩關係？呢度唔係立法會
控：我而家係問及D3認知的問題，同你的客戶無關。我發覺D8律師有個習慣就係喺與自己客戶無關的案情時提出反對，其實你不必反對
D8辯方律師：你而家係講緊涉及非法集結嘅情節，係告曬所有人。
D3辯方律師：D3的認知並不代表或反映D8的案情。
D4 D6 D7辯方律師亦採納此說法。
控：如果你先人被侮辱，你有咩感覺？
D3辯方律師反對問題。控方收回問題，進入下一環節。
控：樂曲背景音樂是由機器播放，有把尖聲唱歌詞，你亦有聽到歌詞和跟住唱 (9)
D3：係，但唔記得當時有冇跟住唱，亦記唔起歌詞
控：你唔想告訴實情係因為知道歌詞有侮辱字眼
D3：唔係
控：另外一首歌，歌詞之中有「和你勇武，決不篤灰」即係大家一齊使用武力？決不篤灰又係咩意思？
(10)
D3：每個人解讀都唔一樣，唔一定係使用武力。決不篤灰即係唔好喺後面背叛人，應用於同伴朋友之間都得。
控：你唔想背叛當日嘅參與者，所以喺庭上一啲關於遊行嘅資料你冇話畀我哋聽 (3)
D3：唔會
控：[119-125]帶咪人士話企疏d，右手前後揮動幾下，啲人就企疏咗。遊行人士比之前變多，因為聽到有人用咪嗌一啲字句。你大部分時間都有跟住嗌。去到時間廊附近聽到有把尖聲同帶頭咪聲叫周大福落閘收工。跟住有好多人嗌，你都有嗌。(10)
D3：除咗睇手機嘅時間，口號通常都會跟住嗌，唔記得有冇嗌周大福落閘，因為呢個唔係口號，啲人都唔係和應，而係逐個講。
控：D1 D5有冇嗌？如果佢哋嗌，你都可能有嗌 (6)
D3：可能有嗌，但佢哋嗌都唔代表我會嗌
控：叫人落閘收工都係黃色經濟圈嘅一部分？
D3：唔係
控：[44-52]聽到有人講「做到隻狗咁服侍大陸人」係講畀職員聽，威嚇店舖嘅人想佢哋落閘收工，同埋係侮辱店員 (9)
D3：唔係，係講個商場好多大陸人買嘢，店員做得好辛苦去服務大陸顧客。
控：[61]點解starbucks閂咗門？
D3：唔知
控：starbucks都係美心嘅，有冇留意當日有冇藍店營業？
D3：冇留意
控：[62-69]Bershka落咗閘，[75]有把尖聲話「我哋今日係黎買嘢㗎」
D3：係
控：[135]Pandora前方有男子展示「光復香港時代革命」旗幟，再過幾分鐘就發生襲警情節。[135]之後遊行隊伍繼續前進，其後喺C出口停留
D3：不認同，果陣啲人已經開始散，遊行隊伍都冇乜人
控：雖然人數減少咗，但仍有參與遊行嘅人喺上址停留。
D3：係
控：該階段有人在G2000外對警員叫囂
D3：現場人聲夾雜，聽唔清楚
控：你同D1 D5商討，講咗啲乜？
D3：因為前面有一大班人圍住，唔知咩情況，就建議不如解散，因為遊行都已經散得七七八八。之後有人經過我哋跑到pandora門口，D1跟咗過去，之後我就睇唔清楚，因為我行近咗但冇行入去人群。
#屈麗雯裁判官
#1228九龍灣 #審訊[6/8]
#非法集結 #襲警
D1: 15歲手足
D2: 楊(20)
D3: 麥(16)
D4: 丘(16)
D5: 15 歲手足
D6: 15 歲手足
D7: 14 歲手足
D8: 李(16)
D9: 劉(22)
D10: 林(19) 🛑還押中
控罪：
(1)非法集結 (D1-D10)
(2)襲擊在正當執行職務的警務人員(D1,D2,D3) 🛑D2已認罪
(3)襲擊警務人員 (D4)
(4)襲擊警務人員(D5) 🛑已認罪
背景：
12月28日在德福廣場有「和你 shop」活動。12月30日D1至D4 首次提堂，獲准以1000元現金保釋，並須守宵禁令及禁足德福廣場範圍，其中一人出庭時左額頭及右手背都有紗布，控方在控罪書上遮蔽涉案警員編號，但裁判官認為控罪書應該披露警員身份；6月2日D5至D10首次提堂，控方合併案件，並加控所有人一項「參與非法集結」罪。
-------
📌控方繼續盤問D3
控：香港人報仇，報仇即係有人傷害你你就傷害返嗰個人，你嗌呢個口號係想宣揚呢個意思 (6)
D3：可以和平報仇唔一定係傷害他人，例如建立黃色經濟圈
控：呢個概念係杯葛藍店，目的係想佢哋執笠，黃色經濟圈好和平咩，藍店執笠啲員工就會失業，失業係咪傷害？(9)
D3：唔會全部人都認同，仍然會有人幫襯藍店，所謂傷害只係利益傷害。
控：所以黃色經濟圈係不和平嘅。
辯：反對問題，令人失業就等於不和平根本不合邏輯。
控：你講香港人報仇唔係諗住用和平嘅方法，你想宣揚令人接收此字眼，但冇同途人講係和平報仇 (6)
D3：政治理念唔係單就字面意思解讀
控：[143-161]你話聽到口號就跟住嗌，即使你睇緊電話都可以嗌，你當時叫呢啲口號係挑撥他人 (3)
D3：有人send voice message 比我 (嘅時候就冇嗌)。唔係挑撥他人。
控：隊伍經過一風堂、丼丼屋，叫左一d 政治訴求同埋針對警察嘅口號。PW1話呢啲都係美心嘅。
D3：當時唔知道
控：[80-85]帶頭三人正中間的人，攞住咪頭。截圖中亦見到你只係喺佢哋嘅後一排，亦唔係耷低頭玩緊電話，你仍然堅持唔知佢哋有冇咪？(9)
D3：而家睇片先知，當時唔知，我同D1 D5傾緊偈。開審前睇片都只係睇當日八點鐘嘅事。
控：遊行隊伍經過元氣，你仍然維持你唔知嗰陣元氣閂咗門嘅說法？(5)
D3：有經過元氣所在的一帶，但唔記得有冇望到元氣門口，冇留意佢有冇閂門。
控：[168-176]有一個階段揸咪男仔高舉右手轉身，亦見到你望住該人轉身。你之前話你一直只係睇到佢後面，其實你有見過佢正面，點解你咁保護帶頭人士？(6)
D3：當日唔係要去睇啲人咩衣著架嘛
控：咁d咪聲係咪喺佢身上發出？
D3：唔肯定，我唔確實咪聲同正常聲除咗大聲啲有咩分別。
控：[191-197]你喺美心舖頭一帶，所以嗌「食美心冇良心，食元氣冇骨氣」。當時亦有人開始播歌，係用聖誕歌改歌詞，內容係侮辱警察。
之後又有人唱歌，講述何君堯家人墳墓被破壞，你必然聽到歌詞內容，字眼涉及已逝之人，你認同這是好事？(21)
D8辯方律師反對：你問咁多呢啲問題同案件有咩關係？呢度唔係立法會
控：我而家係問及D3認知的問題，同你的客戶無關。我發覺D8律師有個習慣就係喺與自己客戶無關的案情時提出反對，其實你不必反對
D8辯方律師：你而家係講緊涉及非法集結嘅情節，係告曬所有人。
D3辯方律師：D3的認知並不代表或反映D8的案情。
D4 D6 D7辯方律師亦採納此說法。
控：如果你先人被侮辱，你有咩感覺？
D3辯方律師反對問題。控方收回問題，進入下一環節。
控：樂曲背景音樂是由機器播放，有把尖聲唱歌詞，你亦有聽到歌詞和跟住唱 (9)
D3：係，但唔記得當時有冇跟住唱，亦記唔起歌詞
控：你唔想告訴實情係因為知道歌詞有侮辱字眼
D3：唔係
控：另外一首歌，歌詞之中有「和你勇武，決不篤灰」即係大家一齊使用武力？決不篤灰又係咩意思？
(10)
D3：每個人解讀都唔一樣，唔一定係使用武力。決不篤灰即係唔好喺後面背叛人，應用於同伴朋友之間都得。
控：你唔想背叛當日嘅參與者，所以喺庭上一啲關於遊行嘅資料你冇話畀我哋聽 (3)
D3：唔會
控：[119-125]帶咪人士話企疏d，右手前後揮動幾下，啲人就企疏咗。遊行人士比之前變多，因為聽到有人用咪嗌一啲字句。你大部分時間都有跟住嗌。去到時間廊附近聽到有把尖聲同帶頭咪聲叫周大福落閘收工。跟住有好多人嗌，你都有嗌。(10)
D3：除咗睇手機嘅時間，口號通常都會跟住嗌，唔記得有冇嗌周大福落閘，因為呢個唔係口號，啲人都唔係和應，而係逐個講。
控：D1 D5有冇嗌？如果佢哋嗌，你都可能有嗌 (6)
D3：可能有嗌，但佢哋嗌都唔代表我會嗌
控：叫人落閘收工都係黃色經濟圈嘅一部分？
D3：唔係
控：[44-52]聽到有人講「做到隻狗咁服侍大陸人」係講畀職員聽，威嚇店舖嘅人想佢哋落閘收工，同埋係侮辱店員 (9)
D3：唔係，係講個商場好多大陸人買嘢，店員做得好辛苦去服務大陸顧客。
控：[61]點解starbucks閂咗門？
D3：唔知
控：starbucks都係美心嘅，有冇留意當日有冇藍店營業？
D3：冇留意
控：[62-69]Bershka落咗閘，[75]有把尖聲話「我哋今日係黎買嘢㗎」
D3：係
控：[135]Pandora前方有男子展示「光復香港時代革命」旗幟，再過幾分鐘就發生襲警情節。[135]之後遊行隊伍繼續前進，其後喺C出口停留
D3：不認同，果陣啲人已經開始散，遊行隊伍都冇乜人
控：雖然人數減少咗，但仍有參與遊行嘅人喺上址停留。
D3：係
控：該階段有人在G2000外對警員叫囂
D3：現場人聲夾雜，聽唔清楚
控：你同D1 D5商討，講咗啲乜？
D3：因為前面有一大班人圍住，唔知咩情況，就建議不如解散，因為遊行都已經散得七七八八。之後有人經過我哋跑到pandora門口，D1跟咗過去，之後我就睇唔清楚，因為我行近咗但冇行入去人群。