#區域法院第卅九庭
#姚勳智法官
#0922旺角 #審訊[4/5]
蕭(26)
控罪：
(1)縱火罪
(2)縱火罪
(3)暴動
(4)在公眾地方管有攻擊性武器
詳情：
(1)-(2)被控於19年9月22日，在旺角太子道西及彌敦道交界兩度用火摧毁或損壞屬於他人的財產
(3)被控於同日同地，參與暴動
(4)被控於同日，在旺角荔枝角道在無合法權限或辯解下，管有一個能發出雷射光束的裝置
=====
1005開庭
控辯雙方表示會在3月8日1430進行口頭結案陳詞及回應對方陳詞。亦會在同日1100將會把書面陳詞存檔法庭。
被告就特別事項作供。(反對PW3和被告的聲稱對話呈堂)
📌辯方主問
不爭議於2019年9月22日約2330，被告在某私家車上，該車被警察截停，之後行去維景酒店旁邊行人路踎低。
我當時坐在後排中間，警察在車門鎖上的情況下叫解鎖，車門解鎖後就直接開門扯我落車。我在左邊車門落車，當時我左手邊亦有乘客， 但睇唔到佢落車的情況。警員扯我左上臂及頸後衣服，扯我落車，但我不認得係邊個警員。落車後，警員叫我哋踎低，雙手擺頭。踎低之前，有警員用咆哮語氣問「係咪你放火」，問咗三四次，我好驚所以冇回應。有一名警員拉開佢叫佢冷靜，之後我就踎低左。咆哮的警員和拉我落車的警員不同，但都唔認得係邊個。踎了一段時間，有警員向我搜身，但控方所指PW3吳振東向我問話的情節冇發生過。不爭議的是在現場，吳振東沒有向被告警誡，拘捕警員PC25085亦沒有警誡，在場沒有任何警員向被告警誡。
9月23日0121-0325在長沙灣警署做了一份錄影會面紀錄，負責人是偵緝警員13738，他向我警誡，我回答「我冇嘢講」。會面中警員提及拘捕現場的事情，亦提及搜身，但沒有提及吳振東和我對話的事情。會面中問了七條問題，我全部回答「唔想答」。之後在警署獲得擔保。整個過程中，沒有看過我和吳振東對話的文字紀錄。
📌控方盤問
控：你坐後排中間，點解見唔到左邊乘客的落車情況？
D：因為架車冇開燈，現場好少街燈，環境好暗所以見唔到
控：自己行落車同畀人扯落車分別好大㗎喎
D：佢好近車門，分別應該唔大。而且我當時好緊張，個腦諗緊嘢，冇留意呢件事
控：點解緊張？
D：我個人本身就好易緊張
控：你右手邊嘅人呢，落咗車未？
D：冇留意，因為當時係夜晚十一點幾，好暗
控：你之後再有冇同扯你落車嘅警員有接觸？
D：之後有好多警察嚟咗，唔知有冇接觸
控：你點知道向你咆哮嘅警員唔係扯你落車嗰個警員？
D：佢哋把聲唔同，叫我「落車」係一把聲，講「係咪你放火」係另一把聲
控：即係敲車門叫你落車嘅就係請你果個人
D：唔肯定，因為有好多把聲叫落車
控：你落車後，附近有冇人畀警察扯落車或者壓低咗？
D：有
控：係乘客定司機？
D：唔清楚，因為當時太暗，我見唔到佢哋個樣
控：由你落車之後到去到牆邊企好，中間發生咗咩事？
D：我畀人扯落車仆咗喺地，起番身，有人示意我哋行埋牆邊，我行緊嗰陣有個人衝埋嚟問「係咪你放火」三四次，之後有另一警員拉開佢叫佢冷靜啲，另一位女警就叫我踎低，雙手擺頭。
控：佢有冇向其他人查問「係咪你放火」？
D：冇留意
控：你仆低有冇受傷？
D：冇
控：你覺得畀人扯落車應該係不恰當行為啦，咁你有冇投訴/向值日官投訴/向警察投訴科投訴/第一日上庭時投訴？
D：冇
控：你冇回應「係咪你放火」，有警員叫佢冷靜啲之後，你有冇再受到任何威嚇
D：冇
控：即係只係得你落車之後嗰次
D：佢問咗三四次先有警員叫佢冷靜
控：庭上播放過拘捕片段P33，女警看守你，男警處理證物，兩名警員語氣態度都係客氣
D：我唔認同
控：你行埋牆後，PW3冇向你查問
D：冇
控：冇任何警員向你查問
D：係
控：由你落車後到警員以非法集結罪名向你宣佈拘捕都冇警員向你查問
D：係
控：向你指出控方案情；你落車時並沒有受到武力對待，在現場查問關於案件問題時亦沒有受暴力對待。你在牆邊時，PW3有查問點解你走上呢架車，你答「我喺出面屌完警察，驚咪走囉」，回答係你自願作出
D：不同意
法官：吳振東有冇接觸過你哋？
D：扯我落車、搜袋、問我係咪放火嘅警員都唔係佢。之後我望住牆，都唔知有冇人講過嘢。
法官：吳振東喺唔喺現場？
D：唔知
控：點解你咁肯定PW3唔係上述任何人？
D：你話佢好有禮貌咁問答，但成個過程中都冇人有禮貌
控：你有冇時間觀察在場警員？
D：冇，因為環境太暗。
被告就特別事項作供完畢。
#姚勳智法官
#0922旺角 #審訊[4/5]
蕭(26)
控罪：
(1)縱火罪
(2)縱火罪
(3)暴動
(4)在公眾地方管有攻擊性武器
詳情：
(1)-(2)被控於19年9月22日，在旺角太子道西及彌敦道交界兩度用火摧毁或損壞屬於他人的財產
(3)被控於同日同地，參與暴動
(4)被控於同日，在旺角荔枝角道在無合法權限或辯解下，管有一個能發出雷射光束的裝置
=====
1005開庭
控辯雙方表示會在3月8日1430進行口頭結案陳詞及回應對方陳詞。亦會在同日1100將會把書面陳詞存檔法庭。
被告就特別事項作供。(反對PW3和被告的聲稱對話呈堂)
📌辯方主問
不爭議於2019年9月22日約2330，被告在某私家車上，該車被警察截停，之後行去維景酒店旁邊行人路踎低。
我當時坐在後排中間，警察在車門鎖上的情況下叫解鎖，車門解鎖後就直接開門扯我落車。我在左邊車門落車，當時我左手邊亦有乘客， 但睇唔到佢落車的情況。警員扯我左上臂及頸後衣服，扯我落車，但我不認得係邊個警員。落車後，警員叫我哋踎低，雙手擺頭。踎低之前，有警員用咆哮語氣問「係咪你放火」，問咗三四次，我好驚所以冇回應。有一名警員拉開佢叫佢冷靜，之後我就踎低左。咆哮的警員和拉我落車的警員不同，但都唔認得係邊個。踎了一段時間，有警員向我搜身，但控方所指PW3吳振東向我問話的情節冇發生過。不爭議的是在現場，吳振東沒有向被告警誡，拘捕警員PC25085亦沒有警誡，在場沒有任何警員向被告警誡。
9月23日0121-0325在長沙灣警署做了一份錄影會面紀錄，負責人是偵緝警員13738，他向我警誡，我回答「我冇嘢講」。會面中警員提及拘捕現場的事情，亦提及搜身，但沒有提及吳振東和我對話的事情。會面中問了七條問題，我全部回答「唔想答」。之後在警署獲得擔保。整個過程中，沒有看過我和吳振東對話的文字紀錄。
📌控方盤問
控：你坐後排中間，點解見唔到左邊乘客的落車情況？
D：因為架車冇開燈，現場好少街燈，環境好暗所以見唔到
控：自己行落車同畀人扯落車分別好大㗎喎
D：佢好近車門，分別應該唔大。而且我當時好緊張，個腦諗緊嘢，冇留意呢件事
控：點解緊張？
D：我個人本身就好易緊張
控：你右手邊嘅人呢，落咗車未？
D：冇留意，因為當時係夜晚十一點幾，好暗
控：你之後再有冇同扯你落車嘅警員有接觸？
D：之後有好多警察嚟咗，唔知有冇接觸
控：你點知道向你咆哮嘅警員唔係扯你落車嗰個警員？
D：佢哋把聲唔同，叫我「落車」係一把聲，講「係咪你放火」係另一把聲
控：即係敲車門叫你落車嘅就係請你果個人
D：唔肯定，因為有好多把聲叫落車
控：你落車後，附近有冇人畀警察扯落車或者壓低咗？
D：有
控：係乘客定司機？
D：唔清楚，因為當時太暗，我見唔到佢哋個樣
控：由你落車之後到去到牆邊企好，中間發生咗咩事？
D：我畀人扯落車仆咗喺地，起番身，有人示意我哋行埋牆邊，我行緊嗰陣有個人衝埋嚟問「係咪你放火」三四次，之後有另一警員拉開佢叫佢冷靜啲，另一位女警就叫我踎低，雙手擺頭。
控：佢有冇向其他人查問「係咪你放火」？
D：冇留意
控：你仆低有冇受傷？
D：冇
控：你覺得畀人扯落車應該係不恰當行為啦，咁你有冇投訴/向值日官投訴/向警察投訴科投訴/第一日上庭時投訴？
D：冇
控：你冇回應「係咪你放火」，有警員叫佢冷靜啲之後，你有冇再受到任何威嚇
D：冇
控：即係只係得你落車之後嗰次
D：佢問咗三四次先有警員叫佢冷靜
控：庭上播放過拘捕片段P33，女警看守你，男警處理證物，兩名警員語氣態度都係客氣
D：我唔認同
控：你行埋牆後，PW3冇向你查問
D：冇
控：冇任何警員向你查問
D：係
控：由你落車後到警員以非法集結罪名向你宣佈拘捕都冇警員向你查問
D：係
控：向你指出控方案情；你落車時並沒有受到武力對待，在現場查問關於案件問題時亦沒有受暴力對待。你在牆邊時，PW3有查問點解你走上呢架車，你答「我喺出面屌完警察，驚咪走囉」，回答係你自願作出
D：不同意
法官：吳振東有冇接觸過你哋？
D：扯我落車、搜袋、問我係咪放火嘅警員都唔係佢。之後我望住牆，都唔知有冇人講過嘢。
法官：吳振東喺唔喺現場？
D：唔知
控：點解你咁肯定PW3唔係上述任何人？
D：你話佢好有禮貌咁問答，但成個過程中都冇人有禮貌
控：你有冇時間觀察在場警員？
D：冇，因為環境太暗。
被告就特別事項作供完畢。