#九龍城裁判法院第十三庭
#鄭念慈裁判官
#審訊 [2/4]
#1117尖沙咀
#阻差辦公
陳 (43)
控罪：阻撓在正當執行職務的警務人員
違反香港法例第212 章《侵害人身罪條例》第36(b) 條。被告被控於2019年11月17日在香港九龍尖沙咀漆咸道南100 號香港歷史博物館內，故意阻撓在正當執行職務的警員A。
❌被告不承認控罪❌
————————————
10:00 開庭。控方指承認事實(二) 已交予辯方，辯方須時索取指示。裁判官建議先讓警察證人出庭作供，主要原因是考慮到警察證人出入不方便，故希望先完成作供才處理其他事項。
⏺ PW 2 警察D（總督察）在屏風後作供
法庭就本案頒布了匿名令，因此警察D 在屏風後作供，不得披露其姓名及警察編號。主控亦提醒警察D 作供時不要披露同僚編號，須改以警察A、警察B、沙展C 作稱呼。
📍控方主問，警察D 形容當天的行動背景及情況
警察D（總督察）於2019年11月17日，隸屬機動部隊總部特別應變小隊，由早上08:00 至2019年11月18日凌晨05:00 左右在指揮中心當值。警察D 指:「由不同情報同渠道得知理工大學附近道路好混亂」，形容當時暢運道與漆咸道交界有很多示威者投擲了很多汽油彈、亦有示威者曾用弓箭射傷一名警員腿部等。警察D:「朝早就開始，一路冇停過」，「因為現場環境好多暴力發生，衝突又持續，所以安排咗一啲部署去恢復社會秩序」。
警察D 遂指派了沙展C 和警員A、B 前往香港歷史博物館尋找合適的勘察點，用以觀察及充分掌握（包括暢運道、漆咸道及科學館道）現場情況，讓警方盡快作出驅散及拘捕行動。「我哋警員喺勘察點會觀察現場情況再報告」，警察D 強調:「其實成件事係想盡快做，因為現場環境越嚟越混亂」，又指示威者不停攻擊警方。警察D 指當天歷史博物館沒有對外開放，亦是政府建築物，也是唯一一個能清晰看到暢運道、漆咸道及科學館道一帶情況的高處位置，因此認為是合適勘察點。
警察D 憶述當同僚尋找了勘察點及開始進行觀察時，在15:40 他從手機社交軟件看到疑似勘察同僚的相片，「好快亦有同事通知我有啲手機cap screen，包括Telegram cap screen」，「我認得係警員A 嘅背影」，「我收到好多張相，但都係重複嘅相」。警察D 指主要收到 —— Telegram 的對話截圖和「警察A 跪喺地下望出出面」。（🔎 看證物P5(1)、(2) 確認）警察D 指Telegram 對話截圖是有關連的，因為內容提到相中地點是歷史博物館。警察D 表示事後沒有把這些相片保存於手機記錄中。
警察D 憶述當時:「收到呢兩張相後知道歷史博物館同事有危險，用通訊機通知佢哋俾人影咗相。同一時間，我都打電話俾警長C，講番我見到嘅相應該係由室內影出嚟。同一時間，警長C 都同我講呢個博物館外係有一啲黑衣人嘗試緊撬門入去。基於佢哋嘅安全，我就指示警長C 要安全地盡快離開歷史博物館。」勘察警員安全地離開後通知警察D。
警察D 稱因不能以歷史博物館作勘察點，指出他們較早前想做的驅散及拘捕行動因此不能進行，又強調「如有勘察點，想盡快進行。」被問及警方離開了歷史博物館有否尋找其他勘察點，警察D 再強調歷史博物館是最合適的勘察點，稱直至2019年11月18日凌晨警方又重新以歷史博物館做勘察點，然後作出剛才上述的回復秩序、驅散及拘捕行動。主控:「拖延咗幾耐？」警察D:「凌晨5 點進行，咁計番有拖延咗10 幾個鐘。」
📍辯方盤問
🧷 警察D 一直不在現場，是以情報作指揮
警察D 當天是在機動部隊總部當值，位置是粉嶺。行動時間為早上08:00 至行動結束，警察D 同意是直至2019年11月18日凌晨05:00 仍在繼續。警察D 一直不在理工大學範圍，是由不同情報得知現場情況。辯方律師詢問是如何取得有關情報:「包唔包括電視台嘅直播?」，警察D 一再拒絕透露:「呢個涉及我嘅行動部署，我唔可以透露。」辯方律師一再強調他並非在詢問行動部署細節，裁判官便詢問警察D 是否包括看新聞直播，此刻警察D 才回答「包括」，其後亦同意包括網上媒體。
🧷 警察D 下達的指令中沒有特別指明行動需保密
警察D 稱當時是以通訊機與隊員溝通，而去歷史博物館這個指令是以電話下達給警長C 的，指令內容是着警長C 前往歷史博物館作勘察。警察D 指警長C「全程都有匯報番」。辯方律師詢問警察D 下達指令時，有否要求警長C 適時匯報，警察D 回應:「我哋合作咁多年，佢一向都會自己update 番我...」
辯方再追問:「呢個指令有冇叫佢搵呢個勘察點時係要秘密地進行？」
警察D:「我哋咁多年來，呢啲行動都要秘密地進行。」辯方:「咁你指令裡面有冇提示要秘密地進行，包括提示連同埋博物館職員，提醒佢哋都要保密？」
警察D:「我相信我哋一齊做咗咁多年野，我相信呢啲行動係喺保密情況下進行。」
辯方:「所以假設咗佢係自動波秘密進行？」
警察D:「我哋一向係秘密進行。」
🌟辯方質疑警察D 是否認為即使不需要明示行動要秘密地進行，警察C 亦會秘密地進行，並提醒歷史博物館職員也要替他們警方的行動保密，警察D 一再強調:「我哋多年嘅訓練，行動都係秘密咁進行。」🌟
🧷 辯方釐清警察D 於15:40 左右是以甚麼渠道接收該些相片
警察D:「我係由Telegram 見到，有人send俾我。」
辯方:「所以你係直接由Telegram Channel 見到啲相？」
警察D:「我唔知係咪Channel。」
辯方:「咁你係Telegram 見到嘅係有你識嘅人畀你呀，定係broadcast 形式收到？」
警察D:「我唔清楚，之後好快有人Whatsapp 畀我。」
警察D:「我喺Telegram 係見到呢兩張相。」
警察D 表示沒有印象亦不熟悉Telegram 頻道的運作，故不知道是誰發出來；相片是其後由認識的人以其他通訊軟件發放給他。
🧷 關於警察D 當時看到相片後的判斷
警察D 表示從早上直至15:40，一直是觀察着理工大學外的情況。
辯方:「當你收到兩張相，你第一個反應就已經知道係有危險？」
警察D:「係，我見到啲相之後，再收埋同事send 畀我嘅cap screen，我認為歷史博物館裏面嘅同事係有危險。」
警察D 表示一看到照片便認得是警察A，原因是警察A 某些裝備是特殊的，而且警察A 是直接下屬。警察D 表示當時知道警察A、B、C 身處歷史博物館，而相片顯示由室內拍攝，再加上對話截圖，因此知道是在歷史博物館內拍攝。辯方質疑警察D 未曾去過歷史博物館，單憑相片是不會知道該照片是在歷史博物館的甚麼位置拍攝。
警察D:「我唔知最精準嘅位置啦，但我知嗰個影嘅方向。」
裁判官釐清:「係咪知係歷史博物館入面影，但唔知實際係由，例如邊一個樓層影？」警察D 同意。
關於與警長C 通話多少遍及通話細節，警察D 表示忘記了，但同意辯方所指當天是交由警長C 作實際執行行動及指揮，稱:「警長C 可以話係嗰度嘅行動指揮。」
➡️ 未完，後續 ⬅️
#鄭念慈裁判官
#審訊 [2/4]
#1117尖沙咀
#阻差辦公
陳 (43)
控罪：阻撓在正當執行職務的警務人員
違反香港法例第212 章《侵害人身罪條例》第36(b) 條。被告被控於2019年11月17日在香港九龍尖沙咀漆咸道南100 號香港歷史博物館內，故意阻撓在正當執行職務的警員A。
❌被告不承認控罪❌
————————————
10:00 開庭。控方指承認事實(二) 已交予辯方，辯方須時索取指示。裁判官建議先讓警察證人出庭作供，主要原因是考慮到警察證人出入不方便，故希望先完成作供才處理其他事項。
⏺ PW 2 警察D（總督察）在屏風後作供
法庭就本案頒布了匿名令，因此警察D 在屏風後作供，不得披露其姓名及警察編號。主控亦提醒警察D 作供時不要披露同僚編號，須改以警察A、警察B、沙展C 作稱呼。
📍控方主問，警察D 形容當天的行動背景及情況
警察D（總督察）於2019年11月17日，隸屬機動部隊總部特別應變小隊，由早上08:00 至2019年11月18日凌晨05:00 左右在指揮中心當值。警察D 指:「由不同情報同渠道得知理工大學附近道路好混亂」，形容當時暢運道與漆咸道交界有很多示威者投擲了很多汽油彈、亦有示威者曾用弓箭射傷一名警員腿部等。警察D:「朝早就開始，一路冇停過」，「因為現場環境好多暴力發生，衝突又持續，所以安排咗一啲部署去恢復社會秩序」。
警察D 遂指派了沙展C 和警員A、B 前往香港歷史博物館尋找合適的勘察點，用以觀察及充分掌握（包括暢運道、漆咸道及科學館道）現場情況，讓警方盡快作出驅散及拘捕行動。「我哋警員喺勘察點會觀察現場情況再報告」，警察D 強調:「其實成件事係想盡快做，因為現場環境越嚟越混亂」，又指示威者不停攻擊警方。警察D 指當天歷史博物館沒有對外開放，亦是政府建築物，也是唯一一個能清晰看到暢運道、漆咸道及科學館道一帶情況的高處位置，因此認為是合適勘察點。
警察D 憶述當同僚尋找了勘察點及開始進行觀察時，在15:40 他從手機社交軟件看到疑似勘察同僚的相片，「好快亦有同事通知我有啲手機cap screen，包括Telegram cap screen」，「我認得係警員A 嘅背影」，「我收到好多張相，但都係重複嘅相」。警察D 指主要收到 —— Telegram 的對話截圖和「警察A 跪喺地下望出出面」。（🔎 看證物P5(1)、(2) 確認）警察D 指Telegram 對話截圖是有關連的，因為內容提到相中地點是歷史博物館。警察D 表示事後沒有把這些相片保存於手機記錄中。
警察D 憶述當時:「收到呢兩張相後知道歷史博物館同事有危險，用通訊機通知佢哋俾人影咗相。同一時間，我都打電話俾警長C，講番我見到嘅相應該係由室內影出嚟。同一時間，警長C 都同我講呢個博物館外係有一啲黑衣人嘗試緊撬門入去。基於佢哋嘅安全，我就指示警長C 要安全地盡快離開歷史博物館。」勘察警員安全地離開後通知警察D。
警察D 稱因不能以歷史博物館作勘察點，指出他們較早前想做的驅散及拘捕行動因此不能進行，又強調「如有勘察點，想盡快進行。」被問及警方離開了歷史博物館有否尋找其他勘察點，警察D 再強調歷史博物館是最合適的勘察點，稱直至2019年11月18日凌晨警方又重新以歷史博物館做勘察點，然後作出剛才上述的回復秩序、驅散及拘捕行動。主控:「拖延咗幾耐？」警察D:「凌晨5 點進行，咁計番有拖延咗10 幾個鐘。」
📍辯方盤問
🧷 警察D 一直不在現場，是以情報作指揮
警察D 當天是在機動部隊總部當值，位置是粉嶺。行動時間為早上08:00 至行動結束，警察D 同意是直至2019年11月18日凌晨05:00 仍在繼續。警察D 一直不在理工大學範圍，是由不同情報得知現場情況。辯方律師詢問是如何取得有關情報:「包唔包括電視台嘅直播?」，警察D 一再拒絕透露:「呢個涉及我嘅行動部署，我唔可以透露。」辯方律師一再強調他並非在詢問行動部署細節，裁判官便詢問警察D 是否包括看新聞直播，此刻警察D 才回答「包括」，其後亦同意包括網上媒體。
🧷 警察D 下達的指令中沒有特別指明行動需保密
警察D 稱當時是以通訊機與隊員溝通，而去歷史博物館這個指令是以電話下達給警長C 的，指令內容是着警長C 前往歷史博物館作勘察。警察D 指警長C「全程都有匯報番」。辯方律師詢問警察D 下達指令時，有否要求警長C 適時匯報，警察D 回應:「我哋合作咁多年，佢一向都會自己update 番我...」
辯方再追問:「呢個指令有冇叫佢搵呢個勘察點時係要秘密地進行？」
警察D:「我哋咁多年來，呢啲行動都要秘密地進行。」辯方:「咁你指令裡面有冇提示要秘密地進行，包括提示連同埋博物館職員，提醒佢哋都要保密？」
警察D:「我相信我哋一齊做咗咁多年野，我相信呢啲行動係喺保密情況下進行。」
辯方:「所以假設咗佢係自動波秘密進行？」
警察D:「我哋一向係秘密進行。」
🌟辯方質疑警察D 是否認為即使不需要明示行動要秘密地進行，警察C 亦會秘密地進行，並提醒歷史博物館職員也要替他們警方的行動保密，警察D 一再強調:「我哋多年嘅訓練，行動都係秘密咁進行。」🌟
🧷 辯方釐清警察D 於15:40 左右是以甚麼渠道接收該些相片
警察D:「我係由Telegram 見到，有人send俾我。」
辯方:「所以你係直接由Telegram Channel 見到啲相？」
警察D:「我唔知係咪Channel。」
辯方:「咁你係Telegram 見到嘅係有你識嘅人畀你呀，定係broadcast 形式收到？」
警察D:「我唔清楚，之後好快有人Whatsapp 畀我。」
警察D:「我喺Telegram 係見到呢兩張相。」
警察D 表示沒有印象亦不熟悉Telegram 頻道的運作，故不知道是誰發出來；相片是其後由認識的人以其他通訊軟件發放給他。
🧷 關於警察D 當時看到相片後的判斷
警察D 表示從早上直至15:40，一直是觀察着理工大學外的情況。
辯方:「當你收到兩張相，你第一個反應就已經知道係有危險？」
警察D:「係，我見到啲相之後，再收埋同事send 畀我嘅cap screen，我認為歷史博物館裏面嘅同事係有危險。」
警察D 表示一看到照片便認得是警察A，原因是警察A 某些裝備是特殊的，而且警察A 是直接下屬。警察D 表示當時知道警察A、B、C 身處歷史博物館，而相片顯示由室內拍攝，再加上對話截圖，因此知道是在歷史博物館內拍攝。辯方質疑警察D 未曾去過歷史博物館，單憑相片是不會知道該照片是在歷史博物館的甚麼位置拍攝。
警察D:「我唔知最精準嘅位置啦，但我知嗰個影嘅方向。」
裁判官釐清:「係咪知係歷史博物館入面影，但唔知實際係由，例如邊一個樓層影？」警察D 同意。
關於與警長C 通話多少遍及通話細節，警察D 表示忘記了，但同意辯方所指當天是交由警長C 作實際執行行動及指揮，稱:「警長C 可以話係嗰度嘅行動指揮。」
➡️ 未完，後續 ⬅️