#西九龍裁判法院第四庭
#香淑嫻裁判官 #1111旺角
#審訊［1/1］PART 5
D1: 彭(17)
控罪：管有適合作非法用途的工具並意圖作非法用途使用
被告被控於2019年11月11日在彌敦道687號外，管有一個能發出雷射光束的裝置
📌 PW2 DPC13345 劉志豪（音）作供
🧷 控方主問
PW2 2011年加入警隊。於案發當日，他駐守於旺角警署重案組第二隊，有處理本案件，四名被捕人士中，其中一位是本案被告。當日警員24931（PW1）於1530時將證物交予PW2，證物上有被告的英文名稱。當中證物包括PP1至PP11，被羈留人士通知書，會面記錄，黑色iPhone，兩張SIMS 卡，以及電話套。
當時PW1將證物袋中物逐件交給PW2，PW2 用一個較大的袋袋住所有物品，最後用釘書機釘着。該袋是透明的，而被告當時不在場。而兩人交收地點是在旺角警署的報案室房。當日除了被告外，還有19個被捕人士，兩人在房間內逐件逐件交收。
直至1930時，PW2替證物影相，然後將證物存放及鎖在警署9樓的寫字樓的櫃中。他表示不會混淆當中的證物，因為所有證物都有編號及包裝包住。
🧷 小小插曲
官：邊個保管個櫃條鎖匙？
PW2：我
控：會唔會有偷龍轉鳳嘅情況？
官：偷偷哋你又點會知啊！（按：旁聽席傳來笑聲）
控：咁你有無妥善保管條匙？
PW2：有。
控：無其他問題。
🧷 辯方盤問［節錄］
📎 交收
被：喺案發當日，PW1係咪有俾證物你？
PW2：有。
被：交收有無記錄？
PW2：無。
被：喺你嘅記事本入面，你話喺1530時，PW1將證物交俾你。但係你無講到當中轉移咗乜嘢嘅證物。
PW2：因為我本記事本無位。
官：可唔可以集中喺呢件案啊。
📎 雷射筆
被：喺同一件案有無其他經手嘅雷射筆？
PW2：有三枝。
被：會唔會撈亂證物？
PW2：絕對無可能。
被：但係當日有另外十九人喎。
PW2：我哋係一次過攞哂啲證物上去九樓，可能會搵個同事幫手。
被：即係可能會有其他人接觸到啲證物？
PW2：（靜咗一下）我會搵個同事，將所有嘅證物放入一個大膠籃。所以唔算接觸證物，係接觸個膠籃。
被：你哋交收證物係咪交收得好求其？
PW2：唔係。
📎 地櫃
被：係咪全部證物都係放喺地櫃入面？
PW2：只有呢件案嘅四個被告係放喺呢個櫃，其他16個放喺鐡櫃。
被：但係呢八日都係無封存同埋無黃色標籤。嗰三支雷射筆係咪放埋一齊？
PW2：係。
被：係咪會有段時間係三支筆都會無封存下放喺呢個櫃？
PW2：係。
被：地櫃由邊個提供？
PW2：係警局本身有嘅。
被：個鎖匙係咪唯一嘅鎖匙？
PW2：係。因為我嘅上一任調查員都係將條匙交俾我，叫我好好保管。
被：你喺11月19日先至開始為證物影相，咁即係你要八日時間先至可以搞掂呢啲相？你應該有足夠嘅時間㗎？
PW2：當然啦，如果淨係處理呢啲，我應該一兩日都搞得完，但係我都有好多嘢要做。
被：我向你指出，你係有混淆（mix）其中嘅證物。
PW2：我唔同意。
被：你有無移除過雷射筆嘅電池？
PW2：有。
被：但係你無檢查到。
PW2：我認得呢支係一支雷射筆。
被：似唔似電筒？
PW2：唔似。
被告完成盤問PW2。
PW2 作供完畢。
📌 PW3 ACO88593 何先生作供
🧷 控方主問
PW3於1996年加入警隊做助理文書主任（簡稱 ACO)，2018年開始於旺角警署證物室擔任ACO, 於2019年11月19日負責被告的案件。他當日於1940時接收本案證物，當時PW3已經放工，並由另一位證物房警員負責收妥證物，放在一個專用收貨位置，等明天上班時間，PW3核對後存倉。
🧷 小插曲
控：2019年11月19日1940時，你係咪處理本案證物？
PW3: 當時我放左工...
控：咁你喺2019年11月19日後有無核對呢d證物？
PW3: 我真係唔記得，要睇番電腦紀錄
控：2019年12月12日你為本案錄取口供？
PW3: 係咪即係 7608 （文字按：DPC#7608 偵緝警員) 同我落個份？因為我只係錄過一份口供，日子我唔記得？
官：黎法庭前你有無睇過份口供？
PW3 : 有
/ 控方不斷問證人本案的證物紀錄及相關日子，及處理證物時候有否干擾證物，PW3 不耐煩地回復：「我真係唔記得日子，我係根據電腦紀錄日子，先記得做過乜， 我每日收好多證物，依家手上有過萬件證物，佢哋警察有4個DO負責收貨，整好、釘好、包好，放係專用收貨位置等返工時間，我去收貨，核對黃色標籤，對內容，對RN號碼，跟住就放係特定位置存倉。 而嗰度會有個櫃放好，不會有任何人除左證物室同事之外的人係證物房，我就核對黃色標籤，對貨，對RN號碼，佢哋會印一份PLO 69A 比我核對。」/
官： 「佢哋」係邊個？
PW3: 佢哋係負責證物室的警員，一般都係放工時候，佢哋將證物放係一個專用放證物位置，我地返工先收返
控： 你嘅工作係負責核對證物？ 會有妥善安排證物？
官（加強語氣）：就本案證人有份口供，唔該你問返就本案，佢做過d 咩？
控：就本案，你記唔記得做過啲咩？
PW3: 我咪根據電腦紀錄，你問我返時間日子，我真係唔記得 ！
官（開始有火)： 你知唔知自己做為證人職責係咩？
PW3: 職責？
官：作為證人職責係盡你公民職責，就本案將事實講出，明嗎？
🧷 控方繼續主問
/ 控方問PW3 就本案處理存放證物的過程及工作，並逐一將證物(PP1 – PP11)給予PW3 確認。PW3 確認分別喺2019年12月13日，有警員提取過本案證物，即日退還給證物室，及於2020年3月6日，警方提取過PP10 (雷射筆) 與本案一起的另外2支雷射筆（共3支）以化驗，然後在控方提供的日子下，PW3 確認他於2020年4月3日回收本案有關的3支雷射筆，然後重覆收取證物過程包括核對黃標籤，核對RN號碼，核對內容，就存放在原先指定擺放的位置存倉，證人確認不會亂放3支雷射筆由於每支筆都寫底顏色，型號。/
控方完成主問。
🧷 辯方盤問
被： 當日 DPC7608 為你錄取口供?
PW3: 係。
被：你口供話0830至1718時係返工時間？
PW3: 係。
被：當7608 為你寫呢份口供時候，你係現場？
PW3: 係。
被：喺某啲時段，有警員收取證物，你只不過根據電腦紀錄去記底你做的工作。
PW3: 大部分時間係根據電腦紀錄。
被： 2019年11月19日，喺警員23630 負責收取證物，當時你不在場，你係根據電腦紀錄，你咁寫係咪？
PW3: 係。
被: 你隔日其實放左工，你咁寫你之後講的係根據個日做的野？
PW3: 係
被: 即係話2019年11月19日1940時直到 2019年11月20日0830時，證物一直放係證物房，直到你返工？
PW3: 係，期間有一個證明室警員負責睇住。
D1: 如果證物有干擾，你無辦法知道
PW3: 唔會有干擾，因為我會核對返黃標籤，對內容，無錯先存倉的。
被：沒有其他問題。
🧷 控方覆問
控方沒有任何覆問
PW3 作供完畢。
PW3 作供完畢。
案件押後至2021年4月8日1000 時續審，期間被告以原有條件繼續保釋。
#香淑嫻裁判官 #1111旺角
#審訊［1/1］PART 5
D1: 彭(17)
控罪：管有適合作非法用途的工具並意圖作非法用途使用
被告被控於2019年11月11日在彌敦道687號外，管有一個能發出雷射光束的裝置
📌 PW2 DPC13345 劉志豪（音）作供
🧷 控方主問
PW2 2011年加入警隊。於案發當日，他駐守於旺角警署重案組第二隊，有處理本案件，四名被捕人士中，其中一位是本案被告。當日警員24931（PW1）於1530時將證物交予PW2，證物上有被告的英文名稱。當中證物包括PP1至PP11，被羈留人士通知書，會面記錄，黑色iPhone，兩張SIMS 卡，以及電話套。
當時PW1將證物袋中物逐件交給PW2，PW2 用一個較大的袋袋住所有物品，最後用釘書機釘着。該袋是透明的，而被告當時不在場。而兩人交收地點是在旺角警署的報案室房。當日除了被告外，還有19個被捕人士，兩人在房間內逐件逐件交收。
直至1930時，PW2替證物影相，然後將證物存放及鎖在警署9樓的寫字樓的櫃中。他表示不會混淆當中的證物，因為所有證物都有編號及包裝包住。
🧷 小小插曲
官：邊個保管個櫃條鎖匙？
PW2：我
控：會唔會有偷龍轉鳳嘅情況？
官：偷偷哋你又點會知啊！（按：旁聽席傳來笑聲）
控：咁你有無妥善保管條匙？
PW2：有。
控：無其他問題。
🧷 辯方盤問［節錄］
📎 交收
被：喺案發當日，PW1係咪有俾證物你？
PW2：有。
被：交收有無記錄？
PW2：無。
被：喺你嘅記事本入面，你話喺1530時，PW1將證物交俾你。但係你無講到當中轉移咗乜嘢嘅證物。
PW2：因為我本記事本無位。
官：可唔可以集中喺呢件案啊。
📎 雷射筆
被：喺同一件案有無其他經手嘅雷射筆？
PW2：有三枝。
被：會唔會撈亂證物？
PW2：絕對無可能。
被：但係當日有另外十九人喎。
PW2：我哋係一次過攞哂啲證物上去九樓，可能會搵個同事幫手。
被：即係可能會有其他人接觸到啲證物？
PW2：（靜咗一下）我會搵個同事，將所有嘅證物放入一個大膠籃。所以唔算接觸證物，係接觸個膠籃。
被：你哋交收證物係咪交收得好求其？
PW2：唔係。
📎 地櫃
被：係咪全部證物都係放喺地櫃入面？
PW2：只有呢件案嘅四個被告係放喺呢個櫃，其他16個放喺鐡櫃。
被：但係呢八日都係無封存同埋無黃色標籤。嗰三支雷射筆係咪放埋一齊？
PW2：係。
被：係咪會有段時間係三支筆都會無封存下放喺呢個櫃？
PW2：係。
被：地櫃由邊個提供？
PW2：係警局本身有嘅。
被：個鎖匙係咪唯一嘅鎖匙？
PW2：係。因為我嘅上一任調查員都係將條匙交俾我，叫我好好保管。
被：你喺11月19日先至開始為證物影相，咁即係你要八日時間先至可以搞掂呢啲相？你應該有足夠嘅時間㗎？
PW2：當然啦，如果淨係處理呢啲，我應該一兩日都搞得完，但係我都有好多嘢要做。
被：我向你指出，你係有混淆（mix）其中嘅證物。
PW2：我唔同意。
被：你有無移除過雷射筆嘅電池？
PW2：有。
被：但係你無檢查到。
PW2：我認得呢支係一支雷射筆。
被：似唔似電筒？
PW2：唔似。
被告完成盤問PW2。
PW2 作供完畢。
📌 PW3 ACO88593 何先生作供
🧷 控方主問
PW3於1996年加入警隊做助理文書主任（簡稱 ACO)，2018年開始於旺角警署證物室擔任ACO, 於2019年11月19日負責被告的案件。他當日於1940時接收本案證物，當時PW3已經放工，並由另一位證物房警員負責收妥證物，放在一個專用收貨位置，等明天上班時間，PW3核對後存倉。
🧷 小插曲
控：2019年11月19日1940時，你係咪處理本案證物？
PW3: 當時我放左工...
控：咁你喺2019年11月19日後有無核對呢d證物？
PW3: 我真係唔記得，要睇番電腦紀錄
控：2019年12月12日你為本案錄取口供？
PW3: 係咪即係 7608 （文字按：DPC#7608 偵緝警員) 同我落個份？因為我只係錄過一份口供，日子我唔記得？
官：黎法庭前你有無睇過份口供？
PW3 : 有
/ 控方不斷問證人本案的證物紀錄及相關日子，及處理證物時候有否干擾證物，PW3 不耐煩地回復：「我真係唔記得日子，我係根據電腦紀錄日子，先記得做過乜， 我每日收好多證物，依家手上有過萬件證物，佢哋警察有4個DO負責收貨，整好、釘好、包好，放係專用收貨位置等返工時間，我去收貨，核對黃色標籤，對內容，對RN號碼，跟住就放係特定位置存倉。 而嗰度會有個櫃放好，不會有任何人除左證物室同事之外的人係證物房，我就核對黃色標籤，對貨，對RN號碼，佢哋會印一份PLO 69A 比我核對。」/
官： 「佢哋」係邊個？
PW3: 佢哋係負責證物室的警員，一般都係放工時候，佢哋將證物放係一個專用放證物位置，我地返工先收返
控： 你嘅工作係負責核對證物？ 會有妥善安排證物？
官（加強語氣）：就本案證人有份口供，唔該你問返就本案，佢做過d 咩？
控：就本案，你記唔記得做過啲咩？
PW3: 我咪根據電腦紀錄，你問我返時間日子，我真係唔記得 ！
官（開始有火)： 你知唔知自己做為證人職責係咩？
PW3: 職責？
官：作為證人職責係盡你公民職責，就本案將事實講出，明嗎？
🧷 控方繼續主問
/ 控方問PW3 就本案處理存放證物的過程及工作，並逐一將證物(PP1 – PP11)給予PW3 確認。PW3 確認分別喺2019年12月13日，有警員提取過本案證物，即日退還給證物室，及於2020年3月6日，警方提取過PP10 (雷射筆) 與本案一起的另外2支雷射筆（共3支）以化驗，然後在控方提供的日子下，PW3 確認他於2020年4月3日回收本案有關的3支雷射筆，然後重覆收取證物過程包括核對黃標籤，核對RN號碼，核對內容，就存放在原先指定擺放的位置存倉，證人確認不會亂放3支雷射筆由於每支筆都寫底顏色，型號。/
控方完成主問。
🧷 辯方盤問
被： 當日 DPC7608 為你錄取口供?
PW3: 係。
被：你口供話0830至1718時係返工時間？
PW3: 係。
被：當7608 為你寫呢份口供時候，你係現場？
PW3: 係。
被：喺某啲時段，有警員收取證物，你只不過根據電腦紀錄去記底你做的工作。
PW3: 大部分時間係根據電腦紀錄。
被： 2019年11月19日，喺警員23630 負責收取證物，當時你不在場，你係根據電腦紀錄，你咁寫係咪？
PW3: 係。
被: 你隔日其實放左工，你咁寫你之後講的係根據個日做的野？
PW3: 係
被: 即係話2019年11月19日1940時直到 2019年11月20日0830時，證物一直放係證物房，直到你返工？
PW3: 係，期間有一個證明室警員負責睇住。
D1: 如果證物有干擾，你無辦法知道
PW3: 唔會有干擾，因為我會核對返黃標籤，對內容，無錯先存倉的。
被：沒有其他問題。
🧷 控方覆問
控方沒有任何覆問
PW3 作供完畢。
PW3 作供完畢。
案件押後至2021年4月8日1000 時續審，期間被告以原有條件繼續保釋。