#區域法院第卅三庭
#李俊文法官 #審訊 [4/7]
#0831灣仔 #暴動 #雷射筆
🙎🏻‍♂️D1:楊(25) 👩🏻D2:湯(20)

控罪詳情按此


📌D2 大律師盤問PW6 女偵緝警員 12328

📒有關證物鏈
PW6表示記得佢帶D2同證物影相，無留意同一間房(現場)是否有好多證物，包含有其他被告、其他案件。關於D2嘅證物相係12328指示證物同事影？影相情節有同案件主管接觸，但係無同案件主管講有枝開得到嘅激光筆。

🟡證人是否全程目睹？

D2律師：除咗同嗰一張所有證物嘅相之外，有無為個別證物影相？
PW6 ：當時無
D2律師：會否見唔到有影相
PW6 ：唔會
D2律師：當時係唔係偵緝警員4905影相？
PW6 ：唔記得，只知係案件主管嘅人。
D2律師指在控方照片中，警員4905曾單獨為激光筆影相(附件20)
D2律師：有無見過警員4905單獨為激光筆影相？
PW6：唔記得
D2律師：同唔同意張相唔係喺你眼前發生？
PW6：唔同意

D2吳珞珩大律師指出有其他警員拎開過激光筆，然後幫激光筆單獨影相。PW6不同意。

PW6指當時4905有幫全部證物影一張相、影D2衣物相，但佢唔記得個次序。佢之後點咗數再收返好啲證物喺早前講嘅膠箱，再同D2離開。PW6同意佢嘅口供紙上無寫點數及收喺膠箱。

D2律師指出相片中嘅黑電話套唔係由PW6拆開，PW6不同意並指係案件主管叫佢拆。D2律師指昨天無提及，PW6指口供有寫影相，但中間details無落。PW6話如琴日所講，佢有套返個電話套再痴電話卡喺面，回復原本狀態。

📒有關D2見律師事宜

盤問下PW6承認D2在律師陪同下寫警誡供詞（即會面紀錄）時，只有就非法集結作出警誡，當時無任何野阻止PW6就攻擊性武器（即激光筆） 向D2作出警誡，亦無係律師在場下展示激光筆。

PW6指當日清晨04:50時將D2交去羈留室，05:16 時將證物交比13682。中間證物由PW6放在膠箱保存（D2律師問，你放喺膠箱但你係邊呀，佢又重覆證物自警員19083交比佢之後同由佢看管）PW6又指由05:16前，無其他人問佢拎證物影相。

PW6指佢喺07:16時檢取D2身上著住嘅衣物（比另一套衫佢換）。而04:50至07:16中D2並唔係由佢看管所以唔知有無人帶D2去影相或者有無除過D2嘅衣物去影相。

PW6指05:16時，佢將證件一件一件咁交比警員13682，唔記得當時有無一張寫住AP16湯XX嘅紙交比13682。同意係無一張紙寫咗證物名比13682。

D2律師指出PW6其實對於處理證物，記憶不清；而佢有帶證物被告去唔同地方，排除唔同證物有撈亂。 PW6不同意。

D2再問直到05:16前，所有證物由PW6保管，警員4905喺00:58有為激光筆影相。 PW6回答無印象。

主控覆問

主控：剛才D2律師問有關9月1日警員4905喺0058時為雷射筆影相，你回答無印象。但喺今朝約11點嘅辯方第10條問題，又係問你張相（4905為雷射筆單獨影嘅相），而你當時答咗唔記得。

辯方未講，但裁判官開口指， 呢個問題係無澄清空間，無嘢唔清楚。事實同可信性係兩件事，辯方剛才係挑戰證人有無記憶及其可信性。你唔能夠係喺呢一刻去澄清佢有唔同答案呢點。

控方指明白可唔可以作出此盤問係由官決定，但佢係想問返一啲唔清楚嘅地方。
官指呢個不公道。佢就係指無印象，就已經係最後答案。你引述今朝佢講嘅答案，都係無咩嘢唔清楚。
控：因唔記得同無印象係兩件事，所以想澄清
官：睇唔到有澄清嘅需要，就算認為答案不利，無論想要咩答案，都唔係覆問呢個階段中應問嘅嘢。
控：唔係再喺此階段再問剛才嘅問題

繼續盤問
PW6同意mfi2係有一部粉紅色iphone，你唔同意無呢部電話，但佢指相中唔係影到粉紅色，而係影iphone嘅另一面白色(照片中右邊白色個部)。而雷射筆就係喺照片左上角。將照片mfi2列為證物P72。

控：你剛有同無任何嘢阻止你警誡，無查問，亦無同案件主管講要化驗。點解？
PW6：（會面紀錄）警員19083拘捕及警誡，而當時喺有律師代表下，D2指佢唔會答任何問題，亦有簽署確認。所以我作無其他查問。
（無提出化驗）因為佢哋都有調查經驗，相信交左比佢哋，佢哋自己會知邊樣急，覺得唔需要我去提醒。

控：有關檢取八達通， 你無寫喺證人口供或記事冊，同唔同意？
PW6 ：證人口供有，無寫新一段，係有寫喺證物表。

控：證供提及到黑色iphone， 證物P72有無見到？喺邊？
PW6：喺白iphone隔離，顯示都係黑色


📌傳召PW7 偵緝警員13682 陳子軒（譯音）作供
((本案證物警員))

主問
PW7現為港島重案組3A小隊，當時都係同一職位。同意2019年9月1日05:16時有從女警員12328接收證物，共23件證物。證物包括：黑色cap帽、黑頭巾、綠色頭盔、透明眼罩、粉紅色濾罐防煙口罩、一隻白灰色手套、一套黑灰手套、黑背囊、黑長遮、行山杖、八達通、玫瑰金iphone 連電話卡、白色iphone連電話卡、長約10cm黑色激光筆、10cm棍 、19083發出153、12382 發出嘅153、一卷0.80mm魚絲、兩卷0.40mm魚絲，(共19項)其他唔記得。

PW7曾於2021年4月13日寫咗一份嘅口供，包括23項證物。PW7指佢喺2019年9月1日接收證物，之後喺政府電腦Word檔草擬咗一份口供形式，而當時係對住證物實物去對。所有程序都喺嗰份草擬口供入面，除咗本案兩位外，係包括所有當日被捕人。PW7於本年收到指示，就著將上庭嘅案件，根據電腦記錄去寫返一份口供，佢確認係準確。

辯指一般口供係依賴記憶，並唔係另一份文件，（想爭議）。

主控再問，PW7指05:16時接收證物，但確實記錄證物嘅日期唔記得，只記得一個禮拜內或一星期左右嘅。原因係當日接收咗三百多樣證物。

PW7指當日05:16時收取，點算後就放入大透明證物袋，有釘好黎識別。而大證物袋唔會有其他被捕人證物。之後再作整理，包括包裝呢啲，喺整理嘅時候會寫落個Word度（23項證物）。佢以及其他人都無對證物做任何干擾。

辯方不再爭議，雖然PW7未能列出23項證物，裁判官指作供亦唔係記憶力測試，批准PW7可以喺午休睇供詞內該23項證物。