#西九龍裁判法院第四庭
#劉淑嫻裁判官 #1012旺角 #提堂

~補回11/6提堂資訊，非即時~

D2 李(32)
🥺曾經因 #20200122屯門 而判監八個月
，按此
D1已判監六個月，按此
D3於上一次上庭後便沒有消息，按此

控罪：
1.參與非法集結
3.在公眾地方管有攻擊性武器
6.在身處非法集結時使用蒙面物品

案情：
2019年10月12日，在旺角警署外的公眾地方與其他不知名人士參與非法集結；於同日同地管有一個能發出鐳射光束的裝置，及身處非法集結時用口罩、頭罩及
圍巾蒙面。

本案會在2019年7月19日14:30在西九龍裁判法院第五庭再訊，法庭屆時會就被吿是否合適答辯宣布決定。
===================
⏺️傳召辯方第一專家證人 基督徒 郭偉明醫生

控方盤問
問：是否所有輕度智障人士均不適合答辯和審訊？
答：要看每一控罪，若是簡單控罪如亂拋垃圾，輕度智障人士有認知和社會教育可明白，需要case by case和contextualise

問：管有危險物品是簡單還是複雜的控罪？
答：雷射筆一般人可能知道危險，惟對智障人士而言可能只是電筒或玩具。他們無能力認識雷射筆的光線、頻率、影響範圍等。

問：輕度智障人士有否能力了解甚麼是危險品？
答：他們不知甚麼是危險品，不知傷害他人的風險，不會刻意射人，被告說出用雷射筆「射地，整靚pattern」可理解被告將雷射筆視為玩具。

問：輕度智障人士不明白甚麼是危險品又如何知射人射地的分別？
答：所以咪要教導囉！majority 智障人士不會對雷射筆有深入認識，特殊學校都唔會教！

問：被告用雷射筆一定會射人？
答：不同意

問：輕度智障人士不了解雷射筆會傷人？
答：輕度智障人士有可能理解雷射筆為玩具或電筒

問：輕度智障人士有可能用雷射筆傷人而不自知？
答：同意

問：輕度智障人士對公眾安全構成危險？
答：就算揸住把刀都不一定會危害公眾安全！要看如何使用

問：輕度智障人士既然不知雷射筆危險性,自然就不知不可以對人射？
答：輕度智障人士唔識呢啲野，所以要教育，幼童不可誤服玩具部件都要教育，呢個就係社會嘅責任！

問：輕度智障人士對公眾安全構成危險？
答：🌟咁係咪所有智障朋友都唔應該比佢接觸雷射筆？佢哋去餐廳有無話唔比用刀叉？

問：輕度智障人士知唔知刀叉危險性？
答：刀叉係常用物品，輕度智障人士自少已接觸，不應與雷射筆相提並論，我無問被告知唔知刀叉危險性，社會、傳媒等亦可充當教育他們的角色

問：假若有人同被告講解，佢會唔會了解雷射筆危險性？
答：🌟要睇下你教育嘅方式，次數，同佢講幾多次，佢哋係一個slow learner來架，我試過有個案連落雨開把遮都要學十年啊！家長見到佢識咁做係喊出來架！所以佢哋唔係講一次就識架，如果唔係都唔使入特殊學校啦！

問：在未教育便不能理解雷射筆的危險性的前提下，如何判斷輕度智障人士不會危害公眾安全？
答：雷射筆之類的危險品唔係經常會用嘅物品，你要有個樣先可以架嘛。

問：不讓輕度智障人士接觸危險品他們便不會對公眾安全有危害性？
答：🌟照顧輕度智障人士要「一眼關七」，確保他們懂得保護自己亦不會對他人造成危險，所以照顧者同社會都要有支援，如果唔係都唔使搞咁多社會服務啦！

問：如何「一眼關七」？
答：要逐步教導，step by step，睇下佢做唔做到，明唔明白，有無危險。做到一次都唔能夠放心，要多次做到先得，例如用熱水沖涼，熱水唔係武器，但仍可傷人

問：沖涼時亦要「一眼關七」？
答： #劉淑嫻裁判官 此時指主控的問法不公平、不精準，「一眼關七」係一個spectrum來。

問：照顧輕度智障人士時要長時間專注，以確保他們保護自己或他人？
答：視乎智障人士的智障程度，智力愈低需要愈多工夫，。中度好啲，輕度再好啲，輕度智障人士如何照顧自己視乎個人情況，佢哋智力能力普遍只有細路仔Level

- 主控此時指出郭醫生的報告中有一段指輕度智障人士「will be able to work and maintain good social relation with others and contribute to the society」的描述，質疑輕度智障人士有相當能力。郭醫生回應指此描述是世界衛生組織在1989年制定的「International Classification of Diseases」（ICD）的一部份，距今已30多年，不符30多年後的情況。輕度智障人士做到好多野（many)唔等於做到所有野(all)。maintain good social relation可能只是與家長，兄弟姊妹等有良好關係。此描述當年的目的是提倡全球多接納支援智障人士，讓公眾知道他們不是「廢人一個」，亦給照顧者有期望，不等於他們的能力與常人一樣。

- 郭醫生此時補充，ICD11將在2022-23年度出版，取代ICD10對智障人士的描述。ICD11未正式使用，但只待世界衛生組織在大會通過便可使用。自己亦有份參與籌劃。「唔係一句話佢哋好叻就等同常人一樣」。

問：咁你可唔可以講下ICD11點形容輕度智障人士？
答：🌟academic嘅野就不在此多說，未通過嘅世衛文件亦不應disclose,我依家唔係give一個acdemic lecture，我哋應該針對個案來講，你想我講一個鐘書我可以架！雖然未到ICD11,ICD10都用緊架嘛。

問：甚麼是社會關係（social relation）？
答：你搞錯啦，ICD10唔係一個definition來，輕度智障人士可以工作可能只係庇護工場來架炸，唔係open employment來架，maintain good social relation 可能只係佢會知家人，朋友，兄弟姊妹，同佢哋有良好關係，唔會當佢哋無到架炸

問：被告對案理解？
答：報告指「had join protest....see if he could meet some frined there」，原話是「去示威」「睇野」「識朋友」「唔記得幾時去過」，亦有「太子站」「燒街衣」「打死細路」可理解為被告只係去湊熱鬧，好似去嘉年華咁。

問：對蒙面理解？
答：原話是「可能係」cover his face up,輕度智障人士記性差，佢哋唔係特登講大話，而係佢哋嘅meomory弱

問：對雷射筆理解？
答：原話是「人哋比」「玩」「發靚光」

問：被告似乎能理解你的問題？
答：要有技巧、慢、用多種方式、多次問問題、前後左右咁問，咁佢先會慢慢明問甚麼。

問：即是要時間、心機、技巧？
答：仲有經驗

問：你做呢份報告時有無咩提示？
答：就3項控罪做一份精神科報告，包括評估fitness to plea

問：甚麼是I部份的mental state examination?
答：係做精神科報告或者consultation時一定要包括嘅評估，指當日觀察patient,同佢溝通發現嘅findings,好重要架，入精神科第一日就要學架啦！I部份指被告僅僅可以適合答辯嘅結論只係成個報告嘅其中一部份，你要整體、統一所有部份先可以作出結論，唔係就咁睇I部份就結論話佢適合答辯架

- 郭醫生進一步強調，被告對本案只有partial understanding,抗辯能力just borderline,more on the side of mentally unfit than mentally fit,對本案顯然是一知半解，正如被告在庭上表現，他知否眾人正討論他？

- 主控此時質疑郭醫生在較早前為被告作的另一份報告結論為「borderline」，並無「more on the side of mentally unfit than mentally fit」的描述，郭醫生強調兩份報告結論一致，新報告的描述只是further elaboration

問：既然兩份報告結論一致，被告精神狀況差唔多？
答：同意，但依家罪名多左嘛

問：被告之前有案件，應去多左法庭？
答：去過唔等於知道發生咩事

問：被告多了去法庭經驗？
答：同意，但控罪都多左嘛

問：比較兩宗案件，被告現在更適合答辯？
答：被告第一次上法庭不知道法庭程序，唔代表今次就會醒好多架

問：對上法庭經歷完全失憶？
答：唔係完全失憶，係印象有幾深

問：再同被告講解一次法庭程序，被告能否理解？
答：視乎如何講、講多少次、是不是用他level的語言，若用專業名詞他不會明白。假若全部條件都能滿足，他才有機會明白

🌟🌟 #蔡夢帆檢控官 此時欲問郭醫生有否收費以撰寫本案報告，稱與他可靠性有關係，被 #劉淑嫻裁判官 質問「係咪單單案都要問個律師收幾錢，問個專家收幾錢？」辯方亦提出反對，認為這是相當嚴重的指控，亦與案件無關。裁判官最後不批准控方提問，強調專家證人須遵照指引作供，亦應知悉要堅守獨立性。郭醫生在確認有收費撰寫本案報告後亦回應指「我哋係高等法院啊個啲都有作供，我哋從來都係有碗話碗，有碟話碟，用幾十年經驗來幫法庭」
（按：主控邏輯可能為「愈收錢愈不可靠」➡️「愈收得多錢愈不可靠」➡️「只有無收錢的政府專家/證人才可靠」？）

辯方覆問
- 郭醫生補充指不是由一般人投入時間、心機、技巧、經驗等便可與輕度智障人士溝通，專業訓練為重要前設。郭醫生建議法庭應訓練一批有法律背景和智障精神科經驗的人士，有適當的linguistics style 和interview skills, 用以協助智障人士面對法律程序。

- 郭醫生強調，智障人士容易曲解所見所聞、調亂時序、混淆現實與故事，中介人可幫他們得到公平審訊，惟香港現時並無此中介人，因此被告不適合答辯和審訊。

辯方第一專家證人作供完畢。

（按：控辯雙方最後陳詞稍後補上）