#沙田裁判法院第七庭
#彭亮廷裁判官
#20200701銅鑼灣 #審訊 [2/2]
上午進度
李 (19) 法律代表 #鄧灝程大律師
控罪：阻撓在正當執行職務的警務人員
案情：
在2020年7月1日在銅鑼灣時代廣場近勿地臣街，阻撓在正當執行職務的警務人員25799。
10:14 開庭
控方申請呈上兩條片段，NowTV影住波斯富街、勿地臣街、羅素街，片段5分鐘；RTHK 影住羅素街與波斯富街，會播出兩段分別都係約1分鐘；申請播出片段的原因，係因為時間地點接近，內容反映附近情況和案件的背景情況；基於背景資料，可以令到法庭明白，PW1點解去到現場，佢嘅懷疑係咪合理。
彭官提醒控方，現在不是去到陳詞階段，就算要解釋原因，都要等辯方先作出反對。
辯方正式提出反對播出兩條片段，呈上「楊美雲」案例，案件談論警方是否有真誠懷疑，真誠嘅意思係客觀而合理嘅，警方要考慮嘅事實基礎，係警員所思所想，或者警員所收到嘅訊息，PW1推進嘅路線由軒尼詩道開始，到堅拿道東，到羅素街，再去到現場，無提過片段所指嘅地方，無提過與嗰度有關，現階段不是考慮PW1是否有合理基礎，PW1在19:21去到羅素街時代廣場入口，片段係講緊19:21之前嘅事，與拘捕不相關。
控方回應，時間係相關嘅，PW1在19:21時去到現場，如果唔係之前嘅事，佢唔會去到現場，PW1證供指在通訊機收到資料，去到現場，見到花嘈，兩條片段可以畀法庭睇到相關時段嘅背景，片段有關連性。
辯方回應，PW1所收到嘅通知係去軒尼詩道保齡頓道，之後係PW1嘅小隊自己去到時代廣場，無證據講有關波斯富街嘅情況；劉小姐被截、搜身，搵唔到嘢，之後拘捕，亦與片段無關。
裁判官裁決，批准片段呈堂，但與PW1作合理拘捕無必然性，議題稍後再作討論，現只係作背景資料。
控方播出兩條片段，見到有人聚集，叫口號，有物體燃燒，警方驅散人群，清理地磚等場畫面；主控無作陳辭或補充，之後控方案情完結。
辯方中斷陳詞
辯方不同意PW1在正當執行職務，警員所思所想，當時有無合理事情支持，包括作出拘捕嘅罪行元素，片段P2影到花槽，無擾亂公眾行為，見到啲人走來走去，P1 @19:23:42 有警員開槍，市民逃跑離開係正常嘅事。
無人作出強烈抵抗，或者使用武力，警方作出非對等嘅武力市民跑係正常。
PW1對劉小姐作出拘捕，係基於佢轉身跑、跌低、再起身跑，懷疑劉小姐與在場人士有共同目的，佢無合理解釋，但搜身無可疑物品，呢啲都係講唔過去，辯方有合理嘅基礎，懷疑對劉小姐作出非法拘捕，基於係非法所以PW1並非在正當執行職務，因此表面證供是否成立，可以參考案例，如果係非法拘捕，表面證供應該不成立。
控方回應，並非討論拘捕劉小姐是否合理，講緊制服劉小姐是否有合理懷疑，PW1嘅職責係與71當日有關，19:21有上司命令到軒尼詩道時代廣場掃蕩，見到勿地臣街有人叫囂，係有合理懷疑，所以係正當執行職務。
裁判官表示唔接受控方指，PW1係受上司指派到時代廣場，因為無相關證據；指控方提出好多證據，重複又重複，但如何將證據串連在一起，隨後與控方就着非法集結的地點，和辯方指稱非法使用武力，作出一連串對話1️⃣，裁判官休庭15分鐘，希望控方作總結總結回應。
11:35 開庭
控方作出以下回應：
1. 片段見到有警員清理地面上磚頭，似乎控制場面，但同時有人掟汽油彈，事情係未完結，要一拼整個嚟睇，人係會流動嘅，會走入時代廣場，不能分隔為兩班人，見到入邊班人係與出邊班人有關2️⃣。
2. TVB片段見到有開槍，好大聲，PW2話有人掟水樽，片段見唔到，因為不是影到所有角落，不是沙展不可靠不可信，片段與沙展嘅口供無矛盾，雖然PW3 口供記錄向劉小姐和被告開槍，但可以講係向掟水樽方向，並非非法開槍。
3. PW1見到劉小姐在花槽轉身走，比較返時間，係沙展先見到劉小姐在勿地臣街，之後女警先見到劉小姐，女警和沙展嘅口供無矛盾，後來係無告到劉小姐，但當時係有合理懷疑。
裁判官詢問控方嘅立場，劉小姐非法集結嘅位置喺邊度3️⃣，主控指可以唔係一個地方，有在勿地臣街，有在時代廣場花槽位置。
辯方最後回應，PW1嘅證言無講過PW2有話俾佢聽，知道劉小姐做咗啲咩；PW2指P2影到掟嘢嘅位置，無講過有其他地方有人掟嘢，但片段中影唔到該位置有人掟嘢；PW2所講嘅掟嘢、開槍、和拘捕過程，在P1和P2睇到晒，但片段中睇唔到有人掟嘢。
11:45 裁判官表示到開早會時間，稍後需要時間考慮。
14:30 再訊
==================
21:26 直播員按：
1️⃣ 彭官質疑主控有無睇過片段，佢睇過好多次，發覺證人指控被告和劉小姐在不同地點非法集結或出現；又質疑PW2話有人掟水樽，但片段見唔到，叫控方搵出嚟；更發脾氣講，問咗counsel advisor, 落charge 就告、告、告…
2️⃣ 彭官：「咁求其喺條街拉個人，話佢非法集結都得啦！唔係咁樣㗎嘛！」
3️⃣ 當主控答唔到，轉身問🐶，彭官：「妳係代表控方，點解要成日擰轉面問案件主管？其實根本妳都答唔到？」，「嚟到中段陳詞階段啦，咁簡單嘅問題，妳都答唔到！」
#彭亮廷裁判官
#20200701銅鑼灣 #審訊 [2/2]
上午進度
李 (19) 法律代表 #鄧灝程大律師
控罪：阻撓在正當執行職務的警務人員
案情：
在2020年7月1日在銅鑼灣時代廣場近勿地臣街，阻撓在正當執行職務的警務人員25799。
10:14 開庭
控方申請呈上兩條片段，NowTV影住波斯富街、勿地臣街、羅素街，片段5分鐘；RTHK 影住羅素街與波斯富街，會播出兩段分別都係約1分鐘；申請播出片段的原因，係因為時間地點接近，內容反映附近情況和案件的背景情況；基於背景資料，可以令到法庭明白，PW1點解去到現場，佢嘅懷疑係咪合理。
彭官提醒控方，現在不是去到陳詞階段，就算要解釋原因，都要等辯方先作出反對。
辯方正式提出反對播出兩條片段，呈上「楊美雲」案例，案件談論警方是否有真誠懷疑，真誠嘅意思係客觀而合理嘅，警方要考慮嘅事實基礎，係警員所思所想，或者警員所收到嘅訊息，PW1推進嘅路線由軒尼詩道開始，到堅拿道東，到羅素街，再去到現場，無提過片段所指嘅地方，無提過與嗰度有關，現階段不是考慮PW1是否有合理基礎，PW1在19:21去到羅素街時代廣場入口，片段係講緊19:21之前嘅事，與拘捕不相關。
控方回應，時間係相關嘅，PW1在19:21時去到現場，如果唔係之前嘅事，佢唔會去到現場，PW1證供指在通訊機收到資料，去到現場，見到花嘈，兩條片段可以畀法庭睇到相關時段嘅背景，片段有關連性。
辯方回應，PW1所收到嘅通知係去軒尼詩道保齡頓道，之後係PW1嘅小隊自己去到時代廣場，無證據講有關波斯富街嘅情況；劉小姐被截、搜身，搵唔到嘢，之後拘捕，亦與片段無關。
裁判官裁決，批准片段呈堂，但與PW1作合理拘捕無必然性，議題稍後再作討論，現只係作背景資料。
控方播出兩條片段，見到有人聚集，叫口號，有物體燃燒，警方驅散人群，清理地磚等場畫面；主控無作陳辭或補充，之後控方案情完結。
辯方中斷陳詞
辯方不同意PW1在正當執行職務，警員所思所想，當時有無合理事情支持，包括作出拘捕嘅罪行元素，片段P2影到花槽，無擾亂公眾行為，見到啲人走來走去，P1 @19:23:42 有警員開槍，市民逃跑離開係正常嘅事。
無人作出強烈抵抗，或者使用武力，警方作出非對等嘅武力市民跑係正常。
PW1對劉小姐作出拘捕，係基於佢轉身跑、跌低、再起身跑，懷疑劉小姐與在場人士有共同目的，佢無合理解釋，但搜身無可疑物品，呢啲都係講唔過去，辯方有合理嘅基礎，懷疑對劉小姐作出非法拘捕，基於係非法所以PW1並非在正當執行職務，因此表面證供是否成立，可以參考案例，如果係非法拘捕，表面證供應該不成立。
控方回應，並非討論拘捕劉小姐是否合理，講緊制服劉小姐是否有合理懷疑，PW1嘅職責係與71當日有關，19:21有上司命令到軒尼詩道時代廣場掃蕩，見到勿地臣街有人叫囂，係有合理懷疑，所以係正當執行職務。
裁判官表示唔接受控方指，PW1係受上司指派到時代廣場，因為無相關證據；指控方提出好多證據，重複又重複，但如何將證據串連在一起，隨後與控方就着非法集結的地點，和辯方指稱非法使用武力，作出一連串對話1️⃣，裁判官休庭15分鐘，希望控方作總結總結回應。
11:35 開庭
控方作出以下回應：
1. 片段見到有警員清理地面上磚頭，似乎控制場面，但同時有人掟汽油彈，事情係未完結，要一拼整個嚟睇，人係會流動嘅，會走入時代廣場，不能分隔為兩班人，見到入邊班人係與出邊班人有關2️⃣。
2. TVB片段見到有開槍，好大聲，PW2話有人掟水樽，片段見唔到，因為不是影到所有角落，不是沙展不可靠不可信，片段與沙展嘅口供無矛盾，雖然PW3 口供記錄向劉小姐和被告開槍，但可以講係向掟水樽方向，並非非法開槍。
3. PW1見到劉小姐在花槽轉身走，比較返時間，係沙展先見到劉小姐在勿地臣街，之後女警先見到劉小姐，女警和沙展嘅口供無矛盾，後來係無告到劉小姐，但當時係有合理懷疑。
裁判官詢問控方嘅立場，劉小姐非法集結嘅位置喺邊度3️⃣，主控指可以唔係一個地方，有在勿地臣街，有在時代廣場花槽位置。
辯方最後回應，PW1嘅證言無講過PW2有話俾佢聽，知道劉小姐做咗啲咩；PW2指P2影到掟嘢嘅位置，無講過有其他地方有人掟嘢，但片段中影唔到該位置有人掟嘢；PW2所講嘅掟嘢、開槍、和拘捕過程，在P1和P2睇到晒，但片段中睇唔到有人掟嘢。
11:45 裁判官表示到開早會時間，稍後需要時間考慮。
14:30 再訊
==================
21:26 直播員按：
1️⃣ 彭官質疑主控有無睇過片段，佢睇過好多次，發覺證人指控被告和劉小姐在不同地點非法集結或出現；又質疑PW2話有人掟水樽，但片段見唔到，叫控方搵出嚟；更發脾氣講，問咗counsel advisor, 落charge 就告、告、告…
2️⃣ 彭官：「咁求其喺條街拉個人，話佢非法集結都得啦！唔係咁樣㗎嘛！」
3️⃣ 當主控答唔到，轉身問🐶，彭官：「妳係代表控方，點解要成日擰轉面問案件主管？其實根本妳都答唔到？」，「嚟到中段陳詞階段啦，咁簡單嘅問題，妳都答唔到！」