#非聲援 #非手足

#沙田裁判法院第七庭
#彭亮廷裁判官 （第七日）
#盜竊 #監守自盜

🐶馮奕鈞 (26)

控辯雙方已經呈交左書面陳辭給法庭，控方補充了機場警區失物處理的修訂文件。

因為辯方陳辭比預計長，裁判官邀請辯方重複重點，直播員自行歸類如下：

(1) 邀請法庭考慮被告嘅證供，控方亦有資料支持被告嘅說法，請法庭分析被告當時在庭上的證供，被告當時處於一個狀態，見到銀包有好多錢，楊女士嘅BB喊緊，掛住自己嘅仔仔，時間近2月14日情人節，想早啲返屋企陪太太，在一個咁嘅心路歷程，去作出一個愚蠢嘅決定，被告有七年工作經驗，有30個嘉許，犯案機會低。

(2) 辯方接納被告在兩次電話係講大話，但點解說謊，有無無辜嘅理由，辯方指佢係驚干犯內部指引，並非驚干犯盜竊罪，面對謊言，法庭如果排除唔到佢係驚違反內部指引，就唔可以作出有罪推論。

(3) 被告當時頭腦混亂、慌張，佢係諗住第二日處理，擺咗在雪櫃底，並非羅佔財物，銀包當時係失物，有人交俾警方處理，不是警員執到個銀包，只係警員處理失當，並非羅佔行為。

案件押後到2021年10月20日09:30，在沙田裁判法院第七庭裁決，被告以現有條件繼續保釋。