#西九龍裁判法院第四庭
#香淑嫻裁判官 #審訊 [2/3]
#無牌管有槍械 #管有攻擊性武器
#管有物品意圖損壞財產 #1031深水埗
👩🏻D1：鄧 (16)
👦🏻D2：蔡 (25)
控罪：
(1)無牌管有槍械 [D1]
鄧被控於2019年10月31日在深水埗汝州街與黃竹街交界無牌管有槍械，即一支胡椒噴劑。
(2)管有物品意圖損壞財產 [D1]
鄧被控於同日同地管有一支噴漆。
(3)在公眾地方管有攻擊性武器 [D2]
蔡被控於同日在深水埗黃竹街和汝州街的公眾地方管有一支金屬棒。
--------------------------
下午進度：
只有九人旁聽，與律師團隊人數相約...
📌繼續PW4的主問
🛑回到警員B向PW4交代案情的時段
警員B對PW4說有人掉下物品，此時PW4仍然沒有見過該物品，但記憶中警員B交代時是說鐵通。之後警員B帶PW4去汝洲街130號，地上有鐵通，他指住被告，指是他把鐵通掉落地上。
🛑證物處理
搜身後將證物放入證物袋，再將證物袋放曬落一個大膠袋打結封口，用箱頭筆在A4紙寫上被告姓名。這大膠袋放在PW4的辦公檯上，同時在同一張枱為D2做會面紀錄。
🛑與D2的互動
之後帶D2見值日官，PW4攞住證物袋。因為D2要求見律師，PW4問佢想見邊個，D2答唔知，所以帶佢去臨時羈留室見值日官睇律師名冊，但睇完之後佢又話唔見律師。10-20分鐘之後，佢話腳痛想睇醫生。於是PW4帶D2去報案室見另一個值日官，安排叫救護車。將D2交畀呢一個值日官後就冇再見過D2。
🛑證物交接
上述期間PW4一直用手揸住證物袋。將D2交畀值日官之後，0245 PW4將證物帶到訓示室，取出所有證物逐樣對，交給偵緝警員9325。保管證物期間沒有不法干擾。
🌟D2律師盤問
辯方向PW4指出，他在汝州街130號馬路撿取鐵通，然後行到D2位置將鐵通放在他身邊。PW4不同意。
辯方問回到汝州街161號時有冇見到D2正面，PW4說見到D2的半邊面，因為D2瞓在地上，左面貼地右面向天。
辯方指主問時PW4曾說向D2表示警察身份，提醒他被警員拘捕，等緊車去警署作進一步調查。但PW4在2019年11月1日下午3時做的調查報告冇提過有同D2講呢啲說話，係因為PW4根本冇講過。PW4不同意。
辯方指出，D2曾叫警察取出他的身份證，但PW4沒有檢查，到上咗警車先檢查。由被告倒在地上至押被告上警車期間，PW4都冇同D2講過嘢。PW4不同意。
辯：2248上警車時，一定見到被告正面，有冇見到佢左眼下方有瘀傷？
PW4：冇留意，唔知有冇，當時車廂內熄咗燈，見唔到佢塊面係點樣。
辯：上警車後你搜查被告褲袋搵電話，之後熄咗佢電話，除低佢個口罩同埋頭套。當時佢塊面係冇傷痕，你用右手一拳打落被告左眼，導致被告左眼下方瘀傷，如P28(26)相片所示。
PW4：不同意
辯：你曾對講機得知帶被告上錯警車，於是帶被告上另一部車。
PW4：不同意
辯：車上有其他同事，便衣戴頭盔，你坐D2隔離，其他同事坐D2附近。
PW4：車上有五位同事，我企喺D2隔離，D2側邊個位冇人坐，唔記得前後排有冇人坐。
辯：你見到其他同事打D2嘅頭，其中一人揸住鐵通在D2頭部附近揮動。
PW4：不同意，我一直揸住支鐵通。
辯：你由撿取到上警車都冇放低支鐵通？
PW4：係
辯：檢取被告身份證時係用單手開佢個袋？
PW4：我用胳肋底夾住支鐵通
辯：車上有同事問S2知唔知送中條例係乜，D2答我唔知，跟住有同事話「你都犀利喇，敢攞支鐵通出嚟 」，D2回應：「唔係我㗎」
PW4：冇聽到
辯：去到紅磡警署，2357見值日官，D2冇話腳痛但話要睇醫生，但你唔肯畀佢睇，直至錄取完會面紀錄同影相後，翌日凌晨三點幾先畀佢睇醫生。
PW4：佢提出要睇醫生我已經帶佢去見值日官，嗰陣佢已經睇完律師名冊。
辯：你帶佢去見值日官見咗幾多次？
PW4：次序係帶佢去睇律師名冊，跟住再帶佢去見另一個值日官安排睇醫生。因為當時人多混亂，值日官叫我同D2等到有救傷車嚟為止，追過一排先收到指示話放(D2)喺值日官到等救護車。
辯：你出出入入全程都攞住證物袋，但處理證物袋嘅情況就冇記錄喺口供。
PW4：19-20年處理不少類似案件，入袋打結係慣常做法。
辯：你只係推論當時你有咁做，唔係記得。
PW4：我記得我有咁做
辯：你押解被告到警車時佢右手冇戴手套，手套係喺背囊搜出。
PW4：不同意
辯：警員B向你交代時，只提到D2戴藍色口罩及揸鐵通，冇提及過其他物品
PW4：我記得冇
辯：你提及D2裝束係根據相片而講
PW4：不同意
辯：D2由10月31日2246至拍攝照片時 (11月1日0250) 這段期間由警方看管，左眼傷勢可能是在這段期間造成，可能是帶上警車時造成
PW4：係
‼️播放辯方片段
由街坊提供，影到一堆綠色警員圍住地上的被告。男人聲：「冇曬反應呀個人」小孩聲：「唔知邊個殺咗佢阿」片段1:03見到有人將物品放在地上人士隔離，但聽到鐵通掉地的叮一聲。不久後，地上人士起身，被帶上警車。‼️
PW4同意片段中是拘捕D2的地點，但認唔到自己，不肯定是案發當晚的情況。同意聽到叮一聲，但睇唔到有物品喺地上人士隔離。同意D2被押上警車時仍揹住背囊。
PW4作供完畢。
之後的PW全部用65b呈上證供。
📌PW5 前偵緝警員5904 蕭煒傑作供。
65b證供於2021年5月提供，描述D1證物：紅黑色防狼噴霧、D2證物：鐵通的去向，包括與警員之間的交收、交往警察總部作指紋化驗、再由另一地方取回證物交回證物房...
🌟D1辯方律師盤問
辯方質疑，PW5記事冊沒有記下大部分證物的處理及去向，為何仍可在事發後一年多作出詳細的證供？
PW5：因為情節嚴重，印象深刻。查看每次出入的簽收紀錄幫助回想處理證物的過程。
辯：但係邊日同邊位同事，上晝定下晝交收，冇紀錄架喎，你都記得？
PW5：真係記得
辯：冇即時紀錄，你份口供有可能係錯，你不能肯定眼前嘅證物就係2019年11月你所處理嘅證物。
PW5：不同意
🌟D2辯方律師盤問
辯：D2搜身期間發現一支鐵通，其中一端包上膠布，你如何得知？你有冇睇住搜身過程？
PW5：唔記得如何得知，冇睇住搜身過程。
(D1辯方律師亦就D1搜身補問同一問題，PW5作同一回答。)
🛑覆問
PW5案發當日在深水埗警署做video team，即拍攝和戒備，沒有到案發現場，但收到上級指示去紅磡警署接手案件，作調查員。調查報告共八頁，在調查期間不斷更新，即10月31日至1月16日。案情撮要的資料來源是由很多人滙報。
PW5作供完畢。
📌讀出PW6 偵緝警員9325 霍皓銘的兩份口供。
1635休庭，明天0930同庭續審。
#香淑嫻裁判官 #審訊 [2/3]
#無牌管有槍械 #管有攻擊性武器
#管有物品意圖損壞財產 #1031深水埗
👩🏻D1：鄧 (16)
👦🏻D2：蔡 (25)
控罪：
(1)無牌管有槍械 [D1]
鄧被控於2019年10月31日在深水埗汝州街與黃竹街交界無牌管有槍械，即一支胡椒噴劑。
(2)管有物品意圖損壞財產 [D1]
鄧被控於同日同地管有一支噴漆。
(3)在公眾地方管有攻擊性武器 [D2]
蔡被控於同日在深水埗黃竹街和汝州街的公眾地方管有一支金屬棒。
--------------------------
下午進度：
只有九人旁聽，與律師團隊人數相約...
📌繼續PW4的主問
🛑回到警員B向PW4交代案情的時段
警員B對PW4說有人掉下物品，此時PW4仍然沒有見過該物品，但記憶中警員B交代時是說鐵通。之後警員B帶PW4去汝洲街130號，地上有鐵通，他指住被告，指是他把鐵通掉落地上。
🛑證物處理
搜身後將證物放入證物袋，再將證物袋放曬落一個大膠袋打結封口，用箱頭筆在A4紙寫上被告姓名。這大膠袋放在PW4的辦公檯上，同時在同一張枱為D2做會面紀錄。
🛑與D2的互動
之後帶D2見值日官，PW4攞住證物袋。因為D2要求見律師，PW4問佢想見邊個，D2答唔知，所以帶佢去臨時羈留室見值日官睇律師名冊，但睇完之後佢又話唔見律師。10-20分鐘之後，佢話腳痛想睇醫生。於是PW4帶D2去報案室見另一個值日官，安排叫救護車。將D2交畀呢一個值日官後就冇再見過D2。
🛑證物交接
上述期間PW4一直用手揸住證物袋。將D2交畀值日官之後，0245 PW4將證物帶到訓示室，取出所有證物逐樣對，交給偵緝警員9325。保管證物期間沒有不法干擾。
🌟D2律師盤問
辯方向PW4指出，他在汝州街130號馬路撿取鐵通，然後行到D2位置將鐵通放在他身邊。PW4不同意。
辯方問回到汝州街161號時有冇見到D2正面，PW4說見到D2的半邊面，因為D2瞓在地上，左面貼地右面向天。
辯方指主問時PW4曾說向D2表示警察身份，提醒他被警員拘捕，等緊車去警署作進一步調查。但PW4在2019年11月1日下午3時做的調查報告冇提過有同D2講呢啲說話，係因為PW4根本冇講過。PW4不同意。
辯方指出，D2曾叫警察取出他的身份證，但PW4沒有檢查，到上咗警車先檢查。由被告倒在地上至押被告上警車期間，PW4都冇同D2講過嘢。PW4不同意。
辯：2248上警車時，一定見到被告正面，有冇見到佢左眼下方有瘀傷？
PW4：冇留意，唔知有冇，當時車廂內熄咗燈，見唔到佢塊面係點樣。
辯：上警車後你搜查被告褲袋搵電話，之後熄咗佢電話，除低佢個口罩同埋頭套。當時佢塊面係冇傷痕，你用右手一拳打落被告左眼，導致被告左眼下方瘀傷，如P28(26)相片所示。
PW4：不同意
辯：你曾對講機得知帶被告上錯警車，於是帶被告上另一部車。
PW4：不同意
辯：車上有其他同事，便衣戴頭盔，你坐D2隔離，其他同事坐D2附近。
PW4：車上有五位同事，我企喺D2隔離，D2側邊個位冇人坐，唔記得前後排有冇人坐。
辯：你見到其他同事打D2嘅頭，其中一人揸住鐵通在D2頭部附近揮動。
PW4：不同意，我一直揸住支鐵通。
辯：你由撿取到上警車都冇放低支鐵通？
PW4：係
辯：檢取被告身份證時係用單手開佢個袋？
PW4：我用胳肋底夾住支鐵通
辯：車上有同事問S2知唔知送中條例係乜，D2答我唔知，跟住有同事話「你都犀利喇，敢攞支鐵通出嚟 」，D2回應：「唔係我㗎」
PW4：冇聽到
辯：去到紅磡警署，2357見值日官，D2冇話腳痛但話要睇醫生，但你唔肯畀佢睇，直至錄取完會面紀錄同影相後，翌日凌晨三點幾先畀佢睇醫生。
PW4：佢提出要睇醫生我已經帶佢去見值日官，嗰陣佢已經睇完律師名冊。
辯：你帶佢去見值日官見咗幾多次？
PW4：次序係帶佢去睇律師名冊，跟住再帶佢去見另一個值日官安排睇醫生。因為當時人多混亂，值日官叫我同D2等到有救傷車嚟為止，追過一排先收到指示話放(D2)喺值日官到等救護車。
辯：你出出入入全程都攞住證物袋，但處理證物袋嘅情況就冇記錄喺口供。
PW4：19-20年處理不少類似案件，入袋打結係慣常做法。
辯：你只係推論當時你有咁做，唔係記得。
PW4：我記得我有咁做
辯：你押解被告到警車時佢右手冇戴手套，手套係喺背囊搜出。
PW4：不同意
辯：警員B向你交代時，只提到D2戴藍色口罩及揸鐵通，冇提及過其他物品
PW4：我記得冇
辯：你提及D2裝束係根據相片而講
PW4：不同意
辯：D2由10月31日2246至拍攝照片時 (11月1日0250) 這段期間由警方看管，左眼傷勢可能是在這段期間造成，可能是帶上警車時造成
PW4：係
‼️播放辯方片段
由街坊提供，影到一堆綠色警員圍住地上的被告。男人聲：「冇曬反應呀個人」小孩聲：「唔知邊個殺咗佢阿」片段1:03見到有人將物品放在地上人士隔離，但聽到鐵通掉地的叮一聲。不久後，地上人士起身，被帶上警車。‼️
PW4同意片段中是拘捕D2的地點，但認唔到自己，不肯定是案發當晚的情況。同意聽到叮一聲，但睇唔到有物品喺地上人士隔離。同意D2被押上警車時仍揹住背囊。
PW4作供完畢。
之後的PW全部用65b呈上證供。
📌PW5 前偵緝警員5904 蕭煒傑作供。
65b證供於2021年5月提供，描述D1證物：紅黑色防狼噴霧、D2證物：鐵通的去向，包括與警員之間的交收、交往警察總部作指紋化驗、再由另一地方取回證物交回證物房...
🌟D1辯方律師盤問
辯方質疑，PW5記事冊沒有記下大部分證物的處理及去向，為何仍可在事發後一年多作出詳細的證供？
PW5：因為情節嚴重，印象深刻。查看每次出入的簽收紀錄幫助回想處理證物的過程。
辯：但係邊日同邊位同事，上晝定下晝交收，冇紀錄架喎，你都記得？
PW5：真係記得
辯：冇即時紀錄，你份口供有可能係錯，你不能肯定眼前嘅證物就係2019年11月你所處理嘅證物。
PW5：不同意
🌟D2辯方律師盤問
辯：D2搜身期間發現一支鐵通，其中一端包上膠布，你如何得知？你有冇睇住搜身過程？
PW5：唔記得如何得知，冇睇住搜身過程。
(D1辯方律師亦就D1搜身補問同一問題，PW5作同一回答。)
🛑覆問
PW5案發當日在深水埗警署做video team，即拍攝和戒備，沒有到案發現場，但收到上級指示去紅磡警署接手案件，作調查員。調查報告共八頁，在調查期間不斷更新，即10月31日至1月16日。案情撮要的資料來源是由很多人滙報。
PW5作供完畢。
📌讀出PW6 偵緝警員9325 霍皓銘的兩份口供。
1635休庭，明天0930同庭續審。