#東區裁判法院第五庭
#劉綺雲裁判官 #審訊 (2/2)
#20200321銅鑼灣
#雷射筆

趙(17)

控罪：
(1) 在公眾地方管有攻擊性武器

—————————————
下午審訊
辯方代表： #潘定邦大律師
控方代表： #陳文慧大律師

📌辯方繼續盤問 PW3 專家證人 高級督察 #盧永楷

辯方質疑PW3今早提供嘅2頁測試記錄並無附於專家報告內。
PW3承認該2頁測試報告無附於專家報告內，PW3解釋撰寫報告目的只是為雷射筆作出分類及檢測眼睛危害距離，而相關資料已記錄於報告中。

辯方再指出測試報告第一頁上角有寫上2020年4月5日。
PW3確認係4月5日進行檢測，同時亦承認專家中並無提過4月5日進行檢測。

由於專家報告就日期就係2020年4月14日，辯方再要求PW3解釋有咩原因隔咗九日先寫。
PW3︰其實呢個日子係我寫完報告嘅日子…呢個係我寫報告…咁多case…寫完係果日
劉：即係咩意思?  請你講清楚啲
PW3︰唔係咁記得係咪果日開始寫…但係喺果日寫完，我哋嘅做法係，我嘅做法係…我會將寫完嘅日子update，印係上面
劉：簡而言之，4月14日係寫完嘅日子，而開始日期就唔肯定？
PW3︰係

最後辯方問到PW3涉案雷射筆除了如今早講可用作指示目標外，可否於晚上用作觀星(射向天向旁人指示某位置)
PW3︰係會見到一個光束，不過呢支雷射筆係Class4,輸出功率好强……有機會帶來危害……
在辯方盤問下，PW3承認有上述講法係因為之前檢驗過雷射筆，知道雷射筆嘅傷害性。PW3最後確認涉案雷射筆上無任何標籤，亦無標明雷射筆嘅級別或警告字句。

辯方盤問完畢，控方無覆問。


📌特別事項
雙方就特別事項(被告在未有警誡下的招認自願性) 沒有中斷陳詞。

裁判官裁定特別事實項表證成立，被告選擇不作供亦不傳召證人。

休庭考慮後，裁判官裁定控方針對被告「有手足俾我」嘅招認屬自願，可以成為控方證據。

控方舉證完畢，雙方未有中段陳詞。
裁判官裁定被告表面證據成立，被告選擇不作供亦不傳召證人。

案件將押後至 10月20日 0930 作結案陳詞，控辯雙方分別需於9月9日及9月30日或之前提交詳細書面陳詞。被告以原有條件保釋。

💛感謝臨時直播員💛