#區域法院第廿三庭
#林偉權法官
#1119尖沙咀 #營救理大 #審訊 [4/10]
👥A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動。
----
📌PW7 總督察 呂思浩(音)接受盤問
🌟D1辯方大律師盤問
📹播放P36放大了的影像，辯方指出在0337之前兩三個小時的時段，似乎亦有人進入7-7A大廈。PW7大致同意。(直播員按：這段不太重要，稍後法官會解釋)
📹回到033717-033744時段
影片中多人在厚福街向後巷1後巷2方向逃走，PW7看影片指約有20-30人，但有幾多人入咗7-7A就「有啲難數」。
辯：033731有個人行咗入5-6號大廈，會唔會同7-7A係共用天台？
PW7：可能性好低，都好容易去求證。
辯：你睇相片冊見唔見到相連天台？
PW7：我覺得唔算係
辯：你到咗天台有冇留意有一名好喘氣嘅人？因為跑咗咁多層樓梯。
PW7：冇留意有冇人喘氣
辯：你有冇要求天台人士去試戴喺樓梯搵到嘅物資？
PW7：冇
🌟D2 D3辯方大律師盤問
辯：你上7-7A嘅時間？
PW7：冇確切紀錄，估計係0340前後
辯：由0340你好快就上咗去三樓至四樓，然後上天台，因為要搜證，你好注意證物嘅狀況
PW7：我指派咗同事去做
辯：但佢哋會有匯報㗎嘛
PW7：大概有
辯：啲物資喺樓梯上面邊個位置，有冇畫草圖？有冇相？
PW7：我冇指示，但相信係有，但因為案件其後唔係我調查，我無從得知
辯：0453 黃智滔督察向11人宣佈拘捕，呢個係冇爭議嘅。你上樓梯見到疑犯好快就控制咗佢哋，0340已經告知佢哋唔可以自由移動，即係已經係被羈留嘅狀態但未被拘捕
PW7：係，可以咁講
辯：宣佈拘捕時11人都喺天台，11人都被鎖上手銬
PW7：係，記憶中有上手銬，時間點不能確認
辯：係用膠索帶將雙手綁在背後
PW7：經驗上係
辯：係企喺度定趴喺度？
PW7：唔係企，唔記得係咩動作。因為天台嘅圍欄好矮，驚佢哋企喺度會跌落去，所以一定唔係企。
辯：你咁擔心點解唔將佢哋帶離天台？
PW7：天台都係安全啲，下面有火有爆炸，搜證未完成
辯：咁你係叫佢哋坐定係趴？
PW7：冇印象咩動作但有可能係趴
辯：因為擔心佢哋安全所以就叫佢哋趴喺度？
PW7：可能有人坐唔到起身
‼️辯方提出一張網上相片，顯示11人全部趴在厚福街7-7A天台，被眾警包圍，PW7回答「冇印象」
‼️法官形容畫面震撼，「咩叫冇印象，有就有冇就冇，呢d 情景唔會成日發生架嘛，應該好深刻，唔記得呢個場面係會有理由」
PW7：可能嗰個時候我唔喺天台，我係喺天台樓梯之間上上落落，因為可能係有人匯報搵到啲嘢，但宣佈拘捕嗰陣我就在場。
官：你有冇喺天台見過呢個場面？
PW7：冇
因為辯方初次提出此相片，法官請控辯雙方商討其呈堂性。最後控方不爭議相片是當晚情況但不確定時間。
‼️辯方播放影片，顯示有十多人打橫一排扒在地上，辯方請PW7留意自己是否在場。
PW7：我完全唔認得呢度係天台，完全冇印象見過呢件事。
官：你冇一刻見到11個人全部趴喺地下
PW7：冇
官：你喺天台逗留咗幾耐？
PW7：30-60分鐘
官：你一秒都冇見過11個人全部趴喺地下
PW7：冇，最多係幾個人趴喺度幾個人坐喺度。
(直播員按：PW7自稱基督教徒，向全能上帝宣誓於庭上講真話)
辯：咁宣佈拘捕時有冇人趴喺度？
PW7：唔記得
官：咩係唔記得啫，有就有冇就冇啦，呢啲畫面應該係印象深刻㗎嘛
PW7：宣佈拘捕時係有啲趴喺度有啲坐喺度。
辯：咁黃督察係企喺度定踎喺度
PW7：企喺度
官：咁樣宣佈拘捕，理想嗎？
PW7：不理想
辯：向你指出係你指揮啲人趴喺度
PW7：不同意
官：咁點解會有呢個情況嘅呢
PW7：係我疏忽
官：我唔係要你答你疏忽，係想知道點解會咁，避免以後再有呢啲情況
PW7：我都係驚佢哋跌落天台
官：天台個圍欄有咁矮咩，一定要趴喺度先唔會跌落去？
PW7：印像中係好矮，矮過一米
🛑覆問
主控向PW7確認，天台沒有連接其他建築物，即使跨過天台的圍欄亦冇其他建築物，天台只有一個出入口。
主控播放P36放大了的影像，請PW7看清楚在0145XX有一堆人群經過7-7A，他們是進入了7-7A還是轉了去另一方向加入另一堆人群。
🛑官：咪住先，呢個問題可以問？PW7當時都唔在場，如果係睇片判斷，由我去睇都得啦。
控：呢個係盤問時帶出嘅問題
官：點解你當時唔反對？其實盤問時都唔應該問㗎喎。到而家你覆問我先醒覺。當然呢啲情況都唔可以一概而論，唔係即刻知道可唔可以問，有時都會播片問下證人可能知唔知道呢一個環境、呢一個街道，但係問到發生乜嘢事嘅話可能就唔太恰當。D1辯方律師有咩睇法？
D1辯方律師：當時我問呢個問題係有原因，因為佢係總督察，對分析片段嘅經驗同睇法可能同我哋唔同。
官：我唔同意，佢又唔係專家證人，總督察對影片嘅觀察都未必比一般人好。叫證人評述不在場影像，而佢對呢件事有冇認知，影像內事實應該交由法庭作為陪審團去做裁定。
📌控辯雙方最後亦同意法官的說法，之後播放影像作主問及盤問時會注意。
下星期一0930同庭續審。
#林偉權法官
#1119尖沙咀 #營救理大 #審訊 [4/10]
👥A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動。
----
📌PW7 總督察 呂思浩(音)接受盤問
🌟D1辯方大律師盤問
📹播放P36放大了的影像，辯方指出在0337之前兩三個小時的時段，似乎亦有人進入7-7A大廈。PW7大致同意。(直播員按：這段不太重要，稍後法官會解釋)
📹回到033717-033744時段
影片中多人在厚福街向後巷1後巷2方向逃走，PW7看影片指約有20-30人，但有幾多人入咗7-7A就「有啲難數」。
辯：033731有個人行咗入5-6號大廈，會唔會同7-7A係共用天台？
PW7：可能性好低，都好容易去求證。
辯：你睇相片冊見唔見到相連天台？
PW7：我覺得唔算係
辯：你到咗天台有冇留意有一名好喘氣嘅人？因為跑咗咁多層樓梯。
PW7：冇留意有冇人喘氣
辯：你有冇要求天台人士去試戴喺樓梯搵到嘅物資？
PW7：冇
🌟D2 D3辯方大律師盤問
辯：你上7-7A嘅時間？
PW7：冇確切紀錄，估計係0340前後
辯：由0340你好快就上咗去三樓至四樓，然後上天台，因為要搜證，你好注意證物嘅狀況
PW7：我指派咗同事去做
辯：但佢哋會有匯報㗎嘛
PW7：大概有
辯：啲物資喺樓梯上面邊個位置，有冇畫草圖？有冇相？
PW7：我冇指示，但相信係有，但因為案件其後唔係我調查，我無從得知
辯：0453 黃智滔督察向11人宣佈拘捕，呢個係冇爭議嘅。你上樓梯見到疑犯好快就控制咗佢哋，0340已經告知佢哋唔可以自由移動，即係已經係被羈留嘅狀態但未被拘捕
PW7：係，可以咁講
辯：宣佈拘捕時11人都喺天台，11人都被鎖上手銬
PW7：係，記憶中有上手銬，時間點不能確認
辯：係用膠索帶將雙手綁在背後
PW7：經驗上係
辯：係企喺度定趴喺度？
PW7：唔係企，唔記得係咩動作。因為天台嘅圍欄好矮，驚佢哋企喺度會跌落去，所以一定唔係企。
辯：你咁擔心點解唔將佢哋帶離天台？
PW7：天台都係安全啲，下面有火有爆炸，搜證未完成
辯：咁你係叫佢哋坐定係趴？
PW7：冇印象咩動作但有可能係趴
辯：因為擔心佢哋安全所以就叫佢哋趴喺度？
PW7：可能有人坐唔到起身
‼️辯方提出一張網上相片，顯示11人全部趴在厚福街7-7A天台，被眾警包圍，PW7回答「冇印象」
‼️法官形容畫面震撼，「咩叫冇印象，有就有冇就冇，呢d 情景唔會成日發生架嘛，應該好深刻，唔記得呢個場面係會有理由」
PW7：可能嗰個時候我唔喺天台，我係喺天台樓梯之間上上落落，因為可能係有人匯報搵到啲嘢，但宣佈拘捕嗰陣我就在場。
官：你有冇喺天台見過呢個場面？
PW7：冇
因為辯方初次提出此相片，法官請控辯雙方商討其呈堂性。最後控方不爭議相片是當晚情況但不確定時間。
‼️辯方播放影片，顯示有十多人打橫一排扒在地上，辯方請PW7留意自己是否在場。
PW7：我完全唔認得呢度係天台，完全冇印象見過呢件事。
官：你冇一刻見到11個人全部趴喺地下
PW7：冇
官：你喺天台逗留咗幾耐？
PW7：30-60分鐘
官：你一秒都冇見過11個人全部趴喺地下
PW7：冇，最多係幾個人趴喺度幾個人坐喺度。
(直播員按：PW7自稱基督教徒，向全能上帝宣誓於庭上講真話)
辯：咁宣佈拘捕時有冇人趴喺度？
PW7：唔記得
官：咩係唔記得啫，有就有冇就冇啦，呢啲畫面應該係印象深刻㗎嘛
PW7：宣佈拘捕時係有啲趴喺度有啲坐喺度。
辯：咁黃督察係企喺度定踎喺度
PW7：企喺度
官：咁樣宣佈拘捕，理想嗎？
PW7：不理想
辯：向你指出係你指揮啲人趴喺度
PW7：不同意
官：咁點解會有呢個情況嘅呢
PW7：係我疏忽
官：我唔係要你答你疏忽，係想知道點解會咁，避免以後再有呢啲情況
PW7：我都係驚佢哋跌落天台
官：天台個圍欄有咁矮咩，一定要趴喺度先唔會跌落去？
PW7：印像中係好矮，矮過一米
🛑覆問
主控向PW7確認，天台沒有連接其他建築物，即使跨過天台的圍欄亦冇其他建築物，天台只有一個出入口。
主控播放P36放大了的影像，請PW7看清楚在0145XX有一堆人群經過7-7A，他們是進入了7-7A還是轉了去另一方向加入另一堆人群。
🛑官：咪住先，呢個問題可以問？PW7當時都唔在場，如果係睇片判斷，由我去睇都得啦。
控：呢個係盤問時帶出嘅問題
官：點解你當時唔反對？其實盤問時都唔應該問㗎喎。到而家你覆問我先醒覺。當然呢啲情況都唔可以一概而論，唔係即刻知道可唔可以問，有時都會播片問下證人可能知唔知道呢一個環境、呢一個街道，但係問到發生乜嘢事嘅話可能就唔太恰當。D1辯方律師有咩睇法？
D1辯方律師：當時我問呢個問題係有原因，因為佢係總督察，對分析片段嘅經驗同睇法可能同我哋唔同。
官：我唔同意，佢又唔係專家證人，總督察對影片嘅觀察都未必比一般人好。叫證人評述不在場影像，而佢對呢件事有冇認知，影像內事實應該交由法庭作為陪審團去做裁定。
📌控辯雙方最後亦同意法官的說法，之後播放影像作主問及盤問時會注意。
下星期一0930同庭續審。