#區域法院第廿三庭
#林偉權法官
#1119尖沙咀 #營救理大 #審訊 [5/10]
👥A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動。
----
宣讀更新的承認事實，及以65b呈上3份供詞。內容大致如下：
1. 一位警員在TG及連登截圖：TG group圍魏救趙內有人呼籲「去尖咀開花」，連登topic 「全城救理大」。控方立場是警員對網上言論的觀察，並不是Statement of Facts
2. 法證事務部政府化驗師蘇文浩對現場撿獲的數個膠樽、玻璃樽及金屬鐵罐，分別內含環己烷、甲基環己烷、內含澱粉的白色粉末、蔗糖、丁烷(的有機混合物液體)。
3. 雜項調查隊劉家豪(音) 指當天厚福街、加連威老道、金馬倫道一帶集結沒有發出不反對通知書。
📌PW8 警長7717 黃瑞傑(音)作供。
🛑主問
案發當日是西九龍總區第二梯隊的傳令員。
0330 接到支援指示，前往加連威老道搜捕掟汽油彈的人。由漆咸道南步行，從嘉蘭圍67至71號的後巷進入嘉蘭圍。
0345 到了嘉蘭圍16號永興大廈的後巷 (即後巷1)。後巷昏暗，但盡頭(即厚福街)有光，見到一個漆黑人影點起火種，距離我約20米，不知道中間有冇阻隔，也看不清楚他點火的位置，但由反光見到他持有玻璃樽，掉落地時造成一米高的火光。我的身後有警員。之後睇唔清人影去咗邊，因為被火球遮住。
我和隊員追上前，到了火球的位置(即H8附近) 就見到後巷2和厚福街5至6號一帶的情況。見到數名男女在後巷1後巷2的交界向西走，進入厚福街7-7A的唐樓。我和他們距離約十米，視線沒有阻隔。我和隊員再追上前，在H8位置有一名男子在我左邊逃走，我在後巷2內將他制服。他身穿黑衫黑褲，戴黑口罩。
0348 我將該男子交給偵緝警員19212。我示意拍檔10768一齊入去7-7A搜捕。
📹播放H8的cctv
034618 一堆人跑過後巷1
034700 後巷1內出現火球
034720 PW8及隊員出現，行過火球
034740-0349XX 火球發生數次爆炸
📹播放厚福街的cctv
034750 PW8指他在7-7A附近出現
034945 PW8稱見到有光照住7-7A，係10768用大電筒去照，所以記得這一刻進入7-7A
門口有大閘但冇鎖。我哋一齊上樓梯，我行先，佢行後。去到三樓見到有兩名男子企喺度望向下面樓層，距離我一至兩尺，想在我身邊的梯間空位逃走，我將他們制服，但不記得他們的衣著，都唔知嗰陣10768做緊乜。之後我將兩名男子交給前來支援的刑偵人員。
0350 我和10768繼續向上搜捕，見到梯間有口罩及防毒面具。到了三樓四樓之間，見到有五名女子面向下方坐在梯間，我亦冇作出調查，交給刑偵人員處理。之後我和10768行出天台，在天台的凹位發現三男一女，搜查天台後冇其他發現。天台圍欄後冇連接其他大廈的天台，亦冇後樓梯及後門。冇留意在梯間發現的七名人士有冇上天台，因為交畀偵緝警員之後冇再理會過佢地。我匯報給黃智滔偵緝督察，說發現了11名人士。
0410 離開天台，落到地下見到有其他警員把守。
🌟D1律師盤問
辯：你制服完兩名男子之後冇再見過佢哋，而家見返都唔會認到
PW8：係
辯：你記事冊寫制服兩名男子嘅情況，你話佢哋係坐喺度，啱啱主問你又話佢哋係企喺度
PW8：係手文之誤
辯：(記事冊寫)你話佢哋眼神閃縮，有足夠燈光見到佢哋嘅眼神咩？
PW8：光線充足
辯：係燈膽定光管？
PW8：唔記得
辯：你冇描述佢哋點樣逃走，佢哋嘅衣著姓名你都冇寫。
PW8：係
🌟D2 D3律師盤問
辯：你係幾時向黃督察匯報？
PW8：0405，因為嗰陣時支援已經到咗
辯：天台係喺四樓再上，即係五樓啦。你喺天台逗留咗幾耐？
PW8：大概20分鐘
辯：喺天台嘅三男一女，其中兩位係D4 D5 (按：已獲撤控)
PW8：我唔知道
辯：你如何處置佢哋？
PW8：我冇處置同調查，交比之後嘅刑偵人員處理
辯：佢哋點做
PW8：我冇留意
辯：你離開天台時，嗰五名女子同兩名男子仲喺唔喺樓梯？
PW8：唔喺
辯：會唔會係被帶上天台？落到樓下離開大門又有冇見到嗰七名人士？你唔會想知佢哋去咗邊咩？
PW8：唔肯定佢哋有冇上天台，喺地下都見唔到佢哋。交咗畀同事之後就冇再理會，都唔想知佢哋去咗邊了
辯：黃督察冇落任何命令？
PW8：對我冇，對其他同事嘅命令我冇埋去聽
辯：你離開之前，黃督察已經上咗天台
PW8：係
辯：支援嘅刑偵同事有幾多人？
PW8：十人左右，詳細唔記得
辯：咁多人喺天台咁危險，有冇照明？
PW8：唔覺有
辯：你搜索時冇用照明
PW8：我用手機嘅燈
🛑覆問
PW8指記事冊的手文之誤是因為由11月17日朝早當值至案發時已有好長時間，是在警車上記錄。作供時先回想返。
📌PW9 警員10768 蔡達鋒(音)作供。
🛑主問
案發當日屬西九龍應變大隊第二梯隊第三小隊，防暴裝當值。
0330 在通訊機收到指示，前往金馬倫道追截示威者。
0348 到達金馬倫道27A，後巷2有爆炸聲及火光傳出， 進入後巷2 後已見有警員制服了一些人士。我繼續直行轉入厚福街7-7A的位置，見到7717 (即PW8)，一齊行入去該大廈。大廈門口沒有鎖沒有看更，亦沒有電梯，我哋行樓梯上去。樓梯闊度大約兩個人平排身位。梯間有大廈光管，有足夠照明。行到唐三樓，梯級上有口罩、手套、頭盔等物品，見到有兩名男子想走落嚟，我和PW8將他們截停。PW8叫他們踎在三樓的梯級，我再向上行，在三樓和四樓之間的梯間看見有五名女子坐下，我同PW8講唔夠做喎，我落去搵幫手。唔夠做嘅意思係唔夠人手。
我落到地下見到有三至四名便衣，就叫佢哋幫手同佢哋一齊上去。
上番樓時，我冇理到果兩名男子，繼續向上行，之後PW8都有跟上黎。五名女子亦都冇郁過，他們著深色黑色服飾，有啲人有戴口罩，有一兩個揹背囊。我全程冇同五名女子講嘢，亦冇任何行動，交畀身後便裝同事處理，直接行上天台。出咗天台我開電筒，在我十二點鐘位置的凹位發現有三男一女踎咗喺度，分別分開踎喺四個角位，佢哋係著黑色衫，冇留意其他特徵。我叫佢哋企起身行返出嚟，這個時候已有便裝同事上咗嚟，在梯間截停的人亦陸續被帶上天台。我冇對佢哋作出調查，因為係由便裝，即刑偵同事負責。
0453 我離開天台，那個時候警員已向11人宣佈拘捕。天台圍欄外沒有連接其他建築天台，7-7A大廈亦沒有其他出入口。我沿上來的樓梯離開時，冇印象在樓梯有其他警員。
主問完畢。
今日下午沒有審訊，明天1000同庭續審。
💛感謝臨時直播員💛
#林偉權法官
#1119尖沙咀 #營救理大 #審訊 [5/10]
👥A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動。
----
宣讀更新的承認事實，及以65b呈上3份供詞。內容大致如下：
1. 一位警員在TG及連登截圖：TG group圍魏救趙內有人呼籲「去尖咀開花」，連登topic 「全城救理大」。控方立場是警員對網上言論的觀察，並不是Statement of Facts
2. 法證事務部政府化驗師蘇文浩對現場撿獲的數個膠樽、玻璃樽及金屬鐵罐，分別內含環己烷、甲基環己烷、內含澱粉的白色粉末、蔗糖、丁烷(的有機混合物液體)。
3. 雜項調查隊劉家豪(音) 指當天厚福街、加連威老道、金馬倫道一帶集結沒有發出不反對通知書。
📌PW8 警長7717 黃瑞傑(音)作供。
🛑主問
案發當日是西九龍總區第二梯隊的傳令員。
0330 接到支援指示，前往加連威老道搜捕掟汽油彈的人。由漆咸道南步行，從嘉蘭圍67至71號的後巷進入嘉蘭圍。
0345 到了嘉蘭圍16號永興大廈的後巷 (即後巷1)。後巷昏暗，但盡頭(即厚福街)有光，見到一個漆黑人影點起火種，距離我約20米，不知道中間有冇阻隔，也看不清楚他點火的位置，但由反光見到他持有玻璃樽，掉落地時造成一米高的火光。我的身後有警員。之後睇唔清人影去咗邊，因為被火球遮住。
我和隊員追上前，到了火球的位置(即H8附近) 就見到後巷2和厚福街5至6號一帶的情況。見到數名男女在後巷1後巷2的交界向西走，進入厚福街7-7A的唐樓。我和他們距離約十米，視線沒有阻隔。我和隊員再追上前，在H8位置有一名男子在我左邊逃走，我在後巷2內將他制服。他身穿黑衫黑褲，戴黑口罩。
0348 我將該男子交給偵緝警員19212。我示意拍檔10768一齊入去7-7A搜捕。
📹播放H8的cctv
034618 一堆人跑過後巷1
034700 後巷1內出現火球
034720 PW8及隊員出現，行過火球
034740-0349XX 火球發生數次爆炸
📹播放厚福街的cctv
034750 PW8指他在7-7A附近出現
034945 PW8稱見到有光照住7-7A，係10768用大電筒去照，所以記得這一刻進入7-7A
門口有大閘但冇鎖。我哋一齊上樓梯，我行先，佢行後。去到三樓見到有兩名男子企喺度望向下面樓層，距離我一至兩尺，想在我身邊的梯間空位逃走，我將他們制服，但不記得他們的衣著，都唔知嗰陣10768做緊乜。之後我將兩名男子交給前來支援的刑偵人員。
0350 我和10768繼續向上搜捕，見到梯間有口罩及防毒面具。到了三樓四樓之間，見到有五名女子面向下方坐在梯間，我亦冇作出調查，交給刑偵人員處理。之後我和10768行出天台，在天台的凹位發現三男一女，搜查天台後冇其他發現。天台圍欄後冇連接其他大廈的天台，亦冇後樓梯及後門。冇留意在梯間發現的七名人士有冇上天台，因為交畀偵緝警員之後冇再理會過佢地。我匯報給黃智滔偵緝督察，說發現了11名人士。
0410 離開天台，落到地下見到有其他警員把守。
🌟D1律師盤問
辯：你制服完兩名男子之後冇再見過佢哋，而家見返都唔會認到
PW8：係
辯：你記事冊寫制服兩名男子嘅情況，你話佢哋係坐喺度，啱啱主問你又話佢哋係企喺度
PW8：係手文之誤
辯：(記事冊寫)你話佢哋眼神閃縮，有足夠燈光見到佢哋嘅眼神咩？
PW8：光線充足
辯：係燈膽定光管？
PW8：唔記得
辯：你冇描述佢哋點樣逃走，佢哋嘅衣著姓名你都冇寫。
PW8：係
🌟D2 D3律師盤問
辯：你係幾時向黃督察匯報？
PW8：0405，因為嗰陣時支援已經到咗
辯：天台係喺四樓再上，即係五樓啦。你喺天台逗留咗幾耐？
PW8：大概20分鐘
辯：喺天台嘅三男一女，其中兩位係D4 D5 (按：已獲撤控)
PW8：我唔知道
辯：你如何處置佢哋？
PW8：我冇處置同調查，交比之後嘅刑偵人員處理
辯：佢哋點做
PW8：我冇留意
辯：你離開天台時，嗰五名女子同兩名男子仲喺唔喺樓梯？
PW8：唔喺
辯：會唔會係被帶上天台？落到樓下離開大門又有冇見到嗰七名人士？你唔會想知佢哋去咗邊咩？
PW8：唔肯定佢哋有冇上天台，喺地下都見唔到佢哋。交咗畀同事之後就冇再理會，都唔想知佢哋去咗邊了
辯：黃督察冇落任何命令？
PW8：對我冇，對其他同事嘅命令我冇埋去聽
辯：你離開之前，黃督察已經上咗天台
PW8：係
辯：支援嘅刑偵同事有幾多人？
PW8：十人左右，詳細唔記得
辯：咁多人喺天台咁危險，有冇照明？
PW8：唔覺有
辯：你搜索時冇用照明
PW8：我用手機嘅燈
🛑覆問
PW8指記事冊的手文之誤是因為由11月17日朝早當值至案發時已有好長時間，是在警車上記錄。作供時先回想返。
📌PW9 警員10768 蔡達鋒(音)作供。
🛑主問
案發當日屬西九龍應變大隊第二梯隊第三小隊，防暴裝當值。
0330 在通訊機收到指示，前往金馬倫道追截示威者。
0348 到達金馬倫道27A，後巷2有爆炸聲及火光傳出， 進入後巷2 後已見有警員制服了一些人士。我繼續直行轉入厚福街7-7A的位置，見到7717 (即PW8)，一齊行入去該大廈。大廈門口沒有鎖沒有看更，亦沒有電梯，我哋行樓梯上去。樓梯闊度大約兩個人平排身位。梯間有大廈光管，有足夠照明。行到唐三樓，梯級上有口罩、手套、頭盔等物品，見到有兩名男子想走落嚟，我和PW8將他們截停。PW8叫他們踎在三樓的梯級，我再向上行，在三樓和四樓之間的梯間看見有五名女子坐下，我同PW8講唔夠做喎，我落去搵幫手。唔夠做嘅意思係唔夠人手。
我落到地下見到有三至四名便衣，就叫佢哋幫手同佢哋一齊上去。
上番樓時，我冇理到果兩名男子，繼續向上行，之後PW8都有跟上黎。五名女子亦都冇郁過，他們著深色黑色服飾，有啲人有戴口罩，有一兩個揹背囊。我全程冇同五名女子講嘢，亦冇任何行動，交畀身後便裝同事處理，直接行上天台。出咗天台我開電筒，在我十二點鐘位置的凹位發現有三男一女踎咗喺度，分別分開踎喺四個角位，佢哋係著黑色衫，冇留意其他特徵。我叫佢哋企起身行返出嚟，這個時候已有便裝同事上咗嚟，在梯間截停的人亦陸續被帶上天台。我冇對佢哋作出調查，因為係由便裝，即刑偵同事負責。
0453 我離開天台，那個時候警員已向11人宣佈拘捕。天台圍欄外沒有連接其他建築天台，7-7A大廈亦沒有其他出入口。我沿上來的樓梯離開時，冇印象在樓梯有其他警員。
主問完畢。
今日下午沒有審訊，明天1000同庭續審。
💛感謝臨時直播員💛