#區域法院第廿三庭
#林偉權法官
#1119尖沙咀 #營救理大
#審訊 [8/10]
👥A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動。
－－－－－－－－－－
📌PW14 女偵緝警員10283 鄭樂韻(音)作供
🛑主問
案發當日屬西九龍應變大隊深水埗刑事應變小隊。
接報前往厚福街7-7A天台支援，0433上到天台已有警員，有11人被鎖上手銬趴在地上。我被安排處理女性被捕人士D3。有同事交代資料及她的身份證，為核對身份，我向她查問，她回答了名字。D3前方有一個黑色背囊，我問「係咪你㗎」佢回答「個袋係我嘅」我主要係睇下有冇危害安全嘅嘢，當時冇詳細紀錄，只係快速搜查。
我搜出咗一張長者八達通，我問佢點解會有，佢答「係屋企人嘅」。搜完之後就放返入黑色背囊，將背囊放返喺佢頭嘅前方。
0510 我帶住D3、背囊，同其他警察同被捕人一齊離開天台。D3用手攞住自己個背囊 (此時雙手仍被綁在身後)，身份證就一直喺我嘅衣袋。上警車時，我將背囊擺在她的身前，我坐她旁邊。
0543 回到葵涌警署，剪開D3的索帶，由她手持黑色背囊
0623 帶佢去案件主管報告，當時是在葵涌警署停車場的臨時羈留室，D3仍然拎住背囊，先去到檢查手機的區域，調查手機及sim卡，完成後放返入背囊。另一位同事為D3作快速搜查，將背囊放在枱面一齊睇住，拿出裡面物品，睇完之後再放返曬入去。
之後去另一張長枱檢取部分物品作證物，過程亦在D3面前進行。
之後有一個時段進行了拍攝，同事提及要為她拍攝容貌特徵及持有物品，我就叫D3孭住自己的背囊。
官：點解要孭背囊呢，唔可以揸住或者放地下咩？
PW14：都可以嘅
官：影呢張相嘅目的係想展示呢個係佢嘅物品？
PW14：係
官：你冇問佢同唔同意啦，佢都冇拒絕。如果佢拒絕咁點呢？
PW14：我會解釋番個流程，佢可以拒絕嘅，但我會做返紀錄。我相信唔可以迫佢嘅，過程都冇威迫利誘。
相裏面D3揸住一張紙，有佢個人資料，係由商業罪案調查科同事準備嘅。
0832 將D3帶去見值日官，D3沒有任何投訴。
08XX-10XX 見值日官後向D3發出被捕人士權利通知書，解釋一些文件簽收。之後亦進行會面記錄及警誡口供。這段期間個人物品都放在枱上，兩人都見到。
1017 帶去鑑證科攝影組影犯人相，套取指模。唔需要孭住嘢，一般影犯人相都係純粹影容貌。
1145 因為要檢取衣物，帶D3去洗手間換衫，佢將身上衣物交畀我，入咗證物袋。之後連同檢取了的證物交給證物員。沒有被檢取的物品交給男警帶到犯人財物區。
12XX 將D3交回臨時羈留區。
‼️法官請PW14避席。
‼️根據PW14的主問，D3有表面上的招認，即「個袋係我嘅」、八達通「係屋企人嘅」，控方是否依賴？
控方與身後的案件主管交頭接耳後，表示會依賴。
辯方立場：會爭議招認的自願性，沿用特別事項內的反對理由。
法官要求辯方修改特別事項的反對理由書 (即新增反對招認的事項。)
午休。
🛑補充主問
PW14解釋為何在提問前不警誡D3
PW14：我當時啱啱上到去，唔清楚佢涉及咩案件， 不過四圍頹垣敗瓦，相信佢係牽涉暴動。我係被指派要看守犯人，考慮到物品會被檢取，可以稍後再警誡，當時未去進一步了解。
官：有咩要了解啫，你已經係調查緊案件啦，你當時已經懷疑佢參與暴動吖嘛，因為有合理懷疑，你就去睇下物品同事情有冇關。咁點解唔警誡呢
PW14：最初搜查時只係想睇下有冇危險物品
官：如果你搵到把刀，你會唔會問係咪佢嘅？
PW14：我會警誡咗先
官：搵到刀你先警誡？好多物品都可以同暴動有關㗎嘛，所以你要喺查問之前警誡，再問下佢帶呢啲嘢有咩目的吖嘛
PW14：因為上到天台已經有好多物品，我又唔知之前啲事，所以要確認啲嘢係咪佢嘅
官：如果佢答唔係佢嘅呢
PW14：我會問返同事
官：咁即係嗰陣調查已經開始咗啦
🌟D2 D3律師盤問
辯：有關第一次影相，如果D3拒絕你就會寫落記事冊或者口供，但影相唔係你主要職責，你都覺得有需要寫低
PW14：有特別事情先寫
辯：但你對D3嘅查問，記事冊同口供都冇寫。D3直接承認個背囊係佢嘅，咁重要嘅證供點解唔寫低？涉及查問疑犯同埋重要證物，都冇寫低。
PW14：(停了數秒)當時冇寫到咁詳細，口供有寫檢取咗咩證物
辯：今日喺法庭先第一次講呢件事
PW14：因為當時事情順利，就冇記低
官：如果你警誡咗會唔會記低？(PW14：會) 咁警誡前嘅事呢 (PW14：如果我記得都會盡量一字不漏咁記低，咁係最好)
辯：就算你唔寫對話內容，你都可以話「有對話」架嘛
PW14：我唔知佢哋上索帶前有咩事，我冇警誡嘅原意係咁
辯：你問問題嗰陣，D3係未被拘捕。點解唔早啲宣布拘捕？佢都唔走得喇。
PW14：我唔知黃督察點諗，可能因為人數眾多
辯：警方可以羈押疑人48小時，係由宣佈拘捕果一刻計吖嘛，你哋拘禁咗佢地咁耐但又唔宣佈拘捕，即係賺咗？
PW14：唔係拖咗太長時間，我0433上到天台，0453就宣布拘捕
辯：咁你覺得佢哋趴喺度一個鐘係OK？
PW14：我評論唔到其他人嘅指示
辯：你對一個人有合理懷疑，會先警誡然後查問，警誡會提醒對方係可以保持緘默，咁你當時有冇同D3講有權唔答
PW14：冇，因為當時未有合理懷疑，只係想做快速搜查
辯：咁你當佢係普通市民？
PW14：有懷疑當時佢有汽油彈
🌟辯方指出案情
你上庭前發現冇直接證據指出背囊係屬於D3所以先編造此查問，如果有發生過你冇可能冇寫低。D3趴喺地下時，有警員將背囊踢向地上的11人等佢哋放個頭上去，其中一個背囊踢到去D3前方。有警員在天台拍攝，將D3前方的背囊當係D3的。有警員將D3的身份證交畀你，你唔知點解會有個袋擺喺D3度，個袋之前喺邊你都唔知，你冇查詢個袋裏面啲嘢係邊個嘅。
影相嘅時候，都冇見過D3孭住個背囊，但你又要求佢咁做，只係為咗重組你哋心目中嘅案情。
PW14大致回答不同意、唔知及冇留意。
辯：點解你當時冇同佢講可以拒絕？
PW14：我冇咁樣問，當時覺得呢個係被捕之後嘅過程，仲有好多工序要做，為咗過程順利就冇講到咁詳細
🛑覆問
控：施行搜查和警誡的情況有咩唔同？
PW14：警誡係告知疑人有保持緘默嘅權利，搜查係警誡之前發生
控：合理懷疑嘅標準都唔一樣？
PW14：施行警誡嘅合理懷疑嘅標準較高
官：主控你問呢啲問題有咩用意？合理懷疑係主觀標準嚟㗎咩？
控：我認為係主觀嘅
(辯方和法官反應頗大)
官：合理懷疑喎！係客觀標準嚟㗎喎！呢啲法律詞匯嘅概念大家真係要搞得好清楚！
控：同意，我冇其他問題。
官：播放D2(2)有冇問題？(即拍攝到11人趴在地上的影片) 比證人認下有冇呢個場景，有冇D3喺度。如果冇證人去講述呢段片，咁我哋點樣用？
📹控辯雙方不反對。PW14從片段中認出D3。
官：佢條褲好似有啲水印，點解嘅
PW14：唔清楚，冇留意
官：當日天台有啲地方係濕嘅？
PW14：唔清楚
🛑控辯雙方補充問題
控：當日厚福街附近範圍有冇水炮車出現？
PW14：唔清楚
D2 D3辯方律師：片段中腰間有條帶呢位係咪D2？
PW14：唔知，我唔識佢
📌PW15 PC7153 李少鈞(音)作供
🛑主問
當日隸屬商業罪案調查科，奉命到葵涌警署處理理大事件被捕者。警長1200指派我到葵涌警署停車場的臨時羈留中心工作，由2019年11月18日2100工作到翌日0700左右，處理的是影相部分，冇其他警員負責影相。
我最初係用警方提供的相機影相，後來因相機記憶體用完，又搵唔到備用記憶體，所以我用手機影相，之後返office將啲相燒錄成光碟。警長1200向我解釋影呢啲相係日後追cctv同埋情報搜集分析之用。每一名被捕者都會有一位警方同事帶來，我會向同事解釋影相嘅目的，我大概係講「追鏡用，要還原返拉佢嗰陣嘅外表衣著」，要求佢哋將戴住咩物品嘅情況還原。有冇同被捕人士講，但相信佢哋都聽到，冇人拒絕。
‼️法官問，如果有人拒絕，咁會點做？
PW15：我會通知直屬上級，以前發生過。警長會解釋有條例指出警方係有權咁樣做，如果佢唔合作有機會檢控佢再差辦公
官：警方係有權影佢面貌特徵同埋指紋啫，你嘅講法係嗰條條例係可以要求被捕人士穿戴個人物品影相？
PW15：還原被捕時衣著呢個係特別啲，以前未做過。當日上司都冇指示過如果有人拒絕要點做。
相片中被捕人士揸住一張白紙，上面寫上個人資料，係由我寫。帶被捕人士過嚟嘅同事會提供身份證號碼同埋姓名畀我，上面嘅犯人編號係我編嘅。還原衣著係根據同事配合，我唔知啲裝備、背囊係喺咩位。過程中冇人威迫利誘佢哋影呢啲相。
🌟D2 D3律師盤問
辯：你哋係運用警權要佢哋影呢啲相？
PW15：係，但當時冇諗過如果有人拒絕要點處理。
官：警權都係畀你哋影容貌啫，唔包括物品吖嘛，咁你話你哋嘅權力係點樣？
PW15：我哋嘅調查權力
辯：你哋要求被捕人士穿戴物品，還原情況
PW15：有人要求，然後佢哋自己戴
辯：你當時有冇諗過呢啲相會作為呈堂證供？
PW15：冇諗過
辯：佢哋有冇權拒絕還原衣著？
PW15：有
辯：你有冇評估過佢哋知唔知道有權拒絕？你有冇講過佢係有權唔跟你哋要求做？
PW15：冇
辯：點解你唔直接同被捕人士講你影相嘅目的？
PW15：因為唔清楚佢地被捕嘅情況，所以叫同事處理呢個問題
PW15作供完畢，控方案情完結。
‼️法官認為警方有冇權力去影「還原相」係重要議題，希望控辯雙方就特別事項提供詳盡的書面陳詞，引用有關案例及法律條文，「唔好兩三頁紙就算」。如果星期一搞唔掂，咁就星期二星期三，「我會畀時間人做嘢嘅」
下星期一0930同庭續審。
#林偉權法官
#1119尖沙咀 #營救理大
#審訊 [8/10]
👥A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動。
－－－－－－－－－－
📌PW14 女偵緝警員10283 鄭樂韻(音)作供
🛑主問
案發當日屬西九龍應變大隊深水埗刑事應變小隊。
接報前往厚福街7-7A天台支援，0433上到天台已有警員，有11人被鎖上手銬趴在地上。我被安排處理女性被捕人士D3。有同事交代資料及她的身份證，為核對身份，我向她查問，她回答了名字。D3前方有一個黑色背囊，我問「係咪你㗎」佢回答「個袋係我嘅」我主要係睇下有冇危害安全嘅嘢，當時冇詳細紀錄，只係快速搜查。
我搜出咗一張長者八達通，我問佢點解會有，佢答「係屋企人嘅」。搜完之後就放返入黑色背囊，將背囊放返喺佢頭嘅前方。
0510 我帶住D3、背囊，同其他警察同被捕人一齊離開天台。D3用手攞住自己個背囊 (此時雙手仍被綁在身後)，身份證就一直喺我嘅衣袋。上警車時，我將背囊擺在她的身前，我坐她旁邊。
0543 回到葵涌警署，剪開D3的索帶，由她手持黑色背囊
0623 帶佢去案件主管報告，當時是在葵涌警署停車場的臨時羈留室，D3仍然拎住背囊，先去到檢查手機的區域，調查手機及sim卡，完成後放返入背囊。另一位同事為D3作快速搜查，將背囊放在枱面一齊睇住，拿出裡面物品，睇完之後再放返曬入去。
之後去另一張長枱檢取部分物品作證物，過程亦在D3面前進行。
之後有一個時段進行了拍攝，同事提及要為她拍攝容貌特徵及持有物品，我就叫D3孭住自己的背囊。
官：點解要孭背囊呢，唔可以揸住或者放地下咩？
PW14：都可以嘅
官：影呢張相嘅目的係想展示呢個係佢嘅物品？
PW14：係
官：你冇問佢同唔同意啦，佢都冇拒絕。如果佢拒絕咁點呢？
PW14：我會解釋番個流程，佢可以拒絕嘅，但我會做返紀錄。我相信唔可以迫佢嘅，過程都冇威迫利誘。
相裏面D3揸住一張紙，有佢個人資料，係由商業罪案調查科同事準備嘅。
0832 將D3帶去見值日官，D3沒有任何投訴。
08XX-10XX 見值日官後向D3發出被捕人士權利通知書，解釋一些文件簽收。之後亦進行會面記錄及警誡口供。這段期間個人物品都放在枱上，兩人都見到。
1017 帶去鑑證科攝影組影犯人相，套取指模。唔需要孭住嘢，一般影犯人相都係純粹影容貌。
1145 因為要檢取衣物，帶D3去洗手間換衫，佢將身上衣物交畀我，入咗證物袋。之後連同檢取了的證物交給證物員。沒有被檢取的物品交給男警帶到犯人財物區。
12XX 將D3交回臨時羈留區。
‼️法官請PW14避席。
‼️根據PW14的主問，D3有表面上的招認，即「個袋係我嘅」、八達通「係屋企人嘅」，控方是否依賴？
控方與身後的案件主管交頭接耳後，表示會依賴。
辯方立場：會爭議招認的自願性，沿用特別事項內的反對理由。
法官要求辯方修改特別事項的反對理由書 (即新增反對招認的事項。)
午休。
🛑補充主問
PW14解釋為何在提問前不警誡D3
PW14：我當時啱啱上到去，唔清楚佢涉及咩案件， 不過四圍頹垣敗瓦，相信佢係牽涉暴動。我係被指派要看守犯人，考慮到物品會被檢取，可以稍後再警誡，當時未去進一步了解。
官：有咩要了解啫，你已經係調查緊案件啦，你當時已經懷疑佢參與暴動吖嘛，因為有合理懷疑，你就去睇下物品同事情有冇關。咁點解唔警誡呢
PW14：最初搜查時只係想睇下有冇危險物品
官：如果你搵到把刀，你會唔會問係咪佢嘅？
PW14：我會警誡咗先
官：搵到刀你先警誡？好多物品都可以同暴動有關㗎嘛，所以你要喺查問之前警誡，再問下佢帶呢啲嘢有咩目的吖嘛
PW14：因為上到天台已經有好多物品，我又唔知之前啲事，所以要確認啲嘢係咪佢嘅
官：如果佢答唔係佢嘅呢
PW14：我會問返同事
官：咁即係嗰陣調查已經開始咗啦
🌟D2 D3律師盤問
辯：有關第一次影相，如果D3拒絕你就會寫落記事冊或者口供，但影相唔係你主要職責，你都覺得有需要寫低
PW14：有特別事情先寫
辯：但你對D3嘅查問，記事冊同口供都冇寫。D3直接承認個背囊係佢嘅，咁重要嘅證供點解唔寫低？涉及查問疑犯同埋重要證物，都冇寫低。
PW14：(停了數秒)當時冇寫到咁詳細，口供有寫檢取咗咩證物
辯：今日喺法庭先第一次講呢件事
PW14：因為當時事情順利，就冇記低
官：如果你警誡咗會唔會記低？(PW14：會) 咁警誡前嘅事呢 (PW14：如果我記得都會盡量一字不漏咁記低，咁係最好)
辯：就算你唔寫對話內容，你都可以話「有對話」架嘛
PW14：我唔知佢哋上索帶前有咩事，我冇警誡嘅原意係咁
辯：你問問題嗰陣，D3係未被拘捕。點解唔早啲宣布拘捕？佢都唔走得喇。
PW14：我唔知黃督察點諗，可能因為人數眾多
辯：警方可以羈押疑人48小時，係由宣佈拘捕果一刻計吖嘛，你哋拘禁咗佢地咁耐但又唔宣佈拘捕，即係賺咗？
PW14：唔係拖咗太長時間，我0433上到天台，0453就宣布拘捕
辯：咁你覺得佢哋趴喺度一個鐘係OK？
PW14：我評論唔到其他人嘅指示
辯：你對一個人有合理懷疑，會先警誡然後查問，警誡會提醒對方係可以保持緘默，咁你當時有冇同D3講有權唔答
PW14：冇，因為當時未有合理懷疑，只係想做快速搜查
辯：咁你當佢係普通市民？
PW14：有懷疑當時佢有汽油彈
🌟辯方指出案情
你上庭前發現冇直接證據指出背囊係屬於D3所以先編造此查問，如果有發生過你冇可能冇寫低。D3趴喺地下時，有警員將背囊踢向地上的11人等佢哋放個頭上去，其中一個背囊踢到去D3前方。有警員在天台拍攝，將D3前方的背囊當係D3的。有警員將D3的身份證交畀你，你唔知點解會有個袋擺喺D3度，個袋之前喺邊你都唔知，你冇查詢個袋裏面啲嘢係邊個嘅。
影相嘅時候，都冇見過D3孭住個背囊，但你又要求佢咁做，只係為咗重組你哋心目中嘅案情。
PW14大致回答不同意、唔知及冇留意。
辯：點解你當時冇同佢講可以拒絕？
PW14：我冇咁樣問，當時覺得呢個係被捕之後嘅過程，仲有好多工序要做，為咗過程順利就冇講到咁詳細
🛑覆問
控：施行搜查和警誡的情況有咩唔同？
PW14：警誡係告知疑人有保持緘默嘅權利，搜查係警誡之前發生
控：合理懷疑嘅標準都唔一樣？
PW14：施行警誡嘅合理懷疑嘅標準較高
官：主控你問呢啲問題有咩用意？合理懷疑係主觀標準嚟㗎咩？
控：我認為係主觀嘅
(辯方和法官反應頗大)
官：合理懷疑喎！係客觀標準嚟㗎喎！呢啲法律詞匯嘅概念大家真係要搞得好清楚！
控：同意，我冇其他問題。
官：播放D2(2)有冇問題？(即拍攝到11人趴在地上的影片) 比證人認下有冇呢個場景，有冇D3喺度。如果冇證人去講述呢段片，咁我哋點樣用？
📹控辯雙方不反對。PW14從片段中認出D3。
官：佢條褲好似有啲水印，點解嘅
PW14：唔清楚，冇留意
官：當日天台有啲地方係濕嘅？
PW14：唔清楚
🛑控辯雙方補充問題
控：當日厚福街附近範圍有冇水炮車出現？
PW14：唔清楚
D2 D3辯方律師：片段中腰間有條帶呢位係咪D2？
PW14：唔知，我唔識佢
📌PW15 PC7153 李少鈞(音)作供
🛑主問
當日隸屬商業罪案調查科，奉命到葵涌警署處理理大事件被捕者。警長1200指派我到葵涌警署停車場的臨時羈留中心工作，由2019年11月18日2100工作到翌日0700左右，處理的是影相部分，冇其他警員負責影相。
我最初係用警方提供的相機影相，後來因相機記憶體用完，又搵唔到備用記憶體，所以我用手機影相，之後返office將啲相燒錄成光碟。警長1200向我解釋影呢啲相係日後追cctv同埋情報搜集分析之用。每一名被捕者都會有一位警方同事帶來，我會向同事解釋影相嘅目的，我大概係講「追鏡用，要還原返拉佢嗰陣嘅外表衣著」，要求佢哋將戴住咩物品嘅情況還原。有冇同被捕人士講，但相信佢哋都聽到，冇人拒絕。
‼️法官問，如果有人拒絕，咁會點做？
PW15：我會通知直屬上級，以前發生過。警長會解釋有條例指出警方係有權咁樣做，如果佢唔合作有機會檢控佢再差辦公
官：警方係有權影佢面貌特徵同埋指紋啫，你嘅講法係嗰條條例係可以要求被捕人士穿戴個人物品影相？
PW15：還原被捕時衣著呢個係特別啲，以前未做過。當日上司都冇指示過如果有人拒絕要點做。
相片中被捕人士揸住一張白紙，上面寫上個人資料，係由我寫。帶被捕人士過嚟嘅同事會提供身份證號碼同埋姓名畀我，上面嘅犯人編號係我編嘅。還原衣著係根據同事配合，我唔知啲裝備、背囊係喺咩位。過程中冇人威迫利誘佢哋影呢啲相。
🌟D2 D3律師盤問
辯：你哋係運用警權要佢哋影呢啲相？
PW15：係，但當時冇諗過如果有人拒絕要點處理。
官：警權都係畀你哋影容貌啫，唔包括物品吖嘛，咁你話你哋嘅權力係點樣？
PW15：我哋嘅調查權力
辯：你哋要求被捕人士穿戴物品，還原情況
PW15：有人要求，然後佢哋自己戴
辯：你當時有冇諗過呢啲相會作為呈堂證供？
PW15：冇諗過
辯：佢哋有冇權拒絕還原衣著？
PW15：有
辯：你有冇評估過佢哋知唔知道有權拒絕？你有冇講過佢係有權唔跟你哋要求做？
PW15：冇
辯：點解你唔直接同被捕人士講你影相嘅目的？
PW15：因為唔清楚佢地被捕嘅情況，所以叫同事處理呢個問題
PW15作供完畢，控方案情完結。
‼️法官認為警方有冇權力去影「還原相」係重要議題，希望控辯雙方就特別事項提供詳盡的書面陳詞，引用有關案例及法律條文，「唔好兩三頁紙就算」。如果星期一搞唔掂，咁就星期二星期三，「我會畀時間人做嘢嘅」
下星期一0930同庭續審。