#區域法院第廿三庭
#林偉權法官
#1119尖沙咀 #營救理大
#審訊 [10/10]
A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動
——————
🛑控方就特別事項陳詞，林官提出多個問題，請控方解釋。
📌被告被鎖上手銬，要求趴喺地，係咪被拘捕嘅狀態？唔係被拘捕，咁係咩狀態？執法人員根據邊條法例可以咁樣做？
控方立場是他們被宣佈拘捕時都不算是被拘捕的狀態，法官直指「鎖住佢哋趴喺地一個鐘，限制佢哋自由，咁樣都唔係被拘捕？」
法官又指，法庭上需要正確的法律討論，不能因控辯立場而扭曲。也不需要模稜兩可的說法，否則「幾個鐘都等於冇講過嘢」。
「我指出你有錯，你可以反駁我話我錯，不妨大聲啲講出你嘅理據。我鍾意咁樣辯論，唔使客客氣氣」
「執法人員係咪可以咁樣隨便拘禁人？即係可能有人熱心執法，見到你賊眉賊眼就鎖住你先，唔使宣佈拘捕，查完冇事先放返佢，係咪可以咁？執法者可以隨便將市民控制，叫佢哋趴喺地唔準郁，咁呢個社會會係咩狀態？」
控方後來指，這些人是在"in custody" 的狀態，即被限制自由的狀態，只要警方認為他們是疑人 (suspect)就可以這樣做。辯方可能批評警方要疑人趴喺地下係唔理想，但當時厚福街汽油彈仍然燃燒，天台圍欄只有一米高，在天台的警員不知道地下情況是否已穩定，要求趴低是為了他們的安全。
法官追問，在不拘捕的狀態之下阻止市民離開，執法人員的權力來源是來自什麼法例？
「我就認為執法人員唔可以咁樣做。一係就我一直都錯，一係就控方有錯，歡迎熱烈探討，搵到真理，日後唔好再錯。」
主控和身後警員交頭接耳，指記得有警隊條例及公安條例第45條。法官即吩咐書記印畀佢睇下。
📌PW14在警誡前向D3查問的情況，有否侵害D3的緘默權？當時是否有「合理懷疑」的情況？
控方立場：警誡前的查問不是必然被剔除，如回答明顯對被告不利及明顯證罪。控方舉出一終審法院案例，被告說「啲冰毒喺間屋度」，被法庭接納為招認。而PW14女警作查問的原因亦不是要故意引導被告或覺得可疑，只是出於好奇。
法官：「個背囊有咁多嘢，佢識得揀張長者八達通去問，已經係有合理懷疑啦。一個人持有長者八達通唔係犯法㗎嘛，但長者八達通同暴動案嘅關聯可以係避免留低行蹤。合理懷疑係客觀標準，同女警嘅睇法無關，唔係話佢領悟性低、警覺性低，個標準就會低咗。」
「唔好模糊問題，你要探討女警係咪故意引導，咁咪又由客觀標準去返主觀標準？」
「法庭審訊成日都聽到呢種做法：警員有合理懷疑唔去警誡，向疑人了解多啲先警誡，PW14當咗咁多年差都仲係呢種做法，要唔要得呢？好多時佢哋唔係故意咁樣做，可能只係唔了解程序、無知而有呢種做法。即使一個人警誡前同警誡後講同一番說話，係咪就代表可以接納呢？有案例指出，警誡前的不恰當做法都可以導致警誡後的招認不獲接納。」
📌即使被告冇拒絕，影「還原相」是否侵害被捕人士的權利？
控方立場：D2 D3沒有就特別事項作供，沒有證據顯示警方威迫利誘他們影「還原相」，影相時他們也沒有表示不願意。
在梁天琦案，警方用犯人照片對比閉路電視內的現場衣著作證據，辯方提出該些相片不能用在審訊中，法官不敢苟同，因為在警隊條例第59條賦予警方權利收集犯人的鑑別資料，包括相片、指紋、腳紋、體重、身高等，條例中沒有列明用途，立法原意沒有設局限。
另一終審法院案例HKSAR v Muhammad Riaz Khan 指出即使在違反憲法下取得的證據仍可呈堂，只要考慮平衡社會利益及不會鼓勵他人侵害該權利。
再者，已有警務人員看見他們在天台的衣著，相片不會損害被告的緘默權。
法官：「還原相唔係犯人相，情況就好似警方喺案發現場影相調查案件，唔需要任何人配合，咁警方喺調查時影嗰啲相係用乜嘢條例？同警隊條例59條係無關嘅。如果你要人配合 (即還原衣著、穿上裝備等)，係咪有責任要同人講 (原因、有冇權拒絕)？唔一定係威迫利誘先係損害人權㗎喎，威迫利誘當然係最嚴重啦，其他情況：你知道佢有權，但又故意唔講；你自己都唔知道佢有權唔影而冇講，都可以構成損害權利㗎喎。」
控方立場：影「還原相」冇損害被告權利，就算有都唔代表一定要剔除
🌟辯方特別事項陳詞，大意如下
📌11人被綁上索帶要求趴低，有如非法禁錮，在此狀態下查問令人感到壓迫。
警察條例的原則及法規經歷多個世紀的發展，為保障被捕人士的人權，警誡是為了避免疑人 "burst out"，令警方難以處理其說辭。
辯方亦舉出一英國案例，指出被告在受壓迫的狀態下，查問內容不予考慮。
📌警方沒有理據拘禁11人將近一小時後才宣佈拘捕。
警方叫佢哋趴低嘅理由係咪合理交畀法庭判斷，但至少趴低的時間是遠超所需，沒有任何理由要求被告有如行刑式咁趴低一個鐘。
在此案件中，被告被控制自由後亦未被告知原因，做法不理想。
📌影「還原相」前需要警誡
警隊條例第59條說的是「人」的特徵，作用是「人」的identification，不是identify物品。如果警方是因為調查，要求被捕人士影還原相，必需要警誡。辯方舉出例子，如一單殺人案，要求到現場重組案情，去到現場亦會被警誡。至於威迫利誘，辯方立場是被要求喺天台趴咗咁耐已是威迫，而利誘不一定要講出聲。
‼️討論議題：
📌警方在什麼情況下可以採取拘禁疑人的行動？
辯方立場：如果警方只是一般查身份證，沒有惡意但又問你問題，除非有特別命令，否則可以唔答。如果佢唔畀你走，佢一定要宣佈拘捕，否則阻礙移動已經算係非法禁錮。
但如果警方說明他有合理懷疑及他的基礎，對方就必需要配合，否則是阻差辦公。
法官表示看法一樣，要令對方明白需要配合的原因，否則沒有權拘禁。
辯方補充，普通中學生或市民，如果你唔警誡，我點知我有咩權利？
----
🟢特別事項裁決：
A. D3在PW14的查問下的回應，不獲法庭接納，予以剔除
B. D2的「還原相」不獲法庭接納呈堂
C. D3的「還原相」不獲法庭接納呈堂
法官現階段不會解釋原因。
----
就一般事項，控方案情亦已完結。
沒有中段陳詞，表面證供成立。
各被告不作供，亦沒辯方證人。
押後至2021年12月2日0930於區域法院作結案陳詞，書面陳詞需於11月25日或之前交予法庭。如終審法院屆時未能就盧建民案的上訴頒佈判詞，請控辯雙方再溝通可行日期並告知法庭。
各被告以原有條件繼續保釋✅
#林偉權法官
#1119尖沙咀 #營救理大
#審訊 [10/10]
A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動
——————
🛑控方就特別事項陳詞，林官提出多個問題，請控方解釋。
📌被告被鎖上手銬，要求趴喺地，係咪被拘捕嘅狀態？唔係被拘捕，咁係咩狀態？執法人員根據邊條法例可以咁樣做？
控方立場是他們被宣佈拘捕時都不算是被拘捕的狀態，法官直指「鎖住佢哋趴喺地一個鐘，限制佢哋自由，咁樣都唔係被拘捕？」
法官又指，法庭上需要正確的法律討論，不能因控辯立場而扭曲。也不需要模稜兩可的說法，否則「幾個鐘都等於冇講過嘢」。
「我指出你有錯，你可以反駁我話我錯，不妨大聲啲講出你嘅理據。我鍾意咁樣辯論，唔使客客氣氣」
「執法人員係咪可以咁樣隨便拘禁人？即係可能有人熱心執法，見到你賊眉賊眼就鎖住你先，唔使宣佈拘捕，查完冇事先放返佢，係咪可以咁？執法者可以隨便將市民控制，叫佢哋趴喺地唔準郁，咁呢個社會會係咩狀態？」
控方後來指，這些人是在"in custody" 的狀態，即被限制自由的狀態，只要警方認為他們是疑人 (suspect)就可以這樣做。辯方可能批評警方要疑人趴喺地下係唔理想，但當時厚福街汽油彈仍然燃燒，天台圍欄只有一米高，在天台的警員不知道地下情況是否已穩定，要求趴低是為了他們的安全。
法官追問，在不拘捕的狀態之下阻止市民離開，執法人員的權力來源是來自什麼法例？
「我就認為執法人員唔可以咁樣做。一係就我一直都錯，一係就控方有錯，歡迎熱烈探討，搵到真理，日後唔好再錯。」
主控和身後警員交頭接耳，指記得有警隊條例及公安條例第45條。法官即吩咐書記印畀佢睇下。
📌PW14在警誡前向D3查問的情況，有否侵害D3的緘默權？當時是否有「合理懷疑」的情況？
控方立場：警誡前的查問不是必然被剔除，如回答明顯對被告不利及明顯證罪。控方舉出一終審法院案例，被告說「啲冰毒喺間屋度」，被法庭接納為招認。而PW14女警作查問的原因亦不是要故意引導被告或覺得可疑，只是出於好奇。
法官：「個背囊有咁多嘢，佢識得揀張長者八達通去問，已經係有合理懷疑啦。一個人持有長者八達通唔係犯法㗎嘛，但長者八達通同暴動案嘅關聯可以係避免留低行蹤。合理懷疑係客觀標準，同女警嘅睇法無關，唔係話佢領悟性低、警覺性低，個標準就會低咗。」
「唔好模糊問題，你要探討女警係咪故意引導，咁咪又由客觀標準去返主觀標準？」
「法庭審訊成日都聽到呢種做法：警員有合理懷疑唔去警誡，向疑人了解多啲先警誡，PW14當咗咁多年差都仲係呢種做法，要唔要得呢？好多時佢哋唔係故意咁樣做，可能只係唔了解程序、無知而有呢種做法。即使一個人警誡前同警誡後講同一番說話，係咪就代表可以接納呢？有案例指出，警誡前的不恰當做法都可以導致警誡後的招認不獲接納。」
📌即使被告冇拒絕，影「還原相」是否侵害被捕人士的權利？
控方立場：D2 D3沒有就特別事項作供，沒有證據顯示警方威迫利誘他們影「還原相」，影相時他們也沒有表示不願意。
在梁天琦案，警方用犯人照片對比閉路電視內的現場衣著作證據，辯方提出該些相片不能用在審訊中，法官不敢苟同，因為在警隊條例第59條賦予警方權利收集犯人的鑑別資料，包括相片、指紋、腳紋、體重、身高等，條例中沒有列明用途，立法原意沒有設局限。
另一終審法院案例HKSAR v Muhammad Riaz Khan 指出即使在違反憲法下取得的證據仍可呈堂，只要考慮平衡社會利益及不會鼓勵他人侵害該權利。
再者，已有警務人員看見他們在天台的衣著，相片不會損害被告的緘默權。
法官：「還原相唔係犯人相，情況就好似警方喺案發現場影相調查案件，唔需要任何人配合，咁警方喺調查時影嗰啲相係用乜嘢條例？同警隊條例59條係無關嘅。如果你要人配合 (即還原衣著、穿上裝備等)，係咪有責任要同人講 (原因、有冇權拒絕)？唔一定係威迫利誘先係損害人權㗎喎，威迫利誘當然係最嚴重啦，其他情況：你知道佢有權，但又故意唔講；你自己都唔知道佢有權唔影而冇講，都可以構成損害權利㗎喎。」
控方立場：影「還原相」冇損害被告權利，就算有都唔代表一定要剔除
🌟辯方特別事項陳詞，大意如下
📌11人被綁上索帶要求趴低，有如非法禁錮，在此狀態下查問令人感到壓迫。
警察條例的原則及法規經歷多個世紀的發展，為保障被捕人士的人權，警誡是為了避免疑人 "burst out"，令警方難以處理其說辭。
辯方亦舉出一英國案例，指出被告在受壓迫的狀態下，查問內容不予考慮。
📌警方沒有理據拘禁11人將近一小時後才宣佈拘捕。
警方叫佢哋趴低嘅理由係咪合理交畀法庭判斷，但至少趴低的時間是遠超所需，沒有任何理由要求被告有如行刑式咁趴低一個鐘。
在此案件中，被告被控制自由後亦未被告知原因，做法不理想。
📌影「還原相」前需要警誡
警隊條例第59條說的是「人」的特徵，作用是「人」的identification，不是identify物品。如果警方是因為調查，要求被捕人士影還原相，必需要警誡。辯方舉出例子，如一單殺人案，要求到現場重組案情，去到現場亦會被警誡。至於威迫利誘，辯方立場是被要求喺天台趴咗咁耐已是威迫，而利誘不一定要講出聲。
‼️討論議題：
📌警方在什麼情況下可以採取拘禁疑人的行動？
辯方立場：如果警方只是一般查身份證，沒有惡意但又問你問題，除非有特別命令，否則可以唔答。如果佢唔畀你走，佢一定要宣佈拘捕，否則阻礙移動已經算係非法禁錮。
但如果警方說明他有合理懷疑及他的基礎，對方就必需要配合，否則是阻差辦公。
法官表示看法一樣，要令對方明白需要配合的原因，否則沒有權拘禁。
辯方補充，普通中學生或市民，如果你唔警誡，我點知我有咩權利？
----
🟢特別事項裁決：
A. D3在PW14的查問下的回應，不獲法庭接納，予以剔除
B. D2的「還原相」不獲法庭接納呈堂
C. D3的「還原相」不獲法庭接納呈堂
法官現階段不會解釋原因。
----
就一般事項，控方案情亦已完結。
沒有中段陳詞，表面證供成立。
各被告不作供，亦沒辯方證人。
押後至2021年12月2日0930於區域法院作結案陳詞，書面陳詞需於11月25日或之前交予法庭。如終審法院屆時未能就盧建民案的上訴頒佈判詞，請控辯雙方再溝通可行日期並告知法庭。
各被告以原有條件繼續保釋✅