#東區裁判法院第八庭
#葉啟亮裁判官
#20210101金鐘 #審訊 [1/2]

A：李卓人(64)
🛑因另一案件服刑中

控罪：
(1) 違反航空令
同被控於2021年1月1日，於金鐘天馬公園合謀放飛氣球

(2)阻礙公職人員執行
被控於同日同位置阻礙督察Chung Ting Sum執行職務

—————-

⏺傳召督察Chung Ting Sum
10:50時傳召督察Chung Ting Sum ，督察話當時有組織汽車遊行，從荔枝角收押所到政府總部，下午4點15分天馬公園有人集會，之後督察到天馬公園3號觀景台，見曾建成揸住1米x1米汽球同橫額，橫額上有”釋放政治犯”字樣。督察話因為現場有直升機航道，跟住畀警告李卓人同曾建成，要求佢哋收起汽球，警告時李卓人企係督察前1至2身位，曾建成揸汽球企係李卓人後面，督察話畀警告之後見到收起橫額同汽球，曾建成同另一個不知名男子手持汽球，督察話再畀警告，曾建成之後同李卓人攞住汽球條繩 ，督察聽到李卓人同記者講放汽球時要影埋煲底，之後督察覺得因危險要檢取，李卓人話唔得，李卓人交比曾建成，曾建成就放飛汽球，督察想阻止但李卓人企係面前阻止，期間只能攞到橫額尾部，同撕咗”治犯”兩字，其他字連汽球就升上天，督察及後再畀警告。

11:30時暫時休庭，12:30會繼續

12:30辯方律師提問證人
律師問督察當時汽球升上天嘅情況，指出李卓人喺曾建成放開汽球前，只係想攤開手同督察理論，並無阻住督察，但汽球升上天空時，督察衝上前想攞住升起緊汽球時衝向李卓人，李卓人根本無想過阻礙督察，但督察唔同意。辯方律師再質疑督察係口供文件上無提及過李卓人用手撳實佢手臂，阻礙佢。

12:43督察作供完畢。控方不再傳召證人，開始結案陳辭。

💛感謝臨時直播員💛