#李志豪裁判官
#20200831太子 #審訊 [1/2]
下午進度
李 (29)
控罪：企圖縱火
違反香港法例第200章《刑事罪行條例》第60(1)及159G條
被控於2020年8月31日，在九龍太子水渠道與西洋菜南街的一個公園內無合法辯解而企圖用火損壞屬於香港特別行政區政府的財產，即香港九龍水渠道與西洋菜南街的一個公園內的橙色封鎖帶，意圖損壞該財產。
控方代表： #鄭明斌大律師
辯方代表： #莫彥婷大律師
——————
⚙️辯方盤問PW1 ，後知為警員12907，上午已經開始咗盤問，是該證人拘捕被告，和做會面紀錄。【括號內是PW回應】。
律師引述PW1在主問時聲稱，在案發時聽到隊員大叫「你做咩呀」，分唔到係男聲定女聲，但口供寫「你喺度做乜嘢」，PW1同意現在可能有偏差。肯定沒有與隊員夾口無，唔知另一女警員寫咩，她亦不知道PW1寫咩。
PW1指被告燒橙帶，上午在庭上檢查證物橙帶後，首次稱「輕微」變形；PW1解釋事後有在現場檢查橙帶，因環境偏暗，靠光線折射(反射)見到有少少變形，與其他位置唔同，PW1有睇過，但無用手接觸過，唔知道質感係點，不能確認嗰個位置。律師指出橙帶無受破壞【唔同意】。
PW1與女警和警長三人穿便服，一見到被告就急步行過去，行到距離被告約兩米，被告就跑走，到兩米之前無表露身份，隨後警長就有；唔同意被告唔知警員身份，因為三人有着戰術背心，左邊胸前有藍色行動代號，右邊膊頭有警察字樣，唔同意被告睇唔到背心，但同意口供紙無寫，主問時亦無提着戰術背心。
開始追截時，各人跑的前後次序是：警長、女警員、PW1，警長拎起條橙帶，女警和PW1穿過；同意在口供紙無提過呢一個動作，同意橙帶係重要證物，嗰刻無寫，問起就記得。
主問時PW1稱追到去始創中心勞力士店舖門口(已經落閘) 按住被告，警長和女警有協助，律師指出不是按，係撞被告埋閘門【唔同意】，撞唔止一次，使用不必要武力【唔同意】，警長和女警都有好大力撞被告【唔同意】。
[15:00] 被告不停咁喊，裁判官指示小休。
[15:12] 律師引述PW1口供：到勞力士門外，拘捕和警誡被告，被告有招認，「我見到啲伯伯入唔到公園，我解繩又唔叻，所以咪用打火機燒條嘢，畀啲伯伯入去」。PW1解釋現時版本未必係口供上版本，時間耐咗有啲模糊，事發後三天做嘅口供先係準確。
律師指句子頗長，唔係即時做記錄唔會準確記得，PW1解釋無即時在記錄冊做紀錄，因為被告反抗，唔容許即時記錄，23:00時返去檢查橙帶，23:06時與女警帶同被告上警方私家車，車內好窄唔方便做記錄，23:14時返到旺角警署，當時好繁忙，安置被告嘅地方都無，23:48～23:50 女警15206做搜身，到00:10才做補錄，隔咗一個半小時，指出隔咗咁耐仲記得咁長嘅口頭招認【唔同意】，指出無宣布拘捕【唔同意】，無做警誡【唔同意】，被告無向任何人作口頭招認【唔同意】。
指出PW1帶被告去到「禾之家」嘅凹位，向被告拳打腳踢【唔同意】，女警和警長有向被告拳打腳踢【唔同意】，有多於一名在場的PTU警員，向被告拳打腳踢【唔同意】。
[15:28] 裁判官叫PW1離席，要辯方講清楚指控，讓控方考慮是否需要傳召其他證人。
[15:41] 辯方指在禾之家的凹位，有三名隊員和PTU，PW1在場之下，有PTU向被告拳打腳踢【唔同意】，押解被告上車，PW1和女警在車上向被告拳打腳踢【唔同意】。裁判官表示唔明白點樣在車上拳打腳踢，叫律師再攞指示。
[15:55] 律師指出PW1在車上坐在後排左邊【唔記得】，最右邊係女警15206，中間係被告，警長58970坐在司機位隔離【唔記得】，指出私家車去旺角警署途中，PW1和女警有用膝頭哥和手踭襲擊被告，被告雙手扣在後面【唔同意】。
PW1看守着被告，唔記得幾時搜過佢個袋，在差館時肯定有，無望過入邊有乜嘢，同意無可疑物品，同意入邊有香煙，因為PW1戴咗口罩，聞唔到被告有無酒味，唔同意被告飲醉咗。
00:05 帶被告去到5號接見室做會面紀錄，印象中警長58970好似不在場，女警在場，律師指出做會面記錄時無問被告嘅精神狀態【同意】，被告係趴在枱面【唔同意】，被告要求休息【唔同意】，此時被告在庭上叫出「擘大眼講大話」，裁判官制止，會面紀錄係證人自己捏造【唔同意】，無復讀畀被告聽【唔同意】，被告無睇過【唔同意】，女警15206同被告講，除非被告簽名同寫聲明，唔係唔俾佢瞓覺【唔同意】，警長亦叫被告寫聲明和簽名先有得瞓覺【唔同意】。
PW1同意做會面紀錄時女警在場，但會面紀錄中無寫到女警在場。
[16:07] 控方覆問
同意在PP8會面紀錄中，其他人士一欄叉咗，而女警15206在場，意思係佢坐在房內，近門口的位置，基於被告係女性，有需要時可以幫手。
同意警長拎起橙帶呢一段係重要資料，無在口供中記載，嗰刻無諗住寫。
[16:12] 證人作供完畢。
因盤問過程牽涉其他警員，裁判官關注審訊進度，控方表示考慮傳召其他證人，辯方表示被告可能會作供，同意明天好大機會未能完成審訊。裁判官稱法庭排期非常之密，擔心要排到好後。
案件押後至明日(26/5) 09:30 同庭再訊，被告繼續保釋。
========
直播員按：
在審訊過程中，被告情緒激動流淚，指稱證人講大話，需要休庭。
#20200831太子 #審訊 [1/2]
下午進度
李 (29)
控罪：企圖縱火
違反香港法例第200章《刑事罪行條例》第60(1)及159G條
被控於2020年8月31日，在九龍太子水渠道與西洋菜南街的一個公園內無合法辯解而企圖用火損壞屬於香港特別行政區政府的財產，即香港九龍水渠道與西洋菜南街的一個公園內的橙色封鎖帶，意圖損壞該財產。
控方代表： #鄭明斌大律師
辯方代表： #莫彥婷大律師
——————
⚙️辯方盤問PW1 ，後知為警員12907，上午已經開始咗盤問，是該證人拘捕被告，和做會面紀錄。【括號內是PW回應】。
律師引述PW1在主問時聲稱，在案發時聽到隊員大叫「你做咩呀」，分唔到係男聲定女聲，但口供寫「你喺度做乜嘢」，PW1同意現在可能有偏差。肯定沒有與隊員夾口無，唔知另一女警員寫咩，她亦不知道PW1寫咩。
PW1指被告燒橙帶，上午在庭上檢查證物橙帶後，首次稱「輕微」變形；PW1解釋事後有在現場檢查橙帶，因環境偏暗，靠光線折射(反射)見到有少少變形，與其他位置唔同，PW1有睇過，但無用手接觸過，唔知道質感係點，不能確認嗰個位置。律師指出橙帶無受破壞【唔同意】。
PW1與女警和警長三人穿便服，一見到被告就急步行過去，行到距離被告約兩米，被告就跑走，到兩米之前無表露身份，隨後警長就有；唔同意被告唔知警員身份，因為三人有着戰術背心，左邊胸前有藍色行動代號，右邊膊頭有警察字樣，唔同意被告睇唔到背心，但同意口供紙無寫，主問時亦無提着戰術背心。
開始追截時，各人跑的前後次序是：警長、女警員、PW1，警長拎起條橙帶，女警和PW1穿過；同意在口供紙無提過呢一個動作，同意橙帶係重要證物，嗰刻無寫，問起就記得。
主問時PW1稱追到去始創中心勞力士店舖門口(已經落閘) 按住被告，警長和女警有協助，律師指出不是按，係撞被告埋閘門【唔同意】，撞唔止一次，使用不必要武力【唔同意】，警長和女警都有好大力撞被告【唔同意】。
[15:00] 被告不停咁喊，裁判官指示小休。
[15:12] 律師引述PW1口供：到勞力士門外，拘捕和警誡被告，被告有招認，「我見到啲伯伯入唔到公園，我解繩又唔叻，所以咪用打火機燒條嘢，畀啲伯伯入去」。PW1解釋現時版本未必係口供上版本，時間耐咗有啲模糊，事發後三天做嘅口供先係準確。
律師指句子頗長，唔係即時做記錄唔會準確記得，PW1解釋無即時在記錄冊做紀錄，因為被告反抗，唔容許即時記錄，23:00時返去檢查橙帶，23:06時與女警帶同被告上警方私家車，車內好窄唔方便做記錄，23:14時返到旺角警署，當時好繁忙，安置被告嘅地方都無，23:48～23:50 女警15206做搜身，到00:10才做補錄，隔咗一個半小時，指出隔咗咁耐仲記得咁長嘅口頭招認【唔同意】，指出無宣布拘捕【唔同意】，無做警誡【唔同意】，被告無向任何人作口頭招認【唔同意】。
指出PW1帶被告去到「禾之家」嘅凹位，向被告拳打腳踢【唔同意】，女警和警長有向被告拳打腳踢【唔同意】，有多於一名在場的PTU警員，向被告拳打腳踢【唔同意】。
[15:28] 裁判官叫PW1離席，要辯方講清楚指控，讓控方考慮是否需要傳召其他證人。
[15:41] 辯方指在禾之家的凹位，有三名隊員和PTU，PW1在場之下，有PTU向被告拳打腳踢【唔同意】，押解被告上車，PW1和女警在車上向被告拳打腳踢【唔同意】。裁判官表示唔明白點樣在車上拳打腳踢，叫律師再攞指示。
[15:55] 律師指出PW1在車上坐在後排左邊【唔記得】，最右邊係女警15206，中間係被告，警長58970坐在司機位隔離【唔記得】，指出私家車去旺角警署途中，PW1和女警有用膝頭哥和手踭襲擊被告，被告雙手扣在後面【唔同意】。
PW1看守着被告，唔記得幾時搜過佢個袋，在差館時肯定有，無望過入邊有乜嘢，同意無可疑物品，同意入邊有香煙，因為PW1戴咗口罩，聞唔到被告有無酒味，唔同意被告飲醉咗。
00:05 帶被告去到5號接見室做會面紀錄，印象中警長58970好似不在場，女警在場，律師指出做會面記錄時無問被告嘅精神狀態【同意】，被告係趴在枱面【唔同意】，被告要求休息【唔同意】，此時被告在庭上叫出「擘大眼講大話」，裁判官制止，會面紀錄係證人自己捏造【唔同意】，無復讀畀被告聽【唔同意】，被告無睇過【唔同意】，女警15206同被告講，除非被告簽名同寫聲明，唔係唔俾佢瞓覺【唔同意】，警長亦叫被告寫聲明和簽名先有得瞓覺【唔同意】。
PW1同意做會面紀錄時女警在場，但會面紀錄中無寫到女警在場。
[16:07] 控方覆問
同意在PP8會面紀錄中，其他人士一欄叉咗，而女警15206在場，意思係佢坐在房內，近門口的位置，基於被告係女性，有需要時可以幫手。
同意警長拎起橙帶呢一段係重要資料，無在口供中記載，嗰刻無諗住寫。
[16:12] 證人作供完畢。
因盤問過程牽涉其他警員，裁判官關注審訊進度，控方表示考慮傳召其他證人，辯方表示被告可能會作供，同意明天好大機會未能完成審訊。裁判官稱法庭排期非常之密，擔心要排到好後。
案件押後至明日(26/5) 09:30 同庭再訊，被告繼續保釋。
========
直播員按：
在審訊過程中，被告情緒激動流淚，指稱證人講大話，需要休庭。