#西九龍裁判法院第十四庭
#李志豪裁判官
#20200831太子 #審訊 [2/2]
上午進度
李(29)
控罪：企圖縱火
違反香港法例第200章《刑事罪行條例》第60(1)及159G條
被控於2020年8月31日，在九龍太子水渠道與西洋菜南街的一個公園內無合法辯解而企圖用火損壞屬於香港特別行政區政府的財產，即香港九龍水渠道與與西洋菜南街的一個公園內的橙色封鎖帶，意圖損壞該財產。
控方代表： #鄭明斌大律師
辯方代表： #莫彥婷大律師
——————
[09:37] 開庭
傳召PW2 女偵緝警員 15206 陳X恩(音) 作供
⚙️控方主問
PW2當日隸屬新界南總區情報組第二小隊，與PW1警員12907，和警長58970同隊，連同PTU E大隊第四小隊，當晚在案發地點(公園)駐守，便裝當值，有著警察背心。
約22:51，與兩隊員在公園入面駐守，當時警方用橙色帶圍封咗公園，唔俾市民進入，街上好少行人，PW2行到公園中間位置面向彌敦道，見到一名女子手上發出火光，燒緊橙帶，當刻佢自己一個人，距離PW2約15～20米，手部在腰間位置有火光，PW2大叫「你喺度做乜嘢」，三人跑向女子，去到5～10米，佢轉身走向彌敦道，向勞力士舖頭方向，三人追，唔記得58970用邊隻手拉起橙帶，PW2穿過，12907在後面，兩男警跑得比較快，PW2去到勞力士門口，見到58970 & 12907 已經從背後推女子埋閘門。
第一眼見到被告好高大，佢不停郁好大力，要幫手制服，58970有講警察唔好郁，有警告，12907將被告雙手鎖在後面，同時檢查被告右手的打火機，12907拘捕被告，但被告繼續郁，因為被告是女子，PW2一直在被告身邊保障雙方。
佢真係好大力，附近又有市民圍觀，帶被告到另一個凹位，call支援，睇P5(3)相片，PW2表示唔係禾之家個位，係光大財務個位，被告一路郁，支援到咗之後，有PTU嘅女沙展，和另一位女同事一齊看守，
23:06 帶被告上警方私家車，返旺角警署見值日官，PW2參與搜身，在5號房做會面紀錄，PW2坐在房內近門口位置，無參與Pol 857的內容。
主控叫PW2確認由第一眼見到被告，到做完會要紀錄，PW2一直在場，整個時段，無做過襲擊性行為，無武力行為，無作出威嚇，無進行誘使；亦無見過其他警員做過以上任何一種行為。
✂️[10:05] 辯方盤問【括號內是PW回應】
PW2同意當晚公共交通正常運作，唔知道附近巴士站有無人上落。第一眼見到被告估計距離係15～20米，律師指PW2在2020年9月9日20:05時做的口供，寫第一眼見到被告估計距離係20米，庭上修定為15～20米，要求PW2 以法庭的大小作為比喻，之後修正為約距離8米。
又指出口供寫「本隊人員大喝」，今日又改為我嗌？PW2唔肯定佢哋有無嗌，我一定有嗌，覺得係一齊嗌，我寫得唔好，無夾過，無睇過其他人口供。PW2同意口供紙有提及追截過程，今日在庭上講58970拉起橙帶，口供紙係無提過，可能我遺留咗。律師質疑今日又記得？回憶起就記得，當時可能太攰。
PW2稱因為跑得慢，去到勞力士門口，已經見到12907 & 58970 將被告按在閘門，睇唔到之前嘅過程，20:28 12907拘捕被告，帶到光大地下，律師問點解口供紙無寫【寫漏咗，無補充】。
喺公園PW2係要對要望到被告揼低頭，手在腰平位置，橙帶亦在被告腰間位置，被告揼低頭右手有火光，因為被火光吸引，睇唔到左手，因為係正面面向被告，同意唔能夠確定橙帶佢嚟被告有幾遠，當時光線比較暗，唔清楚係燒緊定準備燒橙帶，因為有一段距離，見到火光係再橙帶下面，大約距離橙帶15cm，同意睇到上下距離，唔知前後距離，律師指出見唔到橙帶燒着咗【同意】，事發之前無檢查過，事後都無檢查橙帶【同意】，指出被告係搵緊煙【唔同意】，佢向右揼低頭【唔同意】，右手係慣性打着火機【唔同意】，並唔係燒橙帶【唔同意】。
在始創中心地下，PW2大力撞PW向閘門【唔同意】，隊員12907 & 58970 大力撞PW向閘門【唔同意】，撞咗多次【唔同意】，其後帶到去凹位，12907 & 58970 向被告拳打腳踢【唔同意】，上私家車去警署途中，用膝頭哥和手踭襲擊被告【唔同意】，12907用膝頭哥襲擊被告【絕對唔同意，12907唔係坐在側邊】。
指出被告身上有酒味【唔同意】，係醉酒情況【唔同意】，00:10做會面記錄，除咗PW2 和 12907之外，58970都在場【唔同意】。被告在做會面記錄時係趴在枱面瞓覺【唔同意】，被告多次要求休息瞓覺【唔同意】，PW2講除非簽咗名和寫聲明，唔係唔畀休息【唔同意】，58970亦有講要寫聲名和簽名【唔同意】。
[10:47] 控方無覆問，證人作供完畢。
[11:05] 傳召 PW3 警長 58907 陳力豪 作供
⚙️控方主問
證人當日與PW1 & PW2同隸屬新界南總區情報組第二小隊，便裝當值，有著警察背心，22:51 一同追截被告，由公園追到勞力士店舖門口，有份參與制服，帶到始創中心凹位，PW3有陪同，等待一段時間PW1 & PW2 先帶被告返警署，PW3 坐第二轉車返警署。
主控叫PW3確認由第一眼見到被告，直至到上咗警車，整個時段，PW3無做過襲擊性行為，除咗要控制被告，無用武力行為，無作出威嚇，無進行誘使；亦無見過其他警員做過以上任何一種行為。
返到警署有了解進度，知道被告等見值日官，之後無接觸，在警署内見唔到有警員做出襲擊行為。
✂️[11:12] 辯方盤問【括號內是PW回應】
在始創中心勞力士門口，被告被警員推向閘門【同意】，當時被告已經被制服【唔同意，撳住被告期間，被告反抗，唔肯將雙手放在身後邊】，指出三人將被告制服嘅過程係非常之快【唔同意，被告一直大力反抗，所以用咗比較長時間和要大力制服】，指出被告無力反抗【唔同意】，好快已經將佢推咗向閘門，被告無力反抗【唔同意】，反鎖之後12907宣布拘捕，在被告右手檢取打火機作證物，之後將佢反轉面向我哋，被告向想向前衝，想逃走，於是將佢帶去凹位，嗰度容易防守，睇吓佢有無受傷，知道無受傷，同時要求支援，律師指出市民係睇唔到凹位入邊發生緊咩事【同意】。亦指派12907返去睇吓橙帶，23:00 PTU到場支援，有PTU女沙展協助看守。
律師向PW3指出PW3 在凹位向被告拳打腳踢【唔同意】，有其他警員向被告拳打腳踢【唔同意】，PW3一齊上私家車返警署【唔係】，PW3坐司機位隔離【唔係】，12907坐被告左邊女警坐右邊【唔清楚】，12907 與女警在車上用膝頭哥和手踭襲擊被告【不在場，唔清楚】。
根據PW3的記事冊，23:20到咗警署，01:55離開，內容只寫被告等見值日官、向上司匯報和協助做文件，質疑約在兩個半小時內無見過被告，PW3解釋做文件只係替隊員取相關表格，其餘時間在警署吸煙區和向上司匯報。
指出00:10被告做會面紀錄時，PW3 在場【唔同意】，被告飲醉酒【唔知】，被告在醉酒狀態【唔同意】，被告趴在枱面【唔清楚】，PW3同被告講除非佢簽名同寫聲明，唔係唔俾佢瞓覺【唔同意】，被告有要求瞓覺【唔清楚】。
[11:31] 控方無覆問，證人作供完畢
控方舉證完畢，辯方就特別事項(控方稱被告曾經招認) 無中段陳辭，裁判官裁定表面證供成立，被告需要答辯。
[11:52] 被告就特別事項出庭作供
✂️辯方主問
被告在2020年8月仍在西灣河一間泰國餐廳做侍應，31日要返工，係last day，晚上八點放工，放工後留在舖頭與同事farewell ，飲咗超過一支威士忌，約九點至十點離開，搭102巴士返男朋友屋企，因為男朋友有病，要去照顧佢，正常在山東街落車，因為瞓着咗，去到太子先落車。
裁判官指示直接去到截停部份；被告解釋當時因為欠債，突然有幾個人走埋咪走囉，跑到勞力士門口畀人好大力推落閘門，無警員宣布拘捕，頭部撞先，成個人被壓在閘度，無反抗無力反抗，有人用膝頭哥頂咗幾吓，跟住被帶到個凹位，頸鏈被整斷咗，女警用膝頭哥和手踭鋤落嚟，凹位入面都係嗰幾個，出面有軍裝警員圍住，入咗凹位都係被撳住在門，以認知感覺，係用膝頭哥撞大髀，用手踭哽落嚟，在勞力士閘外和凹位都無人宣佈拘捕，只係叫唔好郁，無警誡。
無同12907講過「我見到啲伯伯入唔到公園，我解繩又唔叻，所以咪用打火機燒條嘢，畀啲伯伯入去」，被帶上私家車，坐在後排中間位，右邊係女警左邊係男警，都係用膝頭哥撞和批踭，中咗幾嘢；醉醒之後要求去驗傷，去咗廣華醫院。
到咗旺角警署，被帶去接見室，入到去趴咗喺枱面，趴咗一段時間；睇PP8(會面紀錄)，隊呢份嘢畀我，講簽咗咪可以瞓囉，女警和男警都有講。
簽名之前有無睇過會面紀錄【一心只係想瞓覺，無人讀過內容】；當時點解肯寫聲明【因為要瞓覺，女警員叫我照抄，唔明白內容】；點解肯簽【名因為想瞓覺咪簽囉，唔想俾人打多兩獲】。簽完就入臭格。
⚙️[12:23] 控方盤問
在勞力士門口係三個變裝警員推向閘門在背後推唔知係邊個推只知有三個人，現在知道係PW1 & PW2有撞，見唔到PW3撞，PW1撞背脊，撞咗幾次，跟住壓落閘度，PW2有幫手壓向閘，PW3 無肢體行為。
去到凹位，女警捉住被告隻手撳落閘門度，被告面部貼住度門企喺度，有人用膝頭哥撞被告大髀，有人撞被告膝頭哥後面關節位，另其膝頭哥撞向門，有人用手踭鋤背脊左邊雞翼骨位置，有人拗雙手向後，但睇唔到係邊個，主控變臉問妳畀人壓住面向門，點見到後面，被告解釋係畀人壓住，但頭部向左，右邊面貼門，令轉頭見到。
裁判官向被告澄清：入到凹位，一直被壓着，右邊面貼門，直至被帶離開；在私家車內，警員擘開隻腳用膝頭哥落大髀，用手踭壓落手臂。
第二朝約6點見醫生，向醫生講被襲擊位置，有話邊度痛，醫生有撳吓檢查；主控指出有瘀傷嘅地方係有一半地方無痛嘅感覺建議係舊傷【唔同意】。
14:30 再訊
#李志豪裁判官
#20200831太子 #審訊 [2/2]
上午進度
李(29)
控罪：企圖縱火
違反香港法例第200章《刑事罪行條例》第60(1)及159G條
被控於2020年8月31日，在九龍太子水渠道與西洋菜南街的一個公園內無合法辯解而企圖用火損壞屬於香港特別行政區政府的財產，即香港九龍水渠道與與西洋菜南街的一個公園內的橙色封鎖帶，意圖損壞該財產。
控方代表： #鄭明斌大律師
辯方代表： #莫彥婷大律師
——————
[09:37] 開庭
傳召PW2 女偵緝警員 15206 陳X恩(音) 作供
⚙️控方主問
PW2當日隸屬新界南總區情報組第二小隊，與PW1警員12907，和警長58970同隊，連同PTU E大隊第四小隊，當晚在案發地點(公園)駐守，便裝當值，有著警察背心。
約22:51，與兩隊員在公園入面駐守，當時警方用橙色帶圍封咗公園，唔俾市民進入，街上好少行人，PW2行到公園中間位置面向彌敦道，見到一名女子手上發出火光，燒緊橙帶，當刻佢自己一個人，距離PW2約15～20米，手部在腰間位置有火光，PW2大叫「你喺度做乜嘢」，三人跑向女子，去到5～10米，佢轉身走向彌敦道，向勞力士舖頭方向，三人追，唔記得58970用邊隻手拉起橙帶，PW2穿過，12907在後面，兩男警跑得比較快，PW2去到勞力士門口，見到58970 & 12907 已經從背後推女子埋閘門。
第一眼見到被告好高大，佢不停郁好大力，要幫手制服，58970有講警察唔好郁，有警告，12907將被告雙手鎖在後面，同時檢查被告右手的打火機，12907拘捕被告，但被告繼續郁，因為被告是女子，PW2一直在被告身邊保障雙方。
佢真係好大力，附近又有市民圍觀，帶被告到另一個凹位，call支援，睇P5(3)相片，PW2表示唔係禾之家個位，係光大財務個位，被告一路郁，支援到咗之後，有PTU嘅女沙展，和另一位女同事一齊看守，
23:06 帶被告上警方私家車，返旺角警署見值日官，PW2參與搜身，在5號房做會面紀錄，PW2坐在房內近門口位置，無參與Pol 857的內容。
主控叫PW2確認由第一眼見到被告，到做完會要紀錄，PW2一直在場，整個時段，無做過襲擊性行為，無武力行為，無作出威嚇，無進行誘使；亦無見過其他警員做過以上任何一種行為。
✂️[10:05] 辯方盤問【括號內是PW回應】
PW2同意當晚公共交通正常運作，唔知道附近巴士站有無人上落。第一眼見到被告估計距離係15～20米，律師指PW2在2020年9月9日20:05時做的口供，寫第一眼見到被告估計距離係20米，庭上修定為15～20米，要求PW2 以法庭的大小作為比喻，之後修正為約距離8米。
又指出口供寫「本隊人員大喝」，今日又改為我嗌？PW2唔肯定佢哋有無嗌，我一定有嗌，覺得係一齊嗌，我寫得唔好，無夾過，無睇過其他人口供。PW2同意口供紙有提及追截過程，今日在庭上講58970拉起橙帶，口供紙係無提過，可能我遺留咗。律師質疑今日又記得？回憶起就記得，當時可能太攰。
PW2稱因為跑得慢，去到勞力士門口，已經見到12907 & 58970 將被告按在閘門，睇唔到之前嘅過程，20:28 12907拘捕被告，帶到光大地下，律師問點解口供紙無寫【寫漏咗，無補充】。
喺公園PW2係要對要望到被告揼低頭，手在腰平位置，橙帶亦在被告腰間位置，被告揼低頭右手有火光，因為被火光吸引，睇唔到左手，因為係正面面向被告，同意唔能夠確定橙帶佢嚟被告有幾遠，當時光線比較暗，唔清楚係燒緊定準備燒橙帶，因為有一段距離，見到火光係再橙帶下面，大約距離橙帶15cm，同意睇到上下距離，唔知前後距離，律師指出見唔到橙帶燒着咗【同意】，事發之前無檢查過，事後都無檢查橙帶【同意】，指出被告係搵緊煙【唔同意】，佢向右揼低頭【唔同意】，右手係慣性打着火機【唔同意】，並唔係燒橙帶【唔同意】。
在始創中心地下，PW2大力撞PW向閘門【唔同意】，隊員12907 & 58970 大力撞PW向閘門【唔同意】，撞咗多次【唔同意】，其後帶到去凹位，12907 & 58970 向被告拳打腳踢【唔同意】，上私家車去警署途中，用膝頭哥和手踭襲擊被告【唔同意】，12907用膝頭哥襲擊被告【絕對唔同意，12907唔係坐在側邊】。
指出被告身上有酒味【唔同意】，係醉酒情況【唔同意】，00:10做會面記錄，除咗PW2 和 12907之外，58970都在場【唔同意】。被告在做會面記錄時係趴在枱面瞓覺【唔同意】，被告多次要求休息瞓覺【唔同意】，PW2講除非簽咗名和寫聲明，唔係唔畀休息【唔同意】，58970亦有講要寫聲名和簽名【唔同意】。
[10:47] 控方無覆問，證人作供完畢。
[11:05] 傳召 PW3 警長 58907 陳力豪 作供
⚙️控方主問
證人當日與PW1 & PW2同隸屬新界南總區情報組第二小隊，便裝當值，有著警察背心，22:51 一同追截被告，由公園追到勞力士店舖門口，有份參與制服，帶到始創中心凹位，PW3有陪同，等待一段時間PW1 & PW2 先帶被告返警署，PW3 坐第二轉車返警署。
主控叫PW3確認由第一眼見到被告，直至到上咗警車，整個時段，PW3無做過襲擊性行為，除咗要控制被告，無用武力行為，無作出威嚇，無進行誘使；亦無見過其他警員做過以上任何一種行為。
返到警署有了解進度，知道被告等見值日官，之後無接觸，在警署内見唔到有警員做出襲擊行為。
✂️[11:12] 辯方盤問【括號內是PW回應】
在始創中心勞力士門口，被告被警員推向閘門【同意】，當時被告已經被制服【唔同意，撳住被告期間，被告反抗，唔肯將雙手放在身後邊】，指出三人將被告制服嘅過程係非常之快【唔同意，被告一直大力反抗，所以用咗比較長時間和要大力制服】，指出被告無力反抗【唔同意】，好快已經將佢推咗向閘門，被告無力反抗【唔同意】，反鎖之後12907宣布拘捕，在被告右手檢取打火機作證物，之後將佢反轉面向我哋，被告向想向前衝，想逃走，於是將佢帶去凹位，嗰度容易防守，睇吓佢有無受傷，知道無受傷，同時要求支援，律師指出市民係睇唔到凹位入邊發生緊咩事【同意】。亦指派12907返去睇吓橙帶，23:00 PTU到場支援，有PTU女沙展協助看守。
律師向PW3指出PW3 在凹位向被告拳打腳踢【唔同意】，有其他警員向被告拳打腳踢【唔同意】，PW3一齊上私家車返警署【唔係】，PW3坐司機位隔離【唔係】，12907坐被告左邊女警坐右邊【唔清楚】，12907 與女警在車上用膝頭哥和手踭襲擊被告【不在場，唔清楚】。
根據PW3的記事冊，23:20到咗警署，01:55離開，內容只寫被告等見值日官、向上司匯報和協助做文件，質疑約在兩個半小時內無見過被告，PW3解釋做文件只係替隊員取相關表格，其餘時間在警署吸煙區和向上司匯報。
指出00:10被告做會面紀錄時，PW3 在場【唔同意】，被告飲醉酒【唔知】，被告在醉酒狀態【唔同意】，被告趴在枱面【唔清楚】，PW3同被告講除非佢簽名同寫聲明，唔係唔俾佢瞓覺【唔同意】，被告有要求瞓覺【唔清楚】。
[11:31] 控方無覆問，證人作供完畢
控方舉證完畢，辯方就特別事項(控方稱被告曾經招認) 無中段陳辭，裁判官裁定表面證供成立，被告需要答辯。
[11:52] 被告就特別事項出庭作供
✂️辯方主問
被告在2020年8月仍在西灣河一間泰國餐廳做侍應，31日要返工，係last day，晚上八點放工，放工後留在舖頭與同事farewell ，飲咗超過一支威士忌，約九點至十點離開，搭102巴士返男朋友屋企，因為男朋友有病，要去照顧佢，正常在山東街落車，因為瞓着咗，去到太子先落車。
裁判官指示直接去到截停部份；被告解釋當時因為欠債，突然有幾個人走埋咪走囉，跑到勞力士門口畀人好大力推落閘門，無警員宣布拘捕，頭部撞先，成個人被壓在閘度，無反抗無力反抗，有人用膝頭哥頂咗幾吓，跟住被帶到個凹位，頸鏈被整斷咗，女警用膝頭哥和手踭鋤落嚟，凹位入面都係嗰幾個，出面有軍裝警員圍住，入咗凹位都係被撳住在門，以認知感覺，係用膝頭哥撞大髀，用手踭哽落嚟，在勞力士閘外和凹位都無人宣佈拘捕，只係叫唔好郁，無警誡。
無同12907講過「我見到啲伯伯入唔到公園，我解繩又唔叻，所以咪用打火機燒條嘢，畀啲伯伯入去」，被帶上私家車，坐在後排中間位，右邊係女警左邊係男警，都係用膝頭哥撞和批踭，中咗幾嘢；醉醒之後要求去驗傷，去咗廣華醫院。
到咗旺角警署，被帶去接見室，入到去趴咗喺枱面，趴咗一段時間；睇PP8(會面紀錄)，隊呢份嘢畀我，講簽咗咪可以瞓囉，女警和男警都有講。
簽名之前有無睇過會面紀錄【一心只係想瞓覺，無人讀過內容】；當時點解肯寫聲明【因為要瞓覺，女警員叫我照抄，唔明白內容】；點解肯簽【名因為想瞓覺咪簽囉，唔想俾人打多兩獲】。簽完就入臭格。
⚙️[12:23] 控方盤問
在勞力士門口係三個變裝警員推向閘門在背後推唔知係邊個推只知有三個人，現在知道係PW1 & PW2有撞，見唔到PW3撞，PW1撞背脊，撞咗幾次，跟住壓落閘度，PW2有幫手壓向閘，PW3 無肢體行為。
去到凹位，女警捉住被告隻手撳落閘門度，被告面部貼住度門企喺度，有人用膝頭哥撞被告大髀，有人撞被告膝頭哥後面關節位，另其膝頭哥撞向門，有人用手踭鋤背脊左邊雞翼骨位置，有人拗雙手向後，但睇唔到係邊個，主控變臉問妳畀人壓住面向門，點見到後面，被告解釋係畀人壓住，但頭部向左，右邊面貼門，令轉頭見到。
裁判官向被告澄清：入到凹位，一直被壓着，右邊面貼門，直至被帶離開；在私家車內，警員擘開隻腳用膝頭哥落大髀，用手踭壓落手臂。
第二朝約6點見醫生，向醫生講被襲擊位置，有話邊度痛，醫生有撳吓檢查；主控指出有瘀傷嘅地方係有一半地方無痛嘅感覺建議係舊傷【唔同意】。
14:30 再訊