#區域法庭第二十庭
#黃士翔區域法院暫委法官
#1118理大 #審訊 [16/14]
A1:陳(21)/ A2:陳(17)/ A3:郭(20)
A4:羅(16)/ A5:李(21)/ A6:袁(21)
修訂控罪：暴動
各被告被控於2019年11月17-18日期間，在九龍暢運道和科學館道香港理工大學一帶與其他不知名人士參與暴動。
-------------------------
D4作供
辯方主問
目前18歲，案發時15歲，屋企有父母，父親中港五金商人，媽媽家庭主婦，沒有兄弟姊妹。住了佐敦18年。
2019年11月17日16:00左右進入理大。
當天是星期日，所以返咗教會，約1100-1300，同媽媽一齊返，自己返youth zone，媽媽返祟拜，返循道衛理聯合九龍塘會。之後同媽媽返屋企，與父親一齊食飯。
約一小時後，在IG知道FD Crystal 去在理大，女仔，佢係喺教會咗4年嘅朋友（當時），即上述所提及的教會。她與我同年，因為我哋嘅聚會係以年級分組，4年期間教會有舉辦不同活動，如踏單車、camp、祈禱會之類的活動，媽媽也認識Crystal，
當時係接到Crystal的訊息，傾計間知道她在理大入面。我後期先知道佢在理大做了什麼，初期她就只是進去睇下有咩嘢。當時我好擔心她，因為她情緒容易激動，新聞都理解少少示威，我擔心她情緒受波動面同人爭執、受傷。
當時第一刻係想搵咗她先，我在電話想說服她離開，但不成功。因此我才會想進入理大去說服她離開，此前從未去過理大。當時在家中，父母都在場，父母知道我想進入理大，我也第一時間詢問父母的意見。父母最後同意我進入理大，因為媽媽都認識Crystal，所以一開始就允許。爸爸就認為要睇下外面有無示威衝突先入去。
我與爸爸搵網上新聞的直播片，見到外面有示威者，但沒有任何衝突，很平靜。當時因為爸爸都擔心，我答應爸爸進入和離開理大都會聯絡媽媽，因平時都較常與媽媽聯絡，亦答應會盡快離開理大。
爸爸媽媽知道自己進入理大的目的，就係入去說服我的朋友Crystal離開理大。爸爸最後有畀我入去理大。
當時我都唔係好識去，所以係搭的士去理大。住在佐敦炮台街，當時係沿尖沙咀梭士巴利道行，司機在千禧新世界酒店放低我。我上的士時司機話外面有堵路，叫我自己行過去。
落咗車後唔識自己行去理大，所以就睇google map行去理大正門，即A、B座中間位置，我是從這裡進入理大。
入去的沿路，即正門出口有示威者，他們企喺嗰度，亦有磚頭散落地下。示威者在漆咸道南及暢運道交界。當時沒有衝突很平靜，啲人企喺度，所以我先會選擇入去。
當時的裝束是白色波衫、一條黑色長褲，與被捕時為同一奪裝束。波衫純粹係因為好多衫，所以隨便拎一件。同埋我習慣著長褲，因為我隻腳有濕疹。身穿黑色襪及黑色鞋。
當時有戴背囊，平時都係慣用這個背囊，如行街行山等。因為出門比較趕，印象中我有拎咗一支水，有帶糖，同紙巾。同埋應該都有其他嘢，因為我平時都好少執袋。
入到理大，有見到Crystal，當時沿正門樓梯行落去，到達平台，望咗一陣就見到Crystal坐咗喺側面。平台有示威者、有著便服的人、見到有情侶以及著反光衣的人士。同埋見到地下有雜物，有枱、有椅子。
當時一見到Crystal後就馬上嘗試說服她離開，最後她有被我說服。當時我答應爸爸要打比媽媽，所以我打比媽媽講：「我離開理大」，而Crystal都有打比佢家姐，我們想離開理大，約1630左右。媽媽得知我離開理大後就提醒我一定要小心，注意安全。
因為我在正門進入理大，所以我打算告Crystal從正門離開，即A座B座中間上樓梯的位置。在樓梯較上的位置，當時就見到有一班人，可能係示威者，就喺樓梯跑上嚟，加上當時有槍聲、有煙，在樓梯右手邊方向，同埋都見到有嘢飛嚟飛去。
當時聽到呢啲聲同見到呢啲嘢已經好驚，催淚煙吹咗埋嚟，我雙眼好痛，皮膚亦刺痛，所以當時我哋就跑返上的平台，即早前嘗試說服她的位置。
當時我哋無走到，我立即打返比媽咪，同佢講我見到啲咩，例如有槍聲、有煙攻到我哋，媽咪當時的回應是：「唔好咁緊張，冷靜啲，並叫嘗試搵其他出口」。
當時有戴眼鏡，近視，約小五小六左右開始戴眼鏡。當時我哋有一齊搵出口，我就用手機上網search理大 出口，然後就搵到理大校園嘅地圖，地圖上就指住有兩條行人天橋通往紅磡地鐵站。
我們首先從最接近我們的出口離開，就係經過天橋到紅磡站D1出口。行到過去就見到有示威者爬上天橋上去，行人天橋嘅道路有一大堆雜物堵塞，因為擔心這個位置危險，所以最後未能從這個位置離開。
另一個遠少少的出口是由行人天橋通往紅磡站A1出口。我們有去到該地方嘗試離開，但該地與D1出口一樣，有許多雜物堵塞路面，而且都有示威者在場。因為天橋被堵塞，過唔去到，所以未能從這個出口離開。
當時即刻打電話比媽咪，話我哋搵到嘅兩個出口都走唔到，媽咪叫我唔好緊張，佢叫我試下去返正門睇下出唔出到去，Crystal亦有打比佢家姐。
之後我們回到正門出入口，但情況之前有衝突，因為媽咪話見到衝突就離開，所以我哋都無行到過去。然後就打返比媽咪，講返正門出口有衝突走唔到，媽咪就叫我注意安全，搵個安全地方匿埋，佢會叫爸爸接我走。
有聽媽媽講搵地方匿埋，去咗F、G、H、J搵下有無一間房可以匿埋，而家已經唔記得上咗幾多層，但大概唔到兩至三層。實際上咗邊座大樓唔記得，因為地方好大同兜咗嗰圈。
因為4座大樓係通嘅，所以就搵到一間房匿埋，嗰間係課室，正常課室的大小，同埋正常課室會有嘅嘢，如枱、椅子、投影機。我哋在此地逗留，等爸爸嚟接我。
當時我哋等到1800,1900左右，當時爸爸有打電話比我，話佢理大外面，但佢見到衝突，佢入嚟唔嚟，叫我哋等多陣，話出面平靜返就會嚟接我哋。
當時我哋用Crystal嘅手機睇直播，我無用自己手機係因為我怕手機無電。我哋見到理大外面嘅情況一樣都好混亂，有汽油彈又有催淚彈，所以都知道出面一定好混亂。
有收到一啲資訊，Crystal佢有上IG，就收到消息話警察已經包圍理大。爸爸有打比我，更新返出面嘅情況，同埋表示入唔到嚟。晏少少爸爸就話佢比防暴警察趕走咗，但佢話佢會去另一個地方睇下，睇下幾時可以接我出去。
我與Crystal仍然身處上述提到的課室，除我們以外沒有其他人。比較深刻是接近2200，Crystal喺IG睇到消息話警方會比唔係參與暴動嘅人離開，但同時見到出面好混亂嘅消息，有汽油彈有催淚彈，同埋見到出去嘅市民會被警方拘捕嘅消息。
所以我們逗留原地，我有打比爸爸，爸爸叫我唔好四圍走，平靜後會帶我出去。有帶糖，但無帶可以填飽肚的食物。Crystal無帶背囊，佢只有一啲隨身物品。
（2200過咗三個鐘左右）大約2300左右，我哋兩個肚餓，打比媽咪講我哋兩個好肚餓，聽去食堂睇下有無嘢食。我哋成晚都無食嘢，媽媽同意我哋去食嘢，我同Crystal走去食堂，去咗食堂正門，當時就見到好多人食緊嘢，但我哋都唔清楚要點樣先食到嘢，
我哋喺門口企咗一陣，就有一個本身坐喺門口嘅姐姐過嚟問我哋需要啲咩嘢，當時我哋兩個就話我哋好肚餓，想食嘢。姐姐就指住一張枱，有好多杯麵喺上面，話我哋可以食嗰啲，所以我同Crystal每人都拎咗一個杯麵喺度食。
好快食完，食完後我哋就回到原本匿埋嘅課室。我哋留咗一陣，通知咗媽味，當時都2300-2400，我哋話咁成日都好攰，同媽咪講我哋兩個好攰，想喺嗰度瞓覺。媽咪都話可以，睇下聽朝會唔會平靜返，爸爸會接我走。
當時我知道外面嘅情況，除咗爸爸喺外面睇，我哋自己都會睇直播片，從而知道出面非常混亂。當時我哋各自搵完屋企人後就瞓覺，等待聽朝平靜返爸爸嚟接我走。
我哋瞓覺時不斷驚醒，因為始終唔係自己屋企。我記得大概0400驚醒過一次，當時有火警鐘，聽到有人大叫話警察攻入理大。課室有窗口，聽到外面有人喊叫嘅聲音。
我們一直留在課室直到0730-0745左右。我們醒是因為有人拍打東西，同埋聽到有人話離開班理大，所以我哋就醒咗。我哋仲係好肚餓，因為只係食咗一個杯麵，所以想再落食堂食嘢，我有通知媽媽落食堂食嘢，Crystal都有通知她的家人。
我們到達食堂門口，想搵嘢食，然後有兩位急救員姨姨，因為佢哋當時著住反光衣，衫上面有寫住急救或者十字，印象中係咁。佢哋睇落30-40歲左右，佢哋同我哋講而家科學館道無警察，同埋出面好平靜，理大全部人都會經嗰度走。
當時我都有問佢，上一日有好多衝突，佢哋同我講出面好平靜，可以走到。之後姨姨同我哋講，我哋唔可以就咁出去，印象中佢同我講最起碼都要保護返自己注意安全，同包返實自己，因為出面有記者。
之後佢就帶走我哋去食堂嘅物資站，兩個姨姨就分別拎保護裝備比我同Crystal，佢哋拎咗頭盔、口罩、面巾、黑色短袖衫、同埋一對手袖，佢話佢拎手袖比我係因為佢搵唔到長袖衫，所以用手袖去彌補。
食堂有廁所，我同Crystal就著咗姨姨比我哋嘅嘢。我將頭盔、口罩、面罩、手袖，同換上黑色衫，然後將自己嘅白色波衫放返入背囊入去。Crystal換咗件長袖黑衫，戴頭盔、口罩，佢無帶面巾。Crystal無帶背囊，所以佢啲嘢都係放入我背囊。
換咗衫後就跟住出面啲人走，因為佢哋話要走。我哋兩個跟住其他行正門緊急出口嘅樓梯離開理大，一路上氣氛好靜，無咩人講嘢，好似平時朝早好安靜咁樣。
一路上我有whatsapp媽咪，我叫Crystal跟住我行，佢都跟住我行。
經過暢運道到科學館道，我沒有手握任何東西。去到科學館道，一直都好平靜，轉彎後就直望過起，直路有一大班防暴警察。跟住未嚟得切反應，警方就突然發射催淚彈，我眼睛好痛，皮膚亦好刺痛。當時呼吸都好辛苦，就諗住走，後面都好大煙，我見旁邊嘅哥哥姐姐（約十幾二十人）突然跑曬去右邊，我就跟住佢哋跨過鐵欄。
當時鐵欄都到腰咁高，跨過去時就有人遞咗把遮比我，我就拎咗把遮嚟就力（借力）爬過去，因為嗰鐵欄都有啲難爬。
#黃士翔區域法院暫委法官
#1118理大 #審訊 [16/14]
A1:陳(21)/ A2:陳(17)/ A3:郭(20)
A4:羅(16)/ A5:李(21)/ A6:袁(21)
修訂控罪：暴動
各被告被控於2019年11月17-18日期間，在九龍暢運道和科學館道香港理工大學一帶與其他不知名人士參與暴動。
-------------------------
D4作供
辯方主問
目前18歲，案發時15歲，屋企有父母，父親中港五金商人，媽媽家庭主婦，沒有兄弟姊妹。住了佐敦18年。
2019年11月17日16:00左右進入理大。
當天是星期日，所以返咗教會，約1100-1300，同媽媽一齊返，自己返youth zone，媽媽返祟拜，返循道衛理聯合九龍塘會。之後同媽媽返屋企，與父親一齊食飯。
約一小時後，在IG知道FD Crystal 去在理大，女仔，佢係喺教會咗4年嘅朋友（當時），即上述所提及的教會。她與我同年，因為我哋嘅聚會係以年級分組，4年期間教會有舉辦不同活動，如踏單車、camp、祈禱會之類的活動，媽媽也認識Crystal，
當時係接到Crystal的訊息，傾計間知道她在理大入面。我後期先知道佢在理大做了什麼，初期她就只是進去睇下有咩嘢。當時我好擔心她，因為她情緒容易激動，新聞都理解少少示威，我擔心她情緒受波動面同人爭執、受傷。
當時第一刻係想搵咗她先，我在電話想說服她離開，但不成功。因此我才會想進入理大去說服她離開，此前從未去過理大。當時在家中，父母都在場，父母知道我想進入理大，我也第一時間詢問父母的意見。父母最後同意我進入理大，因為媽媽都認識Crystal，所以一開始就允許。爸爸就認為要睇下外面有無示威衝突先入去。
我與爸爸搵網上新聞的直播片，見到外面有示威者，但沒有任何衝突，很平靜。當時因為爸爸都擔心，我答應爸爸進入和離開理大都會聯絡媽媽，因平時都較常與媽媽聯絡，亦答應會盡快離開理大。
爸爸媽媽知道自己進入理大的目的，就係入去說服我的朋友Crystal離開理大。爸爸最後有畀我入去理大。
當時我都唔係好識去，所以係搭的士去理大。住在佐敦炮台街，當時係沿尖沙咀梭士巴利道行，司機在千禧新世界酒店放低我。我上的士時司機話外面有堵路，叫我自己行過去。
落咗車後唔識自己行去理大，所以就睇google map行去理大正門，即A、B座中間位置，我是從這裡進入理大。
入去的沿路，即正門出口有示威者，他們企喺嗰度，亦有磚頭散落地下。示威者在漆咸道南及暢運道交界。當時沒有衝突很平靜，啲人企喺度，所以我先會選擇入去。
當時的裝束是白色波衫、一條黑色長褲，與被捕時為同一奪裝束。波衫純粹係因為好多衫，所以隨便拎一件。同埋我習慣著長褲，因為我隻腳有濕疹。身穿黑色襪及黑色鞋。
當時有戴背囊，平時都係慣用這個背囊，如行街行山等。因為出門比較趕，印象中我有拎咗一支水，有帶糖，同紙巾。同埋應該都有其他嘢，因為我平時都好少執袋。
入到理大，有見到Crystal，當時沿正門樓梯行落去，到達平台，望咗一陣就見到Crystal坐咗喺側面。平台有示威者、有著便服的人、見到有情侶以及著反光衣的人士。同埋見到地下有雜物，有枱、有椅子。
當時一見到Crystal後就馬上嘗試說服她離開，最後她有被我說服。當時我答應爸爸要打比媽媽，所以我打比媽媽講：「我離開理大」，而Crystal都有打比佢家姐，我們想離開理大，約1630左右。媽媽得知我離開理大後就提醒我一定要小心，注意安全。
因為我在正門進入理大，所以我打算告Crystal從正門離開，即A座B座中間上樓梯的位置。在樓梯較上的位置，當時就見到有一班人，可能係示威者，就喺樓梯跑上嚟，加上當時有槍聲、有煙，在樓梯右手邊方向，同埋都見到有嘢飛嚟飛去。
當時聽到呢啲聲同見到呢啲嘢已經好驚，催淚煙吹咗埋嚟，我雙眼好痛，皮膚亦刺痛，所以當時我哋就跑返上的平台，即早前嘗試說服她的位置。
當時我哋無走到，我立即打返比媽咪，同佢講我見到啲咩，例如有槍聲、有煙攻到我哋，媽咪當時的回應是：「唔好咁緊張，冷靜啲，並叫嘗試搵其他出口」。
當時有戴眼鏡，近視，約小五小六左右開始戴眼鏡。當時我哋有一齊搵出口，我就用手機上網search理大 出口，然後就搵到理大校園嘅地圖，地圖上就指住有兩條行人天橋通往紅磡地鐵站。
我們首先從最接近我們的出口離開，就係經過天橋到紅磡站D1出口。行到過去就見到有示威者爬上天橋上去，行人天橋嘅道路有一大堆雜物堵塞，因為擔心這個位置危險，所以最後未能從這個位置離開。
另一個遠少少的出口是由行人天橋通往紅磡站A1出口。我們有去到該地方嘗試離開，但該地與D1出口一樣，有許多雜物堵塞路面，而且都有示威者在場。因為天橋被堵塞，過唔去到，所以未能從這個出口離開。
當時即刻打電話比媽咪，話我哋搵到嘅兩個出口都走唔到，媽咪叫我唔好緊張，佢叫我試下去返正門睇下出唔出到去，Crystal亦有打比佢家姐。
之後我們回到正門出入口，但情況之前有衝突，因為媽咪話見到衝突就離開，所以我哋都無行到過去。然後就打返比媽咪，講返正門出口有衝突走唔到，媽咪就叫我注意安全，搵個安全地方匿埋，佢會叫爸爸接我走。
有聽媽媽講搵地方匿埋，去咗F、G、H、J搵下有無一間房可以匿埋，而家已經唔記得上咗幾多層，但大概唔到兩至三層。實際上咗邊座大樓唔記得，因為地方好大同兜咗嗰圈。
因為4座大樓係通嘅，所以就搵到一間房匿埋，嗰間係課室，正常課室的大小，同埋正常課室會有嘅嘢，如枱、椅子、投影機。我哋在此地逗留，等爸爸嚟接我。
當時我哋等到1800,1900左右，當時爸爸有打電話比我，話佢理大外面，但佢見到衝突，佢入嚟唔嚟，叫我哋等多陣，話出面平靜返就會嚟接我哋。
當時我哋用Crystal嘅手機睇直播，我無用自己手機係因為我怕手機無電。我哋見到理大外面嘅情況一樣都好混亂，有汽油彈又有催淚彈，所以都知道出面一定好混亂。
有收到一啲資訊，Crystal佢有上IG，就收到消息話警察已經包圍理大。爸爸有打比我，更新返出面嘅情況，同埋表示入唔到嚟。晏少少爸爸就話佢比防暴警察趕走咗，但佢話佢會去另一個地方睇下，睇下幾時可以接我出去。
我與Crystal仍然身處上述提到的課室，除我們以外沒有其他人。比較深刻是接近2200，Crystal喺IG睇到消息話警方會比唔係參與暴動嘅人離開，但同時見到出面好混亂嘅消息，有汽油彈有催淚彈，同埋見到出去嘅市民會被警方拘捕嘅消息。
所以我們逗留原地，我有打比爸爸，爸爸叫我唔好四圍走，平靜後會帶我出去。有帶糖，但無帶可以填飽肚的食物。Crystal無帶背囊，佢只有一啲隨身物品。
（2200過咗三個鐘左右）大約2300左右，我哋兩個肚餓，打比媽咪講我哋兩個好肚餓，聽去食堂睇下有無嘢食。我哋成晚都無食嘢，媽媽同意我哋去食嘢，我同Crystal走去食堂，去咗食堂正門，當時就見到好多人食緊嘢，但我哋都唔清楚要點樣先食到嘢，
我哋喺門口企咗一陣，就有一個本身坐喺門口嘅姐姐過嚟問我哋需要啲咩嘢，當時我哋兩個就話我哋好肚餓，想食嘢。姐姐就指住一張枱，有好多杯麵喺上面，話我哋可以食嗰啲，所以我同Crystal每人都拎咗一個杯麵喺度食。
好快食完，食完後我哋就回到原本匿埋嘅課室。我哋留咗一陣，通知咗媽味，當時都2300-2400，我哋話咁成日都好攰，同媽咪講我哋兩個好攰，想喺嗰度瞓覺。媽咪都話可以，睇下聽朝會唔會平靜返，爸爸會接我走。
當時我知道外面嘅情況，除咗爸爸喺外面睇，我哋自己都會睇直播片，從而知道出面非常混亂。當時我哋各自搵完屋企人後就瞓覺，等待聽朝平靜返爸爸嚟接我走。
我哋瞓覺時不斷驚醒，因為始終唔係自己屋企。我記得大概0400驚醒過一次，當時有火警鐘，聽到有人大叫話警察攻入理大。課室有窗口，聽到外面有人喊叫嘅聲音。
我們一直留在課室直到0730-0745左右。我們醒是因為有人拍打東西，同埋聽到有人話離開班理大，所以我哋就醒咗。我哋仲係好肚餓，因為只係食咗一個杯麵，所以想再落食堂食嘢，我有通知媽媽落食堂食嘢，Crystal都有通知她的家人。
我們到達食堂門口，想搵嘢食，然後有兩位急救員姨姨，因為佢哋當時著住反光衣，衫上面有寫住急救或者十字，印象中係咁。佢哋睇落30-40歲左右，佢哋同我哋講而家科學館道無警察，同埋出面好平靜，理大全部人都會經嗰度走。
當時我都有問佢，上一日有好多衝突，佢哋同我講出面好平靜，可以走到。之後姨姨同我哋講，我哋唔可以就咁出去，印象中佢同我講最起碼都要保護返自己注意安全，同包返實自己，因為出面有記者。
之後佢就帶走我哋去食堂嘅物資站，兩個姨姨就分別拎保護裝備比我同Crystal，佢哋拎咗頭盔、口罩、面巾、黑色短袖衫、同埋一對手袖，佢話佢拎手袖比我係因為佢搵唔到長袖衫，所以用手袖去彌補。
食堂有廁所，我同Crystal就著咗姨姨比我哋嘅嘢。我將頭盔、口罩、面罩、手袖，同換上黑色衫，然後將自己嘅白色波衫放返入背囊入去。Crystal換咗件長袖黑衫，戴頭盔、口罩，佢無帶面巾。Crystal無帶背囊，所以佢啲嘢都係放入我背囊。
換咗衫後就跟住出面啲人走，因為佢哋話要走。我哋兩個跟住其他行正門緊急出口嘅樓梯離開理大，一路上氣氛好靜，無咩人講嘢，好似平時朝早好安靜咁樣。
一路上我有whatsapp媽咪，我叫Crystal跟住我行，佢都跟住我行。
經過暢運道到科學館道，我沒有手握任何東西。去到科學館道，一直都好平靜，轉彎後就直望過起，直路有一大班防暴警察。跟住未嚟得切反應，警方就突然發射催淚彈，我眼睛好痛，皮膚亦好刺痛。當時呼吸都好辛苦，就諗住走，後面都好大煙，我見旁邊嘅哥哥姐姐（約十幾二十人）突然跑曬去右邊，我就跟住佢哋跨過鐵欄。
當時鐵欄都到腰咁高，跨過去時就有人遞咗把遮比我，我就拎咗把遮嚟就力（借力）爬過去，因為嗰鐵欄都有啲難爬。