#區域法院第廿三庭
#李慶年法官
#1119尖沙咀 #營救理大
#審訊 [7/40] 案件第三組

D3:何(20)/ D4:楊(29)/ D5:許(20)
D8:梁(34)/ D11:張(24)/ D12:李(20)
D13:彭(21)/ D17:吳(16)/ D18:何(23)
D20:李(18)

控罪及詳情：

(1)暴動 [所有被告]
同被控於2019年11月19日在九龍尖沙咀漆咸道南、天文台道、金巴利道、金巴利街、加連威老道、加拿分道、金馬倫道及厚福街附近一帶，與其他身份不詳的人參與暴動。

(2)管有物品意圖摧毀或損壞財產 [D18]
何(23)被控同日於厚福街，管有打火機、鐵鎚、士巴拿、鐵鋸、鉗及油漆。

(3)管有物品意圖摧毀或損壞財產 [D20]
李(18)被控同日於厚福街與金馬倫道之間的後巷，保管鐵鎚及打火機。

(4)有意圖而縱火 [D20]
李(18)被控於2019年11月19日，在厚福街後巷，無合理辯解而用火損壞該處路面，意圖摧毁或損壞該等財產或罔顧該等財產是否會被摧毀或損壞，以及意圖藉此危害警長10005及警員8962的生命。

D17: 吳(16) 已承認暴動罪❗️
D20: 李(18) 已承認暴動罪❗️控罪3與4 存檔法庭❕詳情： https://teleg.eu/s/youarenotalonehk_live/20853

——————————
[14:41] 控方一嚟就案件管理，呈上第三份承認事實，處理D18被捕時的藍色上衣。

法官知道控方下一步會傳召專家證人，詢問控辯雙方，期望法庭在什麼階段處理D18作供的自願性問題，控辯雙方都同意可以在整件案控方舉證完畢後，法庭再作裁決。

處理專家證人事宜
控方希望傳召一名警員以專家證人身份作證，辯方反對，表示可以傳召證人出庭，雙方就專家身份作主問和盤問，再由法庭裁決。

控方指傳召該名證人，係檢查D18手提電話，做數碼法理驗證，撮取數據，唔係一般人可以做到，控方認為係要有專業資格，資料索涉2019年11月18日嘅WhatsApp 訊息。

辯方質疑嘅係證人嘅專家資格。

[15:00] 法官指出傳召證人之前，相方就專家證人的身份，在法律原則上有無陳辭…「你哋又要拗，又唔做功課，我都要揾書啦，你哋有無睇Archbold？應該係你哋協助我喎，我借本書你哋睇喇，情況有啲尷尬，好似喺自修室溫書咁，休庭10分鐘啦」。

[15:39] 控方稱傳召警員12089嘅因由，係因為佢檢取D18嘅手機，撮取WhatsApp訊息，同D18點解在場出現有關，係與案相關嘅主題，過程並非一般人是可以做到，12089可以協助法庭，提供在普通常識以外嘅常識，佢在2017駐守法理鑒證科CSTCB，駐守之後，參與一系列電腦法證課程，有證書有足夠資歷和經驗，就訊息內容和發出嘅時間作證，警員嘅身份無礙作為專家，只要佢格守專家嘅責任，專家證人嘅證供唔係超然嘅，法庭可以接受、部份接受或者不接受。

法官表示先睇吓證人嘅履歷和資歷，和控方所倚賴嘅證供章節，辯方不反對。反對嘅議題係證人是否有足夠和相關嘅訓練和經驗，是否有獲取專業資格，控方提供嘅課程，只係得個名，唔知內容，一無所知，係咪牽涉今次案件有關。

法官表示專家議題不會再發掘；轉而再討論自願作供問題，是否以案中案方式處理，因為這幾日正在處理D18的議題，如果現在轉而處理專家證人，下一步就處理其他被告的拘捕過程，會好長和好零碎，會押到好後再返嚟處理D18的自願性，咁樣穿插唔係幾好，好容易會唔記得，應該趁而家大家記憶猶新處理咗先，”控方舉證完畢後，法庭再作裁決” 呢個方式，係在區域法院和裁判法院嘅一般做法，唔使同一名證人作供兩次，在高等法院係先處理案中案，再處理一般程序；控辯雙方不反對法官提議。

法官指示明天處理以下事項：1. 控方決定就D18的自願作供是否舉證完畢；2. 辯方有無中段陳詞，被告會唔會作供；3. 專家證人作供。

D12律師表示就相片事項亦有爭議，法官叫律師好好準備，唔好好似今日咁，案件押後至明日(13/7) 09:30 同庭續審。