#區域法院第二十庭
#林偉權法官
#0811尖沙咀 #審訊 [16/25] 2/2
———————————
為證物標上Q是應技術支援部所要求。【*其餘雷射筆＋電池證物描述部分就此略過。】（X）的意思是試按的時候沒有任何嘢出嚟，無光。證人確認，以上所有證物由其親自製作白色標籤，從PC8710接收，是當日接收後即日製作，因證人預先知道同事會過嚟，有事先印定紙+number，當時未有手寫字。Q號碼係同事比證人時證人順住排次序，過程在同事PC8710面前處理。因為同事有在其面前入電池試按，所以證人知道雷射筆有咩顏色有咩光。
PC8710在證人面前封好證物，印象中有黃標籤，但唔記得黃標籤內容。證人確認，當日交收時所見的黃標籤就是今在庭上所見的同一張黃標籤。
證人把上述6組證物放入自己房間內的有密碼鐵櫃；房間屬於證人自己，密碼只有證人自己知道。證人一收返證物就放入鐵櫃；唔記得當時8710出咗去未。唔夠一個鐘後，郭漢文(音)博士就到24樓，係證人約佢交收雷射筆。然後證人就交咗6組證物比郭博士。二人在會議室交收，會議室與證人房間相差幾步。證人唔記得當時點樣由房間拎去會議室，但記得係自己親手拎去會議室。
證人把證物交比郭博士時包裝沒有任何變動，交收完成後郭博士就離開會議室，此後證人沒有接觸過雷射筆。由接收雷射筆到交給郭博士，中間時間不超過兩小時；除放在鐵櫃外，證物一直在證人視線範圍內，證人沒有非法干擾內容，亦沒有見到任何人干擾內容。
🔸D8代表盤問
除了2020年9月29日的口供紙，證人另有一份書面紀錄，是與郭博士交收時有表格要簽收，係技術支援部要簽嘅，列咗Q1-Q10，有證人同郭博士的簽名。「如果無記錯」表格入面Q1-Q10的描述與證人的書面供詞的內容是一樣，表格內容由證人填寫。證人攞起Q1，黃色標籤後有一組數字，這組數字D8大律師稱為police reference。證人同意自己的書面供詞沒有填寫police reference，亦沒有提及Q1-Q10的長短，有寫雷射筆的牌子和顏色，仲有function ，例如USB，但沒有記錄佢哋會發出咩顏色。證人供詞中有提及Q1-Q10有3支黑色、3支銀色，從來沒有提及金色雷射筆，「呢個係寫錯咗」。
證人確認，同8710交收時有逐支拎出嚟睇，同郭博士交收都係逐支有拎出嚟對過，亦有對過每一支的顏色。證人是根據白色紙仔上寫的資料同埋郭博士的簽收紙去辨認眼前證物。
8710在場時，證人與對方一齊擺過電池入雷射筆去測試。證人曾擺錯Q5的電池到Q4，然後測試過佢，放出紅光；證人不同意辯方所指，呢支雷射筆擺入Q5電池後係發出唔到任何光線。證人不同意目前的6支雷射筆不一定是其當日從8710手上收到的雷射筆。證人唔記得，與郭博士交收時對方對表格上關於雷射筆的描述有異議；如有的話可能會進行商討同修改。
🔹控方覆問
證人填寫同郭博士的交收表格後，表格比咗郭博士帶走。
⏺傳召郭漢文博士
曾處理本案雷射筆證物
🔹控方主問
證人於2019年9月29日及現時皆駐守廉政公署執行部的技術服務部。當日證人從女督察手上接收咗10樣證物，唔記得女督察姓氏，在警察總部西翼5樓，係警總其中一個辦公室。接收嘅地方應該係會議室，約早上1030接收—根據紀錄時間是1030。證人收到10件物品，當時有卡紙綁住，卡紙上寫咗檔案編號。每件證物有自己號碼Q1-Q10，即證人接收的物件，當中總共有6支雷射筆。
證人確認庭上證物是2019年9月29日接收的6支雷射筆，因為卡紙上有編號及紀錄雷射筆的狀況。卡紙不是由證人所寫，證人接收時的卡紙比現時眼前的細。證人確認雷射筆上扣住細啲的白色紙仔，6支都有。證人確認6張紙仔自己都有印象，記憶中接收時已有呢6張紙仔，上有Q編號。證人記憶中係一個大袋裝曬咁多支筆，沒有分成各小袋，但有白色紙仔寫Q編號。證人記憶中電池同支筆有聯繫，係有小袋將雷射筆同電池包埋一齊；每一支雷射筆都有自己的小袋。證人唔肯定是否每支雷射筆都有附電池。
離開會議室後，證人就步行至公司把證物放入夾萬，夾萬在警總5樓。證人一大袋攞住。從女督察手上接收後，由證人自己直接拎去夾萬，夾萬有密碼鎖，密碼只有證人自己知道，但政府有規定密碼要記低比政府中央儲存，以免忘記密碼；證人沒有申請得知密碼，沒有協助過處理相關文書，不知道是否他人都可以申請得知密碼，亦不知道他人可否在自己不知情下得知密碼。
2019年11月5日證人把證物轉交盧永楷督察，因為上司告知證物將由盧督察處理；證人事前已知道證物不會由自己處理。交收地點同樣是在警總5樓會議室。有書面交收紀錄，有兩份copy，會雙方各自保存。標籤會簡短介紹物件，交收時已有。就相關證物證人一共有兩份交收紀錄：女督察一份、盧督察一份。
證人與女督察交收後，半小時之內將證物放入夾萬；之後從夾萬取出後，證人於15分鐘內把證物交給盧督察，中間自己沒有再觸碰證物。證人視線沒有離開過證物，2019年9月29日至2020年9月5日沒有非法干擾過內容，沒有拆過袋或標籤，亦沒有見到任何人干擾。
🔸D8代表盤問
9月29日與唐督察交收時，二人對住一份紀錄做交收，但唔係表格。紀錄係事先由唐督察填寫。交收時證人有逐件對，自己沒有提出過任何異議。就證人較早前供稱，由唐督察手上接收證物時卡紙比目前手上的大細有差異，分別是交收時沒有黃色標籤。（法官再問清楚，再次確認證人交收時沒有見到黃色標籤。）
證人的書面供詞提到他與兩位督察交收證物；證人最近睇返內容，發現Q10顏色出錯，因為同兩位督察交收時的表格有寫顏色—紀錄中唐督察寫金色，盧督察原本寫銀色，即場改做金色，有簽名。證人寫書面供詞時係對住交收紀錄做，Q10寫錯是因為證人自己抄錯。
🌟辯方想申請證人拎出嚟睇兩份交收表格，法官表示：我哋會期望呢個係一件證物添，而家啲人點做嘢架，唔係應該一開始要做曬咩？做咩唔好佢？辯方指「我哋都係而家先知。」法官：我都話，永遠要怪都係怪控方先。
-兩份表格列作MFI17、MFI18-
證人的書面供詞是依賴呢兩份表格，而盧督察在表格上的修改是當日已經修改；但證人17日後寫供詞照抄上面的資料，仲有藍色簽名，當時仍不察覺有誤差，因為自己係將紀錄嘅副本copy and paste做嘅。11月5日已經有table，打入電腦係銀色，金色是手改；因為電腦入銀色，所以就抄成銀色--由於當初第一次寫錯咗，所以會有銀色出現。
證人睇返逐件證物還有同唐督察交收的紀錄去建立11月5日的table；證人唔記得幾時做table，但一定早於11月5日。證人錯誤參考唐督察的紀錄。辯方指出，證人在主問時話9月29日至11月5日呢段期間無拎過證物出嚟，但11月5日的table一定係11月5日之前做，而且又係逐件證物睇，即係證人在9月29日至11月5日呢段期間睇過證物；證人同意。證人同意，唯一可以辨認證物嘅基礎就係尼龍繩上的紙仔，如果無紙仔，無辦法事隔多年都辨認到證物。證人不同意現時庭上的證物不一定是他當天從盧督察手中得到的證物，因為有紀錄。證人在本案只處理過Q1-Q10。
🔹控方覆問
9月29日至11月5日期間，證人有拎過證物出嚟做紀錄：在警總5樓，成大袋一齊拎出嚟，證物放在工作枱，逐件證物拎出嚟對，有拆開過小袋。證人攞完曬出嚟先一次過放入去，確認證物數量一樣，確認房間當時只有自己一個人，紀錄後立即將大袋放入夾萬。成個過程約數小時，即準備表格的用時。證人自己沒有干擾過證物，沒有人干擾過證物，證物一直在自己視線範圍內。
⏺傳召PW30 高級督察 #盧永楷
雷射激光裝置專家
盧督察表示過往檢驗過150支雷射筆，曾經出庭作供超過30次，證供均被法庭接納，辯方不爭議證人的專家身份。盧督察解釋檢驗報告，根據IEC標準，如果最大照射量MPE超過2.55mW/cm²，就會對人眼造成傷害。
📌Q1屬於第3級雷射產品（40米距離內會對人眼造成傷害）；
📌Q3（原本檢獲時裡面沒有電池，因此沒有測試）；
📌Q8屬於第3B級雷射產品（40米距離內會對人眼造成傷害）；
📌Q4（即使放入充滿的電池仍然沒有雷射光，不是一支功能正常的雷射筆）；
📌Q6屬於第4級雷射產品（60米距離內會對人眼造成傷害）；
📌Q10 （原本檢獲時裡面沒有電池，因此沒有測試）。
關於為何在沒有測試下，證供可以寫得出Q4是紅光雷射筆，盧督察解釋是根據雷射筆上的 label上面寫著 “wavelength 650nm”，等同紅色光。盧督察表示Q1及Q8「唔算一啲好高強度嘅雷射筆，一般嘅3B級中等雷射筆」，不會導致皮膚燒傷或易燃的情況。
至於Q6則是最強級別的雷射筆，「一般而言，佢會令眼睛即時受到傷害，就算粗糙表面反射都會；如果旁邊有霧氣、水氣、反光都會傷害。如果聚焦或者近嘅時候，你會覺得燒傷皮膚，或者有火警危險。」，控方追問什麼火警危險，盧督察指「如果你咁高能量嘅雷射筆，例如射落張紙度，佢會慢慢變黑、會霧氣、著火。如果射落易燃物質，例如燃油，例如揮發性嘅嘢，就可能會著火。」
關於交收證物，盧督察表示所有雷射筆放在一個紙袋裡面，沒有獨立包裝，雷射筆有白色標籤，但無印象有黃標籤。除了測試以外，證物一直放在鎖櫃裡，沒有任何非法干擾。
案件押後至明天1000同庭續審
💛感謝臨時直播員💛
#林偉權法官
#0811尖沙咀 #審訊 [16/25] 2/2
———————————
為證物標上Q是應技術支援部所要求。【*其餘雷射筆＋電池證物描述部分就此略過。】（X）的意思是試按的時候沒有任何嘢出嚟，無光。證人確認，以上所有證物由其親自製作白色標籤，從PC8710接收，是當日接收後即日製作，因證人預先知道同事會過嚟，有事先印定紙+number，當時未有手寫字。Q號碼係同事比證人時證人順住排次序，過程在同事PC8710面前處理。因為同事有在其面前入電池試按，所以證人知道雷射筆有咩顏色有咩光。
PC8710在證人面前封好證物，印象中有黃標籤，但唔記得黃標籤內容。證人確認，當日交收時所見的黃標籤就是今在庭上所見的同一張黃標籤。
證人把上述6組證物放入自己房間內的有密碼鐵櫃；房間屬於證人自己，密碼只有證人自己知道。證人一收返證物就放入鐵櫃；唔記得當時8710出咗去未。唔夠一個鐘後，郭漢文(音)博士就到24樓，係證人約佢交收雷射筆。然後證人就交咗6組證物比郭博士。二人在會議室交收，會議室與證人房間相差幾步。證人唔記得當時點樣由房間拎去會議室，但記得係自己親手拎去會議室。
證人把證物交比郭博士時包裝沒有任何變動，交收完成後郭博士就離開會議室，此後證人沒有接觸過雷射筆。由接收雷射筆到交給郭博士，中間時間不超過兩小時；除放在鐵櫃外，證物一直在證人視線範圍內，證人沒有非法干擾內容，亦沒有見到任何人干擾內容。
🔸D8代表盤問
除了2020年9月29日的口供紙，證人另有一份書面紀錄，是與郭博士交收時有表格要簽收，係技術支援部要簽嘅，列咗Q1-Q10，有證人同郭博士的簽名。「如果無記錯」表格入面Q1-Q10的描述與證人的書面供詞的內容是一樣，表格內容由證人填寫。證人攞起Q1，黃色標籤後有一組數字，這組數字D8大律師稱為police reference。證人同意自己的書面供詞沒有填寫police reference，亦沒有提及Q1-Q10的長短，有寫雷射筆的牌子和顏色，仲有function ，例如USB，但沒有記錄佢哋會發出咩顏色。證人供詞中有提及Q1-Q10有3支黑色、3支銀色，從來沒有提及金色雷射筆，「呢個係寫錯咗」。
證人確認，同8710交收時有逐支拎出嚟睇，同郭博士交收都係逐支有拎出嚟對過，亦有對過每一支的顏色。證人是根據白色紙仔上寫的資料同埋郭博士的簽收紙去辨認眼前證物。
8710在場時，證人與對方一齊擺過電池入雷射筆去測試。證人曾擺錯Q5的電池到Q4，然後測試過佢，放出紅光；證人不同意辯方所指，呢支雷射筆擺入Q5電池後係發出唔到任何光線。證人不同意目前的6支雷射筆不一定是其當日從8710手上收到的雷射筆。證人唔記得，與郭博士交收時對方對表格上關於雷射筆的描述有異議；如有的話可能會進行商討同修改。
🔹控方覆問
證人填寫同郭博士的交收表格後，表格比咗郭博士帶走。
⏺傳召郭漢文博士
曾處理本案雷射筆證物
🔹控方主問
證人於2019年9月29日及現時皆駐守廉政公署執行部的技術服務部。當日證人從女督察手上接收咗10樣證物，唔記得女督察姓氏，在警察總部西翼5樓，係警總其中一個辦公室。接收嘅地方應該係會議室，約早上1030接收—根據紀錄時間是1030。證人收到10件物品，當時有卡紙綁住，卡紙上寫咗檔案編號。每件證物有自己號碼Q1-Q10，即證人接收的物件，當中總共有6支雷射筆。
證人確認庭上證物是2019年9月29日接收的6支雷射筆，因為卡紙上有編號及紀錄雷射筆的狀況。卡紙不是由證人所寫，證人接收時的卡紙比現時眼前的細。證人確認雷射筆上扣住細啲的白色紙仔，6支都有。證人確認6張紙仔自己都有印象，記憶中接收時已有呢6張紙仔，上有Q編號。證人記憶中係一個大袋裝曬咁多支筆，沒有分成各小袋，但有白色紙仔寫Q編號。證人記憶中電池同支筆有聯繫，係有小袋將雷射筆同電池包埋一齊；每一支雷射筆都有自己的小袋。證人唔肯定是否每支雷射筆都有附電池。
離開會議室後，證人就步行至公司把證物放入夾萬，夾萬在警總5樓。證人一大袋攞住。從女督察手上接收後，由證人自己直接拎去夾萬，夾萬有密碼鎖，密碼只有證人自己知道，但政府有規定密碼要記低比政府中央儲存，以免忘記密碼；證人沒有申請得知密碼，沒有協助過處理相關文書，不知道是否他人都可以申請得知密碼，亦不知道他人可否在自己不知情下得知密碼。
2019年11月5日證人把證物轉交盧永楷督察，因為上司告知證物將由盧督察處理；證人事前已知道證物不會由自己處理。交收地點同樣是在警總5樓會議室。有書面交收紀錄，有兩份copy，會雙方各自保存。標籤會簡短介紹物件，交收時已有。就相關證物證人一共有兩份交收紀錄：女督察一份、盧督察一份。
證人與女督察交收後，半小時之內將證物放入夾萬；之後從夾萬取出後，證人於15分鐘內把證物交給盧督察，中間自己沒有再觸碰證物。證人視線沒有離開過證物，2019年9月29日至2020年9月5日沒有非法干擾過內容，沒有拆過袋或標籤，亦沒有見到任何人干擾。
🔸D8代表盤問
9月29日與唐督察交收時，二人對住一份紀錄做交收，但唔係表格。紀錄係事先由唐督察填寫。交收時證人有逐件對，自己沒有提出過任何異議。就證人較早前供稱，由唐督察手上接收證物時卡紙比目前手上的大細有差異，分別是交收時沒有黃色標籤。（法官再問清楚，再次確認證人交收時沒有見到黃色標籤。）
證人的書面供詞提到他與兩位督察交收證物；證人最近睇返內容，發現Q10顏色出錯，因為同兩位督察交收時的表格有寫顏色—紀錄中唐督察寫金色，盧督察原本寫銀色，即場改做金色，有簽名。證人寫書面供詞時係對住交收紀錄做，Q10寫錯是因為證人自己抄錯。
🌟辯方想申請證人拎出嚟睇兩份交收表格，法官表示：我哋會期望呢個係一件證物添，而家啲人點做嘢架，唔係應該一開始要做曬咩？做咩唔好佢？辯方指「我哋都係而家先知。」法官：我都話，永遠要怪都係怪控方先。
-兩份表格列作MFI17、MFI18-
證人的書面供詞是依賴呢兩份表格，而盧督察在表格上的修改是當日已經修改；但證人17日後寫供詞照抄上面的資料，仲有藍色簽名，當時仍不察覺有誤差，因為自己係將紀錄嘅副本copy and paste做嘅。11月5日已經有table，打入電腦係銀色，金色是手改；因為電腦入銀色，所以就抄成銀色--由於當初第一次寫錯咗，所以會有銀色出現。
證人睇返逐件證物還有同唐督察交收的紀錄去建立11月5日的table；證人唔記得幾時做table，但一定早於11月5日。證人錯誤參考唐督察的紀錄。辯方指出，證人在主問時話9月29日至11月5日呢段期間無拎過證物出嚟，但11月5日的table一定係11月5日之前做，而且又係逐件證物睇，即係證人在9月29日至11月5日呢段期間睇過證物；證人同意。證人同意，唯一可以辨認證物嘅基礎就係尼龍繩上的紙仔，如果無紙仔，無辦法事隔多年都辨認到證物。證人不同意現時庭上的證物不一定是他當天從盧督察手中得到的證物，因為有紀錄。證人在本案只處理過Q1-Q10。
🔹控方覆問
9月29日至11月5日期間，證人有拎過證物出嚟做紀錄：在警總5樓，成大袋一齊拎出嚟，證物放在工作枱，逐件證物拎出嚟對，有拆開過小袋。證人攞完曬出嚟先一次過放入去，確認證物數量一樣，確認房間當時只有自己一個人，紀錄後立即將大袋放入夾萬。成個過程約數小時，即準備表格的用時。證人自己沒有干擾過證物，沒有人干擾過證物，證物一直在自己視線範圍內。
⏺傳召PW30 高級督察 #盧永楷
雷射激光裝置專家
盧督察表示過往檢驗過150支雷射筆，曾經出庭作供超過30次，證供均被法庭接納，辯方不爭議證人的專家身份。盧督察解釋檢驗報告，根據IEC標準，如果最大照射量MPE超過2.55mW/cm²，就會對人眼造成傷害。
📌Q1屬於第3級雷射產品（40米距離內會對人眼造成傷害）；
📌Q3（原本檢獲時裡面沒有電池，因此沒有測試）；
📌Q8屬於第3B級雷射產品（40米距離內會對人眼造成傷害）；
📌Q4（即使放入充滿的電池仍然沒有雷射光，不是一支功能正常的雷射筆）；
📌Q6屬於第4級雷射產品（60米距離內會對人眼造成傷害）；
📌Q10 （原本檢獲時裡面沒有電池，因此沒有測試）。
關於為何在沒有測試下，證供可以寫得出Q4是紅光雷射筆，盧督察解釋是根據雷射筆上的 label上面寫著 “wavelength 650nm”，等同紅色光。盧督察表示Q1及Q8「唔算一啲好高強度嘅雷射筆，一般嘅3B級中等雷射筆」，不會導致皮膚燒傷或易燃的情況。
至於Q6則是最強級別的雷射筆，「一般而言，佢會令眼睛即時受到傷害，就算粗糙表面反射都會；如果旁邊有霧氣、水氣、反光都會傷害。如果聚焦或者近嘅時候，你會覺得燒傷皮膚，或者有火警危險。」，控方追問什麼火警危險，盧督察指「如果你咁高能量嘅雷射筆，例如射落張紙度，佢會慢慢變黑、會霧氣、著火。如果射落易燃物質，例如燃油，例如揮發性嘅嘢，就可能會著火。」
關於交收證物，盧督察表示所有雷射筆放在一個紙袋裡面，沒有獨立包裝，雷射筆有白色標籤，但無印象有黃標籤。除了測試以外，證物一直放在鎖櫃裡，沒有任何非法干擾。
案件押後至明天1000同庭續審
💛感謝臨時直播員💛