#區域法院第卅二庭
#李俊文法官
#1118尖沙咀 #審訊 [7/15]
D1:陳(20)/ D2:羅(32)
D3:蔡(20)/ D4:杜(31)
D5:鄧(22)/ D6:彭(31)
D7:陳(25)/ D8:麥(18)
D9:周(21)/ D10:葉(23)
控罪：非法集結 [D1-10]
D1-10同被控於19年11月18日，在尖沙咀科學館廣場的一帶，連同其他身分不詳的人，集結在一起。
控方外聘法律代表: #張建波大律師
辯方法律代表:
D1、D7、D10: #陳德昌大律師
D2: #何偉健大律師
D3: #宗銘誠大律師
D4、D5: #朱寶田大律師
D6: 吳大律師
D8: #林凱依大律師
D9: #馮振華大律師
=========
⏺傳召PW11 警員10760 吳文樂(音)
當日在深水埗警署處理D9
現駐守警總，案發時駐守有組織罪案及三合會調查科B1-1隊
🔹控方主問
PW11當日負責錄取Pol. 857警誡口供，知道有100位示威者入咗深水埗警署，唔知幾點入。PW11庭上確認未正式呈堂的臨時證物為自己當日17:21-17:25向D9發出的Pol. 153，上面有被告人簽名。PW11有向D9讀出其權利：解釋呢張係咩，呢張嘢入面嘅大topic，例如可以搵律師之類，之後逐個point講。PW11問D9明唔明白、有無要求，D9話冇，然後就簽名。
當時搜查並檢取個人物品之後，PW11帶D9去BG29室，向佢發出Pol. 857。D9坐PW11對面，PW11說「寫囉」 ，警誡D9，就住案情問佢問題；D9答完自己問題PW11就寫返落去。（PW11確認警誡供詞上嘅字跡同簽名。）PW11沒有作過任何威嚇或誘使，亦沒有聽到任何同僚作威嚇或誘使嘅行為；他本人沒有作暴力行為，亦沒有見到任何同僚作暴力行為。BG29有好多枱，PW11唔知當時有幾多人落緊口供，大概四、五個人。對於羈留人士通知書D9表示明白、冇要求。
🎥播放片段
證人描述畫面並認出D9
🔸辯方盤問
📌D9 #馮振華大律師
PW11曾駐守深水埗警署3年左右；以他所知每個差館都有一個訓示室，與BG29室一樣。他駐守深水埗警署時寫字樓喺另一幢，好少去嗰個briefing room。
當日他在深水埗警署見到被捕人士坐喺穿咗去報案室後的大空地，不是在停車場。空地是露天，證人唔記得係咪分男女坐，剩係知有一班人喺度。當時他從呢班人當中搵到D9—根據其口供，D9編號係49。PW11供詞寫住「由理工大學沿科學館道舉起雨傘與警方對峙」，訊息來源是案件主隊—證人唔知係邊位。其口供中寫的是暴動控罪。他收到的指示係寫「呢度[即口供紙]寫嘅地方」進行暴動，亦有寫話清除路障，但唔知係誰的路障，「佢當時同我講清除路障我咪寫囉」。PW11同意辯方所指，2019年年尾有警方設嘅路障，又有私自設嘅路障；據他理解，「路障」指的是「當時好多報道有黑暴設嘅路障，係之前暴徒set低嘅路障。」PW11反問「呢啲係咪假設性問題？」對於D9指白色勞工手套係拎嚟清路障同埋平時攞嚟打街機用，仲有講出「mai mai」，PW11冇問係咩。
PW11「唔知」BG29室入口正對面有個出口，「唔肯定」入面長枱尺寸和分布。他當時係坐近門口，但邊張枱唔記得。他和D9面對面坐。他唔記得自己正對面是否馬警長，亦唔記得D9是否坐喺D8對面。PW11「唔同意」有鬧D9「你跟邊個㗎？你都唔係第一次㗎啦？出嚟好好玩呀？」他「冇聽過」D9答「我冇跟邊個，我唔係黑社會。」他「唔同意」自己話「個個古惑仔都話自己冇跟邊個」他承認有問D9喺邊讀書，唔同意有話「讀屎片出嚟搞搞震」，唔同意有問「訊息工程讀咩㗎」。他「冇聽過亦冇印象」當時馬警長搭嘴講「中文大學？前幾日嗰幾單嘢肯定有份掟汽油彈啦！你唔使扮嘢喇，呢度人少少咪認咗佢囉，你地當遊戲咁嘛，中大玩完咯，咪嚟理大玩囉，冇乜嘢嘅咪坐返三五七年出嚟又一條好漢囉」。
PW11有問過D9地址、電話，有將D9背囊啲嘢show俾佢睇—唔同意係「倒出嚟問佢一輪」。他「唔同意」自己問及白色手套時D9冇出聲；自己當時冇講過「你唔出聲，我就自己作落去，對白色勞工手套喺用嚟掟汽油彈嘅」。他沒有問手套拎嚟做乜，冇聽過亦冇印象馬警長當時搭嘴話「條友真係唔識㗎喎，而家都未開始落口供，開始落口供先唔出聲啦。」D9沒有講「對手套我用嚟玩mai mai，即係機鋪好似洗衣機嘅遊戲」。PW11否認辯方所指，當時BG29室內有人發出聲音引起D9關注，佢望過去，PW11就話「你望咩望？你幫到佢咩？」
辯方指當時染紅頭髮的D9撥頭髮時被PW11鬧「你好鍾意自己啲頭髮咩？我幫你剪晒佢，反正入去坐都要剪」，PW11否認，亦否認有話「你以為自己屋企呀？我叫你做咩就做咩」；他唔同意Pol. 153係畀D9自己睇。他唔記得有冇簽檢取物品嘅收據。他「唔係好肯定」有個廁所喺BG29房隔離。對於辯方問「你帶咗佢去廁所？」PW11回答「佢無要求去廁。」（🌟李官表示律師問嘅係「你有無帶佢去廁所？」）PW11「冇留意」當時是否有個較高級警員坐喺度看守。PW11否認曾同D9講「冇嘢講即係玩嘢啦，唔緊要嘅，我而家懷疑你套衫有催淚氣體，而家去廁所換衫」然後同個高級嘅警員講「我而家帶個暴徒去個廁所度教育一下佢」，否認該名較高級警員話「好，冇問題，啲暴徒係需要教訓一下」。PW11曾給予D9過頭笠嘅衫同紙拖鞋換，但不是在BG29。他否認曾用右拳頭打D9個肚一下，問佢係咪冇嘢講，否認再用右拳頭打第二下，否認第三拳都係打肚，然後講「你陣間出度去有無嘢講？」否認D9於是答「有喇有喇」。他亦否認曾向D9說「認清我個樣」，否認話「一早咁合作咪好囉，嘥我啲力氣」。他確認有將D9啲衫放落大袋，但不是在廁所發生。他否認講過「如果喺啲衫度搵到催淚氣同藍色水就坐返四年」，否認被告收到Pol. 153後話要搵律師。去廁所期間PW11沒有同被告講「覺唔覺呢排多咗好多浮屍？」
PW11否認，D9當時用口語講冇同警方對峙但手寫寫咗書面語而被其取笑。PW11否認自己係叫D9聽住佢講然後好似默書咁寫八個字，但承認有俾個template D9抄。PW11否認，被告答因朋友住尖沙咀所以去尖沙咀。他亦否認問過D8、D9係咪互相約咗，又否認D9話他們不相識。他否認話過「你約個男仔去酒店？你基㗎？你有無個朋友電話，到時上庭要搵佢」。他唔同意自己寫完啲一問一答嘅內容但冇向D9覆讀，指示D9喺寫住答案嘅位簽名。他「而家解釋唔到」點解問答11有其簽名但冇D9簽名；他聲稱當時有向D9覆讀內容，但「而家解釋唔到」點解覆讀都睇唔到D9冇簽問答11。他唔同意自己先入為主覺得D9講嘅荔枝角道以為荔枝角，唔同意如果有覆讀D9就可以更正自己，但自己冇覆讀。
🔹主控覆問
關於清除邊個嘅路障，證人補充D9「就係去清除理大附近嗰啲路障」。
案件押後至明天9:30同庭續審
💛感謝臨時直播員💛
#李俊文法官
#1118尖沙咀 #審訊 [7/15]
D1:陳(20)/ D2:羅(32)
D3:蔡(20)/ D4:杜(31)
D5:鄧(22)/ D6:彭(31)
D7:陳(25)/ D8:麥(18)
D9:周(21)/ D10:葉(23)
控罪：非法集結 [D1-10]
D1-10同被控於19年11月18日，在尖沙咀科學館廣場的一帶，連同其他身分不詳的人，集結在一起。
控方外聘法律代表: #張建波大律師
辯方法律代表:
D1、D7、D10: #陳德昌大律師
D2: #何偉健大律師
D3: #宗銘誠大律師
D4、D5: #朱寶田大律師
D6: 吳大律師
D8: #林凱依大律師
D9: #馮振華大律師
=========
⏺傳召PW11 警員10760 吳文樂(音)
當日在深水埗警署處理D9
現駐守警總，案發時駐守有組織罪案及三合會調查科B1-1隊
🔹控方主問
PW11當日負責錄取Pol. 857警誡口供，知道有100位示威者入咗深水埗警署，唔知幾點入。PW11庭上確認未正式呈堂的臨時證物為自己當日17:21-17:25向D9發出的Pol. 153，上面有被告人簽名。PW11有向D9讀出其權利：解釋呢張係咩，呢張嘢入面嘅大topic，例如可以搵律師之類，之後逐個point講。PW11問D9明唔明白、有無要求，D9話冇，然後就簽名。
當時搜查並檢取個人物品之後，PW11帶D9去BG29室，向佢發出Pol. 857。D9坐PW11對面，PW11說「寫囉」 ，警誡D9，就住案情問佢問題；D9答完自己問題PW11就寫返落去。（PW11確認警誡供詞上嘅字跡同簽名。）PW11沒有作過任何威嚇或誘使，亦沒有聽到任何同僚作威嚇或誘使嘅行為；他本人沒有作暴力行為，亦沒有見到任何同僚作暴力行為。BG29有好多枱，PW11唔知當時有幾多人落緊口供，大概四、五個人。對於羈留人士通知書D9表示明白、冇要求。
🎥播放片段
證人描述畫面並認出D9
🔸辯方盤問
📌D9 #馮振華大律師
PW11曾駐守深水埗警署3年左右；以他所知每個差館都有一個訓示室，與BG29室一樣。他駐守深水埗警署時寫字樓喺另一幢，好少去嗰個briefing room。
當日他在深水埗警署見到被捕人士坐喺穿咗去報案室後的大空地，不是在停車場。空地是露天，證人唔記得係咪分男女坐，剩係知有一班人喺度。當時他從呢班人當中搵到D9—根據其口供，D9編號係49。PW11供詞寫住「由理工大學沿科學館道舉起雨傘與警方對峙」，訊息來源是案件主隊—證人唔知係邊位。其口供中寫的是暴動控罪。他收到的指示係寫「呢度[即口供紙]寫嘅地方」進行暴動，亦有寫話清除路障，但唔知係誰的路障，「佢當時同我講清除路障我咪寫囉」。PW11同意辯方所指，2019年年尾有警方設嘅路障，又有私自設嘅路障；據他理解，「路障」指的是「當時好多報道有黑暴設嘅路障，係之前暴徒set低嘅路障。」PW11反問「呢啲係咪假設性問題？」對於D9指白色勞工手套係拎嚟清路障同埋平時攞嚟打街機用，仲有講出「mai mai」，PW11冇問係咩。
PW11「唔知」BG29室入口正對面有個出口，「唔肯定」入面長枱尺寸和分布。他當時係坐近門口，但邊張枱唔記得。他和D9面對面坐。他唔記得自己正對面是否馬警長，亦唔記得D9是否坐喺D8對面。PW11「唔同意」有鬧D9「你跟邊個㗎？你都唔係第一次㗎啦？出嚟好好玩呀？」他「冇聽過」D9答「我冇跟邊個，我唔係黑社會。」他「唔同意」自己話「個個古惑仔都話自己冇跟邊個」他承認有問D9喺邊讀書，唔同意有話「讀屎片出嚟搞搞震」，唔同意有問「訊息工程讀咩㗎」。他「冇聽過亦冇印象」當時馬警長搭嘴講「中文大學？前幾日嗰幾單嘢肯定有份掟汽油彈啦！你唔使扮嘢喇，呢度人少少咪認咗佢囉，你地當遊戲咁嘛，中大玩完咯，咪嚟理大玩囉，冇乜嘢嘅咪坐返三五七年出嚟又一條好漢囉」。
PW11有問過D9地址、電話，有將D9背囊啲嘢show俾佢睇—唔同意係「倒出嚟問佢一輪」。他「唔同意」自己問及白色手套時D9冇出聲；自己當時冇講過「你唔出聲，我就自己作落去，對白色勞工手套喺用嚟掟汽油彈嘅」。他沒有問手套拎嚟做乜，冇聽過亦冇印象馬警長當時搭嘴話「條友真係唔識㗎喎，而家都未開始落口供，開始落口供先唔出聲啦。」D9沒有講「對手套我用嚟玩mai mai，即係機鋪好似洗衣機嘅遊戲」。PW11否認辯方所指，當時BG29室內有人發出聲音引起D9關注，佢望過去，PW11就話「你望咩望？你幫到佢咩？」
辯方指當時染紅頭髮的D9撥頭髮時被PW11鬧「你好鍾意自己啲頭髮咩？我幫你剪晒佢，反正入去坐都要剪」，PW11否認，亦否認有話「你以為自己屋企呀？我叫你做咩就做咩」；他唔同意Pol. 153係畀D9自己睇。他唔記得有冇簽檢取物品嘅收據。他「唔係好肯定」有個廁所喺BG29房隔離。對於辯方問「你帶咗佢去廁所？」PW11回答「佢無要求去廁。」（🌟李官表示律師問嘅係「你有無帶佢去廁所？」）PW11「冇留意」當時是否有個較高級警員坐喺度看守。PW11否認曾同D9講「冇嘢講即係玩嘢啦，唔緊要嘅，我而家懷疑你套衫有催淚氣體，而家去廁所換衫」然後同個高級嘅警員講「我而家帶個暴徒去個廁所度教育一下佢」，否認該名較高級警員話「好，冇問題，啲暴徒係需要教訓一下」。PW11曾給予D9過頭笠嘅衫同紙拖鞋換，但不是在BG29。他否認曾用右拳頭打D9個肚一下，問佢係咪冇嘢講，否認再用右拳頭打第二下，否認第三拳都係打肚，然後講「你陣間出度去有無嘢講？」否認D9於是答「有喇有喇」。他亦否認曾向D9說「認清我個樣」，否認話「一早咁合作咪好囉，嘥我啲力氣」。他確認有將D9啲衫放落大袋，但不是在廁所發生。他否認講過「如果喺啲衫度搵到催淚氣同藍色水就坐返四年」，否認被告收到Pol. 153後話要搵律師。去廁所期間PW11沒有同被告講「覺唔覺呢排多咗好多浮屍？」
PW11否認，D9當時用口語講冇同警方對峙但手寫寫咗書面語而被其取笑。PW11否認自己係叫D9聽住佢講然後好似默書咁寫八個字，但承認有俾個template D9抄。PW11否認，被告答因朋友住尖沙咀所以去尖沙咀。他亦否認問過D8、D9係咪互相約咗，又否認D9話他們不相識。他否認話過「你約個男仔去酒店？你基㗎？你有無個朋友電話，到時上庭要搵佢」。他唔同意自己寫完啲一問一答嘅內容但冇向D9覆讀，指示D9喺寫住答案嘅位簽名。他「而家解釋唔到」點解問答11有其簽名但冇D9簽名；他聲稱當時有向D9覆讀內容，但「而家解釋唔到」點解覆讀都睇唔到D9冇簽問答11。他唔同意自己先入為主覺得D9講嘅荔枝角道以為荔枝角，唔同意如果有覆讀D9就可以更正自己，但自己冇覆讀。
🔹主控覆問
關於清除邊個嘅路障，證人補充D9「就係去清除理大附近嗰啲路障」。
案件押後至明天9:30同庭續審
💛感謝臨時直播員💛