#西九龍裁判法院第十四庭
#香淑嫻署理主任裁判官
#港區國安法 #支聯會 #初級偵訊 [2/7]

D4: 鄒幸彤 (36) 🛑因另案服刑中

控罪：煽動他人顛覆國家政權罪
控罪詳情指3人於 2020年7月1日至 2021年9月8日，在香港煽動他人組織、策劃、實施或者參與實施以非法手段旨在顛覆國家政權的行為，即推翻、破壞中華人民共和國憲法所確立的根本制度，或推翻中央政權機關。

主控：署理助理刑事檢控專員 #張卓勤
辯方代表： #沈士文大律師

———————————
[09:43] 開庭

控方向法庭表示跟據裁判官條例83(4)條，D4在上星期作供後，需要以書面紀錄，希望裁判官可以加簽，裁判官確認，稍後會給副本予控辯雙方。

控方就D4作供嘅內容作出觀察，並提交書面陳述。知道控方角式有限，陳述嘅目的係表示控方立場，唔係辯句，初級偵訊之下法官嘅角色，現法庭不需要裁定，本案性質無案例。

辯方 #沈士文大律師 表示已經呈交書面陳辭，會作口頭補充陳辭重點。

主要有兩重點：
(1) 本案之前，國安法立法之前，支聯會已經存在咗超過30年，政府從來無干預每年嘅晚會和遊行，警方無提過係非法行為，有不反對通知書，係合法嘅，30年來口號一樣，集會示威遊行活動同樣性質。

(2) 控方無檢控國安法22條有咩實際罪行，無基礎證明D4用咩行為顛覆政府，但告D4煽動其他人顛覆政府，如果情況係建基於支聯會五大綱領，D4無顛覆、無煽動其他人顛覆，D4講咗咩做咗咩顛覆，係無嘅。

其他陳辭內容後補🙇‍♂️

陳辭完畢後，裁判官表示需要時間考慮，將案件押後至明日(9/9) 09:30 續審。