#區域法院第卅一庭
#葉啓亮區域法院暫委法官
#1118油麻地 #審訊 [17/30]

🙎🏻‍♂️D2: 陳(23)
🙎🏻‍♂️D13: 黎(25)

控罪:
1）暴動 D2 & D13
2）管有適合作非法用途的工具 D2

控罪詳情按此

－－－－－－－－－－
D13的法律代表 #朱寶田大律師

承上，D13繼續出庭作供 #自辯 接受控方盤問。

👉🏻控方質疑黎被捕前反應不合情理
控方播片，顯示有幾十人在油麻地康佑大廈的凹位鐵閘前站立。控方指出無辜者的反應，應該如片中人般停下來暫避，等到比較安全時候才離開。

此外，控方亦指出彌敦道與窩打老道附近有幾十名記者，駐足拍攝在現場衝突，正常反應應該如記者般留在原地，而非跟隨示威者一起跑。控方質疑黎因為身穿全黑衣著、戴住手套，才拖住女友一起逃跑。

黎不同意上述說法。控方追問「咁有咩驅使你要跑入逃跑中嘅示威者人堆之中呀？既然你係路過，理應會擔心被誤當成示威者先係㗎？」黎：「佢有佢哋走啫，我唔係㗎嘛！」


👉🏻控：你咁關心女友咁點解女友失散咗你唔停低搵佢？
控方質疑，當示威者在逃跑期間，撞散黎拖住的女朋友時，按常理黎應該第一時間關心女朋友的下落，停下來等女朋友，甚至走回頭尋找女友下落，斥黎所謂「被人牆推住被迫走」，「隻腳係你自己，你唔跑無人逼到你㗎！……你有自由意志㗎嘛，點樣焗住你跑成程路呢？」

黎解釋「就係因為有停低過一次，但畀人撞低咗，之後起返身繼續跑唔敢再停，驚一停低就畀人踩到。想理女友但理唔到，我有keep住不停望，但見唔到女友」黎強調當時沒有機會停下來。

🥜🥜🥜🥜🥜
控方提出黎可以跨過中央分隔線石壆，避開示威者……之後法官插話。

官：你行上石壆咪可以逼開嗰啲示威者囉？
黎：點行上去啊？
官：用腳囉！
黎：咁行唔到㗎嘛！
官：咁你可以企上去㗎！
黎：點解要咁做呢？
官：咁你企上去，一來可以避開示威者人群，二來亦都可以係更加好嘅位置觀察被撞失咗嘅女朋友嘅位置。
黎：唔同意。

👉🏻控方指黎有份參與暴動
控方總結案情，指出黎當時身穿黑衫黑褲，亦戴上手套，而眾所週知示威者衣著是黑衫黑褲，示威者築路障及投擲汽油彈會用上手套，指出黎最起碼是身穿同款服飾，壯大示威者聲勢與警方對侍，所謂帶衣服替換，怕污糟等只是開脫的借口。

控方又指黎當日不取道連翔道去尖沙咀，故意駛至彌敦道，並提早在通菜街泊車步行至暴動現場。早在警方驅散前已經身處暴動一帶參與暴動。

黎不同意上述控方案情，表示對社會事件漠不關心，新聞見到才「䁽」吓。強調當日身穿的衣服背面有黃色攞個，更反問控方「如果我要參與呢啲事，點解我唔戴埋腳pad、手pad、（護）甲同埋頭盔呢？」


🟢 16:50退庭。10月12日星期三14:00續審，屆時將傳召辯方證人（D13女友母親）作供。