#西九龍裁判法院第二庭
#施祖堯裁判官
#0902旺角 #審訊 [2/2]
👩💼龐(29)
控罪：
(1) 襲警
在2019年9月2日在旺角警署外襲擊警務人員8609
(2) 管有攻擊性武器
在2019年9月2日在太子道142號公眾地方管有攻擊性武器，即一支可以發出雷射光的裝置
——————
[11:12] 開庭，控辯雙方作結案陳詞做口頭補充
🔨控方陳詞
被告被控向防暴警員PW2 8609 掟汽水罐，辯方指被告無戴口罩，人多，衣著重複，其後PW3拘捕另一姓黃女子，都係着白衫，無其他證據話現場有其他人着白衫，被告係着黑色長褲，該女子係着短褲，PW2無失去過視線。
辯方話拘捕唔用襲警，而用非法集結，並唔係無道理，當晚八點幾有超過100人在旺角警署聚集，PW2用大路嘅控罪無不合理，PW2在協助其他行動時，背脊被人用雜物掟中，令佢提高警覺，PW2講出真實所見。
P14雷射筆在被告個背囊搵到，不爭議雷射筆係攻擊性武器，爭議嘅事項係佢唔知道，佢有無意圖使用。當晚22:14集結人士不斷用雷射光射向警員，片段見到警員身上有雷射光，差唔多時間嘅人士係咪有意圖使用雷射光？被告管有雷射筆，對警方有敵意。
被告有作供，日頭在添馬公園集會，之後去咗土瓜灣家姐屋企休息，夜晚約咗人去酒吧飲酒，去到地鐵站見到有街坊、有穿反光衣人士，好奇跟住行；昨日控方盤問好似無乜方向，當晚在太子站等，去皇上皇酒吧，佢唔需要去旺角太子道西出口，佢無需要跟住街坊行，約咗朋友，會唔會跟住其他人行？控方認為佢嘅目的去嗰度係表達對警方不滿，被告無戴豬嘴、無戴口罩，無原因會畀防暴警員用盾牌撞佢。
被告背囊帶有示威者常見嘅多個工具，體積唔細，無理由會帶去飲酒，佢話帶返屋企，住喺離島，無講到喺邊度，飲完酒後，有無方法返到去？話因好奇途徑，有好大個問號；武器話係防禦性，但驚訝數量之多，被告唔帶豬嘴，話唔想被標籤為激進示威者，但在背囊搵到。
話雷射筆係朋友嘅，佢當時兩手空空，要被告幫手袋住，但點解朋友兩手空空，會帶着雷射筆和三個口罩，控方指係虛構人物。被告話要帶返物品返屋企，佢可以擺在家姐嗰度，去飲酒要帶咁多裝備，而唔係放在家姐屋企？控方指有足夠證據，證明被告嘅目的係對警方表達不滿。
⚙️辯方陳詞
警方拘捕咗被告和另一女子。控罪一嘅關鍵係PW2 8609嘅可信性，明白當時警員有壓力，被告被控訴嘅並非非法集結，而係實質嘅襲擊警員和管有攻擊性武器。主要片段由23:26～23:28，邀請法庭睇多前後2分鐘，現場環境唔係咁容易話無視線阻礙，警員8500拘捕黄姓女子，無證據指被告在23:00前到場，與8點和9點的事情無關。
拘捕過程，PW2 見到被告拎住扁平嘅汽水罐掟佢，問題係會唔會面對面掟嘢？PW2 追被告，話一惦佢就跌低，被告話係有好大力撞佢落地，睇片段係撞低佢，符合醫療報告。
PW3 PC8500 拉姓黄女子襲警，PW2 拉被告，交被告畀PW4 DPC6343，罪名係非法集結，無話襲警，現場如果有扁平嘅汽水罐，搜集係唔難，亦無問過其他警員，有無人被襲擊，唔係有經驗搜證過程，無其他助證，被告講法合理。
其他控方證人講現場好多人，懷疑PW2只係留意一個人，多過留意一班人，如果睇到佢掟嘢，追捕佢，捉到，點解告佢非法集結，而不是襲警？
控罪二 - 管有攻擊性武器，在背囊檢取物品無爭議，爭議意圖使用，根據HCMA SHY案例，要證明是作非法用途使用，雷射筆本質唔係攻擊性武器，被告接受盤問，佢有表達政治立場，控方嘅盤問係…un-contra verdict (抱歉，聽唔清楚)
辯方提到去完集會去家姐度；裁判官打段問：有份畀租，無鎖鑰無份住，合理性？（辯方無回答）
豬嘴、頭套、冰䄂係防禦性，當時集會嘅頻密，幾個口罩手套唔係好多，無咩唔合理。
被告以為雷射筆係電筒，無留意，現場無助證證明被告使用，檢取時候關咗，無證據證明被告留咗幾耐，只係揣測性推論，檢控要有前設行為，要有助證證明使用，即使法庭唔接納被告解釋，亦無證據指被告有使用。
法庭將案件押後至2022年11月14日09:30，在西九龍裁判法院第10庭作裁決，期間被告以現有條件繼續保釋。
#施祖堯裁判官
#0902旺角 #審訊 [2/2]
👩💼龐(29)
控罪：
(1) 襲警
在2019年9月2日在旺角警署外襲擊警務人員8609
(2) 管有攻擊性武器
在2019年9月2日在太子道142號公眾地方管有攻擊性武器，即一支可以發出雷射光的裝置
——————
[11:12] 開庭，控辯雙方作結案陳詞做口頭補充
🔨控方陳詞
被告被控向防暴警員PW2 8609 掟汽水罐，辯方指被告無戴口罩，人多，衣著重複，其後PW3拘捕另一姓黃女子，都係着白衫，無其他證據話現場有其他人着白衫，被告係着黑色長褲，該女子係着短褲，PW2無失去過視線。
辯方話拘捕唔用襲警，而用非法集結，並唔係無道理，當晚八點幾有超過100人在旺角警署聚集，PW2用大路嘅控罪無不合理，PW2在協助其他行動時，背脊被人用雜物掟中，令佢提高警覺，PW2講出真實所見。
P14雷射筆在被告個背囊搵到，不爭議雷射筆係攻擊性武器，爭議嘅事項係佢唔知道，佢有無意圖使用。當晚22:14集結人士不斷用雷射光射向警員，片段見到警員身上有雷射光，差唔多時間嘅人士係咪有意圖使用雷射光？被告管有雷射筆，對警方有敵意。
被告有作供，日頭在添馬公園集會，之後去咗土瓜灣家姐屋企休息，夜晚約咗人去酒吧飲酒，去到地鐵站見到有街坊、有穿反光衣人士，好奇跟住行；昨日控方盤問好似無乜方向，當晚在太子站等，去皇上皇酒吧，佢唔需要去旺角太子道西出口，佢無需要跟住街坊行，約咗朋友，會唔會跟住其他人行？控方認為佢嘅目的去嗰度係表達對警方不滿，被告無戴豬嘴、無戴口罩，無原因會畀防暴警員用盾牌撞佢。
被告背囊帶有示威者常見嘅多個工具，體積唔細，無理由會帶去飲酒，佢話帶返屋企，住喺離島，無講到喺邊度，飲完酒後，有無方法返到去？話因好奇途徑，有好大個問號；武器話係防禦性，但驚訝數量之多，被告唔帶豬嘴，話唔想被標籤為激進示威者，但在背囊搵到。
話雷射筆係朋友嘅，佢當時兩手空空，要被告幫手袋住，但點解朋友兩手空空，會帶着雷射筆和三個口罩，控方指係虛構人物。被告話要帶返物品返屋企，佢可以擺在家姐嗰度，去飲酒要帶咁多裝備，而唔係放在家姐屋企？控方指有足夠證據，證明被告嘅目的係對警方表達不滿。
⚙️辯方陳詞
警方拘捕咗被告和另一女子。控罪一嘅關鍵係PW2 8609嘅可信性，明白當時警員有壓力，被告被控訴嘅並非非法集結，而係實質嘅襲擊警員和管有攻擊性武器。主要片段由23:26～23:28，邀請法庭睇多前後2分鐘，現場環境唔係咁容易話無視線阻礙，警員8500拘捕黄姓女子，無證據指被告在23:00前到場，與8點和9點的事情無關。
拘捕過程，PW2 見到被告拎住扁平嘅汽水罐掟佢，問題係會唔會面對面掟嘢？PW2 追被告，話一惦佢就跌低，被告話係有好大力撞佢落地，睇片段係撞低佢，符合醫療報告。
PW3 PC8500 拉姓黄女子襲警，PW2 拉被告，交被告畀PW4 DPC6343，罪名係非法集結，無話襲警，現場如果有扁平嘅汽水罐，搜集係唔難，亦無問過其他警員，有無人被襲擊，唔係有經驗搜證過程，無其他助證，被告講法合理。
其他控方證人講現場好多人，懷疑PW2只係留意一個人，多過留意一班人，如果睇到佢掟嘢，追捕佢，捉到，點解告佢非法集結，而不是襲警？
控罪二 - 管有攻擊性武器，在背囊檢取物品無爭議，爭議意圖使用，根據HCMA SHY案例，要證明是作非法用途使用，雷射筆本質唔係攻擊性武器，被告接受盤問，佢有表達政治立場，控方嘅盤問係…un-contra verdict (抱歉，聽唔清楚)
辯方提到去完集會去家姐度；裁判官打段問：有份畀租，無鎖鑰無份住，合理性？（辯方無回答）
豬嘴、頭套、冰䄂係防禦性，當時集會嘅頻密，幾個口罩手套唔係好多，無咩唔合理。
被告以為雷射筆係電筒，無留意，現場無助證證明被告使用，檢取時候關咗，無證據證明被告留咗幾耐，只係揣測性推論，檢控要有前設行為，要有助證證明使用，即使法庭唔接納被告解釋，亦無證據指被告有使用。
法庭將案件押後至2022年11月14日09:30，在西九龍裁判法院第10庭作裁決，期間被告以現有條件繼續保釋。