#西九龍法院大樓第十庭 (區域法院)
#彭亮廷區域法院暫委法官
#1112中環 #審訊 [20/30]
上午進度
D1:吳(25)/ D3:陳(22)/ D4:李(24)
D7:陳(24)/ D8:梁(24)
D2:陳(25), D5:蔡(23), D6:林(23) 在首日審訊就控罪(1)認罪，還押中。
控罪：
(1) D1~D8暴動
同被控於2019年11月12日，在中環畢打街近德輔道中及干諾道中交界一帶，連同其他身分不詳的人參與暴動。
(2)~(9) D1~D8在非法集結中使用蒙面物品
各被控於同日，在中環畢打街近德輔道中及干諾道中交界一帶身處非法集結時，使用相當可能阻止識別身分的蒙面物品，即D1~D2, D4~D7使用一個口罩、D3, D8使用一條圍巾。
其他控罪、首日審訊和案情撮要：https://teleg.eu/s/youarenotalonehk_live/23543
D1法律代表： #王國豪大律師
D3法律代表： #連普禧大律師
D4法律代表： #陳珏珊大律師
D7法律代表： #田奇睿大律師
===================
[09:40] 開庭
代表D4的 #陳珏珊大律師 對裁決D4要再上庭作供作出陳詞，呈上案例CACC353/2019，判詞內容指大律師對法庭有責任，若見到認為不能修正的事，不提出而留作上訴理由是不合當，根據大律師守則，大律師對法庭的責任大於對代表當事人的責任，欲提出四個論點。
控方即時反對，不明辯方以什麼基礎來反對裁決，除非理由係好嶄新，若互相反對，沒完沒了，恆之有效的機制就會崩潰⁉️
🗣彭官以不友善的語氣：這不是裁判法院，我無權覆核自己，本席已經人慈，裁決講明D4可以選擇答與唔答，唔答可以解釋，其實無理由唔答，除非答咗係自招認罪；若果辯方要反對，請自問為何改變可以提供姓名的立場；指示大律師握要說出重點。
🗯律師激動地陳述：
1. 指出唔係可以強迫D4作供，D4已經作供完，現要求D4再作供，不是他的選擇，控方無申請，只係話如果辯方同意，控方不反對；辯方不同意。
2. 法庭早前話D4講與唔講，法庭唔會作出命令，留待陳詞，昨日裁決前都無命令。
3. 控方嘅說法係被辯方誤導，對控方不公，但盤問前無得到資料，不能認為被誤導而不作盤問。
4. 裁決對D4不公，D4係在知道可以不透露姓名之下作供，已經不可逆轉。
彭官重新無作出命令，D4可以選擇講與唔講，最終只係證供比重問題。
主控指辯方應在被告作供之前，向法庭作正式申請，以免誤會，唔係在主問期間發問，要法庭即時決定，如果當刻控方不反對，就不能再追。
[10:05] 彭官稱已經聽咗雙方陳詞和睇咗案例，不認為辯方有新論點裁決，亦無嚴重出錯，不需要更改裁決。
D4曾經作供控方不反對律師俾意見，[10:06~10:40] 休庭。
D4再次出庭作供
🔹控方盤問
D4表示現在不願意透露女仔A & B 的姓名，唔同意係虛構出嚟，唔同意當日作支援係虛構。
現在唔透露嘅原因，係基於無講身份，先透露年齡，講咗女仔參與過一啲活動，做過一啲咩行為，如果當時要透露，只會講認識兩位年青人，當時需要去搵呢兩位年青人。
唔同意如果當時係會答，因為要保持私隱，係社工責任。
唔同意控方指年齡、活動、行為對佢哋無不利影響，係有機會搵到佢哋，甚至去到A身上。
[10:48] 無覆問
[10:49] ⏺轉回傳召D3的證人 DW5 駱先生
🔸辯方主問
駱先生係D3的中學同學，一齊係排球隊隊員，大學畢業，在私家醫院任職放射師。
在案發當日約咗D3在晚上打泰拳，從2019年5月開始打，D3在7月打，當晚打拳係DW5預約，知道D3在11月13日生日，打拳不是慶祝生日，知道D3有女朋友。
對D3-4號相有印象，在X-battle 影嘅，有五個人，DW5在想的正中間，D3 係右邊第二個；DW5 有戴頭巾索汗，着黑色短袖衫，黑色短褲，因為襟污糟，衫褲係自己帶去，仲會帶水樽、毛巾、兩條拳帶。相片後方喺健身區，不另收費，DW5 有做健身，玩啞鈴、Smith架、拉背機等等，要帶健身手套。
唔知D3 在11月12日 日間有咩行程，DW5要返工，17:30放工，D3無出現，當晚有朋友通知D3被拘捕，非法集結，當時好驚訝，因為D3隨和、友善，無聽過佢有去去集會，一次都無，唔清楚佢有無罷工。
[11:11] 🔹控方盤問
11月12日係由DW5預約，經常幫佢預約，通常都超過三日前，印象中無少過三日，係可以用WhatsApp預約，特別記得係因為佢被拉，同意無寫低無記錄，係靠估算出嚟。
識咗D3 13至14年，有見過佢着其他顏色嘅衫，有見過去街唔戴口罩，打泰拳係同一堂，D3唔係每一次都做gym，如果做係唔會換衫；帶手套係想揸實啲，保護手指，手套有包手指喎，和唔包手指。
[11:20] 🔸辯方覆問
預約唔會少過三日，方便中心易安排，每班人數少，一個教練對四個。
[11:46] ⏺D7開始作供
🔸辯方主問
以65B形式呈上醫生報告，D7-1，中文譯本D7-1A，案發當日24歲，與父母和家姐同住在旺角，父親係商人，做海產批發，2017年大學畢業，任職放射師，2019年11月在法國醫院工作，返九龍城。
2019年11月11日星期一要返工，搭巴士，落巴士後覺得唔舒服，感覺到頭痛、四肢無力、氣喘、有咳，於是無返工，搭巴士返屋企，唔係即刻睇醫生，因為睇開嘅醫生診所未開門，約08:45返到屋企，在午飯之前去睇醫生，唔記得幾多點，有病假紙D7-2，醫生有開藥，睇完醫生後在家食藥休息。
有兩日病假，12號無返工，約七點起身，同女友WhatsApp，玩手機，約10點幾出街食早餐，然後返屋企瞓覺，約12點起身，在家打機，打到約14:30，同屋企人食飯，講晏啲會過海，買禮物和接女朋友，不返來食晚飯，在女友家中過夜；係買拍拖紀念日禮物，每個月都會互相送禮物、食飯，案發兩日後就係紀念日，所以買禮物；11號晚已經諗住買禮物，諗住買Tiffany 嘅鏈，之後去北角接女朋友，當日女朋友要見海關督察面試，在北角進行；同屋企人交代咗情況之後，爸爸叫D7去IFC睇翡翠螺，因為爸爸腰痛去唔到，呈上公司註冊處文件，華X食品公司嘅註冊（詳情省略）。
11月12日要去睇翡翠螺，因為收到city‘super 投訴，有好多爛咗殼，D7雖然唔係公司員工，有間中幫手，直至2019年之前，有在凍庫執倉，同埋在節日前夕，最忙嘅時候跟車送貨，凍庫係保存海產嘅儲物室，在荃灣區。
有應承去IFC睇，食飯食到14:50～14:55左右，換衫執嘢出街，白色T恤，藍色牛仔褲，執入凍庫嘅保暖衣、頭套、護目鏡、手袖，黑色短袖衫黑色短褲係要來瞓覺用，因為當晚在女朋友家中瞓，係睡衣，拎咗包藥，垃雜嘅個人物品，隱形眼鏡，眼鏡盒，鎖匙，出街時係戴眼鏡，被拘捕時都係戴眼鏡，攜帶隱形眼鏡，因為諗住13號會戴con (contact lens)，本身背囊有洗con水，戴cap帽和口罩出門，習慣唔洗頭就戴帽，戴咗深色口罩，因為驚抵抗力差，容易感染，和驚傳染其他人，12號應該好返好多，戴口罩係保護自己，保障他人，大概三點出門。
P56, P57, P58 係手䄂，護目鏡，頭套，護目鏡在凍庫用，室温係 -20度，而且兩邊有強力出風位，避免凍嘅強風直接吹入眼，會戴護目鏡，要帶係因為要入city‘super 嘅凍庫，物品係爸爸嘅，頭套防止凍風吹入口鼻耳仔，同時會着city‘super 嘅公家羽絨，帶頭套係避免直接接觸羽絨帽，手䄂係類似頭套作用，避免直接接觸羽絨。P57 護目鏡上下有膠紙，因為護目鏡有窿，膠紙係要來封住啲窿。
如果在公司凍庫工作，會再多啲物品，會有冷帽和手套，手套可以保暖，防污糟，避免受傷，呈上兩張相片，其中一張相見到D7在公司凍庫處理貨物，見到吹風機，羽絨係D7嘅，放在公司凍庫門口，見到部份護目鏡、頭套、有戴冷帽，全部放在公司，唔使由家中帶去，公司裝備唔係公用，係一人一套。另一張相見到D7爸爸在公司凍庫外邊，有羽絨、頭套、冷帽，無戴護目鏡，因為出咗凍庫除低咗，相片呈堂為D7-4A & B。
控方對相片有保留，辯方解釋相片係在2018年10月16日影，拍攝者係D7爸爸，影畀媽媽睇，因為佢擔心D7在凍庫工作會凍親，爸爸在2017年曾經凍傷，所以影畀佢睇。
主問未完，14:30續審。
#彭亮廷區域法院暫委法官
#1112中環 #審訊 [20/30]
上午進度
D1:吳(25)/ D3:陳(22)/ D4:李(24)
D7:陳(24)/ D8:梁(24)
D2:陳(25), D5:蔡(23), D6:林(23) 在首日審訊就控罪(1)認罪，還押中。
控罪：
(1) D1~D8暴動
同被控於2019年11月12日，在中環畢打街近德輔道中及干諾道中交界一帶，連同其他身分不詳的人參與暴動。
(2)~(9) D1~D8在非法集結中使用蒙面物品
各被控於同日，在中環畢打街近德輔道中及干諾道中交界一帶身處非法集結時，使用相當可能阻止識別身分的蒙面物品，即D1~D2, D4~D7使用一個口罩、D3, D8使用一條圍巾。
其他控罪、首日審訊和案情撮要：https://teleg.eu/s/youarenotalonehk_live/23543
D1法律代表： #王國豪大律師
D3法律代表： #連普禧大律師
D4法律代表： #陳珏珊大律師
D7法律代表： #田奇睿大律師
===================
[09:40] 開庭
代表D4的 #陳珏珊大律師 對裁決D4要再上庭作供作出陳詞，呈上案例CACC353/2019，判詞內容指大律師對法庭有責任，若見到認為不能修正的事，不提出而留作上訴理由是不合當，根據大律師守則，大律師對法庭的責任大於對代表當事人的責任，欲提出四個論點。
控方即時反對，不明辯方以什麼基礎來反對裁決，除非理由係好嶄新，若互相反對，沒完沒了，恆之有效的機制就會崩潰⁉️
🗣彭官以不友善的語氣：這不是裁判法院，我無權覆核自己，本席已經人慈，裁決講明D4可以選擇答與唔答，唔答可以解釋，其實無理由唔答，除非答咗係自招認罪；若果辯方要反對，請自問為何改變可以提供姓名的立場；指示大律師握要說出重點。
🗯律師激動地陳述：
1. 指出唔係可以強迫D4作供，D4已經作供完，現要求D4再作供，不是他的選擇，控方無申請，只係話如果辯方同意，控方不反對；辯方不同意。
2. 法庭早前話D4講與唔講，法庭唔會作出命令，留待陳詞，昨日裁決前都無命令。
3. 控方嘅說法係被辯方誤導，對控方不公，但盤問前無得到資料，不能認為被誤導而不作盤問。
4. 裁決對D4不公，D4係在知道可以不透露姓名之下作供，已經不可逆轉。
彭官重新無作出命令，D4可以選擇講與唔講，最終只係證供比重問題。
主控指辯方應在被告作供之前，向法庭作正式申請，以免誤會，唔係在主問期間發問，要法庭即時決定，如果當刻控方不反對，就不能再追。
[10:05] 彭官稱已經聽咗雙方陳詞和睇咗案例，不認為辯方有新論點裁決，亦無嚴重出錯，不需要更改裁決。
D4曾經作供控方不反對律師俾意見，[10:06~10:40] 休庭。
D4再次出庭作供
🔹控方盤問
D4表示現在不願意透露女仔A & B 的姓名，唔同意係虛構出嚟，唔同意當日作支援係虛構。
現在唔透露嘅原因，係基於無講身份，先透露年齡，講咗女仔參與過一啲活動，做過一啲咩行為，如果當時要透露，只會講認識兩位年青人，當時需要去搵呢兩位年青人。
唔同意如果當時係會答，因為要保持私隱，係社工責任。
唔同意控方指年齡、活動、行為對佢哋無不利影響，係有機會搵到佢哋，甚至去到A身上。
[10:48] 無覆問
[10:49] ⏺轉回傳召D3的證人 DW5 駱先生
🔸辯方主問
駱先生係D3的中學同學，一齊係排球隊隊員，大學畢業，在私家醫院任職放射師。
在案發當日約咗D3在晚上打泰拳，從2019年5月開始打，D3在7月打，當晚打拳係DW5預約，知道D3在11月13日生日，打拳不是慶祝生日，知道D3有女朋友。
對D3-4號相有印象，在X-battle 影嘅，有五個人，DW5在想的正中間，D3 係右邊第二個；DW5 有戴頭巾索汗，着黑色短袖衫，黑色短褲，因為襟污糟，衫褲係自己帶去，仲會帶水樽、毛巾、兩條拳帶。相片後方喺健身區，不另收費，DW5 有做健身，玩啞鈴、Smith架、拉背機等等，要帶健身手套。
唔知D3 在11月12日 日間有咩行程，DW5要返工，17:30放工，D3無出現，當晚有朋友通知D3被拘捕，非法集結，當時好驚訝，因為D3隨和、友善，無聽過佢有去去集會，一次都無，唔清楚佢有無罷工。
[11:11] 🔹控方盤問
11月12日係由DW5預約，經常幫佢預約，通常都超過三日前，印象中無少過三日，係可以用WhatsApp預約，特別記得係因為佢被拉，同意無寫低無記錄，係靠估算出嚟。
識咗D3 13至14年，有見過佢着其他顏色嘅衫，有見過去街唔戴口罩，打泰拳係同一堂，D3唔係每一次都做gym，如果做係唔會換衫；帶手套係想揸實啲，保護手指，手套有包手指喎，和唔包手指。
[11:20] 🔸辯方覆問
預約唔會少過三日，方便中心易安排，每班人數少，一個教練對四個。
[11:46] ⏺D7開始作供
🔸辯方主問
以65B形式呈上醫生報告，D7-1，中文譯本D7-1A，案發當日24歲，與父母和家姐同住在旺角，父親係商人，做海產批發，2017年大學畢業，任職放射師，2019年11月在法國醫院工作，返九龍城。
2019年11月11日星期一要返工，搭巴士，落巴士後覺得唔舒服，感覺到頭痛、四肢無力、氣喘、有咳，於是無返工，搭巴士返屋企，唔係即刻睇醫生，因為睇開嘅醫生診所未開門，約08:45返到屋企，在午飯之前去睇醫生，唔記得幾多點，有病假紙D7-2，醫生有開藥，睇完醫生後在家食藥休息。
有兩日病假，12號無返工，約七點起身，同女友WhatsApp，玩手機，約10點幾出街食早餐，然後返屋企瞓覺，約12點起身，在家打機，打到約14:30，同屋企人食飯，講晏啲會過海，買禮物和接女朋友，不返來食晚飯，在女友家中過夜；係買拍拖紀念日禮物，每個月都會互相送禮物、食飯，案發兩日後就係紀念日，所以買禮物；11號晚已經諗住買禮物，諗住買Tiffany 嘅鏈，之後去北角接女朋友，當日女朋友要見海關督察面試，在北角進行；同屋企人交代咗情況之後，爸爸叫D7去IFC睇翡翠螺，因為爸爸腰痛去唔到，呈上公司註冊處文件，華X食品公司嘅註冊（詳情省略）。
11月12日要去睇翡翠螺，因為收到city‘super 投訴，有好多爛咗殼，D7雖然唔係公司員工，有間中幫手，直至2019年之前，有在凍庫執倉，同埋在節日前夕，最忙嘅時候跟車送貨，凍庫係保存海產嘅儲物室，在荃灣區。
有應承去IFC睇，食飯食到14:50～14:55左右，換衫執嘢出街，白色T恤，藍色牛仔褲，執入凍庫嘅保暖衣、頭套、護目鏡、手袖，黑色短袖衫黑色短褲係要來瞓覺用，因為當晚在女朋友家中瞓，係睡衣，拎咗包藥，垃雜嘅個人物品，隱形眼鏡，眼鏡盒，鎖匙，出街時係戴眼鏡，被拘捕時都係戴眼鏡，攜帶隱形眼鏡，因為諗住13號會戴con (contact lens)，本身背囊有洗con水，戴cap帽和口罩出門，習慣唔洗頭就戴帽，戴咗深色口罩，因為驚抵抗力差，容易感染，和驚傳染其他人，12號應該好返好多，戴口罩係保護自己，保障他人，大概三點出門。
P56, P57, P58 係手䄂，護目鏡，頭套，護目鏡在凍庫用，室温係 -20度，而且兩邊有強力出風位，避免凍嘅強風直接吹入眼，會戴護目鏡，要帶係因為要入city‘super 嘅凍庫，物品係爸爸嘅，頭套防止凍風吹入口鼻耳仔，同時會着city‘super 嘅公家羽絨，帶頭套係避免直接接觸羽絨帽，手䄂係類似頭套作用，避免直接接觸羽絨。P57 護目鏡上下有膠紙，因為護目鏡有窿，膠紙係要來封住啲窿。
如果在公司凍庫工作，會再多啲物品，會有冷帽和手套，手套可以保暖，防污糟，避免受傷，呈上兩張相片，其中一張相見到D7在公司凍庫處理貨物，見到吹風機，羽絨係D7嘅，放在公司凍庫門口，見到部份護目鏡、頭套、有戴冷帽，全部放在公司，唔使由家中帶去，公司裝備唔係公用，係一人一套。另一張相見到D7爸爸在公司凍庫外邊，有羽絨、頭套、冷帽，無戴護目鏡，因為出咗凍庫除低咗，相片呈堂為D7-4A & B。
控方對相片有保留，辯方解釋相片係在2018年10月16日影，拍攝者係D7爸爸，影畀媽媽睇，因為佢擔心D7在凍庫工作會凍親，爸爸在2017年曾經凍傷，所以影畀佢睇。
主問未完，14:30續審。