#區域法院第七庭
#練錦鴻法官
#0929金鐘 #審訊 [2/40]

A18: 鄧(39) / A23: 樊(28)

控罪：
1. 暴動（所有被告）

控方代表： #葉志康大律師
A23 代表： #黃錦娟大律師

==========
下午進度

🔹控方盤問

當日15:30出門，之前無睇電視，知到有集會，由銅鑼灣去金鐘，知道無不反對通知書，知道唔會有拘捕行動，唔想有衝突，所以去叫人離開，知道交通會受阻，由北角行去金鐘，有行電車路和其他小路，經過維園上灣仔，沿途無勸人離開，因為目的地係金鐘，去到終點勸人會有效啲。

約17:00去到金鐘太古廣場附近，見到唔少示威者，佢哋行行企企，在金鐘聞到有催淚彈氣味，遠處見到白煙，當時唔離開係因為想叫人離開，叫咗約半個鐘，唔肯定有無人走，因為佢哋行嚟行去，約17:10戴上豬嘴，因為聞到催淚煙，開始唔舒服，帶手套係保護雙手，隔開催淚煙，唔同意係掉雜物。

約17:30開始跑，因為身後邊近灣仔啲人開始跑，中環方面有防暴，同意控方指一齊跑會被認為係一份子，不同意企定可以向警方解釋，不同意一齊跑係聚集，跑緊時收催淚煙影響，只係睇到少少嘢，唔同意右肩膊撞到警察，係右手臂撞到，唔肯定撞到對方邊度，唔認同係刻意撞開佢。

當日著黑衫黑褲，同示威者一致，唔著白衫係唔想被認係反對者，不同意明知有集會，著黑衫係想參與，不同意豬嘴和手套係自己帶去，不同意留低係想參與集結，1730走係因為見到警方夾擊，不是參與非法集結，而畏罪逃跑，不是刻意撞到警員，見到有橙旗，但睇唔清楚有咩字，同意當日有暴力示威。

🔸辯方覆問
當日穿黑色衫黑褲，係唔想被唔會為敵對，因為目的係要勸人走。

📍案件管理
由於A18無作供，控方的結案陳辭本來不應就A18事實作評論，但法官問控方會否評論，控方當然打蛇隨棍上。法庭指示控方在8月22日交陳辭，辯方在8月31日回應，9月18日續審作口頭補充，法庭希望在同日裁決，10月5日作判刑。