#區域法院第卅五庭
#黃士翔區域法院暫委法官
#1118尖沙咀 #營救理大 #續審 [8/15]
下午進度
D1:王(20) / D2:鄭(20) / D4:賴(28)
D6:趙(22) / D7:葉(24) / D8:羅(21)
D9:王(28)
*同案 D3鄧 及 D5吳 於開審首日承認控罪，定於2023年11月28日判刑，其中D3繼續以原有條件保釋，D5則還押候判。
控罪：
(1) D1-D9非法集結
(2) D9在公眾地方管有攻擊性武器
詳情：
(1) D1-D9 同被控於19年11月18日，在尖沙咀科學館廣場的一帶，連同其他身分不詳的人，集結在一起。
(2) D9被控於同日同地公眾地方，無合法權限或合理辯解而攜有攻擊性武器，即一個能夠發出鐳射光束的裝置。
主控：李大律師
D2：陳大律師
-------------------------------------
[14:33] 開庭
🔹控方開始盤問
被告被檢取的物品中有一部華為電話，電話入面有FB, IG等社交媒體，有時會留意到入面資訊。
病情影響行路都會痛，情況反覆，唔係成日都痛，有時行都到路，會有輕度跛行，視乎去邊決定用咩交通工具，如果遠就會坐交通工具；案發嗰朝是落街散步，會去啲有得坐嘅地方，案發地方之前曾到過，對地形/建築物得都有啲認識，但對大廈/街就未必知道，之前有到過該太興食早餐，但不是經常去，連同案發日曾到過3次，喺百周年紀念花園入去新文華中心。
辯方指剛收到控方相冊，表示之前被告未睇過，關注如果被告唔認得相中物，就會無用，被告認得相中是新文華中心，呈為控方證物P246，此入口同被告所使用的入口不同，被告離開的入口是科學館道，唔同意只有兩個入口，指還有B座貨𘋢入口，先上新文華中心1樓，有個貨𘋢位可以㩒落地下，就可以出到去，會對住華懋廣場，被告所知有此3個入口，唔算熟，但去過幾次知道有呢啲地方。
被告當日約7時到太興食早餐，坐於入面位置，望唔到科學館道，這一個小時除食早餐仲有玩電話，玩電話遊戲，唔記得有無睇社交媒體，離開時出門口便轉右，之後見到科學館近華懋廣場嗰邊有約50-60人，距離由證人坐位至對面牆相約，即約5米；被告於草圖上標示出自己見到人群時自己及人群的位置，呈上為P247，該位置向前輕望就望到；離開太興後，唔記得科學館道多唔多行人，同意當時科學館道行人不多；睇P237截圖冊第2張相，見到相中左邊有一白色招牌，寫住新文華中心，是被告當時所用的出口。
睇片段，控方指6時多時已有警方防線並有2條警察封鎖線，被告指無留意。控方指出被告話無留意是講大話，被告不同意。控方問被告覺得當時人群做緊乜，被告指無去諗佢地做緊乜，因為佢地着雜色衫喺度行緊，唔覺得出奇，佢地唔係着同一顏色或深色衫，又無叫示威口號，純粹移動，被告指喺網度睇到示威者通常着深色衫。控方指被告一身打扮是黑衫黑褲是否去抗爭？被告不同意。控方指被告知道當時理大附近有示威活動？被告指知道理大內有，但理大外附近是否發生衝突就不清楚。被告無喺網上見到圍魏救趙的貼文。被告指平時都是穿黑衫黑褲多，因會比較顯瘦。控方指被告背囊中有件粉紅色衣服，被告指是朋友送，因見被告成日穿黑衫，咁岩有件未穿過的衣服，所以轉送給被告，因是好耐之前，已忘記幾時送，放在背囊中是準備可以返到公司後替換，因為是朋友送，所以都珍惜，而朋友話她成日黑鼆鼆，所以都會穿朋友送的衫，嗰朝唔着因為嗰件粉紅色衫本身是放背囊，而自己出門口時無打算換衫，只是拎起背囊就出去。
因50-60人人數眾多，但空間唔係大，所以當時與人群企得好近，被告是返屋企時經過人群，所以就入咗人群中，被告返回住所時需經這裡，當時淨係諗住返去住所，唔用返文華中心的路，因為未出去時唔知有人群，喺太興出去時見到有出口就出，見到該出口最近，唔覺得自己身體唔方便，走入人群中會有危險，因為人群是移動中，又無做咩，唔覺得會有自身安全問題，唔覺得咁早有一群人，唔知做緊乜，會危險，行去人群中時唔記得有無留意到當時有警察。控方問如果見到有警察於科學館道人群中，會否想到是抗爭事件，被告指只是想回家。
控方指出見到人群時是心知肚明佢地抗爭示威，被告不同意。行前去參與人群目的是參與抗爭示威，被告不同意。無留意科學館道有無警察是大話，不同意。
睇D7-7最後一頁，是被告電話的截圖，是案發前的10月份，截圖原因是要證明當時叫唔到外賣。被告指2019年10月6號有大型遊行集會，所以有此記錄，忘記是幾時截，是被捕後，此圖喺新電話截的。
被告曾指經常喺淘寶買水晶滴膠的飾物，又經常到朋友家做滴膠，當天無打算到朋友家做滴膠，但刀較剪喺背囊因平時成日去，所以擺咗喺背囊，而自己無成日執背囊。
控方質疑朋友屋企無該物品？被告指鉛筆原子筆等估朋友有，但未必會有刀。因會去唔同朋友屋企整，唔止一個。唔打電話問因覺得有兩手準備會好啲，因有時工具會壞。
有泳鏡指是驚催淚彈所以買。買泳鏡因為之前試過因大型遊行集會取消外賣訂單，所以必需出去買，因此擔心警方會放催淚彈，同埋之後都會有遊行情況，驚會有催淚彈，所以都有帶，因住尖沙咀，嗰度喺公眾地方。控方問被告是否知道好多示威者都去遊行示威，會用此方法避催淚彈？被告指只知道係用護目鏡。控方指泳鏡是抗爭者常用，黑衫黑褲抗爭者亦成日着，又一大朝喺人群度，唔驚被誤會成參與？被告指唔驚，因為自己當時食完早餐見到該人群不是與認知中示威者般穿深色衫，加上佢地移動中，自己黑衫黑褲因為身形問題，泳鏡是保護自己，刀較剪係做手工用，3樣野無關連，所以唔覺會被誤會。控方指出被告無誠實講當日情況。被告不同意。
控方指盤問完成。
黃官指控方需要指出被告參與意圖。控方才指出被告行入人群不是回家，是想參與抗爭。被告不同意。被告是明知而選擇...（聽唔到後面）。被告不同意。
🔸辯方覆問
律師指被告指曾同意如要返屋企會有另一條路，請被告解釋。被告指記得有咁答，指另一路線是唔排除有其他路線，但自己唔知道。
辯方指喺新文華中心向科學館道門外有警察藍色膠帶，並以最慢速度播放片段有關警方片段，片中不同時段都見到一位着淺灰色上衣的人出現，證明可自由走動。被告指無留意有膠帶，亦無留意該人出現。律師問如當有的話，當被告穿過時亦無人制止。被告同意。
辯方指片中可見中間有架黑色車，即代表果度其實有其他人在場。被告同意。
被告亦回答辯方指，出餐廳後除了轉右，其實亦可轉左。
黃官問美麗都大廈近邊個交界？被告起初不懂如何表達，其律師指如果講唔到街名，不如畀被告講座標。被告答近重慶大廈，指美麗都大廈好似隔重慶大廈1-2個鋪位，但一定唔遠。1-2個鋪位約由證人位至公眾席最尾一行，即約12米。辯方歸納說是向佐敦方向距離重慶大廈約12.5米，證人同意。
D7作供完成。
D1明天將會作供及會有一位辯方證人。
[16:15] 完庭。明天09:30續審。
💛感謝臨時直播員💛
#黃士翔區域法院暫委法官
#1118尖沙咀 #營救理大 #續審 [8/15]
下午進度
D1:王(20) / D2:鄭(20) / D4:賴(28)
D6:趙(22) / D7:葉(24) / D8:羅(21)
D9:王(28)
*同案 D3鄧 及 D5吳 於開審首日承認控罪，定於2023年11月28日判刑，其中D3繼續以原有條件保釋，D5則還押候判。
控罪：
(1) D1-D9非法集結
(2) D9在公眾地方管有攻擊性武器
詳情：
(1) D1-D9 同被控於19年11月18日，在尖沙咀科學館廣場的一帶，連同其他身分不詳的人，集結在一起。
(2) D9被控於同日同地公眾地方，無合法權限或合理辯解而攜有攻擊性武器，即一個能夠發出鐳射光束的裝置。
主控：李大律師
D2：陳大律師
-------------------------------------
[14:33] 開庭
🔹控方開始盤問
被告被檢取的物品中有一部華為電話，電話入面有FB, IG等社交媒體，有時會留意到入面資訊。
病情影響行路都會痛，情況反覆，唔係成日都痛，有時行都到路，會有輕度跛行，視乎去邊決定用咩交通工具，如果遠就會坐交通工具；案發嗰朝是落街散步，會去啲有得坐嘅地方，案發地方之前曾到過，對地形/建築物得都有啲認識，但對大廈/街就未必知道，之前有到過該太興食早餐，但不是經常去，連同案發日曾到過3次，喺百周年紀念花園入去新文華中心。
辯方指剛收到控方相冊，表示之前被告未睇過，關注如果被告唔認得相中物，就會無用，被告認得相中是新文華中心，呈為控方證物P246，此入口同被告所使用的入口不同，被告離開的入口是科學館道，唔同意只有兩個入口，指還有B座貨𘋢入口，先上新文華中心1樓，有個貨𘋢位可以㩒落地下，就可以出到去，會對住華懋廣場，被告所知有此3個入口，唔算熟，但去過幾次知道有呢啲地方。
被告當日約7時到太興食早餐，坐於入面位置，望唔到科學館道，這一個小時除食早餐仲有玩電話，玩電話遊戲，唔記得有無睇社交媒體，離開時出門口便轉右，之後見到科學館近華懋廣場嗰邊有約50-60人，距離由證人坐位至對面牆相約，即約5米；被告於草圖上標示出自己見到人群時自己及人群的位置，呈上為P247，該位置向前輕望就望到；離開太興後，唔記得科學館道多唔多行人，同意當時科學館道行人不多；睇P237截圖冊第2張相，見到相中左邊有一白色招牌，寫住新文華中心，是被告當時所用的出口。
睇片段，控方指6時多時已有警方防線並有2條警察封鎖線，被告指無留意。控方指出被告話無留意是講大話，被告不同意。控方問被告覺得當時人群做緊乜，被告指無去諗佢地做緊乜，因為佢地着雜色衫喺度行緊，唔覺得出奇，佢地唔係着同一顏色或深色衫，又無叫示威口號，純粹移動，被告指喺網度睇到示威者通常着深色衫。控方指被告一身打扮是黑衫黑褲是否去抗爭？被告不同意。控方指被告知道當時理大附近有示威活動？被告指知道理大內有，但理大外附近是否發生衝突就不清楚。被告無喺網上見到圍魏救趙的貼文。被告指平時都是穿黑衫黑褲多，因會比較顯瘦。控方指被告背囊中有件粉紅色衣服，被告指是朋友送，因見被告成日穿黑衫，咁岩有件未穿過的衣服，所以轉送給被告，因是好耐之前，已忘記幾時送，放在背囊中是準備可以返到公司後替換，因為是朋友送，所以都珍惜，而朋友話她成日黑鼆鼆，所以都會穿朋友送的衫，嗰朝唔着因為嗰件粉紅色衫本身是放背囊，而自己出門口時無打算換衫，只是拎起背囊就出去。
因50-60人人數眾多，但空間唔係大，所以當時與人群企得好近，被告是返屋企時經過人群，所以就入咗人群中，被告返回住所時需經這裡，當時淨係諗住返去住所，唔用返文華中心的路，因為未出去時唔知有人群，喺太興出去時見到有出口就出，見到該出口最近，唔覺得自己身體唔方便，走入人群中會有危險，因為人群是移動中，又無做咩，唔覺得會有自身安全問題，唔覺得咁早有一群人，唔知做緊乜，會危險，行去人群中時唔記得有無留意到當時有警察。控方問如果見到有警察於科學館道人群中，會否想到是抗爭事件，被告指只是想回家。
控方指出見到人群時是心知肚明佢地抗爭示威，被告不同意。行前去參與人群目的是參與抗爭示威，被告不同意。無留意科學館道有無警察是大話，不同意。
睇D7-7最後一頁，是被告電話的截圖，是案發前的10月份，截圖原因是要證明當時叫唔到外賣。被告指2019年10月6號有大型遊行集會，所以有此記錄，忘記是幾時截，是被捕後，此圖喺新電話截的。
被告曾指經常喺淘寶買水晶滴膠的飾物，又經常到朋友家做滴膠，當天無打算到朋友家做滴膠，但刀較剪喺背囊因平時成日去，所以擺咗喺背囊，而自己無成日執背囊。
控方質疑朋友屋企無該物品？被告指鉛筆原子筆等估朋友有，但未必會有刀。因會去唔同朋友屋企整，唔止一個。唔打電話問因覺得有兩手準備會好啲，因有時工具會壞。
有泳鏡指是驚催淚彈所以買。買泳鏡因為之前試過因大型遊行集會取消外賣訂單，所以必需出去買，因此擔心警方會放催淚彈，同埋之後都會有遊行情況，驚會有催淚彈，所以都有帶，因住尖沙咀，嗰度喺公眾地方。控方問被告是否知道好多示威者都去遊行示威，會用此方法避催淚彈？被告指只知道係用護目鏡。控方指泳鏡是抗爭者常用，黑衫黑褲抗爭者亦成日着，又一大朝喺人群度，唔驚被誤會成參與？被告指唔驚，因為自己當時食完早餐見到該人群不是與認知中示威者般穿深色衫，加上佢地移動中，自己黑衫黑褲因為身形問題，泳鏡是保護自己，刀較剪係做手工用，3樣野無關連，所以唔覺會被誤會。控方指出被告無誠實講當日情況。被告不同意。
控方指盤問完成。
黃官指控方需要指出被告參與意圖。控方才指出被告行入人群不是回家，是想參與抗爭。被告不同意。被告是明知而選擇...（聽唔到後面）。被告不同意。
🔸辯方覆問
律師指被告指曾同意如要返屋企會有另一條路，請被告解釋。被告指記得有咁答，指另一路線是唔排除有其他路線，但自己唔知道。
辯方指喺新文華中心向科學館道門外有警察藍色膠帶，並以最慢速度播放片段有關警方片段，片中不同時段都見到一位着淺灰色上衣的人出現，證明可自由走動。被告指無留意有膠帶，亦無留意該人出現。律師問如當有的話，當被告穿過時亦無人制止。被告同意。
辯方指片中可見中間有架黑色車，即代表果度其實有其他人在場。被告同意。
被告亦回答辯方指，出餐廳後除了轉右，其實亦可轉左。
黃官問美麗都大廈近邊個交界？被告起初不懂如何表達，其律師指如果講唔到街名，不如畀被告講座標。被告答近重慶大廈，指美麗都大廈好似隔重慶大廈1-2個鋪位，但一定唔遠。1-2個鋪位約由證人位至公眾席最尾一行，即約12米。辯方歸納說是向佐敦方向距離重慶大廈約12.5米，證人同意。
D7作供完成。
D1明天將會作供及會有一位辯方證人。
[16:15] 完庭。明天09:30續審。
💛感謝臨時直播員💛