#區域法院第卅五庭
#黃士翔區域法院暫委法官
#1118尖沙咀 #營救理大 #續審 [9/15]
上午進度
D1:王(20) / D2:鄭(20) / D4:賴(28)
D6:趙(22) / D7:葉(24) / D8:羅(21)
D9:王(28)
*同案 D3鄧 及 D5吳 於開審首日承認控罪，定於2023年11月28日判刑，其中D3繼續以原有條件保釋，D5則還押候判。
控罪：
(1) D1-D9非法集結
(2) D9在公眾地方管有攻擊性武器
詳情：
(1) D1-D9 同被控於19年11月18日，在尖沙咀科學館廣場的一帶，連同其他身分不詳的人，集結在一起。
(2) D9被控於同日同地公眾地方，無合法權限或合理辯解而攜有攻擊性武器，即一個能夠發出鐳射光束的裝置。
主控：李大律師
D2：陳大律師
-------------------------------------
⏺D1開始作供
🔸辯方主問
呈上一份被告工作及資歷證明的文件夾，分別為D1(5/6/7/8/9/10/11)。
前因：
案發前一天即11月17日，被告當時於上環一日式餐廳做兼職侍應。交件夾項目12是當時兼職更表，顯示到被告姓名及職級，案發當天需上班，返12點。文件呈為D1(12)。
除做兼職外，當時仲讀緊書，是健康科學副學士，課程本身2年，因其中一科成積比較差，所以要用第3年即19-20年上堂，每星期上2堂，其餘時間會做兼職，大約2018年6月左右開始於該餐廳做兼職。
被告在11月17日晚上約11點半放工後，打電話給中學同學蔡同學，因好耐無見，約見面。對方指18號要返學，被告便提議18號朝早食早餐，蔡同意。蔡於尖東返學，便約07:45尖東站P2出口等，被告提議去number9coffee食，有去過此餐廳，位於百周年紀念花園附近，在希爾頓大廈內，餐廳07:30開始營業。
當天拘捕前發生的事情
蔡於東海商業中心上堂，被告當天遲到少少，約50分才到P2出口地面，到達後隔1-2分鐘蔡就到。當日被告穿酒紅色短袖tee，灰色長褲，黑色nike鞋。警方從沒檢取此衣着作證物，當時有藍色adidas背囊，即控方證物P8。見面後2人步行往餐廳，離開P2出口向左冠華中心出面行人路，經冠華中心後經好時中心後面麼地廣場，之後穿過安達中心同半島中心小路，轉右到希爾頓中心外。因2人都有食煙，所以便決定一齊食完煙再食早餐，知道餐廳門口是百週年花園範圍，係唔食得煙，被告唔熟邊度可以食煙，蔡在附近返學，便提議到南洋中心門口食，2人經過百週年花園噴水池向南洋中心行，最終去到南洋中心門口面向百週年紀念花園，便開始食煙。將證物D1(2)給被告睇，被告確認地圖上紅色筆所繪畫路線是自己畫，顯示到被告由P2至南洋中心面向百週年花園位置，沿途有留意環境，無見到黑衣人及示威人士，亦沒有見到警方防線。2人食咗約5-7分鐘煙，當時大約08:13左右，2人聽到科學館廣場方向有叫囂聲，當時唔知科學館廣場喺邊，好奇下便去睇發生咩事，2人沿新文華中心同南洋中心中間小路入去，行到小路盡頭時，因太多車停泊，睇唔到前面情況，2人沿科學館廣場入面U字行人路，行至華懋廣場外行人路上，因沿途多車，隔住啲車睇唔到情況，行到嗰度先見到。睇地圖D1(2)，路線正確反映被告證供。到華懋廣場外隔住車路，見到有班人擔住遮，之後2人便決定轉身離開，沿入來的方向沿路走，一擰轉面就聞到催淚煙味，2人本想繼續走，當時身邊得稀疏幾個行人，但到華懋廣場外行人路時，有班人從新文華中心方向斜襲咁來，即佢地由側邊方向過來，約100人，將2人夾在中間離開唔到，2人在行人路，其他人於車路方向衝上來塞住咗條路，周圍附近泊咗車，無乜罅可以走到，幾秒後聽到有警察叫大家雙手擺頭踎低，當時蔡在被告隔離。被告指當日無意圖去參與示威及集會支持示威者，無意圖參與非法集結。
其後2人均到了深水埗警署，但分開被警方處理，被告先被安排於大地等，當時無用黑色短袖tee綁在頸上，仍穿着酒紅色短袖tee，於大地時是自己睇住藍色背囊，等候約1小時內由沙展7431帶入BF29號房。
房內事情
除D1及處理D1的警員，當時亦有其他警員，是於開放式空間處理各人，房內都嘈，因為好多人一齊講野，當時沙展於長褲褲袋中搜出包括一個錢包，內有現金，身份證，同八達通，褲袋內亦有黑色iphone連sim卡。搜身後就搜藍色背囊，有內格及細格，是睇住沙展搜的，記得沙展證供指於細格內只搵到2枝生理鹽水P5，亦找到cippo火機燃料P17，但被告不同意，當時細格亦有一抽屋企鎖匙，1個cippo火機。畀被告睇PD1(3)，認得是cippo火機，即是剛才提的同一個火機，PD1(3)呈堂為D1(3)。細格仲有包開咗的萬事發香煙，約仲有6-7枝。睇相片PD1(4a)及證物PD1(4)，是剛才提到同一牌子及味道的香煙及煙盒，PD1(4)呈為D1(4)，相片呈為D1(4a)。辯方指細格仲有一副啡色框眼鏡，即控方證物P7。
被告同意於大格找到：
風褸P10，放在Adidas鞋袋，
一件黑色Uniqlo 短袖tee P12，
袋裡有1對Adidas 白色襪 P14，
白色tee P13，
灰色3M口罩連2個粉紅色瀘罐 P18。
睇完證物有即時歸還：煙，火機，鎖匙，銀包，現金，身份證。是搵大透明膠袋入住，喺BG29號房交還給被告。其後帶被告到深水埗警署入面另一間房，房中有其他警員，之後由其他警員幫被告影相及打字。其間都是被告手揸白色膠袋，其後於19號中午便擔保離開。
早休20分鐘。
再開庭：
被告當日早上由元朗屋企出發到尖東地鐵站，離家時已攜帶藍色背囊。
攜有背囊內物品的原因
P5 2枝生理鹽水：因工作時時常有客打爛碗碟情況出現，收拾時有機會整到，會用生理鹽水清潔傷口，餐廳只有消毒火酒，自己怕「那」會買生理鹽水用，每次返餐廳都會帶。
P6 黑色手套
P7 眼鏡 （士啤，驚本身帶果副會爛）
P9 黑色adidas tee （出完汗後替換）
P13 白色tee （出完汗後替換）
P14 白色物襪（出完汗後替換）
被告指以上都是平時做運動即踢波時會帶，雖然當晚無諗住踢波，因平時出街都用果個背囊，平時無執袋會擺入面，踢波習慣已有5-6年左右，平均1至2星期會有一場。證物P10是黑色風褸，收工時如果涼可以保暖，當時11月早晚都比較涼，黑色噤污糟。
睇證物P12黑色短袖Tee，是從餐廳所提供的制服中拎返屋企洗，因餐廳是提供淨黑色tee作為制服，本身公司每星期會提供一次洗衣服務，但自己覺得洗得唔乾淨着完會痕，便決定拎返屋企洗，P12是已洗乾淨的，是預備帶返公司開工用。
P16 深色 Nike 長褲 （開工着）
P11 黑粉紅色vans鞋 （開工着）
當時公司有要求要深色褲同鞋，而公司亦只提供上衣，所以褲同鞋要自己買。
鞋同褲均放在黑色Adidas索繩鞋袋P15內，因返工周圍踩，唔想對鞋整污糟背囊入面。
P17是放於背囊細格，根據專家報告仲有46毫升，仲有銀色cippo火機，火機是食煙用，嗰日早出門口，驚火機內燃料唔夠挨到夜晚所以要帶定，律師問點解唔預早注滿火機就唔洗帶？被告指因為入得太滿有機會瀉出來，同埋燃料會隨時間而揮發，所以便帶在身。
睇D1(3a/b/c），相片由證人拍攝，3a相片是純粹開火機蓋，3b是內膽，3c是注入火機燃料情況，該火機是必須入Cippo火機燃料，被告指因為外形靚，當時細個比較注重物質，香煙是自己食，上班前後或中間客人較少時可以食煙。P18面罩連瀘罐因返工有需要用到，因鋪頭於地庫，廁所排污系統有淤塞問題，如果塞咗要打開化糞池畀人檢查，化糞池位於密閉空間，所以會有面罩阻隔氣味，案發前曾有用到該面罩，因排污系統塞了，於關門後便要檢查。普通手術口罩唔能夠有效阻擋臭味。除工作原因，平日收工時會由上環搭巴士到元朗市中心轉小巴返屋企，而落車行去搭小巴果段路，必需經過青山公路元朗段行到谷亭街交界，自2019年10月開始果度間中有示威，記得警方有喺附近發過催淚彈，而自己聞過，所以就買來保護自己。
被告不同意生理鹽水及黑色上衣黑色褲口罩等可存放公司，因餐廳員工數量多，樓面+廚房超過30人，到被告入職時已無多餘的儲物櫃給被告，因此返工物品需每日帶去亦要每日帶走。
辯方指P17放背囊，萬一漏出來會好危險？！被告指只要個罐無被吉穿，其實燃料唔會漏出，所以唔擔心，因為喺屋企入完後將罐平放或倒轉放都無漏。
被告在19年11月有透過社交媒體知道理大發生暴力事件，當天仍約蔡見面，因蔡當時學校仍運作中，大部份鋪亦有開，沿途都唔覺同平時有大分別，所以覺得嗰個範圍無受理大事件影響。自己所知當日由希爾頓中心至理大，大概腳程需起碼10分鐘。
小休5分鐘讓控方簡單組織盤問內容。
1248再開庭
🔹控方盤問
被告指知道蔡返8:30但唔知幾點放學，自己前一天是晚上11:30放工，返到屋企大約1點。唔記得返到去後做咩。約咗07:45需6點起身。根據更表是15:00-17:30落場，因自己當時在上環上班而不是尖沙咀，所以不是順路。唔清楚蔡放咗學未。被告補充指3點打咭後會食員工飯，食完公司餐飯大約15:45，再搵對方時間唔充裕。被告指對方對上環路唔熟悉，所以唔放心對方咁做。黃官問餐廳位置，被告指上環德輔道中，大廈門口於地面，但餐廳入口於地庫。以被告認知朋友對於未去過地方……（sorry聽唔切🙏🏾），這是憑被告自己認識對方多年及出過好多次街的經驗，被告指數唔哂與蔡出過幾次街。
控方盤問未完。
12:57休庭，14:30再續。
💛感謝臨時直播員💛
#黃士翔區域法院暫委法官
#1118尖沙咀 #營救理大 #續審 [9/15]
上午進度
D1:王(20) / D2:鄭(20) / D4:賴(28)
D6:趙(22) / D7:葉(24) / D8:羅(21)
D9:王(28)
*同案 D3鄧 及 D5吳 於開審首日承認控罪，定於2023年11月28日判刑，其中D3繼續以原有條件保釋，D5則還押候判。
控罪：
(1) D1-D9非法集結
(2) D9在公眾地方管有攻擊性武器
詳情：
(1) D1-D9 同被控於19年11月18日，在尖沙咀科學館廣場的一帶，連同其他身分不詳的人，集結在一起。
(2) D9被控於同日同地公眾地方，無合法權限或合理辯解而攜有攻擊性武器，即一個能夠發出鐳射光束的裝置。
主控：李大律師
D2：陳大律師
-------------------------------------
⏺D1開始作供
🔸辯方主問
呈上一份被告工作及資歷證明的文件夾，分別為D1(5/6/7/8/9/10/11)。
前因：
案發前一天即11月17日，被告當時於上環一日式餐廳做兼職侍應。交件夾項目12是當時兼職更表，顯示到被告姓名及職級，案發當天需上班，返12點。文件呈為D1(12)。
除做兼職外，當時仲讀緊書，是健康科學副學士，課程本身2年，因其中一科成積比較差，所以要用第3年即19-20年上堂，每星期上2堂，其餘時間會做兼職，大約2018年6月左右開始於該餐廳做兼職。
被告在11月17日晚上約11點半放工後，打電話給中學同學蔡同學，因好耐無見，約見面。對方指18號要返學，被告便提議18號朝早食早餐，蔡同意。蔡於尖東返學，便約07:45尖東站P2出口等，被告提議去number9coffee食，有去過此餐廳，位於百周年紀念花園附近，在希爾頓大廈內，餐廳07:30開始營業。
當天拘捕前發生的事情
蔡於東海商業中心上堂，被告當天遲到少少，約50分才到P2出口地面，到達後隔1-2分鐘蔡就到。當日被告穿酒紅色短袖tee，灰色長褲，黑色nike鞋。警方從沒檢取此衣着作證物，當時有藍色adidas背囊，即控方證物P8。見面後2人步行往餐廳，離開P2出口向左冠華中心出面行人路，經冠華中心後經好時中心後面麼地廣場，之後穿過安達中心同半島中心小路，轉右到希爾頓中心外。因2人都有食煙，所以便決定一齊食完煙再食早餐，知道餐廳門口是百週年花園範圍，係唔食得煙，被告唔熟邊度可以食煙，蔡在附近返學，便提議到南洋中心門口食，2人經過百週年花園噴水池向南洋中心行，最終去到南洋中心門口面向百週年紀念花園，便開始食煙。將證物D1(2)給被告睇，被告確認地圖上紅色筆所繪畫路線是自己畫，顯示到被告由P2至南洋中心面向百週年花園位置，沿途有留意環境，無見到黑衣人及示威人士，亦沒有見到警方防線。2人食咗約5-7分鐘煙，當時大約08:13左右，2人聽到科學館廣場方向有叫囂聲，當時唔知科學館廣場喺邊，好奇下便去睇發生咩事，2人沿新文華中心同南洋中心中間小路入去，行到小路盡頭時，因太多車停泊，睇唔到前面情況，2人沿科學館廣場入面U字行人路，行至華懋廣場外行人路上，因沿途多車，隔住啲車睇唔到情況，行到嗰度先見到。睇地圖D1(2)，路線正確反映被告證供。到華懋廣場外隔住車路，見到有班人擔住遮，之後2人便決定轉身離開，沿入來的方向沿路走，一擰轉面就聞到催淚煙味，2人本想繼續走，當時身邊得稀疏幾個行人，但到華懋廣場外行人路時，有班人從新文華中心方向斜襲咁來，即佢地由側邊方向過來，約100人，將2人夾在中間離開唔到，2人在行人路，其他人於車路方向衝上來塞住咗條路，周圍附近泊咗車，無乜罅可以走到，幾秒後聽到有警察叫大家雙手擺頭踎低，當時蔡在被告隔離。被告指當日無意圖去參與示威及集會支持示威者，無意圖參與非法集結。
其後2人均到了深水埗警署，但分開被警方處理，被告先被安排於大地等，當時無用黑色短袖tee綁在頸上，仍穿着酒紅色短袖tee，於大地時是自己睇住藍色背囊，等候約1小時內由沙展7431帶入BF29號房。
房內事情
除D1及處理D1的警員，當時亦有其他警員，是於開放式空間處理各人，房內都嘈，因為好多人一齊講野，當時沙展於長褲褲袋中搜出包括一個錢包，內有現金，身份證，同八達通，褲袋內亦有黑色iphone連sim卡。搜身後就搜藍色背囊，有內格及細格，是睇住沙展搜的，記得沙展證供指於細格內只搵到2枝生理鹽水P5，亦找到cippo火機燃料P17，但被告不同意，當時細格亦有一抽屋企鎖匙，1個cippo火機。畀被告睇PD1(3)，認得是cippo火機，即是剛才提的同一個火機，PD1(3)呈堂為D1(3)。細格仲有包開咗的萬事發香煙，約仲有6-7枝。睇相片PD1(4a)及證物PD1(4)，是剛才提到同一牌子及味道的香煙及煙盒，PD1(4)呈為D1(4)，相片呈為D1(4a)。辯方指細格仲有一副啡色框眼鏡，即控方證物P7。
被告同意於大格找到：
風褸P10，放在Adidas鞋袋，
一件黑色Uniqlo 短袖tee P12，
袋裡有1對Adidas 白色襪 P14，
白色tee P13，
灰色3M口罩連2個粉紅色瀘罐 P18。
睇完證物有即時歸還：煙，火機，鎖匙，銀包，現金，身份證。是搵大透明膠袋入住，喺BG29號房交還給被告。其後帶被告到深水埗警署入面另一間房，房中有其他警員，之後由其他警員幫被告影相及打字。其間都是被告手揸白色膠袋，其後於19號中午便擔保離開。
早休20分鐘。
再開庭：
被告當日早上由元朗屋企出發到尖東地鐵站，離家時已攜帶藍色背囊。
攜有背囊內物品的原因
P5 2枝生理鹽水：因工作時時常有客打爛碗碟情況出現，收拾時有機會整到，會用生理鹽水清潔傷口，餐廳只有消毒火酒，自己怕「那」會買生理鹽水用，每次返餐廳都會帶。
P6 黑色手套
P7 眼鏡 （士啤，驚本身帶果副會爛）
P9 黑色adidas tee （出完汗後替換）
P13 白色tee （出完汗後替換）
P14 白色物襪（出完汗後替換）
被告指以上都是平時做運動即踢波時會帶，雖然當晚無諗住踢波，因平時出街都用果個背囊，平時無執袋會擺入面，踢波習慣已有5-6年左右，平均1至2星期會有一場。證物P10是黑色風褸，收工時如果涼可以保暖，當時11月早晚都比較涼，黑色噤污糟。
睇證物P12黑色短袖Tee，是從餐廳所提供的制服中拎返屋企洗，因餐廳是提供淨黑色tee作為制服，本身公司每星期會提供一次洗衣服務，但自己覺得洗得唔乾淨着完會痕，便決定拎返屋企洗，P12是已洗乾淨的，是預備帶返公司開工用。
P16 深色 Nike 長褲 （開工着）
P11 黑粉紅色vans鞋 （開工着）
當時公司有要求要深色褲同鞋，而公司亦只提供上衣，所以褲同鞋要自己買。
鞋同褲均放在黑色Adidas索繩鞋袋P15內，因返工周圍踩，唔想對鞋整污糟背囊入面。
P17是放於背囊細格，根據專家報告仲有46毫升，仲有銀色cippo火機，火機是食煙用，嗰日早出門口，驚火機內燃料唔夠挨到夜晚所以要帶定，律師問點解唔預早注滿火機就唔洗帶？被告指因為入得太滿有機會瀉出來，同埋燃料會隨時間而揮發，所以便帶在身。
睇D1(3a/b/c），相片由證人拍攝，3a相片是純粹開火機蓋，3b是內膽，3c是注入火機燃料情況，該火機是必須入Cippo火機燃料，被告指因為外形靚，當時細個比較注重物質，香煙是自己食，上班前後或中間客人較少時可以食煙。P18面罩連瀘罐因返工有需要用到，因鋪頭於地庫，廁所排污系統有淤塞問題，如果塞咗要打開化糞池畀人檢查，化糞池位於密閉空間，所以會有面罩阻隔氣味，案發前曾有用到該面罩，因排污系統塞了，於關門後便要檢查。普通手術口罩唔能夠有效阻擋臭味。除工作原因，平日收工時會由上環搭巴士到元朗市中心轉小巴返屋企，而落車行去搭小巴果段路，必需經過青山公路元朗段行到谷亭街交界，自2019年10月開始果度間中有示威，記得警方有喺附近發過催淚彈，而自己聞過，所以就買來保護自己。
被告不同意生理鹽水及黑色上衣黑色褲口罩等可存放公司，因餐廳員工數量多，樓面+廚房超過30人，到被告入職時已無多餘的儲物櫃給被告，因此返工物品需每日帶去亦要每日帶走。
辯方指P17放背囊，萬一漏出來會好危險？！被告指只要個罐無被吉穿，其實燃料唔會漏出，所以唔擔心，因為喺屋企入完後將罐平放或倒轉放都無漏。
被告在19年11月有透過社交媒體知道理大發生暴力事件，當天仍約蔡見面，因蔡當時學校仍運作中，大部份鋪亦有開，沿途都唔覺同平時有大分別，所以覺得嗰個範圍無受理大事件影響。自己所知當日由希爾頓中心至理大，大概腳程需起碼10分鐘。
小休5分鐘讓控方簡單組織盤問內容。
1248再開庭
🔹控方盤問
被告指知道蔡返8:30但唔知幾點放學，自己前一天是晚上11:30放工，返到屋企大約1點。唔記得返到去後做咩。約咗07:45需6點起身。根據更表是15:00-17:30落場，因自己當時在上環上班而不是尖沙咀，所以不是順路。唔清楚蔡放咗學未。被告補充指3點打咭後會食員工飯，食完公司餐飯大約15:45，再搵對方時間唔充裕。被告指對方對上環路唔熟悉，所以唔放心對方咁做。黃官問餐廳位置，被告指上環德輔道中，大廈門口於地面，但餐廳入口於地庫。以被告認知朋友對於未去過地方……（sorry聽唔切🙏🏾），這是憑被告自己認識對方多年及出過好多次街的經驗，被告指數唔哂與蔡出過幾次街。
控方盤問未完。
12:57休庭，14:30再續。
💛感謝臨時直播員💛