#區域法院第卅二庭
#陳廣池法官
#0721元朗 #721唔見人 #審訊 [8/25]
下午進度
A1: 林卓廷 (43) / A2: 庾 (35)
A3: 陳 (37) / A4: 葉 (31)
A5: 鄺 (26) / A6: 尹 (48)
A7: 楊 (26)
🛑林卓廷因另案已還押逾31個月
控罪： 暴動（所有被告）
案情：
被控於2019年7月21日，在新界元朗站大堂連同其他身份不詳的人參與暴動。
干犯香港法例第245章《公安條例》第19 (1) 和 (2) 條。
背景：
2019年7月21日晚上，大批身穿白衣、手執藤條、木棍等武器的暴徒在元朗站發動恐怖襲擊，無差別攻擊手無寸鐵的乘客及途人，市民自衛，最新資料顯示先後有五名軍裝警員到達元朗站，目睹案發情況，竟然轉身不顧而去。前立法會議員林卓廷在案發後到場，協助受襲市民，因而受傷，事後竟被指帶頭暴動，指鹿為馬，與其他受害者被無理拘捕。本案在2020年8月27日首次提堂。
控方代表：高級檢控官 #程慧明 及 #岑頴欣
A1代表：#黃錦娟大律師
A2代表：#李百秋大律師
A3代表：#潘熙資深大律師
A4代表：#鄭凱霖大律師
A5代表：#周慶澎大律師
A6代表：#黎建華大律師
A7代表：#曾敏怡大律師
============
[14:37] 開庭
繼續由 PW1 退休鄧警長 7520 作供
🔸辯方盤問 A1 律師
PW1在1983年12月入職，多年在新界北總區工作，2017年係第二次加入元朗警民關係科，熟悉元朗區地方和人士，有保持與當地人士聯絡，2017年前已經認識元朗區議員黃偉賢，PW1的個人電話係公私兩用，認識另一警民關係科黃偉勤(音)警長，上司同係鍾總督察。
PW1回覆陳官，警民關係科，不屬於刑事偵緝，刑事偵緝係收集與案件有關資料，警民關係科係收集包括民生情況，廣闊啲，如果收到有關於刑事偵緝嘅資料，會交由上司轉介。
知道2019年嘅示威遊行，因為由6月尾至7月16日不在港，不知道李薊貽在2019年7月11日在十八鄉鄉事委員會蠶村代表就職禮上發言；唔知到7月15日何君堯在Facebook 直播。
PW1有留意社會對元朗表態，但唔記得幾日後打電話畀黃偉賢，問佢有無收到消息有關元朗遊行，唔記得黃答PW有收到，又唔記得19號黃打電話畀PW1報料，黃話收到村民講，21號鄉事「吹大雞」，律師指PW1回答黃「有部署有安排」，PW1唔同意，稱自己做唔到部署/安排，唔會咁答。
陳官奇怪PW1唔記得，指PW1自己講嘅嘢都唔記得？作供唔係吹水。
律師指在7月19日PW1不單止從黃知道事情，亦可能從其它渠道知道⋯⋯，陳官阻止發問，指用「可能」字眼對證人唔公平，辯方修改問題：7月19日PW1不單止從黃知道事情，亦從其它渠道知召集人手，PW1同意，知道有人返嚟保衛家園，從Facebook 、市民、村民知道，修正供詞，同意答黃偉賢有部署有安排。
PW1唔知道在20號當日，有一名元朗居民稱，721有一場好戲，唔知道在21號中午時分元朗已經吹咗雞，唔知道警方在下午有發放訊息俾區議員，稱已經安排人手。傍晚收到黃偉賢電話，但唔記得黃話嗰晚七點幾，有過百名白衣人手持棍、藤條，在鳳攸北街聚集，唔記得黃講有市民報警，不過唔成功，PW1話無可能唔成功。律師指控辯雙方已經有承認事實，當晚19:07～21:43，警方收到超過500人報警。唔記得黃有講，唔記得黃要求派人去了解，唔記得/唔同意答黃揾伙記去睇。
律師叫PW1睇地圖D6(3)，指出雞地嘅範圍，有路由鳳攸北街休憩處經形點一二期，去元朗西鐵站E/F入口，路程約250米，行兩三分鐘，PW1唔同意，估計300～400米，行5～10分鐘。
PW1當日無聽過有市民話擔心返屋企會被伏擊，叫警車在街道巡邏。
因PW1 在主問時話收到黃偉賢電話後，有上網睇資料，律師想向PW1展示相片，被陳官阻止，話如果畀幾百張咁點認，叫PW1自己講當日睇過咩相，PW1睇過一張好震撼，一個人嘅背脊被鞭打，律師指係辯方相片D4(21)，PW1同意。
律師申請向PW1展示幾張相，有白衣人在大旗嶺和南邊圍聚集，PW話無睇過，律師再展示一張白衣人在廈村鄉聚集，PW話認得，律師不經意地講：「梗係認得啦，你係村長」，之後再展示在鳳攸北街、元朗市區、鳳翔路消防局聚集的相，PW1都係無睇過，律師帶出白衣人在不同地點出現，又被陳官阻止，話已經答咗唔知，咁樣再問有引導性，暗指證人失職，阻止唔畀再用這些相片作跟進。
律師修改問題，PW1同意在19號收到訊息，在21號收到區議員與地區人士訊息，知道「吹大雞」係發生緊。
黃偉賢在21:15與PW1通電話，但唔記得在15～20分鐘後，黃偉賢再打電話畀PW1，話仲未有警察到鳳攸北街現場，唔記得有回應：「有便衣到場」，PW1指唔知道有無便衣去現場。當晚無聽過有市民報警，警方回覆：「驚就唔好出街」。
聽完林卓廷電話之後，有再打電話俾黃偉賢，律師指出：
- 在任何對話當中，無叫黃偉賢叫林卓廷唔好入元朗（唔同意）
- 知道林卓廷入緊元朗（同意）
- 無叫黃偉賢唔好返元朗（同意）
- 無同黃偉賢講去元朗站，警方係保護到佢（同意）
- 同林卓廷嘅對話中，無叫林唔好入元朗（唔同意）
- 同林卓廷對話時已經睇咗藤條嘅相（同意）
- 林卓廷自我介紹完之後，講：「做乜警方咁離譜，黑社會在黃昏聚集，點做嘢㗎？」（無講過）
- 林卓廷要求警方打擊和驅散（無講過）
- 林卓廷話坐西鐵去元朗站，監察警方處理（同意）
- 佢叫你匯報（無）
- 無問有無足夠警力，點樣部署？（唔同意，聽到佢話入元朗站，吓咗一聲驚訝，因為佢唔關元朗事，點解入嚟）
- 吓一聲係擔心監察多於驚訝（唔同意）
- 佢入元朗係睇實警方（同意）
- 林叫警方加大力道（同意）
- 林無話唔需要保護（唔同意）
- 通話之後將大概內容同上司匯報（同意）
- 無書面記錄（同意）
- 唔知上司有無做紀錄（同意）
- 第一次做紀錄係在2020年8月20日（同意）
- 係在休假期間回覆（同意）
PW1唔知道當晚元朗警署拉咗閘，唔知道市民入唔到，唔知道當晚元朗有幾多軍裝當值。元朗控制室DOR係在7月21日之前已經成立，但唔知幾時。
A1盤問完畢，其他律師有盤問。
[16:20] 案件押後至明日(27/10) 10:00 續審。
#陳廣池法官
#0721元朗 #721唔見人 #審訊 [8/25]
下午進度
A1: 林卓廷 (43) / A2: 庾 (35)
A3: 陳 (37) / A4: 葉 (31)
A5: 鄺 (26) / A6: 尹 (48)
A7: 楊 (26)
🛑林卓廷因另案已還押逾31個月
控罪： 暴動（所有被告）
案情：
被控於2019年7月21日，在新界元朗站大堂連同其他身份不詳的人參與暴動。
干犯香港法例第245章《公安條例》第19 (1) 和 (2) 條。
背景：
2019年7月21日晚上，大批身穿白衣、手執藤條、木棍等武器的暴徒在元朗站發動恐怖襲擊，無差別攻擊手無寸鐵的乘客及途人，市民自衛，最新資料顯示先後有五名軍裝警員到達元朗站，目睹案發情況，竟然轉身不顧而去。前立法會議員林卓廷在案發後到場，協助受襲市民，因而受傷，事後竟被指帶頭暴動，指鹿為馬，與其他受害者被無理拘捕。本案在2020年8月27日首次提堂。
控方代表：高級檢控官 #程慧明 及 #岑頴欣
A1代表：#黃錦娟大律師
A2代表：#李百秋大律師
A3代表：#潘熙資深大律師
A4代表：#鄭凱霖大律師
A5代表：#周慶澎大律師
A6代表：#黎建華大律師
A7代表：#曾敏怡大律師
============
[14:37] 開庭
繼續由 PW1 退休鄧警長 7520 作供
🔸辯方盤問 A1 律師
PW1在1983年12月入職，多年在新界北總區工作，2017年係第二次加入元朗警民關係科，熟悉元朗區地方和人士，有保持與當地人士聯絡，2017年前已經認識元朗區議員黃偉賢，PW1的個人電話係公私兩用，認識另一警民關係科黃偉勤(音)警長，上司同係鍾總督察。
PW1回覆陳官，警民關係科，不屬於刑事偵緝，刑事偵緝係收集與案件有關資料，警民關係科係收集包括民生情況，廣闊啲，如果收到有關於刑事偵緝嘅資料，會交由上司轉介。
知道2019年嘅示威遊行，因為由6月尾至7月16日不在港，不知道李薊貽在2019年7月11日在十八鄉鄉事委員會蠶村代表就職禮上發言；唔知到7月15日何君堯在Facebook 直播。
PW1有留意社會對元朗表態，但唔記得幾日後打電話畀黃偉賢，問佢有無收到消息有關元朗遊行，唔記得黃答PW有收到，又唔記得19號黃打電話畀PW1報料，黃話收到村民講，21號鄉事「吹大雞」，律師指PW1回答黃「有部署有安排」，PW1唔同意，稱自己做唔到部署/安排，唔會咁答。
陳官奇怪PW1唔記得，指PW1自己講嘅嘢都唔記得？作供唔係吹水。
律師指在7月19日PW1不單止從黃知道事情，亦可能從其它渠道知道⋯⋯，陳官阻止發問，指用「可能」字眼對證人唔公平，辯方修改問題：7月19日PW1不單止從黃知道事情，亦從其它渠道知召集人手，PW1同意，知道有人返嚟保衛家園，從Facebook 、市民、村民知道，修正供詞，同意答黃偉賢有部署有安排。
PW1唔知道在20號當日，有一名元朗居民稱，721有一場好戲，唔知道在21號中午時分元朗已經吹咗雞，唔知道警方在下午有發放訊息俾區議員，稱已經安排人手。傍晚收到黃偉賢電話，但唔記得黃話嗰晚七點幾，有過百名白衣人手持棍、藤條，在鳳攸北街聚集，唔記得黃講有市民報警，不過唔成功，PW1話無可能唔成功。律師指控辯雙方已經有承認事實，當晚19:07～21:43，警方收到超過500人報警。唔記得黃有講，唔記得黃要求派人去了解，唔記得/唔同意答黃揾伙記去睇。
律師叫PW1睇地圖D6(3)，指出雞地嘅範圍，有路由鳳攸北街休憩處經形點一二期，去元朗西鐵站E/F入口，路程約250米，行兩三分鐘，PW1唔同意，估計300～400米，行5～10分鐘。
PW1當日無聽過有市民話擔心返屋企會被伏擊，叫警車在街道巡邏。
因PW1 在主問時話收到黃偉賢電話後，有上網睇資料，律師想向PW1展示相片，被陳官阻止，話如果畀幾百張咁點認，叫PW1自己講當日睇過咩相，PW1睇過一張好震撼，一個人嘅背脊被鞭打，律師指係辯方相片D4(21)，PW1同意。
律師申請向PW1展示幾張相，有白衣人在大旗嶺和南邊圍聚集，PW話無睇過，律師再展示一張白衣人在廈村鄉聚集，PW話認得，律師不經意地講：「梗係認得啦，你係村長」，之後再展示在鳳攸北街、元朗市區、鳳翔路消防局聚集的相，PW1都係無睇過，律師帶出白衣人在不同地點出現，又被陳官阻止，話已經答咗唔知，咁樣再問有引導性，暗指證人失職，阻止唔畀再用這些相片作跟進。
律師修改問題，PW1同意在19號收到訊息，在21號收到區議員與地區人士訊息，知道「吹大雞」係發生緊。
黃偉賢在21:15與PW1通電話，但唔記得在15～20分鐘後，黃偉賢再打電話畀PW1，話仲未有警察到鳳攸北街現場，唔記得有回應：「有便衣到場」，PW1指唔知道有無便衣去現場。當晚無聽過有市民報警，警方回覆：「驚就唔好出街」。
聽完林卓廷電話之後，有再打電話俾黃偉賢，律師指出：
- 在任何對話當中，無叫黃偉賢叫林卓廷唔好入元朗（唔同意）
- 知道林卓廷入緊元朗（同意）
- 無叫黃偉賢唔好返元朗（同意）
- 無同黃偉賢講去元朗站，警方係保護到佢（同意）
- 同林卓廷嘅對話中，無叫林唔好入元朗（唔同意）
- 同林卓廷對話時已經睇咗藤條嘅相（同意）
- 林卓廷自我介紹完之後，講：「做乜警方咁離譜，黑社會在黃昏聚集，點做嘢㗎？」（無講過）
- 林卓廷要求警方打擊和驅散（無講過）
- 林卓廷話坐西鐵去元朗站，監察警方處理（同意）
- 佢叫你匯報（無）
- 無問有無足夠警力，點樣部署？（唔同意，聽到佢話入元朗站，吓咗一聲驚訝，因為佢唔關元朗事，點解入嚟）
- 吓一聲係擔心監察多於驚訝（唔同意）
- 佢入元朗係睇實警方（同意）
- 林叫警方加大力道（同意）
- 林無話唔需要保護（唔同意）
- 通話之後將大概內容同上司匯報（同意）
- 無書面記錄（同意）
- 唔知上司有無做紀錄（同意）
- 第一次做紀錄係在2020年8月20日（同意）
- 係在休假期間回覆（同意）
PW1唔知道當晚元朗警署拉咗閘，唔知道市民入唔到，唔知道當晚元朗有幾多軍裝當值。元朗控制室DOR係在7月21日之前已經成立，但唔知幾時。
A1盤問完畢，其他律師有盤問。
[16:20] 案件押後至明日(27/10) 10:00 續審。