#區域法院第卅二庭
#陳廣池法官
#0721元朗 #721唔見人 #審訊 [23/25]
上午進度
A1: 林卓廷 (43) / A2: 庾 (35)
A3: 陳 (37) / A4: 葉 (31) / A5: 鄺 (26)
A6: 尹 (48) / A7: 楊 (26)
🛑林因另案已還押逾36個月
控罪： 暴動（所有被告）
被控於2019年7月21日，在新界西鐵元朗站大堂連同其他身份不詳的人參與暴動。
干犯香港法例第245章《公安條例》第19(1) 和 (2) 條。
案情資料：
https://teleg.eu/s/youarenotalonehk_live/24622
控方代表： #程慧明 高級檢控官 及 #岑頴欣
辯方代表：
A1代表：#黃錦娟大律師
A2代表：#李百秋大律師
A3代表：#潘熙資深大律師
A4代表：#鄭凱霖大律師
A5代表：#周慶澎大律師
A6代表：#黎建華大律師
A7代表：#曾敏怡大律師
============
2023年11月23日陳官裁定所有被告人表面證供成立，押後至今日開始辯方案情。
[10:04] 開庭
陳官收到黃錦娟大律師的信件，批准有一名證人可以匿名作供；另稱A1 在去年12月申請撤銷保釋，本案是還押中。
黃錦娟大律師表示A1 會作供，會傳召5名證人，另正與控方商量，其他證人口供詞以65B 呈堂。
[10:13] 林卓廷出庭作供
🔸辯方主問
簡述背景
林卓廷在元朗出生、長大、讀書、認識太太；2008年任職ICAC調查主任，2011年轉任民主黨總幹事，2015年當選北區區議員，2016年當選立法會議員，做保安事務委員會委員，2020年11月辭任立法會議員，2021年3月辭任區議員。
區議員職責
接受市民求助和投訴，處理大廈環境、衛生、社區交通問題，主要服務上水石湖墟居民，但整個北區都會幫手。
立法會議員職責
主要係監察政府施政，包括提出質詢、審議法例、通過撥款，做市民與政府之間的溝通橋樑；專責交通運輸、大廈圍標、保安事務，發展政策；保安事務包括所有治安、公共秩序等，同保安局和警方有定期會議；期間利用在ICAC 訓練時學到嘅知識，向公眾解釋，澄清坊間嘅誤解，發表過兩篇文章「為開槍警員說公道話」，目的係緩和市民情緒，另一方面在2014年佔領旺角時，見到警方用警棍打示威者嘅雨傘，亦向警方指出，如果打中頭就一發不可收拾，希望局勢唔好升溫。
服務嘅對象，首先係新界東居民，以致全港嘅市民，盡量唔會轉介個案，除非係好地區性，唔熟悉當區事務；有做反違標工作，處理屋苑嘅管理。
至於北區以外嘅工作，先了解情況，會提供協助，例如同元朗區議員黃偉賢合作，處理有關雞地有一棟大廈維修，工程質量不佳嘅問題。
2019社運
當時身為立法會和區議會議員，在社會運動事件上以立法會議員身份跟進，要反映民意，唔好惡化，希望事件緩和，但做唔到；大體上透過向政府反映，細節上跟進日常示威遊行，維持公共秩序，希望以和理非進行。律師叫林舉例…
陳官叫停，指林卓廷的供詞可能對他有侵害，指某人嘅立場係幫助，但另一角度可能係參與，例如急救員，上訴庭已經有案例，與律師商議法庭有無需要作出警誡。辯方稱只會講客觀事實，風險唔高。陳官又舉例如在理大、中大出現，如果有其他證據，就會變成參與者，辯方有如踩鋼線。辯方提議只講大路嘢，唔講日期時間地點，官又話唔得，咁樣控方會追問。
[11:14～11:46] 小休
陳官向林卓廷警誡，大原則係證人在宣誓之下，唔可以唔答問題，但如果答案係自損利益，法庭容許可以選擇唔答。
律師叫林卓廷講在7月21日之前，做過咩事去「履行立法會議員嘅職責」？陳官阻止提問，指辯方講到去示威現場係立法會議員嘅職責，稱急救、採訪、協調，有唔同解讀。
當時反修例運動，好多示威抗議，有衝突場面，其中一個例子就係7月1日立法會地下玻璃門嘅位置，當時收到消息有示威者在下邊想衝入去，就趕落去現場，同其他立法會議員阻止示威人士用鐵籠車衝擊大門，到時擋在鐵籠車外，叫唔好衝入去，目的係唔希望形勢惡化，同示威者講唔好衝入立法會，要承擔刑事代價被判監10年，但被示威者拉開，直至跪在地上，緩和咗一段時間，但由於大量示威者，再次被拉開之後就返唔到埋去。
另一件事係沙田新城市廣場事件，在遊行之後，警方去到新城市廣場，發生嚴重衝突，幾日之後有市民到客戶服務處，質問管理人員，同莊榮輝去現場，莊先到，話觀察到有一名可疑人士攞住一袋鐵通，懷疑有人藉呢件事件進行刑事毁壞，林在場用大聲公向市民呼籲唔好進行破壞，要和平表達意見，即場有人喝倒采，有人在網上抨擊，維持咗一段時間。
林無戴口罩無戴頭盔，覺得做民意代表，戴口罩頭盔有隱藏身份，立法會議員嘅身份有說服力，令事件降溫緩和局勢。
另一單在屯門公園附近，有市民申請咗遊行，反對大陸大媽佔領和騷擾，當日係返屯門搵媽媽食飯，原本無打算去，中途收到訊息，就過去嘗試調停，見到有女士被示威者包圍，指控佢打人，但搵唔到傷者，只係有目擊者，保護女士等警方嚟到接走佢調查，期間有警民關係科警員被人包圍，帶佢離開。
仲有一單，有一男子被指影人相，嗰單被警方控告妨礙司法公正。
收到消息係指有時係自己睇，多數係職員通知，會去現場調停，以立法會議員嘅身份，有相當大幫助，因為有人識有人信任，亦有示威者對民主黨反感，良好嘅意願係避免過激，要承受刑罰，係講道理講溝通，做緩和嘅角色，有時示威者都唔知點處理，有人調停就可以和平解決。警方與示威者係對立嘅，作為立法會議員有公信力，可以溝通勸喻示威者。
721事件
7月21日前有收過訊息，當時收到非常多訊息，有傳統媒體、網上媒體、個別人士、唔同政見嘅都有，係好激烈、縱火、爆炸、殺人都有，睇唔到咁多，睇過就算，會依賴同事，如果相關嘅就通知林；主要留意嘅係721遊行，民主黨要作相關嘅安排，擺街站和物資，港島遊行完會去中聯辦抗議。
7月21日前聽過粗略消息，著黑衫嘅人在元朗會被支持政府嘅人打，已經好模糊，“立”吓眼，無放在心上，因為當時社會嘅場景，過激嘅言論非常氾濫，唔覺得好重要，關注係721當晚示威者去中聯辦抗議，擔心抗議變成衝突，好多記者問，但無從得知，估計係好嚴重，元朗事件係水過鴨背，類似嘅訊息有幾十至100條。
睇過一條片，有反修例人士做街頭放映會，被支持政府嘅人趕走，雖然睇過，無心裝載，無印象睇過有支持政府嘅遊行。
7月21日民陣有不反對通知書嘅遊行，由維園去灣仔，知道去中聨辦係無不反；民主黨在終點前擺街站，主要安排由莊榮輝負責，記得仲有冼卓嵐、郭朗峰、區議員、民主黨總部人員、和義工，林卓廷在中午去到，約7點離開。
當日下午開始收到訊息和相，見到有人在元朗有部署，相片見到有一紮藤條，有一群群人，開始擔心元朗情況，打電話俾黃偉賢，因為佢係元朗資深區議員，值得信賴。
睇D4 相簿，確認在當日下午見過D4(5) 號相，見過D4(6) 組合相中的其中一幅 一紮藤條，見過類似D4(3) 的場景（不同角度）。
除咗相片仲有訊息，講黑衫會被人打，但內容係出於善意，叫人小心，開始擔心會唔會有事，所以打電話俾黃偉賢，因為佢人脈深厚，問佢聽到啲咩，佢話聽到鄉頭吹大雞，有劇本，唔係着黑衫就打，如果着黑衫挑釁支持政府嘅人，會用藤條打兩吓，警方都知道吹大雞，佢話會留意住，無講跟住會點，當時緊張嘅係中聯辦，少少擔心元朗，當時有肢體衝突，打兩下都唔係罕見，睇唔到有咩可以即時做，中聯辦迫切啲。
陳官詢問林卓廷，7月21日前，係咪收到風在元朗有事發生？平日會聯絡保安局和警方邊個人？林卓廷稱“立”過眼，有人話對付示威者，無留意係21號，當日下午先警覺到，所以嗰日先打俾黃偉賢。平日會聯絡保安局副局長，警方就聯絡上水和沙田的警民關係科。
[13:05] 休庭，14:30 續審。
==========
真播員按：🥜律師問到背景，林卓廷自動講到何時向女朋友表白，引來在法庭上難得和容許的笑聲🥲
#陳廣池法官
#0721元朗 #721唔見人 #審訊 [23/25]
上午進度
A1: 林卓廷 (43) / A2: 庾 (35)
A3: 陳 (37) / A4: 葉 (31) / A5: 鄺 (26)
A6: 尹 (48) / A7: 楊 (26)
🛑林因另案已還押逾36個月
控罪： 暴動（所有被告）
被控於2019年7月21日，在新界西鐵元朗站大堂連同其他身份不詳的人參與暴動。
干犯香港法例第245章《公安條例》第19(1) 和 (2) 條。
案情資料：
https://teleg.eu/s/youarenotalonehk_live/24622
控方代表： #程慧明 高級檢控官 及 #岑頴欣
辯方代表：
A1代表：#黃錦娟大律師
A2代表：#李百秋大律師
A3代表：#潘熙資深大律師
A4代表：#鄭凱霖大律師
A5代表：#周慶澎大律師
A6代表：#黎建華大律師
A7代表：#曾敏怡大律師
============
2023年11月23日陳官裁定所有被告人表面證供成立，押後至今日開始辯方案情。
[10:04] 開庭
陳官收到黃錦娟大律師的信件，批准有一名證人可以匿名作供；另稱A1 在去年12月申請撤銷保釋，本案是還押中。
黃錦娟大律師表示A1 會作供，會傳召5名證人，另正與控方商量，其他證人口供詞以65B 呈堂。
[10:13] 林卓廷出庭作供
🔸辯方主問
簡述背景
林卓廷在元朗出生、長大、讀書、認識太太；2008年任職ICAC調查主任，2011年轉任民主黨總幹事，2015年當選北區區議員，2016年當選立法會議員，做保安事務委員會委員，2020年11月辭任立法會議員，2021年3月辭任區議員。
區議員職責
接受市民求助和投訴，處理大廈環境、衛生、社區交通問題，主要服務上水石湖墟居民，但整個北區都會幫手。
立法會議員職責
主要係監察政府施政，包括提出質詢、審議法例、通過撥款，做市民與政府之間的溝通橋樑；專責交通運輸、大廈圍標、保安事務，發展政策；保安事務包括所有治安、公共秩序等，同保安局和警方有定期會議；期間利用在ICAC 訓練時學到嘅知識，向公眾解釋，澄清坊間嘅誤解，發表過兩篇文章「為開槍警員說公道話」，目的係緩和市民情緒，另一方面在2014年佔領旺角時，見到警方用警棍打示威者嘅雨傘，亦向警方指出，如果打中頭就一發不可收拾，希望局勢唔好升溫。
服務嘅對象，首先係新界東居民，以致全港嘅市民，盡量唔會轉介個案，除非係好地區性，唔熟悉當區事務；有做反違標工作，處理屋苑嘅管理。
至於北區以外嘅工作，先了解情況，會提供協助，例如同元朗區議員黃偉賢合作，處理有關雞地有一棟大廈維修，工程質量不佳嘅問題。
2019社運
當時身為立法會和區議會議員，在社會運動事件上以立法會議員身份跟進，要反映民意，唔好惡化，希望事件緩和，但做唔到；大體上透過向政府反映，細節上跟進日常示威遊行，維持公共秩序，希望以和理非進行。律師叫林舉例…
陳官叫停，指林卓廷的供詞可能對他有侵害，指某人嘅立場係幫助，但另一角度可能係參與，例如急救員，上訴庭已經有案例，與律師商議法庭有無需要作出警誡。辯方稱只會講客觀事實，風險唔高。陳官又舉例如在理大、中大出現，如果有其他證據，就會變成參與者，辯方有如踩鋼線。辯方提議只講大路嘢，唔講日期時間地點，官又話唔得，咁樣控方會追問。
[11:14～11:46] 小休
陳官向林卓廷警誡，大原則係證人在宣誓之下，唔可以唔答問題，但如果答案係自損利益，法庭容許可以選擇唔答。
律師叫林卓廷講在7月21日之前，做過咩事去「履行立法會議員嘅職責」？陳官阻止提問，指辯方講到去示威現場係立法會議員嘅職責，稱急救、採訪、協調，有唔同解讀。
當時反修例運動，好多示威抗議，有衝突場面，其中一個例子就係7月1日立法會地下玻璃門嘅位置，當時收到消息有示威者在下邊想衝入去，就趕落去現場，同其他立法會議員阻止示威人士用鐵籠車衝擊大門，到時擋在鐵籠車外，叫唔好衝入去，目的係唔希望形勢惡化，同示威者講唔好衝入立法會，要承擔刑事代價被判監10年，但被示威者拉開，直至跪在地上，緩和咗一段時間，但由於大量示威者，再次被拉開之後就返唔到埋去。
另一件事係沙田新城市廣場事件，在遊行之後，警方去到新城市廣場，發生嚴重衝突，幾日之後有市民到客戶服務處，質問管理人員，同莊榮輝去現場，莊先到，話觀察到有一名可疑人士攞住一袋鐵通，懷疑有人藉呢件事件進行刑事毁壞，林在場用大聲公向市民呼籲唔好進行破壞，要和平表達意見，即場有人喝倒采，有人在網上抨擊，維持咗一段時間。
林無戴口罩無戴頭盔，覺得做民意代表，戴口罩頭盔有隱藏身份，立法會議員嘅身份有說服力，令事件降溫緩和局勢。
另一單在屯門公園附近，有市民申請咗遊行，反對大陸大媽佔領和騷擾，當日係返屯門搵媽媽食飯，原本無打算去，中途收到訊息，就過去嘗試調停，見到有女士被示威者包圍，指控佢打人，但搵唔到傷者，只係有目擊者，保護女士等警方嚟到接走佢調查，期間有警民關係科警員被人包圍，帶佢離開。
仲有一單，有一男子被指影人相，嗰單被警方控告妨礙司法公正。
收到消息係指有時係自己睇，多數係職員通知，會去現場調停，以立法會議員嘅身份，有相當大幫助，因為有人識有人信任，亦有示威者對民主黨反感，良好嘅意願係避免過激，要承受刑罰，係講道理講溝通，做緩和嘅角色，有時示威者都唔知點處理，有人調停就可以和平解決。警方與示威者係對立嘅，作為立法會議員有公信力，可以溝通勸喻示威者。
721事件
7月21日前有收過訊息，當時收到非常多訊息，有傳統媒體、網上媒體、個別人士、唔同政見嘅都有，係好激烈、縱火、爆炸、殺人都有，睇唔到咁多，睇過就算，會依賴同事，如果相關嘅就通知林；主要留意嘅係721遊行，民主黨要作相關嘅安排，擺街站和物資，港島遊行完會去中聯辦抗議。
7月21日前聽過粗略消息，著黑衫嘅人在元朗會被支持政府嘅人打，已經好模糊，“立”吓眼，無放在心上，因為當時社會嘅場景，過激嘅言論非常氾濫，唔覺得好重要，關注係721當晚示威者去中聯辦抗議，擔心抗議變成衝突，好多記者問，但無從得知，估計係好嚴重，元朗事件係水過鴨背，類似嘅訊息有幾十至100條。
睇過一條片，有反修例人士做街頭放映會，被支持政府嘅人趕走，雖然睇過，無心裝載，無印象睇過有支持政府嘅遊行。
7月21日民陣有不反對通知書嘅遊行，由維園去灣仔，知道去中聨辦係無不反；民主黨在終點前擺街站，主要安排由莊榮輝負責，記得仲有冼卓嵐、郭朗峰、區議員、民主黨總部人員、和義工，林卓廷在中午去到，約7點離開。
當日下午開始收到訊息和相，見到有人在元朗有部署，相片見到有一紮藤條，有一群群人，開始擔心元朗情況，打電話俾黃偉賢，因為佢係元朗資深區議員，值得信賴。
睇D4 相簿，確認在當日下午見過D4(5) 號相，見過D4(6) 組合相中的其中一幅 一紮藤條，見過類似D4(3) 的場景（不同角度）。
除咗相片仲有訊息，講黑衫會被人打，但內容係出於善意，叫人小心，開始擔心會唔會有事，所以打電話俾黃偉賢，因為佢人脈深厚，問佢聽到啲咩，佢話聽到鄉頭吹大雞，有劇本，唔係着黑衫就打，如果着黑衫挑釁支持政府嘅人，會用藤條打兩吓，警方都知道吹大雞，佢話會留意住，無講跟住會點，當時緊張嘅係中聯辦，少少擔心元朗，當時有肢體衝突，打兩下都唔係罕見，睇唔到有咩可以即時做，中聯辦迫切啲。
陳官詢問林卓廷，7月21日前，係咪收到風在元朗有事發生？平日會聯絡保安局和警方邊個人？林卓廷稱“立”過眼，有人話對付示威者，無留意係21號，當日下午先警覺到，所以嗰日先打俾黃偉賢。平日會聯絡保安局副局長，警方就聯絡上水和沙田的警民關係科。
[13:05] 休庭，14:30 續審。
==========
真播員按：🥜律師問到背景，林卓廷自動講到何時向女朋友表白，引來在法庭上難得和容許的笑聲🥲