#區域法院第卅二庭
#陳廣池法官
#0721元朗 #721唔見人 #審訊 [30/25]
【下午進度】
A1: 林卓廷 (43) / A2: 庾 (35)
A3: 陳 (37) / A4: 葉 (31) / A5: 鄺 (26)
A6: 尹 (48) / A7: 楊 (26)
🛑林卓廷因另案已還押逾36個月，就本案己還押3個月
控罪： 暴動（所有被告）
被控於2019年7月21日，在新界西鐵元朗站大堂連同其他身份不詳的人參與暴動。
干犯香港法例第245章《公安條例》第19(1) 和 (2) 條。
案情資料：
https://teleg.eu/s/youarenotalonehk_live/24622
控方代表： #程慧明 高級檢控官 及 #岑頴欣
辯方代表：
A1代表：#黃錦娟大律師
A2代表：#李百秋大律師
A3代表：#潘熙資深大律師
A4代表：#鄭凱霖大律師
A5代表：#周慶澎大律師
A6代表：#黎建華大律師
A7代表：#曾敏怡大律師
============
[14:33] 開庭
繼續由DW1 黃偉賢作供
🔸辯方主問
收到假文宣，查詢後無人話會入元朗遊行；鄧警長亦問該假文宣，一樣回覆，係15～19號期間嘅事。
7月還有其他事件發生：7月初有人在朗屏站行人天橋做連儂場，警方分隔兩批人，村民仍然指住人鬧，黃認得有類似村民在其中。7月16日有市民在雞地舉行播放《黑警惡行》電影會，黃約在22:00到場，電影會已經完咗，還有幾位年輕人被另一班人指罵，有輕微身體碰撞，現場有便衣警察和警民關係組，黃同佢哋講，回覆係「唔好同我講住」，警員無處理，企在則邊睇。7月19日又有人在朗屏站天橋做連儂場，黃到場見到白沙村村長，他鬧黃「唔歡迎搞嘢」。
7月19日有廈村鄉村民打電話畀黃，話收到風，21號鄉事吹大雞，元朗有六條鄉，理解係條條鄉都要動員出人，如果有人嚟元朗元朗遊行，會做驅趕行動。
官🗣️點解會打俾你通風報信？
黃：唔知點解，一直都有唔同村嘅村民打俾我，講佢啲嘢畀我知。
官🗣️點解叫吹大雞，係唔係只有鄉頭先可以吹大雞，其他嘍羅就叫吹雞？
黃：你可以咁講，鄉頭吹大雞。
官🗣️大律師，妳叫證人澄清之前講，有人問有無人入元朗，現在講有人動員，係咪同一樣嘢？
黃：唔係同一件事，接到電話之前，無收過訊息話有人入元朗遊行，鄉事吹大雞，動員6條鄉嘅人出嚟，應該唔會係反修例遊行。
官🗣️你點知係6條鄉都要動員？
黃：佢講鄉事吹大雞，唔係廈村吹大雞。
黃知道後好緊張，立即打電話畀鄧警長，佢聽到後好平靜，好似胸有成竹，回應「有部署，得㗎啦，有安排」，黃無追問，因為以往開會經驗，問警方嘅部署，都會話涉及行動部署，唔會講；理解有部署，當然相信。
其後向鄉事區議員查詢，得到嘅回覆係「無嘢嘅，表吓態，警告年輕人唔好入嚟元朗，唔搞事唔挑釁就無嘢」。理解表態嘅意思係show quali, 晒馬，警告反修例活動嗰班年輕人。
當時唔擔心，知道警方有部署有安排，同鄉頭了解咗，話只係表態無嘢，亦問過民主派議員，知道721無人入元朗。
官🗣️問過邊個？
黃：杜嘉倫、麥業城、鄺俊宇、和其他三位打算參選嘅年輕人。
721當日港島有遊行，黃偉賢到現場監察過程，做協調角色，下午同林卓廷傾電話，佢話收到訊息，元朗動員打仔，問有無聽過，就講返19號收到吹大雞嘅訊息，打咗電話俾鄧sir，佢話有部署有安排，叫林卓廷唔使擔心。應該有講過係條條鄉動員，聯絡過鄉事頭頭，覆述係表態和按劇本辦事，唔挑釁就無嘢。
21號中午後，有人陸陸續續send圖片俾黃，有白衣人聚集，一扎扎竹枝藤條嘅圖片，所以林卓廷打電話嚟，諗起睇過藤條嘅圖片，講可能拂一兩吓隻腳。
官🗣️你覺得拂一兩吓隻腳係咩行動？
黃：覺得係警告。
黃大律師畀黃偉賢睇相，黃話見過，但唔肯定係當日見到嘅相。當日無擔心元朗，因為警方知道，問過鄉事，相信警方一定處理到。
去到晚上9點幾，黃與杜嘉倫行到中環附近，有元朗居民打俾黃，話七點幾時見到白衣人在雞地聚集，有人揸藤條和棍，打電話報警，但打唔通，黃就打電話俾鄧sir，話俾佢聽，回應係話會搵人去睇，10幾分鐘後市民再打俾黃，話未見警察，再打畀鄧sir，話派咗便衣去，元朗警署去雞地，揸車5分鐘就到，元朗站都係差唔多；打電話俾麥業成（住雞地附近的區議員），佢話都有市民打俾佢，見到有白衣人聚集，麥話食飯隔籬枱都係白衣人，麥去過元朗西鐵站，無白衣人無乜嘢，麥話知道在中午時，有大廈管理公司派單張入信箱，建議地舖當晚提早關門，可能有事發生。
仲有兩三個市民打電話俾黃，話在六七點時見到有人聚集，見到有黑衫年輕人行過，被拂隻腳，形容好輕手，好似玩馬騮咁。
當晚同杜嘉倫一齊，杜都收到電話，有市民經過雞地，見到好多白衣人，好驚，打電話去元朗警署打唔通，打通咗999，警員話…陳官截停，這是傳聞證供。
到當刻，黃都無諗住返元朗，因為情況同在鄉頭攞到訊息相似，相信警方一定可以維持治安。
官🗣️你呢句說話有問題，平時講同意，現在講2019年7月，7月1日發生咩事？嗰度有無警察？因此唔明點解咁講。
黃：721嘅聚集，唔係突然爆出嚟，警方在19號已經知道，話有部署有安排，一路唔擔心出事，警方應承有部署，無理由唔信佢。曾在區議會要求警方增加元朗區警力，每次回覆都話現有人手足夠，如果有大事，可以調動新界北過嚟。
到晚上9點幾約十點，林再打電話畀黃，話有人在雞地被打到好傷，佢send 相畀黃睇，見到背脊被打到好花，睇到好驚好心悒，覺得事態嚴重咗。律師播出兩段廚師被打的影片D10(25) & D4(18a)，黃睇過，但唔記得係當時或之後，確認相片係D4(21) 。
官🗣️點知係當晚嘅相？
黃：相片通常會附帶一兩句說話「在雞地被人打到開花」。
黃覺得港島有其他議員在場，元朗無議員監察，就同意和林入元朗睇吓，打咗畀鄧sir，話佢知會同林卓廷入元朗站睇情況。
官🗣️點解係元朗站？
黃：去雞地要在元朗站落車，行天橋過去。
再打電話畀林，約佢地點，但黃距離地鐵站遠，要行十幾分鐘，林已經在地鐵，佢話入去先，黃叫林唔好出站，並通知佢鄧警長的電話。
黃有同林講，估計雞地嘅人係由6鄉動員嚟，有提過由屯門嚟，因為有人WhatsApp俾黃，話屯門有啲人上咗嚟，但唔知屯門有無吹大雞，聚集嘅多數係村民，知道有啲人係學舞龍舞獅嘅。
黃對林卓廷關心元朗唔覺得奇怪，作為好嘅有承擔嘅議員，唔應該計較邊區，都要做。
黃後來無搭西鐵，因為途中遇到街坊，改坐他的私家車返回元朗，但因為塞車，凌晨一點先返到元朗。
由開始決定返元朗到返到元朗，無和林卓廷傾過在元朗點樣做嘢，無聯絡其他議員；林無講去邊，鄧警長無叫唔好入元朗，無話過警察保護唔到，亦無同黃講叫林卓廷唔好入元朗，黃有同鄧警長講返元朗睇吓發生咩事。
返元朗途中，見到好多警車一齊去，約01:00 返到朗樂路與青山公路交界，在紅燈燈位停咗，有防暴警員落車，黃與杜落車，講咗一句「做咩咁遲先嚟」，就被防暴用盾牌推埋一邊，壓到在鐵絲網，防暴落車後走晒過對面安全島，有一班黑衫人喺嗰度，路上有架私家車停咗，有3個白衣人嗌「阿sir 我哋支持你，有咩要幫手就出聲，我哋過嚟打佢哋」，隨後3人衝向黃，黃好驚，走去一架警車，向警察講有白衣人衝過嚟，要求保護，但警員開車而去，黃當時非常憤怒，有啲失控，大聲向白衣人講「打呀，夠膽就打我」，佢哋窒咗步，車後白衣人講「唔好搞嘢，走啦」… 陳官表示這與控罪無關，叫律師控制。
之後行去西鐵站，遇到一啲記者，講咗站內嘅事，話白衣人已經散晒，知道元朗警署落咗閘，黃就去咗警署，見到有幾位市民要報案，黃要求見指揮官，半個鐘頭之後，警方話會見議員，但唔會見其他人，入去問發生咩事…又被陳官阻止，話已經最大(忍耐)，叫律師控制。
黃大律師表示盤問大致完成，剛收到林的指示，睇吓是否需要在星期一跟進。
官🗣️收到WhatsApp圖片，有無轉發俾鄧警長？
黃：無，我收到佢一定收到。
官🗣️佢收到，唔等如唔可以發送畀佢，啱唔啱呀？
黃：事後睇返好多嘢都可以做，當時收到訊息，如果覺得會出現咁嘅問題，一早報咗畀記者知啦。
[16:30] 休庭，押後至下星期一 (18/3) 10:00 續審。
========
直播員按：
7.1 立法會點解由有警察變成無警察？
證人一講到警察就唔畀講
#陳廣池法官
#0721元朗 #721唔見人 #審訊 [30/25]
【下午進度】
A1: 林卓廷 (43) / A2: 庾 (35)
A3: 陳 (37) / A4: 葉 (31) / A5: 鄺 (26)
A6: 尹 (48) / A7: 楊 (26)
🛑林卓廷因另案已還押逾36個月，就本案己還押3個月
控罪： 暴動（所有被告）
被控於2019年7月21日，在新界西鐵元朗站大堂連同其他身份不詳的人參與暴動。
干犯香港法例第245章《公安條例》第19(1) 和 (2) 條。
案情資料：
https://teleg.eu/s/youarenotalonehk_live/24622
控方代表： #程慧明 高級檢控官 及 #岑頴欣
辯方代表：
A1代表：#黃錦娟大律師
A2代表：#李百秋大律師
A3代表：#潘熙資深大律師
A4代表：#鄭凱霖大律師
A5代表：#周慶澎大律師
A6代表：#黎建華大律師
A7代表：#曾敏怡大律師
============
[14:33] 開庭
繼續由DW1 黃偉賢作供
🔸辯方主問
收到假文宣，查詢後無人話會入元朗遊行；鄧警長亦問該假文宣，一樣回覆，係15～19號期間嘅事。
7月還有其他事件發生：7月初有人在朗屏站行人天橋做連儂場，警方分隔兩批人，村民仍然指住人鬧，黃認得有類似村民在其中。7月16日有市民在雞地舉行播放《黑警惡行》電影會，黃約在22:00到場，電影會已經完咗，還有幾位年輕人被另一班人指罵，有輕微身體碰撞，現場有便衣警察和警民關係組，黃同佢哋講，回覆係「唔好同我講住」，警員無處理，企在則邊睇。7月19日又有人在朗屏站天橋做連儂場，黃到場見到白沙村村長，他鬧黃「唔歡迎搞嘢」。
7月19日有廈村鄉村民打電話畀黃，話收到風，21號鄉事吹大雞，元朗有六條鄉，理解係條條鄉都要動員出人，如果有人嚟元朗元朗遊行，會做驅趕行動。
官🗣️點解會打俾你通風報信？
黃：唔知點解，一直都有唔同村嘅村民打俾我，講佢啲嘢畀我知。
官🗣️點解叫吹大雞，係唔係只有鄉頭先可以吹大雞，其他嘍羅就叫吹雞？
黃：你可以咁講，鄉頭吹大雞。
官🗣️大律師，妳叫證人澄清之前講，有人問有無人入元朗，現在講有人動員，係咪同一樣嘢？
黃：唔係同一件事，接到電話之前，無收過訊息話有人入元朗遊行，鄉事吹大雞，動員6條鄉嘅人出嚟，應該唔會係反修例遊行。
官🗣️你點知係6條鄉都要動員？
黃：佢講鄉事吹大雞，唔係廈村吹大雞。
黃知道後好緊張，立即打電話畀鄧警長，佢聽到後好平靜，好似胸有成竹，回應「有部署，得㗎啦，有安排」，黃無追問，因為以往開會經驗，問警方嘅部署，都會話涉及行動部署，唔會講；理解有部署，當然相信。
其後向鄉事區議員查詢，得到嘅回覆係「無嘢嘅，表吓態，警告年輕人唔好入嚟元朗，唔搞事唔挑釁就無嘢」。理解表態嘅意思係show quali, 晒馬，警告反修例活動嗰班年輕人。
當時唔擔心，知道警方有部署有安排，同鄉頭了解咗，話只係表態無嘢，亦問過民主派議員，知道721無人入元朗。
官🗣️問過邊個？
黃：杜嘉倫、麥業城、鄺俊宇、和其他三位打算參選嘅年輕人。
721當日港島有遊行，黃偉賢到現場監察過程，做協調角色，下午同林卓廷傾電話，佢話收到訊息，元朗動員打仔，問有無聽過，就講返19號收到吹大雞嘅訊息，打咗電話俾鄧sir，佢話有部署有安排，叫林卓廷唔使擔心。應該有講過係條條鄉動員，聯絡過鄉事頭頭，覆述係表態和按劇本辦事，唔挑釁就無嘢。
21號中午後，有人陸陸續續send圖片俾黃，有白衣人聚集，一扎扎竹枝藤條嘅圖片，所以林卓廷打電話嚟，諗起睇過藤條嘅圖片，講可能拂一兩吓隻腳。
官🗣️你覺得拂一兩吓隻腳係咩行動？
黃：覺得係警告。
黃大律師畀黃偉賢睇相，黃話見過，但唔肯定係當日見到嘅相。當日無擔心元朗，因為警方知道，問過鄉事，相信警方一定處理到。
去到晚上9點幾，黃與杜嘉倫行到中環附近，有元朗居民打俾黃，話七點幾時見到白衣人在雞地聚集，有人揸藤條和棍，打電話報警，但打唔通，黃就打電話俾鄧sir，話俾佢聽，回應係話會搵人去睇，10幾分鐘後市民再打俾黃，話未見警察，再打畀鄧sir，話派咗便衣去，元朗警署去雞地，揸車5分鐘就到，元朗站都係差唔多；打電話俾麥業成（住雞地附近的區議員），佢話都有市民打俾佢，見到有白衣人聚集，麥話食飯隔籬枱都係白衣人，麥去過元朗西鐵站，無白衣人無乜嘢，麥話知道在中午時，有大廈管理公司派單張入信箱，建議地舖當晚提早關門，可能有事發生。
仲有兩三個市民打電話俾黃，話在六七點時見到有人聚集，見到有黑衫年輕人行過，被拂隻腳，形容好輕手，好似玩馬騮咁。
當晚同杜嘉倫一齊，杜都收到電話，有市民經過雞地，見到好多白衣人，好驚，打電話去元朗警署打唔通，打通咗999，警員話…陳官截停，這是傳聞證供。
到當刻，黃都無諗住返元朗，因為情況同在鄉頭攞到訊息相似，相信警方一定可以維持治安。
官🗣️你呢句說話有問題，平時講同意，現在講2019年7月，7月1日發生咩事？嗰度有無警察？因此唔明點解咁講。
黃：721嘅聚集，唔係突然爆出嚟，警方在19號已經知道，話有部署有安排，一路唔擔心出事，警方應承有部署，無理由唔信佢。曾在區議會要求警方增加元朗區警力，每次回覆都話現有人手足夠，如果有大事，可以調動新界北過嚟。
到晚上9點幾約十點，林再打電話畀黃，話有人在雞地被打到好傷，佢send 相畀黃睇，見到背脊被打到好花，睇到好驚好心悒，覺得事態嚴重咗。律師播出兩段廚師被打的影片D10(25) & D4(18a)，黃睇過，但唔記得係當時或之後，確認相片係D4(21) 。
官🗣️點知係當晚嘅相？
黃：相片通常會附帶一兩句說話「在雞地被人打到開花」。
黃覺得港島有其他議員在場，元朗無議員監察，就同意和林入元朗睇吓，打咗畀鄧sir，話佢知會同林卓廷入元朗站睇情況。
官🗣️點解係元朗站？
黃：去雞地要在元朗站落車，行天橋過去。
再打電話畀林，約佢地點，但黃距離地鐵站遠，要行十幾分鐘，林已經在地鐵，佢話入去先，黃叫林唔好出站，並通知佢鄧警長的電話。
黃有同林講，估計雞地嘅人係由6鄉動員嚟，有提過由屯門嚟，因為有人WhatsApp俾黃，話屯門有啲人上咗嚟，但唔知屯門有無吹大雞，聚集嘅多數係村民，知道有啲人係學舞龍舞獅嘅。
黃對林卓廷關心元朗唔覺得奇怪，作為好嘅有承擔嘅議員，唔應該計較邊區，都要做。
黃後來無搭西鐵，因為途中遇到街坊，改坐他的私家車返回元朗，但因為塞車，凌晨一點先返到元朗。
由開始決定返元朗到返到元朗，無和林卓廷傾過在元朗點樣做嘢，無聯絡其他議員；林無講去邊，鄧警長無叫唔好入元朗，無話過警察保護唔到，亦無同黃講叫林卓廷唔好入元朗，黃有同鄧警長講返元朗睇吓發生咩事。
返元朗途中，見到好多警車一齊去，約01:00 返到朗樂路與青山公路交界，在紅燈燈位停咗，有防暴警員落車，黃與杜落車，講咗一句「做咩咁遲先嚟」，就被防暴用盾牌推埋一邊，壓到在鐵絲網，防暴落車後走晒過對面安全島，有一班黑衫人喺嗰度，路上有架私家車停咗，有3個白衣人嗌「阿sir 我哋支持你，有咩要幫手就出聲，我哋過嚟打佢哋」，隨後3人衝向黃，黃好驚，走去一架警車，向警察講有白衣人衝過嚟，要求保護，但警員開車而去，黃當時非常憤怒，有啲失控，大聲向白衣人講「打呀，夠膽就打我」，佢哋窒咗步，車後白衣人講「唔好搞嘢，走啦」… 陳官表示這與控罪無關，叫律師控制。
之後行去西鐵站，遇到一啲記者，講咗站內嘅事，話白衣人已經散晒，知道元朗警署落咗閘，黃就去咗警署，見到有幾位市民要報案，黃要求見指揮官，半個鐘頭之後，警方話會見議員，但唔會見其他人，入去問發生咩事…又被陳官阻止，話已經最大(忍耐)，叫律師控制。
黃大律師表示盤問大致完成，剛收到林的指示，睇吓是否需要在星期一跟進。
官🗣️收到WhatsApp圖片，有無轉發俾鄧警長？
黃：無，我收到佢一定收到。
官🗣️佢收到，唔等如唔可以發送畀佢，啱唔啱呀？
黃：事後睇返好多嘢都可以做，當時收到訊息，如果覺得會出現咁嘅問題，一早報咗畀記者知啦。
[16:30] 休庭，押後至下星期一 (18/3) 10:00 續審。
========
直播員按：
7.1 立法會點解由有警察變成無警察？
證人一講到警察就唔畀講