“Янги” Ромео ва Жульетта”
Биринчи шу постерни ижтимоий тармоқда кўрганимда британияликлар ирқларни бирлаштириб, инклюзив кино оляпти, буям сиёсатде деб тушунгандим. Очиғи, актрисани хушламагандим, йўқ, унинг ранги сабаб эмас; Шекспирнинг Жульеттаси 16 ёшгина, навниҳол итальян қизи бўлади, яна у Ромео образидаги британ актёри Том Холландга мосмас, деб баҳолагандим.
Тармоқда мемлар, истеҳзолар кўпайиб кетгач, Жульеттани ким ўйнаяпти, нега уни танлашибди деб қидирдим.
Биринчидан, бу тасаввур қилганимдек Нетфликс оладиган кино эмас, спектакл экан. 11 майдан 3 августгача Duke of York’s Theatre да қўйилади.
Иккинчидан, актриса Франческани театрсевар британияликлар жуда яхши танишар экан, у қиз мусиқачи, бастакор ҳам экан. Асосан спектаклларда роль ўйнаркан.
Учинчидан, сиёсат деган фикримдан қайтиб, бизнес учун бу актриса танланган деган фикр уйғонди. Чунки, шунча хейт бўлса-да, компания чипталари учиб кетган. Чипта бормикин деб сайтида текширсам, шу ой учун деярли ҳамма жой сотилган, атиги 3-4 кунга 275 фунт стерлинг (4 млн 400 минг сўм) лик жойлар қолибди.
Яна ўқиганларим: ижтимоий тармоқда актрисанинг териси ранги туфайли онлайн буллинг кўпайиб кетганидан кейин постларнинг изоҳ қисми ўчирилибди ва спектаклни саҳналаштираётган компания актриса шаънини ҳимоя қилиб, онлайн харрасментга чек қўйиш шарт деган баёнот берибди.
Актрисанинг саҳифаларини топиб айланиб чиқиб, камтаргина, ақллигина қиз экан дедим ва яна меҳрим тушиб қолди. Европанинг актрисаларига ўхшаб, саҳифаларига лик-лик, шик-шик стилида)) ружу қўймаган.
Яна бошқа нарсаларни ўйлаб қолдим.
Масалан, мен шу Франческанинг ўрнидаман деб тасаввур қилайлик. Дейлик, актриса бўлиш орзуим бор, истеъдодим бор, лекин рангим, кўринишим туфайли ҳеч қачон орзуимга эришолмаслигим тўғрими?
Масалан, Жульетта итальян қиз бўлсаям, уни ўзбегу қозоқ, япону корейс ўйнайверади ва чирой тушунчаси ҳамма ерда, ҳамма учун турличаку?
Ўзи умуман биз оқ ва қизил танлилар киммизки, тери ранги учун бошқа инсонларни майна қиламиз?
Шанба оқшомига шунақа фикрлар.
Биринчи шу постерни ижтимоий тармоқда кўрганимда британияликлар ирқларни бирлаштириб, инклюзив кино оляпти, буям сиёсатде деб тушунгандим. Очиғи, актрисани хушламагандим, йўқ, унинг ранги сабаб эмас; Шекспирнинг Жульеттаси 16 ёшгина, навниҳол итальян қизи бўлади, яна у Ромео образидаги британ актёри Том Холландга мосмас, деб баҳолагандим.
Тармоқда мемлар, истеҳзолар кўпайиб кетгач, Жульеттани ким ўйнаяпти, нега уни танлашибди деб қидирдим.
Биринчидан, бу тасаввур қилганимдек Нетфликс оладиган кино эмас, спектакл экан. 11 майдан 3 августгача Duke of York’s Theatre да қўйилади.
Иккинчидан, актриса Франческани театрсевар британияликлар жуда яхши танишар экан, у қиз мусиқачи, бастакор ҳам экан. Асосан спектаклларда роль ўйнаркан.
Учинчидан, сиёсат деган фикримдан қайтиб, бизнес учун бу актриса танланган деган фикр уйғонди. Чунки, шунча хейт бўлса-да, компания чипталари учиб кетган. Чипта бормикин деб сайтида текширсам, шу ой учун деярли ҳамма жой сотилган, атиги 3-4 кунга 275 фунт стерлинг (4 млн 400 минг сўм) лик жойлар қолибди.
Яна ўқиганларим: ижтимоий тармоқда актрисанинг териси ранги туфайли онлайн буллинг кўпайиб кетганидан кейин постларнинг изоҳ қисми ўчирилибди ва спектаклни саҳналаштираётган компания актриса шаънини ҳимоя қилиб, онлайн харрасментга чек қўйиш шарт деган баёнот берибди.
Актрисанинг саҳифаларини топиб айланиб чиқиб, камтаргина, ақллигина қиз экан дедим ва яна меҳрим тушиб қолди. Европанинг актрисаларига ўхшаб, саҳифаларига лик-лик, шик-шик стилида)) ружу қўймаган.
Яна бошқа нарсаларни ўйлаб қолдим.
Масалан, мен шу Франческанинг ўрнидаман деб тасаввур қилайлик. Дейлик, актриса бўлиш орзуим бор, истеъдодим бор, лекин рангим, кўринишим туфайли ҳеч қачон орзуимга эришолмаслигим тўғрими?
Масалан, Жульетта итальян қиз бўлсаям, уни ўзбегу қозоқ, япону корейс ўйнайверади ва чирой тушунчаси ҳамма ерда, ҳамма учун турличаку?
Ўзи умуман биз оқ ва қизил танлилар киммизки, тери ранги учун бошқа инсонларни майна қиламиз?
Шанба оқшомига шунақа фикрлар.