Бу ёқда бўлаётган ишларни кўринг.

Ҳар йили 9 май арафасида фитна қизийди. Охирги йилларда қизил байроқ кўтариш камлик қилиб, энди пароканда бўлган СССР ни ва Сталинни улуғловчи шиорлар баралла айтилиш даражасига чиқди.

Шахсан мен буни Мустақил Ўзбекистон учун жон берган аждодларимиз хотирасига ҳурматсизлик ва мустақиллигимизга таҳдид деб ҳисоблайман.

Йилдан-йилга авж олаётган бу трендга жим қараб туриб бўлмайди.

Саволлар оддий: Бу рухсат берилган оммавий тадбир эдими? Ким рухсат берган? Агар рухсат берилмаган бўлса, рухсат берилмаган оммавий тадбир учун қонунчиликда белгиланган тартибда чора кўриладими? Умуман, одатга айланиб бораётган бу ишларга қачон барҳам берилади?

Буткул шахсий фикрларим.

Менга Ҳосила Раҳимованинг "Хотира хиёбони" қўшиғи ёқади. Шу қўшиқнинг бошидаги сўзларга ва қўшиқ матнига эътибор бериб тингланг. Ўзбекистонда 9 май ҳурлик ва хотира куни. Айнан шундай!

@shahnozxon

Tushlik payti choy va qahvaxo'rlikka borib kelinglar, yana asal va mevalar yarmarkasi ham bo'larkan. Tadbir 22:00 gacha davom etarkan.

Vaqtincha to’xtatilibdi. Sababi ma’lum emas menga. Toshkent shahar hokimligi izoh berishi lozim.

UPD: Festival "Moviy gumbazlar" alleyasida davom etayapti. - Toshkent shahar hokimligi matbuot xizmati.

Юрий Дудьнинг Молдова президенти Майя Санду - билан hard talk суҳбатини 3 кундан бери бўлиб-бўлиб тингладим.

Эсимда қолганлари билан шунчаки бўлишмоқчиман.

У ўзининг 2 хонали квартирасида яшайди. Кўп қаватли уйда. Резиденцияда яшаш давлатга қўшимча харажат бўлгани учун ундан фойдаланишдан воз кечган.

Россия Украинага уруш очгач, миллионлаб украинлар Молдовани кесиб ўтган, бу 2 млн 600 минг аҳолиси бўлган кичик мамлакат учун катта юклама, шундай бўлса-да молдованлар уйларидан қўшни халққа жой берган, таомини баҳам кўрган. Украиналик қочоқлар президент резиденциясида ҳам яшаган. Ҳозирда 100 минг қочоқ Молдовада қолган. Дудь видеоси тагида қолдирилган ўн минглаб изоҳлар айнан украинларнинг молдованликлардан жуда миннатдорлиги ҳақида.

Майя Санду мобил телефон ишлатади, аммо телеграм ишлатмайди. Нонуштани ўзи тайёрлайди, тушликни онаси президентурага олиб келади. Кунига 12-15 км пиёда юради, хайкинг билан шуғулланади.
Жаҳон Банкида ишлаганида ойлиги 10 минг доллар бўлган, сайлов кампаниясини шу жамғармаси асосида ўтказган, ҳозир президент сифатида 850 евро олади. Молдованларнинг кўпчилигининг ойлиги шундай паст.

Молдова ўз ЯИМининг 0.5 фоизини давлат мудофаасига инвестиция қиляпти. Россия пропагандаси фикрича, Молдова ўзини нейтрал давлат деб эълон қилган, унда мудофаа бўлмаслиги керак. Санду эса айнан нейтрал давлат деб эълон қилгани учун ҳам хавфсизлик муҳим деб ҳисоблайди. Россия агрессияси туфайли Молдова армия, мудофаа тизимига кўпроқ сармоя киритишга мажбур бўляпти.

Путин ҳақидаги фикри: у Украинага урушни бошлади ва тугата оладиган ҳам ўзи. Лекин у буни истамаяпти.

Майя сайлов пайтида президентура биносидан панжара-тўсиқларни олиб ташлашни ваъда қилган, ҳозир бинога эшикларни очиб қўйиш билан чекланган. Ҳамма кириш имкониятига эга.

Сайловда 3 та катта дастурини эълон қилган: Европа иттифоқига қўшилиш, кучли адлия тизими ва коррупцияга қарши курашиш. Бу йўналишларда унинг жамоасига кўп танқидлар бор.
Санду ўз жамоаси йўл қўйган хато сифатида “юстицияда реформа ўтказишга бунчалик катта тўсқинликларни кутмагандик”, деди.

Молдова Европа иттифоқига яқинлашяпти, октябрда ЕИга қўшилиш бўйича референдум бўлади, худди шу куни президентлик сайлови ҳам бўлади. Юрий Дудь бу қарор айёрона пиар ёндашув эмасми, деган савол берди. Майя Санду “молдованлар ақлли халқ, уларда бошқа номзодларга овоз бериш танлови ҳам бўлади. Евроинтеграцияни қўлловчи ва унга қарши номзодлар ҳам бор. Халқимиз нима хоҳлашини сўраймиз” деди.

Умуман, Юрий Дудь суҳбатда президентга ноқулай, муҳим саволлар берган. Айниқса, цензура, судсиз ОАВ каналлари ёпилгани ҳақидаги савол-жавоб жуда стрессда кечган. Энг зўр саволи эса “демократияни антидемократик йўл билан ҳимоя қилиш мумкинми?

Санду кўп жойда туриб бера олган, жавоблари баъзан асосли, баъзан расмий, баъзан эса жавобдан қочиш стилида бўлса ҳам, томошабин охирида Молдова президенти ҳақида ижобий фикрда қолади.

Сиёсат ва журналистикага қизиқувчиларга #mustwatch интервью.

Майя молодец. Гарчи ўзини либерал сиёсатчи деб кўрсатиб, аммо айрим қадамлари бунга тескари экани кўриниб турса-да, мен учун, Майя молодец.

Дудь эса ҳар доимгидек молодец.

https://youtu.be/cb35OPC9HFI

Хатоларимиз ва ютуқларимиз, муаммоларимиз ва бахтларимиз устига қурилган энг катта мактаб — Оила.

Бугун, 15 май - Халқаро оила куни.

Оилангиз доим тинч бўлсин, бахтлар тилайман!

“11 метрдан уролмаганидан кейин 3 кун ухламай чиқдим. Ўрнида ўзим бўлсайдим”

Бугун Шавкат Мирзиёев киночилар билан учрашувда футболимиздаги ютуқларни ва жамоамизга озгина омад етишмаганини эслади.

@qurbonova_a

Гавҳар Зокирова жадид Абдулла Авлонийнинг эвараси экан. Жуда катта тарихни ҳикоя қилиб беришяпти.

Республика маънавият ва маърифат марказининг “Жадидлар” спектаклидаман.