久違嘅信件，近日終於收到啦😍

不過，仍然未見到提及大家寫畀佢嘅書信，有啲擔心唔知係咪畀人另外處理咗添😔

但放心我地之前已經將大家每一封嘅信都留咗底，所以即使佢真係收唔到，我地都一定會迫佢返香港之後，好好回信畀每一位！！！

但即使扣起咗都好，希望大家要記得過往喺鹽田看守所，抑或其他維權律師被囚禁期間，正正就係因為外間嘅人仍然十分關注、記掛佢地，令到相關部門受到壓力，從而令相關部門唔能夠為非作歹、隻手遮天。

最後，亦感謝大家對棨然嘅關心、支持🥰

好多謝大家為棨然所送上嘅字句、畫作、相片、詩句等等。大家嘅書信，更加成為我地一家每當最傷心、最掛念棨然時候嘅安慰，因為知道唔單只有屋企人等緊，原來仲有無數嘅香港人，不論身在何處仍然同我哋一樣，滿心期待棨然歸來之日😭😭😭多謝大家！

P.S 對上一次收到大家嘅信
媽:嘩！乜又有咁大堆信嫁😲大家真係好利害，真係有好多人關心棨然😭（佢由心笑岀嚟，好開心！）

#yanbrother #bringthemallback #save12hkyouths #我們不只一個數字 #喬映瑜 #鄧棨然 #saamlapsing #尖沙咀郵箱98697號 #12港人關注組

Yan's Lego Brother