#東區裁判法院第四庭
#王證瑜裁判官 #審訊 [1/1]
👵王婆婆(64) #0122高等法院

控罪：普通襲擊
違反香港法例第212章《侵害人身罪條例》第40條。控罪詳情指王婆婆於2019年1月22日，在高等法院大樓地下大堂襲擊女保安胡婉鴻。

--------------------------
🟡話說王婆婆十幾日前被一隻藍絲追住致血壓飆升，之後被送往瑪麗醫院接受治療。醫療報告指王婆婆有Hypertension症狀 (高血壓？)，希望發言時可以坐低 。

王婆婆稱會維持一貫公民抗命作風，唔答辯、唔自辯、唔求情、唔盤問證人，儘量保持緘默，希望法庭容許。

👨‍⚖️王官：保持緘默就唔需要法庭容許嘅，呢個係你嘅權力，無問題嘅，但控方就會繼續舉證……你選擇保持緘默就…保持緘默啦。另外法庭亦會批准你嘅申請，俾你係聆訊嘅時候坐低。

王婆婆稱「𥅈(laap3)過d文件但未睇哂。」王官聞言指被告需要在開審前了解控方指控及證據，法庭責任只是確保有時間同機會俾你了解控方證據同開審，當然你可以唔睇喇，呢個就係被告取態，法庭無其他嘢可以做。由上次聆訊起計已經超過1個半月，控罪是普通襲擊，案情簡單亦不涉及複雜文件，客觀上有足夠時間參閱所有文件。

王婆婆希望法庭成立獨立調查委員會，調查高等法院保安是否與警方勾結……王官指今日的刑事案件聆訊只處理被告是否曾作出控方指稱的行為，其他嘢請你透過其他渠道處理。

🟢 休庭，因王婆婆表示精神唔好，睇一兩頁就覺得攰。王官安排聽取答辯前由傳譯員讀文件俾王婆婆聽……